عنوان الموضوع : رفقاً بالقوارير للنقاش
مقدم من طرف منتديات الشامل

السلام عليكم ورحمه الله وبركاته


اخباركم ان شاء الله تمام

انا ما جبت هذا الموضوع الا بعد استشارة بعض اعضاء المنتدى

لاني كنت متردده بالمره ....

فياليت كل واحد دخل يقراه ومو شرط يرد


في يوم الاحد بتاريخ 26/10/1429 هــ ،صادفت وحده من صديقاتي اللي معاي بالعمل ودار بينا هذا الحوار




انا : خير وش فيك وجهك متغير

البنت: سلامتك بس امي خرجت من الصباح ولمن الحين ما رجعت ""كانت الساعه حوالي 1 بعد الظهر"" وكمان ما أخذت جوالها

انا : وليش طلعت بالاساس؟؟

البنت : عصبت وطلع ظغطها من اخوي فخرجت

انا : طيب وين ابوكي ليه ما منعها؟؟

البنت : ابوي وينه اصلا ابوي وهو مرمي بالسرير ولا يدري عن شئ...

انا : ليش هو مريض؟؟

البنت : ايـــــــه

انا : الله يشفيه ويشفي كل مألوم..

طيب امك ما تدري ان اللي تسويه غلط

البنت : مدري عنها

انا : هي ما درست حتى لو شئ بسيط عن التربيه الصحيحه او حتى انتي ما علمتيها ما دام انك متثقفه وعارفه بالصح؟؟

البنت : الا درست بس مدري وش من علم تعلمت ... وانا كم مره قلت لها وهي ماتبي تسمع مني وتقول لي ما باقي الا انتي تعلميني

انا: طيب اخوك ليش يزعلها ما دام انه يدري انها ما تعرف الصح

البنت : ماهو اساس البلا اللي بالبيت

انا : ياساتر

البنت : والله عنجد ما اكذب عليك

انا : يوه علميني عنه وش يسوي ؟؟؟

البنت : انتي تدرين انه مره طيح علي الزجاج وجاء كله علي بس الحمدلله ما صارت لي جروح كبيره غير اللي برجلي

انا : بالله وش هذا وحش ماظني انسان .. :eeek:

البنت : انتي ما شفتي شئ هذا ابسط الاشياء

انا : عاد في اكثر من كذا !!!

البنت : انتي تدرين انه اليوم كان بيموتني

انا : وه !!! ليش ؟؟

البنت : كان نايم بغرفتنا قلت له : ممكن تروح غرفتك
قال : لا مانا رايح
قلت : خلاص طيب بس قوم من فوق سريري
قال : برضه ما نا قايم..... رحت وسحبت عليه البطانيه
الا ما يقوم ويرفسني كاني مو باخته .. .. ويمسكني برقبتي وان خلاص شفت الموت وبعدين رماني وراح ينام ولا كانه سوى شئ وانا جالسه ابكي بروحي >>>>> تكلمني وعيونها تدمع:18: ، ونبرة صوتها متغيره

انا : طيب حتى لو ابوكي مريض اشتكي له خبريه اقل شئ ..

البنت : اصلا احنا يالبناااات مظلومات من قبل اخوي يعني من ابوي وخاصاة انا

وانا احمل ابوي السبب لانه هو اللي علم اخوي العنف علينا

انا : لا حولة ولا قوة الا بالله

ماعندك اخوال اعمام تشكين لهم

البنت : عندي وكلمتهم وجوابهم ما يتغير انتو اهل حلو مشاكلكم بنفسكم

والله نفسي احد يفهمني وطلع كل اللي بقلبي عشان ارتاح حتى لو شوي

تعبت وانا اخبي جوات قلبي انا اتحمل ايش ولا ايش..

انا : لا تخافين معك رب العالمين وشكي همك اولا واخيرا له

طيب وين امك عنك

البنت :انا اقول لك هي تطلع من البيت لو احد ضايقها اوزعلها

لسى بجئ واقول لها تعالي دافعي عني او تعالي اشتكي همي لك

انا : ايـــه ليش لا ؟!

البنت :هي اهم شئ عندها انه لمن يتعدى علي اخوي او اي احد من اخواني ما اصرخ ويسمع الجيران صوتتي ...

انا :ان شاء الله ما يجئ يوم الا وربي يفرجها

البنت : تصدقي انا كل يوم ادعي على اخوي بالموت

انا : لا مايصير ادعي له بالهدايه والصلاح

البنت : انا ابغاه يموت قبل ما يموتني

انا : استهدي بالله وتاكدي انك مظلومه ولا ظالمه





للمعلوميه

البنت عمرها 22 سنه اكبر اخوانها وتخرجت من الثانويه العامه وعلى طول اشتغلت عشان اهلها

تخيلو انها ببداية شبابها وتعتبر المعين الوحيد للاسره وتعامل بهذ الطريقه


سؤالي للجميع .. وطلبي الاول

انا ما راح اقول ليش مجتمعنا السعودي او غير سعودي انا اقول ليش مجتمعنا العربي بشكل عااااام

ما يرلاحمنا وليش مالنا حقوق زي الرجل؟؟


لا تنسو وش قال حبيبنا المصطفى عليه الصلاة والسلام ""رفقا بالقوارير""

اظن هذا تشبيه كافي للمراه

طلبي الثاني:

كل واحد دخل وقرا الموضوع

ياليت ياليت يدعي لهذي البنت ويدعي لاخوها واهلها بالهداية والصلاح

ويعطينا حل لمشكلتها او رأي


وجزاكم الله الف خير


>>>>> ردود الأعضـــــــــــــــــــاء على الموضوع <<<<<
==================================

