عنوان الموضوع : ماغلطوا م قالوا عنا - هند الخليج - عطالين وغيرنا بياخد خيرنا ! للنقاش
مقدم من طرف منتديات الشامل

السلااام عليكم
وانت تمشي بمستشفى م مستشفيات البحرين او اي دوله خليجيه اخرى بتحس روحك !
كنك باي دوله الا الدوله نفسها وماابالغ لقلت انه نسبة الاجانب فوق ال 80%
وللاسف ذا الحال وبكل القطاعات والمجالات حتى بالشارع والمحلات التجاريه !
وبدول خليجيه معينه يتم التعاقد مع الالاف وبصوره دوريه وشهريه في الوقت اللي بدا ..
فيه الحديث وبقوه ع ازمة بطاله خاصه بدولتي المملكه العربيه السعوديه ولكويت !
_______
شلون يتم جلب هالاجانب وعندنا ظاهرة بدت تنهش فيناا اسمها البطاله !
...
هل هالسياسه بتعني عدم الثقه باطاراتنا وبجامعاتناا ... بعيالنا !!
اشحقه ندرس ونتعب م الاساس واشحقه هالجامعات وهالمصاريف م الاساس !
...
ليش مايشتغل المواطن ف بعض الاعمال ويترفع ويتكبر ع !! ويفضل انه يظل عطال
ياكثر مااسمعهم يقولون (انا بشتغل كذا ! لايكون ع بالك هندي !! )
...
ولو تنازل المواطن ورضى بحيالله شغل بيرفضونه ويفضلون الوافد عليه ! ليش !
.
.

طارق العنزي

>>>>> ردود الأعضـــــــــــــــــــاء على الموضوع <<<<<
==================================

ارى أن كثرة المال هي السبب ..يعني دخل المواطن الخليجي من إيرادات البترول تكفيه هادا إذا كان بياخد نصيبه

لو نظرت لأهل الخليج قبل البترول ؟؟ كيف كانوا؟؟ ــــــــــــــــــــــــــــــــــــــــــــــــــ ــ طبعا ابتعرف ..

المقصد من الصعب ان ينطلقوا الى التكنولوجيا والحضارة على صاروخ أرض جو مثلا ...بالتالى من الطبيعي يحتاجوا

خبرات أجنبية عربية وغير عربية ....لكن هم للاسف لم يتعلموا ولم يعلموا كوادرهم وهنا اصبح من الصعب

الإستغناء عن الاجانب ...ناهيك عن فتنة المال ..والغرور والتكبر ...الا من رحم ربي طبعا ..

ملاحظة اخي ...الخير خير ربنا ..

وشكرا

__________________________________________________ __________
المشاركة الأصلية كتبت بواسطة فلسطينيةالهوية
ارى أن كثرة المال هي السبب ..يعني دخل المواطن الخليجي من إيرادات البترول تكفيه هادا إذا كان بياخد نصيبه

لو نظرت لأهل الخليج قبل البترول ؟؟ كيف كانوا؟؟ ــــــــــــــــــــــــــــــــــــــــــــــــــ ــ طبعا ابتعرف ..

المقصد من الصعب ان ينطلقوا الى التكنولوجيا والحضارة على صاروخ أرض جو مثلا ...بالتالى من الطبيعي يحتاجوا

خبرات أجنبية عربية وغير عربية ....لكن هم للاسف لم يتعلموا ولم يعلموا كوادرهم وهنا اصبح من الصعب

الإستغناء عن الاجانب ...ناهيك عن فتنة المال ..والغرور والتكبر ...الا من رحم ربي طبعا ..

ملاحظة اخي ...الخير خير ربنا ..

وشكرا

لا وغلاتج عندنا اطارات بس للاسف مهمشينهم وحاطينهم ع جنب
والا كان عذرناهم وقلنا الله يعينهم ع تخلفناا وجهلناا
يسلمو ع المرور الكريم خيتو

__________________________________________________ __________


الشاب من الممكن أن يعمل حلاق وكهربائي وميكانيكي سيارات
ومو عيب هالشيء ..
لكن عندما تكون هناك رواتب مجزية و أقتلاع لـ الأجانب لخارج المملكة
يحق لنا أن نقول أنه يجب على الشاب العمل بهاذه الأعمال
العمالة الأجنبية تكفيهم بالشهر 1000 ريال وهي كفيلة ببناء منازل لهم ببلدانهم
لكن الخليجي يتطلب له مبلغ عالي .. لكي يستطيع العيش !!


