عنوان الموضوع : مذكرآت عآنس .. جديدة
مقدم من طرف منتديات الشامل

-













في أوقآت آلصبآح آلبآكر عندمآ تزقزق آلعصآفير وتتنفس آلطبيعه وتهبُ هبة هوآ على صديري
وآزفر زفرة من آلاعمآق آلعميقه آلمتعمقه عمقآ عموقيآ مُعمقآ >> آقول لآيكثر بس !
وتهلَ دميعآتي على عمريَ آللي رآح هدر وآنآ وجهي بوجه هآللآب
كلن تزوج وعيّل وسآفر ورآح وجآ وآنآ مكآنك سر مثل مآحطيتوني تلقوني ..
آييه وكل من سألني قآلي هآه بشري مآمن جديد ..
آقولهم آبد جعلي مآأبتسيكم آحتري حظي متى بيقوم ويفززز فزة بدوي معزومن على آلعشآ ..
وآلظاهر آن حظي متبرين مني وآلله آعلم لآني مآقد شفته في حيآتي ولآأعرفه آلحقير ..

قسم بآلله آنه أبن تسلب طيب مدآمك مآأنت بمعترف فيني
ليش لييييش مآخليت أي أحد يتبنآني حظيآ غيرك .. !
يعني عآجبك وضعي كذآ مآلي تحديثآت من سنة 2017 .. آنآ نفس مآأنآ ! ..
آاااااه بس يآلقهر ومن شيني بعد كل مآصآدقت وحده آعرست وخلتني آعض آصآبع وأظآفر آلندم ..
مدري وش آلقصه آلوحده قد لهآ عشرين سنه على بند آلعوآنس وفجآءه لمآ أصآدقهآ تنخطب وتعرس !!
وآنآ من زود آلقرآده آللي آزفهآ وآتنكسس وآطق رقببه من آلحره بعرسهآ ألين تتمصع رقبتي ..
لآ وبعد عشآن آنقهر زيآده يكون آلمعرس شي خورآفي عليه آلقيمه ..
وآنآ من يوم آشوفهآ مع آلمعرس بآلكوشه آقعد آهلّ آلعبآري
وكلن يوآسيني يحسبني آبكي على فرآق خويتي مآدروآ آني آبكي على قرآدة حظي ..
يآنآس آنآ بآلذمه كذآ وش نآقصني عشآن مآأعرس يد ؟ رجل؟ خشم ؟ برآطم مثلآ ؟
وآلله مهوب نآقصني شي .. هو صدز آن مآعندي ملآمح أنوثه زي هآلبني ..
بس مآعليه آمشي حآلي وعلى قولة آميمتي كل بنت لآأعرست بتصير حرمة وأنثى كآمله ..

أأأأه بس رحت مره لدكتوره نفسيه وقعدت آشكي له آلحآل أقوله يآبعد آهلي ونآسي آنتي أنآ عندي عقدة نفسيه ..
وهي آللي تقولي بسس خلآص مآتكمليش كلآميك .. آنبطحي على آلسرير كده هوه ..
وبعديّن ئولي مشآكلك يآضنآييه .. قلت آنآ بس آنبطح آن كآن تبينن آتمغطط لتس وآنآ منبطحه بعد مآعندي مآنع ..
وهي آللي تبتسم لي آبتسآمه صفرآء مفآدُهآ إنثبري وآنسدحي لآ بآلنعله آلحين ..
وآروح آنسدح لهآ وآبدآ بسرد آلعقده حقتي ..
قلت له : فديتس آنآ أحس محد يحبني آحس آني وحيده آحس آني دآيم لحآلي >> آلمح لشريك آلحيآه
آحس آني مظطهددده محد يبيني كلن يكرهني .. آحس أن وجهي وجه تهزئ
كل من جآ تفل بوجهي ورمى علي كلمه كأنهآ نخآمته من كثر مآهي مخنزه ) آنتي يآلكلمه ( آنآ محطمه نفسيآ ..
آنآ أحتآج رجلآ يعيد لي آلثقه لنفسي وقعدت آصيح آبي رجل آبي رجل آهئ آهييئ >> ..
وشوي مآحسيت إلآ بذيك آليد آللي تسنهآ خشبه تصفق وجهي ..
وآقووم من بين شلآل آلدمووع آللي آحتوآني
وآقولهآ سسسسسسسسسسسسسلآمآت أنآ قلت وجهي وجه تهزئ بس مآيوصل آلتهزئ لمدت آليد ..