السلام عليكم ورحمة الله وبركاته

الله يكون بعونها يارب ويصبرها على اللي هي فيه ويشفي ابوها ويهدي امها واخوها ويجعلهم ذخر لها يارب

بالنسبة لسؤالك مااقدر اقول شي بس راجعي التاريخ تحصلين المراة مضطهدة ولا لها حقوق واغلب الناس تفكيرهم عن المراة تفكير واطي وان ربي ماخلقها الا عشان الشي هذا....ويتحججون بالاية الكريمة قال تعالى((ان كيدهن عظيم))عشان كذا ماخذين فكرة ان المراة اذا مامشيتها على الصراط تلعب بذيلها وهذا للاسف التفكير السائد عندنا يالعرب


والحل ياطويلة العمر مع اخوها خاصة تحاول تخليه يحس انه هو رب الاسرة لان ابوها مريض ولو مثلا ضربها خليها تتحمل ومثلا تبوس راسة وتعتذر منه حتى لو كان هو الغلطان واخر الشهر مثلا تعطيه جزء من الراتب

شهرين -اربع شهور اتوقع تتغير حالتهم من افضل لافضل يارب

والله يكون بعونها ان شاء الله

اسف طولت عليك بكلامي

تقبلي مروري ........ ولي عودة

__________________________________________________ __________

المرآهـ عندنا معززهـ مكرمهـ لهـا حقوق ولهـا واجبات ولهـا احترامهـا وتقديرهـا,,,

وتصرف هـذا الشاب لا يمثـل الشعب العربي عامة أو الشعب السعودي خاصـة,,,

والجنهـ تحت أقدام الأمهات,,,

واللهـ يهديه ويصلح أحوالهم,,,ولا يبتلينـا,,,

أرق التحايا لكـ

خـالـد

__________________________________________________ __________
لا حولا ولاقوة الابالله

والله كثير اسمع بهذي الحالات بس مثل هذي الوحشيه لا

الله يفرجله من عنده

ويصلح اخوه ويهديه

ويرزقها الزوج الصالح اللي تتمناه يارب

تقبلي مروي

__________________________________________________ __________
المشاركة الأصلية كتبت بواسطة هـــو و و مـــي
السلام عليكم ورحمة الله وبركاته

الله يكون بعونها يارب ويصبرها على اللي هي فيه ويشفي ابوها ويهدي امها واخوها ويجعلهم ذخر لها يارب

بالنسبة لسؤالك مااقدر اقول شي بس راجعي التاريخ تحصلين المراة مضطهدة ولا لها حقوق واغلب الناس تفكيرهم عن المراة تفكير واطي وان ربي ماخلقها الا عشان الشي هذا....ويتحججون بالاية الكريمة قال تعالى((ان كيدهن عظيم))عشان كذا ماخذين فكرة ان المراة اذا مامشيتها على الصراط تلعب بذيلها وهذا للاسف التفكير السائد عندنا يالعرب


والحل ياطويلة العمر مع اخوها خاصة تحاول تخليه يحس انه هو رب الاسرة لان ابوها مريض ولو مثلا ضربها خليها تتحمل ومثلا تبوس راسة وتعتذر منه حتى لو كان هو الغلطان واخر الشهر مثلا تعطيه جزء من الراتب

شهرين -اربع شهور اتوقع تتغير حالتهم من افضل لافضل يارب

والله يكون بعونها ان شاء الله

اسف طولت عليك بكلامي

تقبلي مروري ........ ولي عودة


مشكور اخوي

بس عندي اضافه لو سمحت لي فيها

انت تقول لو نرجع لتاريخ نرى ان المراة مضطهده ......

طيب انا معاك بهذي النقطه ..لكن جاء الاسلام واعطاها كل حقوقها ليش بعض الناس ما يمشون على الاسلام

**************************


اما بالنسبه لحل مشكلتها مع اخوها انا قلت لها خاويه صادقيه يمكن يتغير


تدري وش قالت ::انا جربت هالطريقه لمدة شهر بكل اسف ردو علي بالاسوى وحسبو انه انا لمن كنت خاضعه راسي لهم اني مسويه شئ غلط وصار يزيدون علي الهموم والمشاكل ..


بس اكيد اخوي هــوو ومي مافيها شئ لو جربتها مره وثنين وثلاثه ،، وهذي النصيحه لازم تاخذ بعين الاعتبار


ويعطيك الله الف عافيه

__________________________________________________ __________
المشاركة الأصلية كتبت بواسطة خـــــــــــــالـــد
المرآهـ عندنا معززهـ مكرمهـ لهـا حقوق ولهـا واجبات ولهـا احترامهـا وتقديرهـا,,,

وتصرف هـذا الشاب لا يمثـل الشعب العربي عامة أو الشعب السعودي خاصـة,,,

والجنهـ تحت أقدام الأمهات,,,

واللهـ يهديه ويصلح أحوالهم,,,ولا يبتلينـا,,,

أرق التحايا لكـ

خـالـد


يسلمووووووووووووووو اخوي على مرورك واعطأنا رايك


والمرآه معززه بكل مكان بس بعض الناس ماتعرف هالشئ مدري هو جهل منها او لا ،،


وشئ اكيد انه هذا الشاب مايمثل لا شعبه السعودي ولا حتى الشعب العربي

،،لكن لا تنسى هو جزء من هالمجتمع العربي

هذه الحاله لاتمثل المجتمع لعربي

فهناك كثير من الناس تغير تفكيرهم ومعاملتهم للفتيات

وعدم انتقاص حقوقهم لان الفتاة ليست ناقصه عن الرجل

وهذا ماوعاه الكثير من الناس

ولكن في المقابل تجاهله اخرون

ولا يسعني في النهايه

الا الدعاء لاخيها بالصلاح

تحياتي لك

الاميره ساره