عنوان الموضوع : بناتنا بيضيعون وببلاش غبيات او الزمن ردي
مقدم من طرف منتديات الشامل

السلااااام عليكم
فتاة تتعرض للابتزار م طرف شاب جمعتها به علاقه لخمس سنواااات !!
شاب يتعرض للاعتداء بعد عرض صور حبيبته ع شقيقها بالخطا !
تم العثور ع رضيع مقتول باحد مداخل احدى المستشفيات !
تم العثور ع الفتاة التي ابلغ ع اختفاءها باحد الشقق برفقة شاب !!
وتم وتم .............. وتم
______
كل يوم حتى مابقول كل شوي بنقرا ونسمع هالاخبار وكل يوم نعيد نفس العبارات
لاحول ولاقوه الا بالله والله يستر ع بناتناا والله يهدي شبابنا الخ الخ
بس محد منا سال نفسه ع السبب ع اللي وصل بناتنا اللي المفروض انهن بنات
ناس ومتربيات ويعرفون العيب والغلط والحرام لهالحاله
والاهم انهن مثقفات وشايفات وواعيات يعني مو مغلوق عليهن ومايدرون ع اللي
قاعد يصير م اشباه الرجال اشباه البشر
___
سؤالي وببساطه ليش يسوون ف اعمارهن جذيه ! ياترا غباء او بايعينهاا !
.
وين الام معقوله مافيها تكلم بنتهاا وتقعد وياها وتوعيهاا !!
.
وين الام معقوله ماتدري ع بنتهاا خير شر! معقوله ماحست بانهاا بتضيع !
.
منو المسؤول بنحاسب منو! البنت او اهلهاا او المجتمع ككل !!
.
شنسوي عشان نحمي بناتناا وخواتناا !!
.
.
.
اخوكم طارق العنزي

>>>>> ردود الأعضـــــــــــــــــــاء على الموضوع <<<<<
==================================

سؤالي وببساطه ليش يسوون ف اعمارهن جذيه ! ياترا غباء او بايعينهاا !

غبــــاء أكيد مستحيل وحده تضيع نفسها بالسهوله وترضى بهالشي سميها غباء او سذاجه

وين الام معقوله مافيها تكلم بنتهاا وتقعد وياها وتوعيهاا !!

بعض الامهات ثقــــه ببنتها وماتتوقع ليما يطيح الفاس بالراس وبعض الامهات ع نيتها او كبيره في السن وماجا ع بالها هالشي واثقين ببنتهم وبعضهم تربي وتتعب لكن الصداقه بهالزمن مافي الصــاحب ســـاحب يعني اهي ع حسب مو كل الامهات نفس بعض كمان فيهم الي موظفه وماتهتم لهالشي وموفره لها كل شي بنيه بقدم لها وسائل الترفيه وبدون حسيــب ولا رقيب الله يسترنا يارب

منو المسؤول بنحاسب منو! البنت او اهلهاا او المجتمع ككل !!

المحاسب والمسؤل الاول والاخير الاهل واهي كمان مسؤله عن نفسها اذا كانت واعيه في بعضهم تكون مراهقه وتقول بجرب مابيضر مستحيل اغلط هذي بيكون المحاسب اهلها والمجتمع التوعيه مطلوبه والعقاب رادع لازم
لكن دوم البنت اهي الي تتضرر واهو يطلع منها مثل الشعره من العجين كأن ماسوى شي

شنسوي عشان نحمي بناتناا وخواتناا !!

التثقيف من المجتمع والمراقبه الكامله مع عدم إفقادها الثقه

الله يعطيك العافيه ع الموضوع الرائع فعلاً يستحق النقاش
والله يهدي الشباب والبنات ويستر علينا دنيــا واخره

سلمت ودي

__________________________________________________ __________
سؤالي وببساطه ليش يسوون ف اعمارهن جذيه ! ياترا غباء او بايعينهاا !

والله
ياخوي مو غبيات .. الحين فيه بنات يبتزون الرجال
بس قلة الوازع الديني وعدم مبالات .. لفعلها أشياء ماتتوقع راح توديها في خبر كان
وتضيع حياتها .. رغم انا في مجتمع زله للأنثى .. ولو بسيطه ومهما عقلت وتابت
ماحد يسامحها وتعيش تعيسه


وين الام معقوله مافيها تكلم بنتهاا وتقعد وياها وتوعيهاا !!