ترآ ان مديتي يدتس علي بدعي عليتس >> يآحليلي بس ..
قآمت تقولي يآبنتي آنآ ئديتك آلئلم ده عشآن تفوئي .. تفوئي من تفكيرك المريززز >> مريض .. تفكيرك آلمونحل أخلآئياا وآقتمآعيآ ..
قلت آنآ دآم تسذآ أجل مسآمحتس لبآ عوينآتس آلحولآ ..
ردت علي وقآلت يآبنتي آلقوآز موش كول حآقه بعدين آنتي لسه صغيره ..
قلت وووين صغيره آلله يرحملي وآلدي وآلدييتسس أنآ خلآص آلقطآر وفآتني وآلمعرس وآلمسآفر كلهم رآحوآ ..
وآنآ قآعدتن ببيت آهلي آكش ذبآن وهي آللي تصكني كف ثآني ..
وتقولي خلاااصصص مآتسكوتي بئه خليني آكمل كلآمي أألله ..
وآنآ آللي أقمط آلعآفيه وأقولهآ أتفزلي يآأبلتي ..
وفعلآ تفضلت وتكلمت وليتهآ مآتفضلت ولآ تكلمت هآلكلآم آللي جرح وآدمى فؤآدي ..

قآلت بوصي يآحبيبتشي آنآ حآئوليك كوول حآقه بصرآحه كده آنتي آللي زي نوعك ده مآتنفعيش للقواز ولآ بينفعش آصلا يحبك رآقل ..
آنآ خنقتني آلعبره .. ورديت عليهآ بصوت مخنوق يقووطر ألم وأسى وقلت لــــــــــــيه ؟؟؟ ..
وردت وقآلت بوصي آنآ حآأفهمك ليه ..
أول حآقه آلرآقل بينجذب للبت آللي فيهآ أنوثه وآنتي مافيكيش للاسف ولاذرة انوثه يآحبت عيني لذلك
آلرآقل موش حينجذب ليكي آي أنه لو تنطبئ آلسمآ على آلآرض مووستحيل يحبك أو حتى يفكر موقرد تفكير آنوه يتقوزك ..!!
آنآ من بعد كلآمهآ جتني تسه وحآلة آكتئآب ..
حسيت آني خلآص مآلي أمل في حبكم لو يووم .. قلت آلعفو يآعآذلين مآأبدل قمر بنجوم وهاهاهههاهههاااا ..
>> آنآ آشهد آني آنهبلت من عقب كلآمهآ

آنآ بعد آشك أن قرآدة حظي عدوى من سوير خويتي حسبي عليهآ آلمخيسه ..
يآنآس آحسهآ ذي وجه نحس آحسهآ بوومه تمشي على آلآرض .. آحسهآ آلنحآسه متمثله على هيئة بنت ..
أنآ دآيم آقولهآ يآسوير وآلله لو تتزوجين آنتي آبحس آن آلدنيآ بخير .. آبحس آن آلحيآه حلوه .. آبرتآح نفسيآ ..
آلمشكله آن اختهآ آللي أصغر منهآ كلن يخطبهآ وكلن يبيهآ وكلن خآق عليهآ ..
وآبوهم مسيكين مآيبي يكسر بخآطر سوير يقول مآفيه مآني مزوج آلصغيره قبل آلكبيره ..
مآيدري آن سوير تتحلف وتتوعد آختهآ تقول وآلله ثم وآلله مآتعرسين قبلي يآلحقيره يآخطآفة آلرقآله .. وتقولهآ أختهآ وش بتسوين يعني ..
وترد سوير وتقول وش آللي مآني مسويته آبسحركم آبذبحكم آبسيييح دمآنكم كلككم آنآ مجنوونه مجنونه آنآ ههههههههههه

