عنوان الموضوع : غلطة عمر
مقدم من طرف منتديات الشامل

الا شلونكم شخباركم ادري مشتاقين لي
<<<<<<<<<محد درى عنك

وانا قاعد اضبط الفيمتو واسوي موازنه حراريه الفيمتو مع الماء الا طرت علي سالفه منذمبطي صارت وقلت اسدحه هوني والسالفه هذي يوم كنت ساكن بالرياض

*
*
قصم بالله العظيم كل انسان يغلط مره وحده بالعمر وانا غلطتي آني قلت لخالي ليه ماتجينا بالرياض
*
*
*
* وكل واحد منكم يتبرا من خاله من الحين

آخواني وآخواتي قصم آني آكتب لكم القصه ذي ودموعي شوي وتطلع من القهر .
نبــدآ القــــصه .. بسم الله
هذآ الله يسلمكم يوم الثلاثاء الصباح كانت الساعه تقريباُ 7,30 .. كنت جالس اتفرج على فلم
رومنسي تعرفون انا صار لي شهر آحآول اتعلم الرومنسيه : المهم الا دق جوالي
فـربتشينو .. آلو
خآلي .. هعهعضهعهعضهعه << ضحكته الوسخه
فربتشينو .. بسم الله من معي ..
خالي .. مالت عليك يالخايس منت مخزن رقمي عندك
فربتشينو .. يآخي ماني رايق لك بتقولي من انت ولا كيف
خالي .. آنآ خآلك سعود يالخايس
فربتشينو.. ههههههههآي هلا وغلا والله ماعرفتك غيرت جوالي وراحت نص الاسماء
خالي .. آقول آخبارك بس .. عساك متعافي
فربتشينو .. والله بخير ياملا العافيه آنت آخبارك
خآلي .. آخباري تسرك .. آبشرك خذيت آجازهـ
فآصل آعلاني
خالي هذآ من حآيل عربجي عمره 25 معاهـ ددسن رايحتن فيها بدون مكيف اللي بيركب معها
لازم يدخل مع الدريشه الباب خربان ههههههههههههههآي

