عنوان الموضوع : سؤال: متى يطيح الشخص الثاني من عينك؟؟ - نقاش
مقدم من طرف منتديات الشامل

السلام عليكم ورحمة الله

كيفكم حبايبي؟؟


معليش شكلي كثرت عليكم مواضيع مناقشه هالايام..


بس عاد استحملووني...


موضوع اليوم .

. ابغاه يكون بصراحه وجراءه

لانه يتطلب الواحد ما يسوي فيها مثالي وملائكي...

وبرضوه عشان نتعرف على شخصيات بعض اكثر واكثر


حبايبي....


كلنا لنا معارف وأحباب وأصحاب وخلان..

ويختلفون بدرجة معزتهم وقربهم للقلب..

لكن يبقى أشخاص معينه لهم مكانه خاصة

ويمكن ما حد يوصل له المكانة بسهولة


ومع ذلك لكل واحد منا حدود حمراء

وأشياء لو صدرت من الشخص الثاني يطيح تماما من عينه

سواء كان حبيب او صديق او حتى زوج...



فسؤالي لكم جميع هو ......


متى يطيح الشخص الثاني من عينك؟؟؟ وليش ؟؟؟ وهل يمكن تسامحه بعد كذا؟؟


وياريت لو صار معك موقف تذكر لنا اياه عشان نستفيد وناخذ تجارب من بعض


طبعا بما انه سؤال صريح لازم أجاوب انا بالأول


هو كان فيه شخص يعز علي كثير ,,, وله مكانه كانت يوم عن يوم بتزيد...
ووقفت معاه يوم كان محتاجني وما تخليت عنه.. وقدمت له أشياء...
على حد ما قال لي انه ما حد قدمها له ...
وفي مرة احتجت له كثير لكن تخلى عني.. فسامحته ومشيتها له...
لكنه طاااح من عيني لمن كذب علي ....
كان بينا عهد انه ما حد يخون الثاني او فكر بغيره...
ولكن بالصدفة انفضح هذا الشخص وشفته بعيني ....
مهما يكن هذا الشخص... فهو طاااح من عيني...
لان الكذب هو حد عندي لوجود الشخص بحياتي....

>>>>> ردود الأعضـــــــــــــــــــاء على الموضوع <<<<<
==================================

يسلـ م ــو خيتــو بنت أبوظبي على طرحكـ الســؤال..
واني بــجوابـ بكــل صــراحه فــهو موقــف صار لي..
ولان انســأه طــول عمــريـ...
_________________
المــوقف انـوو انا كنت مــع حبيبــي بكل صــراحه وانــي كنت أحبــه أحبــه أحــبه يعنــي لوو يقــولي اي شي وبيكــونـ مستحــيل اني اســويه علشــأن اكســب رضــأهـ..
وانـي حــسيت بدأخلــي نحــوهـ انــو فيــه لعــب يـوصــلني منــه..
قــلت أخــتبــرهـ بشــي تــافــه علشــأن مايطــيح من عــيني..
وانــي ماكــنت حــابـه اختبــرهـ بس كان كله يتغلى لمــا عرفـ قدرهـ عنــدي دقيت علــيه قــلت لــه الحــق على ضروريـ ضروريـ وأهــو كان يقــولي مستحيل اتخلــى عنــج..
لمــا دقــيت علــيه الحقني ..
صارلي كذا وكذا يعني كلام كثيــر اريــد فــزعتــه فيــهـــا تخيــلوو..
شنــو كـــان ردهـ لــي..
قالــي المــعـــذرهـ ما اقــدر اخــتي فطــوومـ يلاهـ مــع الســلآمــه يعـني شي تــافــه واللـه تــافــه مايخــليــه انــو يــقول اســفه الحــب يخــليــه يبيع كل شي ويرضــيني فيــه بس وربـي انـو
ماني عــارفــه ويش أقــول معـقول الكــلآمـ الي كان
يــوصلنــي منه كلـه اصــتنـاع وكلامـه كلــه خرفــاتـ يلعــب علــي وربي الي خــلقنــي لو تعــرفــونـ شنــو شي يمــكن الكــل ينصــدمـ واني يعنــي وربــي كــان هـذا أولـ شي اطلــبه منــه
وانـي علاقتي معــاه صار لــها أكثــر من سنتيــن..
وأهــو كــان أول حبيــب وأخــر واحــد حبيــته..
بمــا انــو اني ما كنت ابخــل عليــه بشي اقــدر علــيه حتى ما اقــدر علــيه واللـه العظــيم انــو اســويــه حتى اكــسب فيــه رضــاه.. بس بعــدهــا دقيــت علــيه قلتــله هذا اخــتبار مني لكـ
الى هــذا الــيومـ واهــو يلاحقــني يريد المــياه ترجع الى مجراهاا..
وانــي اعتــذرت ماافيني انــصدم أكثر من كــذا..
مــا اقــول.. الل ـه يســامــحـــه...