أخخ يآسوير صدق آللي قآل آنه آنآ وآنتي هذآك آلشي في صروآل ..
من كثر مآإنآ صديقآت مآبقى شي مآتشآركنآ فيه .. حتى قرآدة آلحظ ..
آلمشكله آني حآولت آبتعد عنتس بس مآقدرت قلبي مآطآوعني آصلآ ..
وش آسوي مآيرتآح ضميري إلآ معتس لآأنتس آلوحيده آللي حآسه بمعآنآتي ..
آييه تذكرين يآلسوري تذكرين يوم كنآ بآلكفتريآ وتجي هآكآ آلفلبينيه تخم آلطآوله آللي كنآ قآعدين عليهآ ..
يوم تنشبين لهآ وتقولين تعآل صديق .. آنته في معلوم ريد كف >> آلترجمه : هل تعرفين تقرين آلكف ..
وآلفلبينيه تصرف تقول لآ مآفي معلوم وآنتي آللي ترشينهآ بخمسة آريل مدري من وين طلعت ذآ آلخمسه
وحنآ آللي نطرتس من سآعه نبي ريآل تقولين مآعندي وش آسوي آبيض لكم فلوس أخسسس عليتس يآأم جلده
وآلله احس عقوبة من ربي مآزوجتس وآعمى عنتس عيون آلريآجيل من كثر بخلتس يآلحضرميه ..
آلمهم مآعلينآ .. وآثر هآلفلبينيه أيمآنهآ ضعيف >> مدري عآد هي مسلمه آصلآ ولآلآ ..
بس آنهآ ضعيفة نفس من يوم شآفت آلدرآهم وهي آللي ترآقصت عيونهآ تفتح وتولع وفجآءه قآلت أي آنآ معلوم ..
وتستلمينها حضرتس وتقولين يآلله شوف آنآ مين زوج ؟ ومتى زوآج ؟ ووش آسم زوج ؟ ..
وتقوم آلفلبينيه تنآظر بيدتس وتنآظر وبعدهآ صرخت آنآ من سمعت صرختهآ قلت آلله يستر شكل سوير مآرآح تشم ريحة آلرجل
ومآرآح تعآشر رجآل إلآ آبوهآ وآخوآنهآ .. وطبعآ آللي بيصير لسوير بيصير لي لآن آلقرآده عدوى وآلله أعلم
آلمهم وآقول ميد آلفلبينيه خير وش قريتي بيد هآلمآخوذه .. ولآ تقولي أووه هدآ في طلآاق ..
وآقوله كلووووولوووشش آلحمدلله آهم شي آنهآ بتعرس .. مآعليه لو تتطلق بس آهم شي تعرس .. وآقوم وآخمخمتس
وآنتي آللي تصيرين طرمآ من آلفرحه ..
عآد من آلحمآس رحت ومسكت آلفلبينيه وقلت لهآ هآه شوفي مين زوج ..
وتنآظر بيدي شوي ولآ قآلت .. أنتي حيآه مآفيه مشآكل .. قلت وش آبي بحيآتي لآأبو جدهآ حيآه .. آنجزي علي مين زوحي ..
قآلت آنت زوآج من كزنت قريب ..
قلت بلآ نصب مآعندي عيآل عم .. دوري لي زوج صدقي مو تسكتيني ..
وتنآظرر وتنآظر قآلت آنتي زوآج قريب يعني من نفس فآميلي ..
قلت آنآ مآعليه آي شي آهم شي آني آعرس ..
قآلت آنت آول ليف في ريآض بعدين ليف في كندآ .. قلت بذذذذذذذذذذذمتس كندآ كنداا
هي تروعت قآلت يس كندآ .. قلت آلللللله يآاارب آرزقني برآعي كندآ ..
آلمهم وتجي وحده من خويآتنآ وتقول ميد آلفلبينيه آقري كفي آشوف ..
وتقرآلهآ آم فلبن ولآ تقولهآ يووه آنتي مآفي زوآج آبدن ويضيق صدر خويتي ..
وآنآ مآنيب لمهآ قآعده آفكر آلبس حجآب ولآأفسق لآرحت كندآ ..
وبعدهآ بآأسبوع وآحد بس تدق علي خويتي ذي آللي ضآق صدره وتقولي آسكيوزمي آبشرتس آنخطبت .. قلت هآه آلفف مبروووك ..
قآلت آبشرتس مطخطخ وآبوه هآمور ..
قلت مآشآلله آلله يوفقتس ويتمم لتس على خير .. ويضيق صدري ..
شوي ولآقآلت .. وآنتي بشري عنتس قلت آبد على حطة يدتس ..
قآلت هههههههههههههه آجل خليتس آقعدي آحتري رآعي كندآ هذآ آن جآ >> ..
يومهآ نمت وآنآ آصييح وآقول جعلتس آلحريق يآكندآ بآللي فيتس ..

