عنوان الموضوع : ما ابي البيت صرخة مواطنه سعوديه مضحكو جدا
مقدم من طرف منتديات الشامل

السلام عليكم ورحمة الله وبركاته

مســاء/صبــــاح

الخير والرضا والسرور

...........................

امس قريت موضوع باحد المنتديات كان اسمه"مابي اسوق"..صرخة مواطن سعوودي
كان يتكلم فيها عن سواقة المراه ومنع الرجل عن السواقه
عجبني الموضوع وحبيت اكتب هذا الموضوع

بخصوص انو ماتبون تسوقون وتبونا نحس بالي فيكم
اقولكم انو احنا كمان مانبي البيت
تبون تجلسون فيه مثلنا واحنا نكرف مافيه مشكله
حنا بنسوق وانتوا انثبروا بالبيت
عاد تخيلوا شكل الرجال بالبيت
تجي الحرمة من برا بعز الظهر وتطالع فيه بنظره مرعبه تخليه يرتجف
وتقوله بعصبيه ووين الغدا؟؟
ليه ماطبخت؟؟
يقولها الحين بسويه وش تبين امري
وبعد الطلبات يقوم يطبخ
بوقت طبخه يسمع واحد من المبزره الي حوله يبتسي
وخايف لاتحرق البصله والبزر يزيد بصراخه وامهم فوق نايمه
يروح يشيل البزر ويهديه ويسكته بملعقه ثمن يرجع لطباخه
يلاقي البصله محترققه
يكمل طباخ وبعده يخلص يجي يرقى لفوق من شان يصحي المدام
ويصحيها وتماطل وتتمصخ وتسذا ثمن تقوم وبعد الغدا
يطل بالصحون الي جايب فيها العيد بالمطبخ
ويقوم ينظف ويغسلها ونشفها ويرتبها ويمسح المطبخ وكمان الطاوله وكمان دولاب المطبخ
ثم يجي يبي يرتاح يلقى البزران يطالعونه بنظرات فيها شر بمعنى"انت روح نام وحنا بننحاش لبرى"
فيضطر انه يجلس معهم<<والله هذي معاناة الحريم

بيوم ثاني يبي يروح السوق يكمل اغراض البيت
يطلب من زوجته المصون انها توديه السوق وتطالع فيه الحرمه بنظرات تقهر
تقوله لا مافيني شده ع السوق
ويظل يترجاها<<زي مايسوون
ويترجاها اليييييين تمل من حتسيه وتقوم معه وخمس دقااايق ومانزلت قسسمن لابوه طلعه ولا بوه سوق
ويضطر اخونا الرجل انه يتجهز بسرعه في اقل من 5دقايق
وطيراان للسياره ويلقاها مقفله والحرمه تتجهز
تطلع له ويمشوا للسوق
ينزلوا ويروحوا يدوروا ع الغريضات الي ناقصتنهم
تطفش الحرمه وتطل فيه وتقول انت ماخلصت؟؟
يقولها هاه لا والله باقي
تقوله يامال العافيه لك ساعه اتفرفر بالسوق ولاقد خلصت؟
ورا ماتخلص بسرعه انا موب فاضيتن لكوراي مشاوير
فيضطر يقولها خلااص حبيبتي هذاني خلصت يلا مشينا<<وبعيونه دموع مابعد خلص>>ويطلعوا
من السوق ويرجعوا للبيت
................
شي حلو مو؟
بنات حريمات هههههه قسسم بالله فله
تخلي اخوتس يقوم من عز نومه يطبخ لتس الغدا
والا تجينه باخر الليل تقوليله انا جوعانه ابي تطبخ لي تسذا وتسذا
ياحلوتس يالبنت السعوديه وانتي كاشخه وطالعه من العصريه بتروحي لخوياتتس
ومحد بيقولتس على وين ولا احد بيذلتس بالمشوار
.................
تخيلات
.................
-تخيلوا الرجل السعودي جالس مع اخوياه ويقول
ياناس امس ولدي جته سخونه والمدام كانت مشغوله
وطلعت مع السايق بدون علمها
تهقون لادرت بتلعني؟

-تخيلوا حرمه تنتظر برا وتعصب لان زوجها ماطلع بدري
وتدق عليه وش فيك تاخرت يقول
والله اغير حفاظة الولد