الل ـه يسامحج بنت أبــوظبي نبشــتي جــروحــي..
واني وربي كنـــت مــبســوطــه مروقــه حـدددي..
بس يعطيج ربي الــعااافيــه على هــذا الــسؤال..؟
والمــعذرهـ انوو كثررتـ عليــكم حكــي..
تحـياتي...
وبنتظاار جديدج..

ودمـــــــــتي لنـــااا

__________________________________________________ __________
فطووم ولي الهيبه

فطومة حبيبتي انا آسفــة إذا السؤال احرجج وجرحج..
والسموحـــة منج لكن هذا هو السؤال اللي يخلينا نعرف مدى الحب الآخرين لنا..
وهذي انتي طرحتي تجربتج وهذا كان الرد إنه ماقدر ينفذ الطلب فهل هذا حبيب؟؟
اختي فطومة في بعض الشباب والمعذرة من الشباب انهم مايعرفون مشاعر البنت تجاههم ويلعبون فيها بس لو وحده من خواتهن الله يستر عليهم مثلاُ تكلم واحد من الشباب يقوم الدنيا ويقعدها..

مايخاف على بنات الناس لكن إذا اخته سوت شي خلاص..
لكن والله ودي اي حبيبين مايفترقون..
ون نه الشباب يكونون اوعى في الشي والمعذرة منكم..

والسموحــة منكم إذا طولت عليكم..

مشكورة فطومة على الرد والله يهون عليج..
تقبلوا تحياتي،،

بنت بوظبي..

__________________________________________________ __________
والله انا تزوجت عن حب يعني حب من الخاطر و انصدمت فيه انه كان يخوني قبل لا نزوج ولين احين طاح من عيني شخص كان الهواء وكل شي بالنسبه لي والله انه حالي لا يسر لا عدو و لا صديق تعب مليت من حياتي لاني عايشه مع انسان طاح من عيني بس ما اقول غير الله يهديه...
"دمعت دبي"

__________________________________________________ __________
دمعت دبي

مشكورة على الرد..

والله يهديه ويرد لج ..
أميــن يارب العالمين..

وتقبلي تحياتي.،،

بنوتة بووظبي..

__________________________________________________ __________

يطيح الشخص من عيني

اذا كان يخفى خلف قناع الطيبه وهو في الاصل يسن مخالبه ليغرسها في الظهر

؛
؛
وسلمت اناملك بنت ابو ظبي

على الطرح الرائع

دمتي بود


__ ينقل لمنتدى النقاشات الجادة والمواضيع الساخنه __


" من حاول أن يفرق بين شخصين عزيزين "
فهذا هو اللي يطيح من عيني . ولا يمكن ان اسامحه .
والا ال أسباب الاخرى اعتقد ان لها علاج !!
واشكرك بنت ابو ظبي على الموضوع المتميز .