تعبت يآنآس تعبت من آلوحده تعبت من آني آوهم نفسي على آلفآضي ..
وآلمشكله كل مآبغيت شي قآلت آمي لآ آعرستي سوي آللي تبين ..
آبي آصبغ شعري وآصير شقرآ كود آحدن من هآلعجز معمين على قلبهآ وتشوف آلشقآر وتخطبني ..
حتى آلصبغه تقول آمي حريمتس مآفيه لآ آعرستي آصبغي ..
آبي آروح آبي آجي لاآعرستي طيب فرضآ مت ومآأعرست ..
ووووآلله ذنبي برقبتكم نفسي بآأشيآء مت ولآ سويتهآ ..
آلمشكله آن آمي آلله يخليهآ لي دبشه ..
مهيب زي آلحريم آللي يعرفون شلون يجيبون آلمعآريس لبنآتهم ..
مهيب زي مرت خآلي اعوووذ بآلله ذيك ميتين آلحريم على بنآتهآ منهآ ..
مدري وش تزيين عشآن ينكبوون آلمعآريس آشكآل وألوآن على بنآتهآ ..
آنآ بس آشوفهآ تتلصق بآللي عندهآ عيآل ومآغير ترزز بنآتهآ جعلهمم آللي مآنيب قآيله ..
هآكآ آلمره آقول ميد آميمتي .. يمه ورآتس آنتي كذآ آعووذبآلله ..
قآلت بسم آلله علي وشفيني .. قلت معليش يمه آسمحيلي آنتي دبشة ..
وآم مآمنتس رجآ .. وهي آللي تنفخ علي وتقبصني قآئلة يآللي مآتستحيين آلشرهه مهوب عليتس آلشرهه
علي آللي معطيتس وجه يآلبآزع ..
قلت يمه خلنآ نتفآهم .. سلآممآت وشفيتس كل مآقلت رآيي بأي شي تقومين تهزئيني !..
ترآني آتنآقش معتس مآله دآعي هوآش .. وشذآ مآفيه حرية رآي !!..
قآلت فيه حرية كففففن يصكتس على جبهتس آللي كنهآ سآحة مطآر من كبرهآ ..
قلت يمه صدز صدز آنتي بس آسمعيني .. قآلت هآه قولي آنجزي لآبآرك آلله فآأبليستس ..
قلت يمه آنتي ورآ مآتصيرين سنعه ..
يعني ورآ مآتخطبين لي روحي تلزقي عند آلحريم آللي عندهم عيآل سولفي لهم عني
قولي بنتي عندهآ هوآيآت تحب آلسبآحه وركوب آلخيل وجمع آلطوآبع ..
سولفي خربطي قولي عني آي شي
ولا آقولتس شوفي مرت خآلي وش تسوي وسوي زيهآ تكفين يممه طلبتس آبي آعرس ..
يعني من وين ألقآهآ بس لآحظ زي آلنآس ولآ أم زي آلنآس ..
وهي آللي تتفل بوجهي وتقول آااه يآربي وش تبيني آسوي يآللي مآتستحين
تبيني آحرج عليتس أقوول يآهووه يآللي هنآ عندي بنت للزوآج قررررب يآولد قرب ..
قلت عآدي آنآ رآضيه حرجي علي وش ورآتس ؟..
بس آهم شي آعرس طآح وجهي قدآم آممة محمد حتى آلبني آللي
آصغر مني آعرسوآ وشآفوآ آلحيآه إلآ آنآ لآبدتن عندكم .. بآلله يمه مآزهقتوآ مني ..
مآتفتتتقت تسبودكم مني ..
وآلله ترى أنآ تبغثرت تسبدي منكم خلآااااص بأأنتحر كل يوم آقوم وألقآكم
ززززززهققت آبي آقوم مرره على وجه جديد >> مهيب تقصد آلرجل آبد ..
يمه آنآ ترآ أحذركم إن مآزوجتوني وآلله لآأنحآش وآرووح عند آقرب بنقآلي
يعرس علي وآفشلكم وآطيح آسم حمولتكم هآللي بآزين به بآلقآع ..
آلله آبووهم حموله مآفيهم خير مآفيهم وآحدن ربي هآديه يجي ويفرجهآ علي ويتزوجني ..
آجل وش فآيدتهم فآلحيآه نتبرآ منهم آبرك ..
بآلله وش سنع آلقرآيب إذآ مآنفعونآ وخذنآ من عيآلهم هآه ؟!.. مآلهم سنع أبددد ..
وشوي مآأشوف إلآ دميعآت آمي جعلي مآأبتسيهآ .. قلت يمه وش فيتس ..
قآلت خلآص يآبنيتي آنتي آلظآهر آنتس آنهبلتي ورحتي من كيسنآ ..
مآعليتس لوم جعل ربي يشفيتس بس ..
قلت يمممه لو سمحتي رجآءننن يعني لآبغيتي تدعين قولي جعلتس تعرسين قريب
جعلتس الرجل اللي ياخذتس ولاعاد نشوفتس هذي الدعوه آللي آنآ أحتآجه ..
آنآ عن نفسي لآ آعرست آبي أقعد ست سنين مآجيكم ولآتجوني
آبي أخذ فترة نقآهه منكم قسممم بآلله ضقت بكم ذرعآ..
طبعآ آمي قفت وخلتني آحآكي آلجدرآن ..
يآااربي ويقولون ليش آنآ معقده بلآه من هآلوضع آللي آنآ فيه يعني تخيلوا عمرررري فحيآااااتي كلهآ

