عنوان الموضوع : منقوله بس لاتفوتك ادخل واحكم بنفسك تم الرد
مقدم من طرف منتديات الشامل

بسم الله الرحمن الرحيم

.
.

صبّحكم / مسّاكم , الله بالخير

أخباركم علومكم << مايدري وش يكتب في الموضوع

يقولك أصعب شي في الكتابه أنك تختار عنوان لموضوعك

وأنا بصراحه أحترت ولا لقيت إلا هذا اللي هو قدامكم

آفصــخ ســروالك !!

وفي روايه

أفـــصــخ صــروالك !!

.
.

المهم

.
.

مره من المريرات

و في أحد فصول الدراسه هنا في أمريكا << يقاله دارس هناك

أقترح المدرس لعبه ماجنه " فاضحه "

ولأن الطلاب كلهم عيال << وش دعوه صارت مدرسه في الملز

إقترح المدرس هذه اللعبه


اللي هي أفصخ سروالك !!!!!


الطريقه هي كالتالي :

سيقوم المدرس بسؤال ثلاثه من الطلاب أسئله عامه

وعلى كل طالب أن يكتب الإجابه على ورقه ويرفعها عالياً

الطالب الذي تختلف إجابته عن الآخرين يخلع قطعه من ملابسه !!!


سألت المدرس هل من معلومات خاصه نحتاج أن نتعلمها قبل الموعد المرتقب غداً

قال : لا ,, مجرد معلومات عن بلدك واللعبه للتسليه فقط << تسليه وفيها تفصيخ ماتجي


رشحت نفسي للعبه

و ترشح معي أمريكي و ياباني

المهم أني تجودت في اللبس

و لبست سروال داخلي

و بنطلون صوف

و جينز

و شرابين من شراريب العايله

و فنيله علاقي

و تي شيرت

و قميص

و جكيت

و فروه <<< مشووها عشاني

.
.

جاء اليوم الموعود

و لاحظت أن الإثنين الثانيين

لابسين ملابسهم العاديه

ضحكت في نفسي

وقلت والله يا أنا بشوف بلاوي


المهم

بدأت المسابقه :


سأل المدرس :


س / إذا وقفتك سيارة شرطه هل تنزل أنت ولا الشرطي ؟؟

ج /

الأمريكي : هو


الياباني : هو


أنـــا : على حسب إذا الوقت ظهريه أنت ,, و إذا بالليل كلكم


قال المدرس : حــــمـــد أنت مختلف عنهم أفصخ شي فصخت الفروه !!!



السؤال الثاني :

س / إذا قدمت على خط dsl متى يوصلونه لك ؟؟

ج /

الامريكي : خلال يوم


الياباني : خلال يوم


أنـــا : على حسب البوكسيه مليانه ولا لا


المدرس : حـــمــــد أفصخ ,, فصخت الجكيت !!!



السؤال الثالث :

س / إذا قدمت معامله على دائره حكوميه متى تستلمها ؟؟

ج /

الامريكي : نفس اليوم


الياباني : نفس اليوم


أنـــا : يقول راجعنا بكره

المدرس: حــ...مــ ,,,


أنــــا : عارف عارف لاتقول ... فصخت القميص !!



السؤال الرابع :

س / إذا إنقطع خط تلفونك لإنك ما سددت وش تسوي ؟؟

ج /

الامريكي : أتصل و أدفع بالفيزا يشغلونه


الياباني : أتصل و أدفع بالفيزا...يشغلونه


أنـــا : أجيب صورة الفاتوره وصورة بطاقة أحوال جدي وصورة فاتورة كهرب وصورة دفتر العائله وصورة خالي عبدالعزيز و أروح لمكتب الإشتراكات الرئيسي وبعديـ........


قاطعني المدرس : هي هي وش تكتب إنتهى الوقت المحدد للسؤال...يالله أفصخ


فصخت التي شيرت !!

( المدرس يقول أفصخ وأنا شغال تفصيخ !!! )


السؤال الخامس :

س / عند إنتقالك لمدينه جديده فإن أهم عنوان تحفظه هو ؟؟

ج /

الأمريكي : عنوان بيتك الجديد


الياباني : عنوان بيتك الجديد


أنـــا : عنوان بيتكم القديم عشان تشقر على عيال حارتكم القديمه


المدرس : حــمـــد ,, و أبتسم


أنا فهمت وفصخت الفنيله العلاقيه هالمره !!



السؤال السادس :

س / إذا حجزت في الخطوط المحليه وقالوا لك ok أو الرمز hk فهذا يعني أن حجزك ؟؟

ج /

الامريكي : أوكي


الياباني : اوكي


أنـــا : حسب الرحله إذا حظك شين وسافروا معك باهـوات الله يعوضك


كتبت الجواب و على طول فصخت البنطلون

بغيت أفصخ الشراب بس قال المدرس أنها ما تحسب << تفكيره موب زين



السؤال السابع :

س / أسرع وسيله حديثه لـ الإتصال هي ؟؟

ج /

الامريكي : الانترنت


الياباني : الانترنت


أنـــا : المرسيدس دق سلف ورح لم اللي تبيه وكلمه


المدرس : حـــمـــد سوري أفصخ


فصخت البجامه الصوف !!


طبعاً عارفين وش بقى

قطعه وحده بس

يعني لازم أحط حيلي في الجواب

و لا جبت العيد << تكفى يا باريس هيلتون


السؤال الأخير :

س / من هو الشخص الذي تتصل عليه في منتصف الليل عند الضروره ويأتيك بـ أسرع وقت ممكن ولا تحتاج أن تصف له بيتك ؟؟

ج /

الامريكي : البوليس 911


الياباني : البوليس تشنق ينق بو ( 911 بالياباني )


ضحكت بصوت عاااااالي وقلت : يس أخيراً جبتها الجواب هو :

-
-
-
-
-
-
-
-
-
-
-
-
-
-
-
-
-
-
-
-

دومينوز بيتزا


طالعني المدرس والطلاب بعين !!!

صرخت والله بلدنا حلوه و حنا متطورين و متقدمين و هذي الاشياء بتضبط

بس أصبروا قرن و لا أثنين

طالعني المدرس و قال حـــمــــد ..


أفصخ سروالك تبي تحجب الشمس أنت !!!!!!!!!!!!

.
.
.
.


على طاري الشرطه

ذاك اليوم كنا عند واحد من الشباب وفجاءه دق علينا خوينا : الحقوني في بيتنا حرامي .. ,

قال له: طيب دقيت على الدوريات ..

رد عليه : والله دقيت عليهم و وصفت لهم وقالوا لي

أحسن شي أحترنا عند الدفاع المدني ونمشي وراك

.
.
.


سبب كتابه هالقصه هو اللي صار لي أمس

أقسم بالله من الساعه 10 الصباح إلى الساعه 1 الظهر

كله من شان أخذ لي بطاقه صراف بدل فاقد !!!!


متى بنتطور يا عالم ؟؟؟؟؟!!!!!!!!!

.
.

فـــــتـــــــــــكــم بــــعـــآآفــيـــهـ


>>>>> ردود الأعضـــــــــــــــــــاء على الموضوع <<<<<
==================================

هههههههههههههه

يسلموووووووو

__________________________________________________ __________
متى بنتطور يا عالم ؟؟؟؟؟!!!!!!!!!

__________________________________________________ __________
من جد متى نطور

__________________________________________________ __________
اقل مايقال عن الموضوع

رائـــــــــــــــــع

__________________________________________________ __________
ههههههههههههههه
يعطيك العافية