-تخيلوا الشباب الي بالثانويه ينذلوا لاخواتهن من شان يودوهن لاخوياهم
ولا راحوا تكون سوالفهم
انا جتني خطيبه بس امي رفضتها تقول انها تدخن
يقوله الثاني وانا امس انخطبت من وحده مملوحه بس اني مابيها لكن اهلي جبروني عليها<<غلبان

-تخيلوا بعد سنتين من البحث
وراء الشاب المختفي"سلتوح المشفوح"
يلقونه ويا خويته او حبيبته وفي مطار لندن
ويكفشونه بروحه ويخلون البنت<<حكمها حكم الرجل<<وطبعا هي خلته بما انها تقدر تنفر بجلدها
وبعد تسذا تخيلوا
زوجه تجيب لزوجها هديه في عيد زواجهم تطلع خاتم فضه منقوش عليه اسمها
يقولها خيير اخوي بعيد زواجه الخمسطعش جابت له زوجته طقم الماس من لازوردي

اقسسسسسم بالله ام الفله
ههههه وبتسذا انتهت هياطاتي
يارب تعجبكم
ومعليش لو بوه اي اطاله او شطحات
والتقيم لاهنتوا
تقفون بعد عصرة مخي هذي لاتقولون ههههه يسلمو
يمينا بالله مب مجبورين ابد انكم تردون والله العظيم
ابي رد على قد المجهود بدون يسلمو بدون يعطيتس العافيه
الله يسلمكم ويعافيكم

>>>>> ردود الأعضـــــــــــــــــــاء على الموضوع <<<<<
==================================

وعليكم السلام ورحمه الله وبركاته

احم احم يشرفني اني اكون اول من يرد

واهه لو يصير كذا بموت من الفرحه وربي لا اهايط فوق راسه زي مايسوون فينا
احلى شيء حق خرجه السوق هههههههههههه

موضوع رائع لاعدمنا جديدك \ لك ودي

__________________________________________________ __________
ههههههههههههههه ونااااااسه مرررررره تخيلي بس ابي أتخيل أبوي واخواني يخدمونا ههههههههههههههه شييييي بيصير الله يهديتس ياوخيتي إحنا متنبي انهم يقلبون بنت من جد لا بس ويسوق بس هااااذذي امنيه عندي وعند هولاليه وه بببببس فديت خشتها ولا تعالي تخيلي الرجال يجلسون مع بعض ويقولون معركه ذا المحل موب زينه ابد ولا يروح السوق من العصر مايرجع الا الساعه عشر وبيده اكياس وناااااااصصصصصصه مرره يعطيتس العافيه يارب

__________________________________________________ __________
يعطتس العافيه تسلم يدينتس مع اني مااحب اتكلم تس بس لاحضت كلامك كذا كلام رائع انشاء الله يتحقق خصوصا في السوق والله يستاهلون من انرواح طاولتو حتى ماناخذ راحتنا او الغيره فضيحه مرات اخوي جابت لخوي طاقم لازوردي بس بصراحه في رجال يدورون راحت زواجتهم واحده من صديقاتي يساعدها في الطبخ يغسل الملابس يطبخ العشاء وبعضهم ملاعوزينهم

__________________________________________________ __________
هههههههههههههههههههههههههههههههه


واو يطلع شي خيال نفسي بس مره اشوف رجال مذلول لمره مثل ماهي تذل نفسها بس لجل يوديها للسوق يلعن ااااوم الحاله

__________________________________________________ __________
..

هلا ومرحبا
وربي يعطيك العافيه
هههه شموخه فديت روحك بس وربي اتخيل واضحك
اسال المولى ان تظلي شمعه مضئيه في ارجاء هاذا القسم
وان يظل عبق تواجدك يلطف القسم وابصارنا دوما بجمال ما تقدمين
لذالك لاتبخلي على القسم باطلالتك وروائعك
سلمت يمناك على ما قدمت وسلمت عيناك على ما انتقت
وانتظر منك المزيد بشوق
لك ودٍ لا يبور
تقبلي مروري وا ودي يسبق وردي
..



هههههههههههههههـ

اتخييل نفسسي جايه من المدرسهـ واصـارخ
بنـــــــدر قووم اعمل اكـل بسرعه ولاتنسى شغل المكيف
ع بال ما اخذ شوور
اوووم الفلهـ