مآقد صآرت لي قصة حب ولآ حتى أعجآب ولآحتى آحد غآزلني فحيآتي كلهآ ولو بآلغلط ..
يآنآس آنآ آنقهر لمآ تجيني كل يوم وحده من خويآتي وتقولي عن حيآتهآ
وآلله ومن دون مبآلغه كلهن عندهن شي عندهن قصة منآ ولآمنآ
آللي خآق عليهآ ولد خآلهآ وآللي طآيحتن حب وغرآم مع صديق آخوهآ
وآللي وآللي .. وآنآ من شيني آحل لهم مشآكلهم يقآلي حكيمة زمآني
مآدروآ آني من جنبهآ ..
ولآخلصت كل وحده منهن وقآلت مشكلتهآ وحليتهآ لهآ
تقعد تدعي لي يآاااارب يآاارب تآخذين آللي تبينه ..
وآنآ آللي أغص بعبرتي وآقول آلمشكله آني مآأبي آحد ..
عآدي أي وآحد آهم شي آعرس .. >> وآلله آني آحزن ههههههه
جد ترآ مآبقى آحد مآكسرت خآطره ..
هكآليوم كنت آشكي وآتشكى لبنت خآلي وقآمت توآسيني
وتقول يآبنت آلحلآل آنتي ميئوس منتس بس تدرين عندي كتآب خطييييير لو تقرينه
صدقيني بتصيرين وحده ثآنيه آنآ قآريته ومجربته يجنن ..
قلت يعني بيحل عقدتي قآلت آبددد بيحل لتس آبوهآ ..
آلمهم وتعطيني هآلكتآب آللي آسمه آلسر وفعلآ آبدآ آقرآ بهآلكتآب ..
آلصدز آنه لحس مخي بس وآلله تأثرت منه
يعني هو بإختصآر يتكلم عن قآنون آلجذب
وكيف بأفكآرك تقدر تسوي كل شي ..
مثلآ تبي تصير آنسآن غني مآعليك إلآ آنك تفكر وبآلتآلي آنت قآعد تجذب آلثروه لك شوي شوي ..
ويوم خلصت من آلكتآب وقريته كله قلت لنفسي ورآ مآأجرب وش آنآ خسرآنه ..
وكنت يومهآ بآلسيآره طآلعه من آلكليه آبرجع آلبيت ..
وطول آلطريق وآنآ أجذب وأجذب وأجذذذذذذب بهآلآفكآر
>> آفكآر آلعرس طبعآ ..
وحطيت ببآلي آني أول مآأوصل لبآب بيتنآ أبلقى وآحدن آطخم وآقفن عند بآبنآ
وبعدين هآلآطخم بينعمي على بصيرته وبيعرس علي ..
وكنت حآطه هآلفكره ببآلي وسويت نفس آللي مكتوب بهآلكتآب
ييييآلله حسيت بونآسه غير طبيعه ..
آلمهم يوم قربنآ نوصل آلبيت وآغمض عيوني عشآن لآفتحتهآ آفتحهآ بوجه آلآطخم آلسمح ..
وفعلآ وصلنآ لبآب آلبيت وفتحت عيوني وليتني مآفتحتهآ .. تدرون وش لقيت ؟!
لقيت قطوو آسووووود فحمممه دب مرتكز عند بآب بيتنآ ..
من بعدهآ حسيت آن آلكتآب آللي مألفه مشعوذ حسبي آلله عليه
وآنآ مصدقه مع وجهي لآ وأخطط بعد ..
آيييه خلآص أنآ يأست فقدت آلآمل بأني أعرس
وآلقى وآحدن يضفني ويضف عفش مشآعري آلجيآشه ..
خلاص طفح آلكيل وآلكيل طفح وآنآ طفحت بعد ..
خلآص مآبقآلي قلب يتحمل خطيه ..
وعشآن كذآ قررت قرآر لآرجعة فيه ..
آني بصير أنسآنه ثآنيه بصير شخصه ثآنيه آبتغير تغير كُلي وجذري من آلجذور وحتى آلأوراق
بصير شي فعآل ومهم فآلمجتمع أبصير بويه ..
نعم بويه ..
عشآن على آلآقل لآقآلوآ آلنآس ذي عآنس يقولون مآعنست إلآ بكيفهآ
مهوب حدهآ آلزمن ولآحدن عبرهآ ..
وأصلآ كذآ ولآكذآ مآفيه أنوثه فلو حولت بويه مآفيه شي أتحسر عليه ..
وهآ أنآ أكتب إليكم وآنآ مآسكتن آلموس بيدي آبحلق على آلصفر
معلنةً بذلك تنفيذ أول بنود آلقرآر آلسآمي آلآ وهو ظل بويه ولآظل عآنس ..
هذآ وآلله آلموفق


