عنوان الموضوع : موضوع جدا مهم اتمنى الكل يدخل- الشامل
مقدم من طرف منتديات الشامل


السـلآم عليكـم ورحمـة الله وبركـآتـه..}
كيفـكم يـآ كويسأت..
وسسمـه ابي اقولكم سر بس عادي تقولونـه لأحـد

ماراح اتكلم بأسلوب وشسمه بأتكلم بأٍسلوبنـآ كـ بنـآت..
بنـآت..
مره رحت لمسجد صلاه القيام .. شفت بنات كثير بأعمارنا من 16 الى العشرينات واكبر ..
بنات لبسوا عبايات كتف وبناطيل و و و لكن ايش..!!
تركو السوق والتلفزيون والاغاني وجو للمسجد ..
وش معنى هذا..!
يمكن صليتي في بيتك ورفعتي يدك ودعيتي من قلبك..
وبـ ذلك بكيتي والشيخ يدعي..
تسمعين الشيخ يقول ..{ يارب ندعوك دعاء المسكين من كثرت ذنوبه وقلت حسناته }
وتسمعين { سبحان من ستر القبيح واظهر الجميل },,
تسمعين يقول { سبحانك تطاع فـ تغفر وتعصى فـ تغفر }..
تبكين من قلبك او يعورك قلبك ..
تحسين انك صح كذا/ تحسين فجأه انك ولا شي
يعني وش سوينا نحس ان حنا مغترين بأنفسنا..
تدرون في احاديث للرسول واقوال للصحابه ان في زمن ان الرجل يصلي ستين سنه وماتقبل له سجده وحده ..
معقوووووول.!
ايه ولا سجده يعني تركعين وتقومين وتسلمين ماتدرين كم صليتي وترقعينها بالسهو ..
بنات الى متى انا وانتو كذا..
قسم بالله مهيب حاله يعني تجيني حاله اقول ودي اني بعهد الصحابه ..
الى متى وحنا بغفلتنا,,
نصلي ونبكي و و..
يجي العيد وبعد العيد نرجع لخنبقتنا وننسى ..
طيب انا وانتي خلينا نفكر بـ شي من الحين دام الهمه فيني وفيك..
مثلا نسوي صندوق بالبيت او بغرفتك كل يوم حطي ريال ..
بدل هالشيبس اللي كل يوم نجيب 4 للشله..
نتبرع بريال للصندوق ...
وريال على الريال تصير 10..
تدرين ليه ريال عشان ماتثقل عليك واللي لها قدره الله يجزاها خير..
وعطيها مثلا هاللي ينظفون بالاسواق ولا سواقكم ولا شغالتكم ..
تراهم ماجو هنا الا للحاجه..
واذا كانت تتعنفق ولا تنافخ ..
خلي قلبك اكبر واكسبيها باجر ربي وماجوووووووووره,,
ولسانك ..
اللعن ..
زي العاده ..
شفتو ابله فلانه الله ..... تستهبل هي وواجباتها..
ولا الدكتور/هـ ودي اذبحها الله .........
ولا اخوي الحمـ.... فصل النت الله ....... .
عودي نفسك تتركين العاده ..
اذا لعنتي فجأه عاقبي نفسك واستغفري 40 مره مثلا ..
واحسني خلقك مع أي احد..
تدرين الابتسامه لها اجر..
تمر وحده من جنبك .. لاتمدين الكشره متر ..
لا ابتسمي..
انا مره رحت مكان ماعرف احد فيه وفيه بنت ابتسمت لي تمنيت اني هي..
الابتسامه لها دوووووووووووووووووور..
عبايتك ..
انتي عارفه خطأك اكيد بس خليني اقولك عن شي..
مره كانت فاطمه بنت النبي تبكي من قلب وتصييييييييييييييييييح..
جتها عائشه رضي الله عنهم جميع..
تقولها مابالك .!
اعلمك وش قالت ..؟!
قالت بمجمل كلامها .. الحين إذا انا مت وشالوني الرجال بيبين جسمي وبيبان خصري
يعني شكل جسمي بيبان..
اذا فاااااااااااااااطمه بنت الرسول كذا تفكيرها
وهي الحين ميته..
وحنا العبايه واسعه لكن مع الشنطه وشد العبايه مع الخصر يبان كل شي
بنات تكفون خلونا نتغير ..
وربي ماراح ينفعنا شي..
تدرون ان النار سوداء <~ توها سامعه المعلومـه..