تحيه

__________________________________________________ __________
مشكله حنا عندن عادات موحلووه زي الشاب مستحيل ومليوون مستحيل بعد
يشتغل حلاق ف سوبر ومن هالشغل
تعودو من زمااااان زمااان كثثير ان الشغل ذاا موب للنا للاجانب الهنود وغيرهم
يعني الحين مستحيل يتغير المجتمع
المواطن الخليجي م يرضى براتب قليل ي من البدايه حلو ي لا
طيب ليش م تصبر حتى ترتقي ف عملك يرتفع راتبك
لو وافق المجتمع يشتغلون هالشغل م راح نحتاج للهنود وغيرهم
راح نخدم بلدنا بنفسهم
بس شبابنا عندهم ترفع يعتبرون الشغل ذا وانا اسميه شغل الهنود
موب من مقامهم
الدوله والكل مضطر للهنود ويعتبرون شي اساسي ف الدوله للاسف
وانا م اقتنع للي يقول م في وظائف لافيه وكثيره بعد
بس الشباب يبون الوظيفه تجي لعندهم م يبون يتعبون ويدورن


موضوع رااائع
الله يعيطك العافيه
ودي

__________________________________________________ __________
ولو تنازل المواطن ورضى بحيالله شغل بيرفضونه ويفضلون الوافد عليه ! ليش !

وياكثرهم اللي ينطردون مثل الكلاب غير الإهانات والتجريح ويفضلون الوافدين عليهم
لأأنهم بيقللون من شأن شبابنا ويكسرون ظهورهم وفي الأخير يلجأون من شدة الفقر
إلى المخدرات والبيع في الحرام مانقول غير الله ع الظالم

عواااافي أخوي ربي يسعدك ويحفظك من كل شر

ننتظر جديدك

دمت بخير

والله يااخوي طارق الاسباب كثيره جدا

اولا من ابناء البلد نفسهم يجيك الولد يقول انا ماادرس واتعب واجيب ذيك النسبه وذاك المعدل وبعدين اشتغل اي وظيفه

يعني لو ماتكون في مكتب مرموق وهو الي يامر وينهى والا مايبي بصراحه اهم شي عنده راحته

ثانيا لو وافق الولد وكان تفكيره شوي واعي يجي هنا دور الاهل في التهبيط وتكسير المجاديف

يقولون احنا ولدنا يشتغل سباك او كهربائي او ميكانيكي او اقل من كذا في الاعمال اجل وش بقينا للهنود والبنقاله

ولو الاهل وافقوا يجيك المجتمع من اصحاب وجيران لو ماتكلم وعلق تعليق سخيف تشوف منهم نظرات الاحتقار

ليش يعني والله انا اشوف ان المهن اليدويه تجيب دخل افضل واحسن من الي جالس على مكتب وقدامه مكيف

اعرف ناس ميكانيكيين وبعضهم فاتحين محل خضروات عندهم افخم السيارات وبيوت ملك وقريب زواجهم من اكبر العوائل وكله من محل الخضروات الي عمره ماستحى منه

بينما الموظف ديون عليه ياكثرها وسياره بالاقساط لاوموديلها قديم وموقادر يتزوج

وبصراحه يااخوي احنا الخليج ولله الحمد ربي منعم عليه بنعم كثيره

ومنها الرفاهيه وكثرة المال والخيرات والثروات وحكوماتنا ماهي مقصره علىشعوبها

عشان كذا الشعب تعود على الترف والدلال والجيل الجديد جيل نعمه ودلع

لكن شوف جيل ابوي وابوك والي قبلهم تلقاهم نحتوا في الصخر عشان يلقون لقمة العيش

ويلبون ابسط حقوق الحياة لهم من مسكن واكل وشرب ولبس

وكانوا مايستحون من اي عمل دام انه شريف ورزقه حلال يشتغلون فيه لدرجة انهم كانوا يشتغلون حماليه وسقا

طبعا غير ان شباب وبنات البلد مايرضون براتب قليل

وغير كذا عدد ساعات في العمل تكون محدده وماتزيد ولو زادت ترك العمل

لكن تعال شوف الهندي ممكن انه يشتغل بنصف راتب المواطن وعدد ساعات اكثر لانه ذاق طعم الحاجه والجوع

فيرضى باي شي

عفوا اخوي اسفه طولت في ردي

بس موضوعك جدا حساس ويلمس فئه كبيره من المجتمع دائما تطلق على نفسها اسم المظلومين من المجتمع

مع ان السبب واللوم الاكبر عليهم

تسلم اخوي على طرحك الراقي دوما والمميز

واعتذر على تقصيري

كما اعتذر لانقطاعي الفتره الجايه عن المنتدى بسبب سفري

الله يوفقك وين ماتكون