عنوان الموضوع : ما طاح الا أنبطح .. !! - نقاش حر
مقدم من طرف منتديات الشامل
آلسلآم عليكم
.
.
.
صبآآح / مسآآء الخير ,,
---
المشهد الأول :
س / وش رايك في غلاء الأسعار ؟!
ج / والله غلاء الأسعار سيء صراحه
------------
نآخذ مشهد ثاني :
س / مبرووك فوزكم اليوم بالمباراة , كيف كانت المباراه ؟!
ج / الله يبارك فيك , العيال ما قصروا حنا سجلنا وهم ما سجلوا عشان كذا فزنا
------------
نجي لمشهد ثالث :
س / ( موجه للاطفال ) / تحب ماما و بابا؟! وشرايكم انتو ؟!
ج / إيه احبهم مرره
لقاءات واستفتاءات تظهرنا دائما بمستوى ضحل متدني لا نملك أي ثقافه أو حتى اي لغه حوار من أي نوع
العديد من البرامج تتفن برسم صور غريبه مختلفه لجميع فئات الشعب مثل ( سؤال اليوم )
في الأخباريه وهو برنامج فكرته تعتمد على طرح سؤال يواكب الأحداث الإجتماعيه
يتم عمل اللقاءات في الأسواق والمولات الكبيره في اكثر من 8 مدن سعوديه
والمتابع لهذا البرنامج يذهل لشعب لا يستطيع آن يركب كلمتين على بعض آمام الكاميرا !!
بينما هو خلفها بلبل صداح لو نبيه يسكت ما سكت
نجي للمجال الرياضي :
لاعبين دوليين يمثلون منتخبنا في اكبر المحافل الدوليه ما يعرف يعبر عن فرحته عند الفوز أو إستيائه من الهزيمه !!!
أحسن ما فيهم انهم حافظين اللزمه اللي تقول ( آولا بسم الله الرحمن الرحيم )
وبعد كذا خذوا لكم من الكلام الغير مترابط << الله يحلل اللمبي عندهم
القناه الراعيه للمباراه تسافر وتتعب وترسل يغطون المباراه عن مدينه ثانيه
واستعدادات ضخمه وفي النهايه يجي المراسل مره مبسوط انه قابل انه قابل هالنجم وبيعمل معه حوار :
س / المباراه راح تبدا بعد لحظات , وش توقعاتك لها ؟!
ج / ( اللاعب يتمغط ويحك شعره ) / والله اعتقد اللي راح يسجل هو اللي راح يفوز مافيها كلام << إحلف قووه طيب
نجي لبرامج الاطفال :
السؤال الازلي الشهير الي عمره اربعميه مليون سنه
تحب بابا و ماما ؟!
وش رايك اجل يبغضهم ؟؟!
ياخي طور اسئلتك كمذيع وحاول تنمي لغه الحوار داخل ذهن الطفل
اللي انت قاعد تساله مو بس تساله سؤالين محنطين كتأديه واجب ومع السلامه
وإلا أكبر غلط لما يجي مذيع عمره 40 سنه وشنب ثقيل وآنواع ملامح المشبوهين
ويقعد يتصنع الحنان وهو يسأل الطفل
ياخي لا تتصنع الحنيه روعت البزر خخخخخ
برامج الاطفال ما ينفع لها الا البنات صراحه
على الاقل عاطفتها الجياشه تعطي مساحه صدق أكبر للبرنامج
البرامج السياحيه :
تصدقون سنه من السنوات كنت اتابع في قناه المجد تغطية فعاليات صيف القصيم السياحي
عاد تعالوا شوفوا خفة دم المذيعين المطاوعه يا حبي لهم
بنطلون اديداس ابو ثلاث خطوات وتي شيرت للركبه وكاب لوتو وتبدأ الأسئله :
س / شرايك في فعاليات صيف القصيم ؟!
ج / ما عليها بس الطايف اطلق
هههههههههههه
المذيع يبي يرقعها له بس ما عاد يمديه
قال له : الطايف آطلق على وزن جده غير << وش تحس فيه
ما آدري وين العله بالضبط
هل احملها وزاره المعارف ومناهجا الباليه التي تعتمد على الحفظ فقط بدون تحريك او اثاره اي مواهب لدى الطلبه ؟!
او ارمي اللائمه علينا احنا كشعب لا يقرا وما يحاول يثقف نفسه بنفسه ؟
تساؤلات تبحث عن إجاباتها
ولكن الأكيد ان البرامج الي من هالنوعيه ما افوتهاابداا
لانها افضل عندي من مسرحيه يحاول افرادها اضحاك المشاهدين بحركات تمثيليه
>>>>> ردود الأعضـــــــــــــــــــاء على الموضوع <<<<<
==================================
لاتعليق كفيتي ووفيتي...
__________________________________________________ __________
تسلمين على طرحك الراقي للموضوع
دمت بود
__________________________________________________ __________
يعطيك الف عافيه عالموضوع
__________________________________________________ __________
__________________________________________________ __________
يعطيكم العافيه على المرور
بس محد ناقش الموضوع
كلكم يعطيك العافيه تسلم يدك وبس ..
ابي ردووود حلووه
اختي سمادر
يعطيج العافيه حبيبتي نوف
فعلا كلامج صحيح
الله يعافيك قلبي
انا مره كنت اشوف برنامج حوار مع اطفال
مايعرفون ينطقون الكلمه-وخجل فظيع فيهم
وشفت نفس طريقه هالبرنامج بس مصري
جنه يقدمه احمد حلمي اذا ماخاب ظني
بس تعالي شوفي الحجي والطلاقه
والجرأه عند عيالهم-ماشاء الله
فعلا فرق؟؟؟؟؟؟
صراااحه مع احترامي للاخوان المصريين
المصريين يتكلمون بسرعه ويتكلمون كثييييير مررره
اتمنى محد يزعل من كلامي
واتوقع اسبابه التدريس-التربيه-وطبعا اشياء كثيره
مشكوره ع الموضوع المضحك المبكي
والله حتى انا اتوقع
ولووو العفو
ايه والله انه مضحك ومبكي خخخ
منوووره
رد مع اقتباس
