عنوان الموضوع : الملحق مضحكو جدا
مقدم من طرف منتديات الشامل
.
.
وحده تقول مره من المرات في رمضان أخوي عزم أصدقائه
فجأه قبل المغرب بساعتين بس
وكنا على أساس انه مافيه أحد من اخواني ماسوينا شي كثير
وطيران على المطبخ وحده تسوي العجينه وحده تلف سمبوسه
و وحده تغسل المواعين اللي بنقدم فيها , وقبل مايجون قالت لي
أمي روحي نظفي الملحق وبخريه وشغلي المكيف قبل مايجون
وأروح أنا للملحق وابخره وافرش السفره وكنت لابسه قميص
أزرق كاروهات روز يهفهف علي بهالطبخه , وشعري مزيتته
عشان لاجاء العيد الف يمين ويلف شعري يمين معي ويدي حاطه
عليها عسل حرقني الفرن إلا شوي أسمع خطوات واحد قلت أكيد
أخوي بيشوف وش صار على المصيبه اللي حطنا فيها والقاه
وراي وأبي التفت عشان اقوله باقي شوي لين ينتشر البخور
وبطلع إلا شوي القى لي واحد مهب أخوي , أنا من الصدمة مدري
وش اسوي هو قدام الباب أبي اطلع واستحي اقوله وخر والشباك
ماش عليه حدايد مااقدر أطلع منه , هو قام تنحنح و وخر
ورحت أركض حتى شباشبي الورديه اللي فيها فراشه مااخذتها
وأروح لأمي وجهي متقلب الوان تقول وشبلاتس ؟أقول لامافيه
شيء " أخوي خالد قال شيء ؟ عاد مر يوم يومين ثلاثه وفطرناهم
ثاني مره وتسنعت بالحلا والقهوه كود ينسى اللي شافه ... وجالسه
أتذكر قصص البنات اللي شافوهم أصدقاء أخوانهم ومن بعدها
خطبوهم ,اجلس اتخيل نفسي معه وبالكوشه والفستان الأبيض
وبنيت بيت أحلامي ورسمت مستقبلي وسميت عيالي بنتين
وولديين وكلهم توم ...إلآ شوي يجي أخوي معصب من اللي كانت
في الملحق يوم الفطور ؟؟
أنا هنا قلت بس متى يوم العرس . قلت وأنا مستحيه أنا اللي كنت
في الملحق ..
قال الله يلعنك , صديقي يقول خدامتكم ليش ماتحجبونها ؟
قال ماعندنا خدامه !!!
قال إلا شفتها يوم افطرنا عندك ..!!
ودارت بي الدنياا الله يدور راسه وتبخرت أحلامي
ورحت أغسل مواعينهم وأنا أدعي عليهم ):
ووودي (:
>>>>> ردود الأعضـــــــــــــــــــاء على الموضوع <<<<<
==================================
هههههههههههههههههههههههه
الله يقطع شرك
قسما بالله ضحكتيني
__________________________________________________ __________
ههههههههههه
ياحرام أخوها وزميله قصفوا جبهتها هههههههه
يعطيك العافيه
__________________________________________________ __________
هههههههههههههههههههه
يااا حرررام بعد كل المخططات والأحلااام
هههههههههههههه
__________________________________________________ __________
__________________________________________________ __________
رد مع اقتباس