واللي ابتليت بجوال مع الشباب ولا الماسن..
تأكدي هالشخص اذا انحطيتي بقبرك وجاءك ربي يقولك وسألك ليه سويتي كذا.ّ
وش ردك عليه..!
والله ماينفعك..
تدرين ليه اقول كذا .. لاني اعرف كثير وعارفه هالشي صعب..
لكن احببببببببببببببببك لاني احس انو شي صعب بس من ترك شي لله عوضه الله خير منـه..
اتركيه هالشخص ووضحي له انك تعدلتي..
شي احسن من لاشي ..
صح علي..
حاولي و حاولي وحاولي..
وادعي لربك قولي يارب لاتعلق قلبي بأحد واهدني واني احذف اللي عندي وعطني قوه وعزيمـه..
بنات..
تكفون .. =)..
عدلي لو شي واحد وادعي لنفسك دائم..
صح ولا انسى الاغاني والافلام الامريكي والكوري<~ يارب صبرنا وأعنا..
اذا انحطيتي بقبرك ماراح يٍسألو عنك ..
بتنحطين بقماش وذنوبك معك..
حاولي انك دايم تذكرين صحباتك بالجنه والاشياء ..
تخيلوا اليوم سمعت عن قصه ..
في اثنين أصحاب ..
كانو قاعدين بمكان <~ اجل وين..
المهم..
قامو يتكلمون عن الجنه والنار والخ.!
واحد دمعت عينه بذكر النار خاف منها..
بعدها بمده توفى صاحبنا ..
وجاء لخويه بالحلم ..
قاله صاحبه يافلان وش اخبارك..!
قال اخباري..
انا بالفردوس الاعلى اعلى شي بالجنه..
قاله صديقه ليه..؟
قال تذكر يوم نقعد نسولف انا وانت وذكرنا النار ودمعت عيني..
هذا اللي دخلني الجنه..
شفتي ربي قد ايش كريم..
وربي ربي شي كبيييييييييييييييييييييييير..
بنات..
طولت عليكم..
بس وربي ضايق صدري ع حالنا هالبايخ..
تكفون خلينا نتحمس سواء ونتعدل مع بعض..
الله يخليكم..
لي طلبه اخيرا..
اذا اعجبك الايميل وعارفه اسلوبي مدري وش يبي...
بس ارسليه لاقرب شخص لك ..
اللي تحبينها وتخافين عليها..
من نار جهنم..
لا يقولك هالسخيف: <~ تقصد ابليس
لاترسلين مشوار..
لا خذي اجر..
واذا بغيتي تحطينه بمنتدى بتصيرين بطله...
واخيراً..<~ ياكثر الاخيرا
لاتنسوون خـــال اسسيل الخالدي من دعاءكم له بالشفاء العاجل..
احبكم ياكويسات
دعواتـــــــــــــكم لي بأن الله يوفقني لطريق الخير
ويثبتني على دينه ,,,



سُـبْـحَــــــــآآآنْـ الــلْـــه وَبِـــحَــمـــده
سُـبْـحَـــــــآآآنْـ الــلْـــه الــعِــظـــيــــــــمْ




(سبحان الله وبحمده)
 عدد خلقه
ورضا نفسه
وزنة عرشه
ومداد كلماته



>>>>> ردود الأعضـــــــــــــــــــاء على الموضوع <<<<<
==================================



__________________________________________________ __________
انا عارف ان الموضوع مخصص فقط للبنات بس ابي ارد وانا معاك بالكلام اللي قلتيه



والله الله يابنات

__________________________________________________ __________
جزاك الله خيرا,,
والله انك صادقه واتمنى نتغير للاحسن
وماقصرتي , احس كلامك فيه حرقه وواقعي
تقبلي حبي

__________________________________________________ __________


__________________________________________________ __________
جزاك الله الف خير وجعله في ميزان حسناتك يارب كلنا نتغير

للافضل ويجعلنا من اهل الجنه

تقبلي مروري

مشكووووووووووووووورين على الردود الرائعه
تحياتي:
ورده خجوله.......