المهم هو بس قالي آخذت آجازهـ انا وجهي صار آحمر قلت آكيد بيجي
عدنـــــــــــــآ
فربتشينو .. آسآلك بالله آخذتها تعال لرياض وربي لامشيك واونسك << تعرفون انا قلتها بس عن قولت ماقالي تعال ..
خالي .. والله تمشيني ماعليك بجيكم بس بنروح للمملكه والفيصليه وحديقة الحيوانات .. نبي الاماكن اللي فيها بنات << نفسي اعرف وش دخل حديقة الحيوانات في البنات
فربتشينو .. آنت ماعليك تعال والله لاسعدك
خالي .. اليوم ماشي بكره ان شاء الله الصباح وانا عندكم
*
*
*
المهم جاني خالي يوم الاربعاء الساعه 12 الظهر هو يطقطق علي الباب وسلم عليه ونطلع ونتغدى انا وياهــ يوم جاء العصر قال بنام والمغرب صحني على شان نروح نتمشى قلت ياخالي
اليوم الاربعاء وانا والله بعطي سيارتي آخوي بيودي آهلي لعرس مآدري وين قال مو مشكله نروح على الددسن قلت الله يرحم والديك وش الددسن رايحين نشتري غنم ولا رايحين نتمشى
قال لا ماعليك الرجال مخابر مو مناظر .. قلت بقلبي والله انت لامخابر ولا مناظر هههههههآي
المهم استحيت منه وقلت له تم بنروح .. جاء المغرب وصحيته وصلينا وطلعنا على الددسن
عليها صوت كآنه دباب مو سيارهـ حتى يوم ركبت معه تلثمت على شان ماحد يعرفني من الحارهـ المهم رحنا للحلاق يوم طلعنا الظاهر الحساب 250 ريال انا حلقت بــ 40 ريال بس وهو في الباقي صنفرهـ حلاقه بخار ليزر حمام زيت التركي يقوله تبي كذآ يقول ايه بالغصب الا يصير حلووو المهم قلت ماشاء الله عليك ياخالي كآنك معــرس قال افا عليك يآولد اختي لاكشخت انا ترى مزيون << قصم لو شفتوه وقتها كآن واحد ماسكه وحاط وجهه بصحن طحين
مخلص بودرة الحلاق على وجهه المهم بعد الكشخه ذي كلها رجعنا لددسن ورحنا متوجهين للفيصليه يوم دخلنا شارع العليا حق الفيصليه قلت ياخالي خلنا نوقف السياره بعيد على شان
لو تلاحقنا الهيئه ننحاش على رجولنا لسياره قال ماعليك منهم انا بحايل كل الهيئات تخاف مني قلت ياخالي ماشاء الله عليك سلفستر الستلون انت مو سعود والله لاجلدوك بالخيزرانه لايخلونك تكره دنياك .. << انا ابيه يوقفها على شان ماحد يشوفنا وحنا نازلين منها مو على شان الهيئه ولا آدري الهيئه بالفيصليه ماتسوي شي المهم يوم وقفناها داخل الحي ورحنا كعابي على رجولنا وصلنا باب الفيصليه وجينا بندخل قال عوايل قال خالي ياخي والله بحايل
مافيه عوايل ولا شي ندخل الاسواق عادي .. قلت انا ياخي انت كل شوي حايل حايل آزعجتنا فيها باريس ذي مو حايل امش امش " مشينا ورحت مع باب الفندق حق الفيصليه اللي يدخل
السوق من ورى يوم جينا هناك ولا فيه حارس على الباب يشبه الاعب دروقبا احلا خال
قلت ارجع ارجع بس .. قال خلنا نروح للمملكه قلت ياخي الفيصليه مادخلوك بتروح للمملكه
قال خلنا نجرب قلت يلا راح لددسن قلت ياخي المملكه جنب الفيصليه خلنا ناخذ تكسي بـ 10 ريال والددسن نجيها اخر الليل الظاهر مادخلونا والسبب الددسن ضحك خالي وركبنا تكسي
يوم جينا عند المملكه هم قالو مافيه دخول قلت ياخي جايينكم من الشرقيه بنشوف معالم الرياض واخرتها مافيه دخول << مسوي شرقاوي قال والله هذآ امر مو بيدينا قلت الله يعطيك العافيه ومشينا قال خالي خلنا نقول للبنات قلت آوكي المهم كل مامرت وحده قلنالها تدخلنا قالت لا واللي ماترد علينا واللي تستهبل بجد وقتها حسيت ان وجهي طاح بالارض بس خالي الله يهديه وجهه مغسول بمرق
المهم جن حوالي 6 بنات مع بعض قال خالي ماعليك بقولهم يدخلونا شكلهم رهيبات هذولا قلت اقول امش والله من اليوم ماحد دخلنا كله من البودره اللي على وجهك يفكرونا شحادين
*
*
*
المهم رجعنا وخذنا تكسي والساعه 11 بالليل قلت لخالي خلها بكره نروح يمكن يدخلونا قال ياخي والله قهر محلق 200 ريال واخرتها ماشفنا الا السكرتيه بس قلت وش تبينا نسوي
قال خلنا نروح لحديقة الحيوانات .. قلت حديقة حيوانات في الليل ياملا الاسد اللي يقطع بطنك
وجلس يضحك قال ليه قلت ياخي مافيه الا من الظهر للعصـــر .. وآخر شي ركبنا الددسن ورحنا لمقهى الشيشه حق آبو هيثم على طريق القصيم وجلسنا فيه لاغازلنا ولا كحلنا ولا استانسنا
ههههههههههههههههههههههههههههههههههههههآي

الا صحيح تبون فيمتو


>>>>> ردود الأعضـــــــــــــــــــاء على الموضوع <<<<<
==================================

هههههههههههههههههههههههههههههههههه اخ يا بطني


ابي واحد فيمتو هههههههه

__________________________________________________ __________
عهع هههههههههه الله ياخذ بليسك وبليس خالك موتني ضحك

__________________________________________________ __________
ههههههههههههههههههههههههآآآي
رووعه
صرااااااااااااحه
خطيير اهم شي الددسن
يعطيك العافيه ونننتظر جديدكـ
تقبل مروري

__________________________________________________ __________
اهيييييييييييييييييييييييييييييييي لالالالالالالالالالا مومعقوووله

ياخي انت وخاالك ذبحتووني ضحك نشف ريقي

اظاهر بروح افطر ,,,,,,,,,,

خيرها بغيرها ,,,,,,,,,,,

يالبى حاايل والعقااال المااايل ,,,,,,,,,,

__________________________________________________ __________
ههههههههههه والله انك انت وخالك فلاوييين

ههههههه احلى شي يوم يحسبونكم الناس شحاديين هههه

ايه نبي فيمتو لكن ع السحور الحين الكل صاايم

عواااافي وتسلم ع الطرح

المشاركة الأصلية كتبت بواسطة &خطاك ضيع غلاكE
ههههههههههه والله انك انت وخالك فلاوييين

ههههههه احلى شي يوم يحسبونكم الناس شحاديين هههه

ايه نبي فيمتو لكن ع السحور الحين الكل صاايم

عواااافي وتسلم ع الطرح


جغمه ماتضر ترا ههههههههههههههه
جغمه = رشفة = شرب قليلن من الفيمتو ^_^
يسلمووو على المرور