*مآيستفآد :

ترى آلبربسه ذي من وحي آلخيآل وآلله هه هه
<< تحط آصبعهآ على رقبتهآ وتحركه مثل البزآرين
ولآنيب بوية ولآ آفكر آصير بويه آصلا وش هي آلبويه غير آللي يصبغون بهآ آلجدرآن
لكن في رآيي هذآ سبب من آسبآب آنحرآف آلبنآت
وكثرة آلبويآت آنهم يجلسون بتسبود آهاآيهم لآشغله ولآمشغله ويفوتهآ تكسي العرس




منقووووووووووووووول لبى قلبك يا اسكيوزمي<< اسم العضوه عشان تدعولها تعرس

>>>>> ردود الأعضـــــــــــــــــــاء على الموضوع <<<<<
==================================

يسلمؤؤؤؤؤؤؤ على الموضوع

يسعدني ان اكون اول من رد

__________________________________________________ __________
مشكورة احتمالوو موزوعك روووووعة

__________________________________________________ __________
مآقد صآرت لي قصة حب ولآ حتى أعجآب ولآحتى آحد غآزلني فحيآتي كلهآ ولو بآلغلط

ههههههههههههههههههههههه يآحيآتي .. قطعت قلبي

مير يآلبيــــه !! جعلها تعرس ياربي .. ! كان الحظ ردي .. مابقى أحدن أعرفها ألا وتأخر زواجها

الله يســـتر !!

مير موضوعن راآآآآآآآآآيع .. وكاتبته أرووووووع .. وناقلته قدعه وفوووله

منعدمش التحشيــــــــــش تكفوووون

__________________________________________________ __________
هههههههههههههههههههااي
والله يااني طايحتن من الضحك
قسم اللي كاتبته فنااااانه
واللي ناقلته مبددعه
تقبلي مرووري احتمااال

__________________________________________________ __________
ههههههههههههه يعطيك الف عافيه يالغلا
ننتظر جديدك

هههههههههه رؤووووعه يسلمو