عنوان الموضوع : لو أنتو مكان هالانسانة شنو راح اتسوون - نقاش
مقدم من طرف منتديات الشامل

بغيت أسألكم في موضووع مهم حييل وأبيكم تقولون لي لو أنتو مكان هالانسانة شنو راح اتسوون .....!!!!



عندي صديقة عزيزة علي حيييل متزوجة سارلها ست سنين ، عايشة في بيت أهل زوجها
،و اللي عايشين بالبيت أهيا وزوجها وأمه وأخوه وزوجته , وهو عنده أربع خوات متزوجيين ، يجون لهم 3 أيام بالاسبوع ، دايما تشكيلي عن المشاكل اللي عايشة فيها ، وكل المشاكل بسبب الام و الخوات ، لدرجة أن صديقتي هذه تغيرت حييييييل صارت انسانة عصبية جدا جدا وتتنرفز بدون أي سبب(طبعا بس تعصب لما تطلع من البيت اللي عايشة فيه ، لكن لما تكون معاهم تكون من غير شخصية )

وطبعا العصبية هذه جابتها بسبب أهل زوجها هم بعد عصبيين حيل , ومتحكمين بحياتها بشكل فضيع ، لدرجه انها ما تقدر تطلع مع زوجها بروحهم من غير الام ،وما تشتري أغراض العيد لعيالها أو حتى أغراض المدرسة إلا طبعا برأي أم الزوج أو الخوات ، المشكلة الحين انها صارت موظفة وهي عندها خمس أطفال وزوجها بعد يشتغل و جابت خدامة عشان تقعد مع عيالها , طبعا مافي خدامة قادرة تستحمل ام زوجها ، واللي تكون زينة وتصبرعلى ام الزوج اهيا تطفشها وتتهاوش مع ولدها وتقوله يا أنا يا هالخدامه بالبيت، طبعا هذا شي بسيط من اللي أهيا تعانيه معاها ، كذا مرة قلت لها أنها تحاول تطلع من البيت وتسكن في شقة ، بس أم الزوج مو راضية ، وولدها ما يبي يزعل أمه ، والمسكينة دايما يتمصخرون عليها على أي شي تسوي وينزلون من مستواها ومن مستوى ذوقها بأي شي تشتريه ، بصراحة أنا لو مكانها ما راح أـستحمل كنت طلبت الطلاق يمكن من أول شهر ، وأهيا ما تبي زوجها يقاطع أهله ، خايفة أنها باجر إذا ماتت أمه زوجها يحاسبها أو يكرهها لأنها أهيا اللي خلته يقطعهم أو يكرههم .




ساعدوني وساعدوها عطوني حل يفيدها ، أنتو لو مكانها جان شنو سويتوا ؟؟؟؟


وشكرا.. ناطرة ردودكم ....



:19:


>>>>> ردود الأعضـــــــــــــــــــاء على الموضوع <<<<<
==================================

إذا زوجها فعلا يحبها راح يكون اهو اول من يساعدها

الشرع صح قال بر في والدتك لكن!! ماقال: أظلم زوجتك!!

المفروض تناقش زوجها عشان يوصلون لحل يرضي الطرفين

والأهم انهم يطلعون عن هالبيت عشان الكل يرتاح

ومو معنى ان الأم رافضه انه عق فيها

وضروري يشرح للوالده بأنه راح يكون مبسوط ومن هالكلام

بس للأسف هذا حب تسلط من امه الله يهديها

الله يفرج همها عاجلا غير اجلا يارب العالمين

ويارب اكون افدتج
اختج
(شموخي فيك يابوي)

__________________________________________________ __________
بصراحه لازم تصبر فالصبر مفتاح الفرج ..

بعدين اذ1 تحب زوجها تحاول تفهمه الموضوع وهو احسن واحد بيلقى الحل ..

على العموم اذا زوجها مو متفهم انا اشوف انها تصبر ..

تقبلي مشاركتي كان ودي اعطي حلول اكثر ..

أخوك / محتــار ..

__________________________________________________ __________
بصرااحة يا اختي احبيبة


انا نصحها بالدعاااء



سهاام الليل لا تخطي ولكن..لها امد وللأمد انقضاء


صدقييني لو هي قعدت تدعي ربنا ما راح يخيبها خصووصا في الثلث ااخير من الليل..


تدعي ربنا يحنن قلب زوجها واهله عليها..


ولازم تصبر لأنه عندها اولاد..


وربي راح يفرجها اكيييد..

والأهم انها تعامل اهل زووجها بالحسنى..


وتحااول تحط حدود لهم..

وتتوكل على ربنا وهو اكيد ما راح يخيبها..


بلغيها سلامي..

ولله يكون بعوونها..


ودي..

__________________________________________________ __________
انا راي من رأي اخواتي..ومثل ماقال اخوي المحتار الصبر مفتاح الفرج بأذن الله..

الله يفرج كربتها يااااارب...

__________________________________________________ __________
حبيتي هذي صاحبتك والله معانية كثييييييير في حياتها وإذا زي ماتفضلتي بسرد

معاناتها في حياتها الزوجية والله أنا لو منها حخرج من غير تردد في الرأي

لكن اللي عليها هي إنها تحاول في زوجها بأسلوبها بأنه الله يهديه ويخرجها

من هالمعاناه وتاخذه بالتي هي حسنى وصدقيني حبيبتي الرجال الكلمة الطيبة

اللي تجي عاى الوتر الحساس وفي الوقت المناسب حيواقف بإذن الله

وإذا مافية أمل أبببببببببد ... الأمل باقي برب العباد ...

الدعاء والرجاء من رب العالمين ...

في آخر الليل ولاتنسى صاحبتك حبيبتي إحنا في شهر فضيل شهر إستجابة الدعاء

وكشف الكربات ...

ولا تنسى الإستغفعار ... حبيبتي الإستغفار يفرج الهم والغم والكربات

والله لا يخيب رجاها ياااااااارب ...

ربي معاها ياااارب والله قطعتي قلبي عليها ...

إن شاءالله أكون أفدك ...

لك من سديم كل الود ...