بنسبه للأم لها الدور الكبير بس للأسف الحين أغلب الأمهات مهملات ومافيه تواصل
ومافيه ترابط بينها وبين بنتها
وفيه أمهات وأباء الله يسامحهم يوفرون للبنات كل شيء بدون رقابه وحرص
بنت أختي اولى متوسط .. يعني عمرها 14 سنه
تعرف بنت في المدرسه
لستة الـ بي بي .. تدري كم شخص 4000 الاف .. تتوقع العدد الهائل هذا يرسل المفيد !!!
لا أكيد بلاوي هذا اذا ماتساهلت وتكلمت معا اي شخص متساهله
ومن الممكن إنجرافها وراه .. ولأهل .. غاافلين عنها

منو المسؤول بنحاسب منو! البنت او اهلهاا او المجتمع ككل !!

أكيد البنت هي المسئوله
مهما كاان .. الحين مافيه حد جااهل .. ومهما كانت التربيه وحرص الأهل
البنت اذا بغت شيء توصله
وتعرف مصلحتها ويين !!! هذاك أول الجاهلات والي ينلعب عليهم ... الحين قليييل


شنسوي عشان نحمي بناتناا وخواتناا !!

والله انا من المحيطين حولي بنت أختي ساكنه عند أهلي وأمها مسافره
من قبل سفر أمها .. قدرت اتقرب منها .. واخليها تقولي اي شيء يخصها وصرت الصديقه المقربه لها
بكذا أمها سافرت مرتاحه
وهذا الأسلوب الي راح أتبعه معا بنتي بأذن الله
وماافيه روحه لأي مكان الا انا معها .. حتى لو أثق فيها
الدنيا صارت تخوف
الله يستر على بناتنا وبنات المسلمين
ياارب

شاكره لك أخي على هيك طرح
يفيد من هم متساهلون بعض الشيء
معا من يحتاجون قربهم وإهتمامهم

تقبل مروري

__________________________________________________ __________
من وجهة نظري وبأختصار الفراغ اللي بيعيشوه البنات ويجي واحد ويمليه لها تحبه من قلب وتغمض عينها وتمشي ورااه ..
الموضوع لا غباء ولا هباله هيا ثقه عمياء يستغلها الشاب لو كان ضعيف نفس ...
يعطيك العافيه اخوي ...

__________________________________________________ __________
والله ياولد الويلان الامر فعلاً محير

فالمتتبع لما يطرحه الاعلام ليلاً ونهاراً يلاحظ تفشي هذا الامر ويستغرب بما ان الامر اصبح واضح للجميع
لماذا لاتتم الاستفادة من تلك القصص المهوله التي تتعرض لها الفتيات من الابتزاز وخلافه

فالعاقل من اتعض بغيره
انا اعتقد ان الغباء ليس له دخل بالموضوع فيوجد الكثيرات ممن يتكرر منهن الامر
ربما التفكك الاسري له الدور الاكبر في هذه الظاهره وكذلك ضعف الوازع الديني لدى الرجل والمرأه
ولا انسى مساحة الحرية التي بدأت تعطيها بعض الاسر لبناتها دون تقنين لهذه الحرية

كذلك وجود هذا الكم الهائل من القنوات الفضائية وانتشار كافة وسائل الاتصال من النت والهواتف المحمولة
فاصبح لدينا مقلدون لكل شيء حتى لو كان خاطيء من باب اثبات الوجود دون النظر لعواقب هذا الامر

الموضوع ذو شجون ويطول مناقشته والاسباب عديدة

تحياتي

__________________________________________________ __________

جد جد موضوع يستحق النقااش
فعلا وين عقوولهم ؟؟ على مايسمعوون من قصص حوداث
الا انهم ماشيين وهم مغمضين!!


تسلم اخوي ع الطررح ودي


بصراحه صادق يا اكووووس
الزواج هوا السبب
لما نأخر الزواج لين متى هذا الفكر
روح شوف ايام زمان
وشوف ايام هذا الزمان
الام او الاب
يعتقدون ان من وصل عمره18 او 16 لم يبلغ سن الرجوله
او مازال صغير
هذا فكر خاطئ
ربي يعطيك العافيه على الموضوع^_^