عنوان الموضوع : لاتفوتكم حكايتي مع الشات ! مضحكو جدا
مقدم من طرف منتديات الشامل

استغرب ..
و على فكره استغراباتي كثيره بس هذي وحده من استغراباتي ..
فيه دردشه كانت فى بالجوالات اسمها تشاتي و الثانيه اسمي .. بصراحه مدري وش قصة هالناس عليها ..
جلست مع واحد من الشله اربع ساعات و هو مدنق على جواله و يضحك و يكتب رساله و يرسل و انا قاعد اتفرج عليه ..قلت يا وافي وش عندك بهالجوال .. لي اربع ساعات ما سولفت علي .. قال دقيقه .. و قاعد يرسل .. المهم مشيت .. و من بكره سألته .. قال .. هذي خويتي .. اتراسل انا و ياها بالدردشه اللي عن طريق الجوال .. قلت .. شايفها .. قال .. لا .. قلت .. سمعت صوتها ... قال .. لا .. قلت .. غبي .. تراسل شنب يا وافي .. قال .. اسلوبها اسلوب .. بنت .. قلت .. اطلب منها رقم الجوال .. أو قل بقطع الرسايل .. قال .. خلاص .. المهم .. طلب منها رقم الجوال و أرسلت له .. تقول آسفه .. ما أقدر إلا إذا أرسلت لي بطاقة شحن .. و المسكين حتى المكافأه ماهي عنده .. و تسلف من أخوه 10 ريال و أرسلها البطاقه .. و المصيبه .. غيرت لقبها بالدردشه ..
و جاني يشكي .. قلت احمد ربك اللي شحنت 10 ما شحنت00 1 ريال وانا اعرفك على الحديدة هههه00 ..
و قبل اسبوع .. قلت بشوف .. ردود فعل الشباب الله يهاديهم .. و سجلت بالدردشه .. بس اللقب ( دلوعة الدلوعات ) خخخخخ أدري مو لايق ..
المهم ما امداني انزل الجوال إلا و الرسايل .. و اقروا معي رسايل الشباب ..
1- ذيب يعوي ( هلابك يا دلوعه .. انا ؟؟؟ و عمري 23 و ساكن بالرياض و راتبي 6000 و سيارتي لكزس و حاب اتعرف )
خخخخخ يقطع ابليسه و الله بغيت اعطيه وجه لما قال سيارته لكزس ..
2- حبيتها و انحاشت ( ارررررحبي .. و الله ان معرفة مثلك و شرواك تجيب المطر .. أنا شاب وسيم و الدنيا رخيصه عندي .. و احب اتعرف عليك يادلوعه .. وش قلتي ؟)
هههه من شفته ماد حرف الراء و انا غاسل يدي منه ..
3- ونيت ( السلام.انا وحيد بهالدنيا و مالي صديق و حبيت تكونين صديقتي و اوعدك اني راح أوفي معك.بس عطيني مجال اعرفك على نفسي و اذا عرفتيني ماراح تندمين.معك سامي.22سنه.)
الله الله .. حزنت على شانه .. و المصيبه بحثت عن الرسايل من جهازه لقيته مرسل 33 رساله .. الله اكبر هذا اللي لحاله ..
4- شقردي وردي ( احم احم .. وشلونك يا دلوعه .. معك شقردي الوردي و حاب اتعرف عليك اذا ماعندك مشاكل .. و شو اخبارك ؟)
اوخص ياللبناني .. شو اخبارك .. و الله لو ابحث عنه ألقاه منطوي تحت ظل طلحه ..
5-فنان.مجهول ( مساء الخيرات .. كيفك .. ودي اتعرف عليك .. ردي لي ..)
ماشالله واثق اني برد له .. بس شكله محترم ..
6-رومنسي لمتشقق( يابنت وشرايك تعطيني وجه .. و الله اني غادي و لالقيت لي احد يونسنس بغربتي )
لا و قال رومنسي .. ياولد أنت وين و الرومانسيه و ين ..
7- ولد أبوه ( )
مرسل رساله فاضيه .. يجس النبض .. هذا الاسلوب ..
8- كرااااش ( طق طق طق تسمحين ادخل يادلوعه .. و الله انك على اسمك دلوعه .. ممكن نتعرف ..)
هههههههه على باله شايفني .. و الله من الدجه ..
9- snow ( صباح الخير .. شو اسمك يا حلوه .. حابين نتعرف ع بعض )
ياويلي .. وش هالناس .. على باله اني مصدق انه لبناني ..
10 - كوماندر( اسمي فهد و ابي وحده حلووووه مثلك .. و انا عاقل ماني من اهل الحركات ..)
بصراحه شككني الولد هذا .. اذا منت من اهل هالحركات وش فيك مرسل ..
.
و عندي اكثر من كذا بس ابختصر الوضع ..
أحيانا أحس ان العالم تستهبل من زود الغباء

صدقوون هذا عقليات شبابنا الله يهديهم


الله الله فى التقيييم السنع

اخووكم \ سلطان الحرف

>>>>> ردود الأعضـــــــــــــــــــاء على الموضوع <<<<<
==================================

هههههههه الله يهديهم بس ...

يعطيك العافية ...

__________________________________________________ __________
ههههههههههههههـه ة ’’ أجل دلوعه الدلوعات .. صدق الله يهديهم ويصلحهم ..
ويعطيكك الف عـآفيه على الطرح الجميل ..~

__________________________________________________ __________
6-رومنسيلمتشقق( يابنت وشرايك تعطيني وجه .. و الله اني غادي و لالقيت لي احد يونسنس بغربتي )
لا و قال رومنسي .. ياولد أنت وين و الرومانسيه و ين ..

ههههههههههههههه آووومـآ عليك بسس !!!
الاسم بحالو كاك ؟؟
يعطيك العافيه اخوي على الفرفشه ..
لك ودي وتقديري ..


__________________________________________________ __________

هذا وإنت گاتب دلوعة الدلوعات.....
أجل لو گاتب <<گلي حلا....شفايفي توتة....العسل بإسمي إنگتب>>>

الله يهدي ماخلق.....


تقبل مروري.....
ولگ ودي وإحترامي....

__________________________________________________ __________
سلمت الايادي على هذا الموضوع الرائع والجميل
وهي هكذا الحياة غدت الرجل يدخل بأسم أنثى والانثى تدخل بأسم رجل
وحتى في المنتديات وحتى في الهواتف النقاله هنالك برامج لتغيير الاصوات
وهنالك برامج تخص الويب كاميرا
تجعل من نفسك وسيم
وهي تجعل من نفسها أميرة الاميرات
واحياننا الرجل يصبح أنثى
والانثى تصبح رجل
وهكذا
غريبــــــــه الحياة فعلا
موضوع جميل أخي العزيز
وشكرا للدعوه

هههههههههاااي
أعررفــهـ هـالبررنآآمج

دخلتههـ مررآآ بسس مرا قلت أدب

الله يهـدي شبــااب و بـناات المسسلمـييـن

يعطيييـكك العآفيييييةة