عنوان الموضوع : على الوعد جيتكم يامخلفين الوعود جديدة
مقدم من طرف منتديات الشامل
بسم الله الرحمن الرحيم
السلام عليكم ورحمة الله وبركاته
أعزائي وعزيزاتي العضويين
كثيراً ماتمر بنا مواقف وتبقى معلقة بالذاكره
لا يمحوها طول الزمان ولا إختلاف المكان
وسواء كانت هذه الذكرى جميلة أو حزينه
فعند مرورها تبتسم رغماً عنك
<< قام يتفلسف
بدخل بالموضوع لأني ما أظمن نفسي لو جلست كذا بأكتب لكم قصة حياتي وهذا مو وقتها بس بيجي يوم وأقول لكم صفحات من حياتي << يمدحون قناة المجد
علىالوعدجيتكم*** يامخلفينالوعود
جيتك علىوعدكم*** ظنيت وعدك يعود
ماكان ظني بكم ***هذا الجفا والصدود
هذا بإختصار موضوعنا
يعني اللي بيدخل يكتب موقف حصله
<< تواعد مع أحد والطرف الثاني سحب عليه
أنا ببدأ لكم بموقف حصلي قبل سنوات
جيتك في عز الشتاء يالبيت القديم
أحم
في يوم من ايام السنه الكوكبيه ............ الخ
<< أعتقد إنكم حفظتم الوقت من كثر ماكررته
المهم في فصل الشتاء وبالتحديد في جنوب المملكه << الباحه
شتاء الباحه اللي مايعرفه كأنه سيبيريا
<< ترى مايبالغ
في ليلٍ عاصف , وشتاءٍ قارص , ومع صوت صرير الرياح , ونباح الكلاب , وعواء الأسود
والذئاب
وتساقط الثلوج
وووووووو
<< عساكم عشتو جو ؟؟؟
الزبده
طبعاً في هالأجواء لو طلعت برا البيت ماتدري الوقت ليل أو نهار
ولو مديت يدك ماتشوفها من الضباب
كنت جالس عند الدفايه وكنت آكل بسكوت أبو هلال مع الشاهي ومنسجم مع فلم على قناة السعوديه الثانيه
قطع علي إنسجامي صوت التلفون
أستغربت من يدق ذا الوقت ؟؟؟
قمت رديت إلا ولد عمي يقول : سلطااااااان بسرعه تعالي عند الدكان
قلت له : هي إنت مجنون كيف نطلع بذا الجو؟؟؟
قال لي : سلطان تكفي الموضوع ما يتأجل المسأله حياة أو موت أنتظرك لا تتأخر علي
وقفل الخط قبل لا أتكلم
وقفت مصدوووم
الحين كيف بطلع وانا لو بعدت شوي عن الدفايه تجمدت
طالعت حولي البيت هاااادي
<< أكيد مافيه إلا جدي وجدتي نايمين
قلت فرصه بطلع بسرعه أشوف وش عنده وأرجع
المهم طلعت بعد مالسبت نص اللي بالدولاب
فتحت الباب ما أشوف ولا شيء
والرياااااح كانت قويه
أخذت نفس عميق وطلعت بعد ماصكيت الباب بالشويش عشان لا تسمعني جدتي
مشيت بصعوبه
لدرجة إني كنت أمشي خطوه والرياح ترجعني خطوات والطريق للدكان كان زي الطلعه
<< الباحه جبال ففي بعض البيوت تحت وبعضها فوق
المهم
قاومت ومشيت ومشيت
إلين وصلت للدكان
والصدمه ولد عمتي مو موجود مع إن بيته أقرب للدكان من بيت جدي
جلست أنتظره
مرت ربع ساعه وهو للحين ماجا
كنت متجمد من البرد لدرجة إني ماعد أحس بيديني
ومرت نص ساعه وهو للحين ماجا
خفت من قلب
قلت لا يكون صاير له شيء
لا يكون طاح وماحد درا عنه
المهم قررت أروح أشوفه
مشيت بكل سرعتي
مع إني كنت متجمد والرياح قويه إلا إن خوفي كان اكبر
وبعد عناء وصلت للبيت بعد ما تأكدت إني ماشفت شيء بالشارع
دقيت بيتهم وانا زي المجنون
طلع لي أخوه
أستغرب من شكلي
قلت له : فيصل وينه ؟؟؟؟
قال لي : قاعد يلعب كيرم وش فيك ؟؟؟؟
أنصدمت
وفتحت فمي زي المهبول
قلت له وأنا مو مصدق
كيف قاعد وهو داق علي وضروري ومسألة حياة او موت
طلع لي ولما شافني أنفجر ضحك
وقال لي :
سلطاااااااااااااان احلف انك طلعت
يالمجنون بالله احد يطلع بذا الجو
والله لو يقولون لي تعال بنعطيك مليون ماطلعت بذا الجو
تعال تعال أدخل بس
عطيته نظره
ومشيت برجع البيت
<< كنت معصب ومقهور منه
والرجوع كان أسهل لأني الحين بمشي نزول مو طلوع زي يوم كنت رايح
وصلت البيت وحطيت يدي بفتح الباب إلا أنفتح وكان جدي
<< أووووم الوهقه
أستغرب
قال لي : سلطان وين كنت ؟؟؟
بسرعه صرفت الموضوع وقلت له : جدي كنت اتأكد إذا الدنمو حق المويه شغال أولا
قال لي : أدخل لا تمرض
دخلت ورميت نفسي عالسرير من التعب
بس ماقدرت أنام
وكلتها 3 أيام بالمستشفى لأن عندي ربو وألتهب صدري زووود
بس ماطوفتها لفيصل خليته يتنوم معاي
<< ادري طولت عليكم
بس أنا لما اتذكر الماضي أعيشه بكل تفاصيله
ولي عودة مع مواقف أخرى بس مو قبل ما تحطون مواقفكم
يالله الحين أبيكم ترزون لنا مواقفكم
مع تحيات حبيبكم الأبدي :
واااثق الخطى
=
عازف ع شاطئ الأحزان
>>>>> ردود الأعضـــــــــــــــــــاء على الموضوع <<<<<
==================================
ههههههههههههههههههههههه
والله انا ماعندي موقف
بس كنت مسجل في منتدى ثاني قبل تعب قلبي
وقالي واحد ابغى اشووفك
قلت طييب
ويوم رحت اشوفه انتضره ادق عليه يعطيني احمر وانا انقهر
حتى حلف انتي معااد اقااب احد ماعرفه
يوسفني ان اكون اول من يرد على جدي القميل
__________________________________________________ __________
هههههههههههه انا ككثير مواقفي زي كذا بس ماتذكر
__________________________________________________ __________
ههههههههههههه الحمدالله ع السلامه
انا صراحه ماحصلي موقف مثل هذا
تحياتي
__________________________________________________ __________
هههههههههههههههههه هههههههههههه ههههههههههههههه
ما قول تستاهل بس الشرهه عليك كيف تطلع بهالجووو
وانت فيك ربوو
عالعموم الحمد الله عــ سلامتك يا قلبي والله لو ولد عمك عندي كان
فقعت عيونه اجل يلعب كيرم ويخليك بذا البرد
يلا لعيونك بعصر مخي واطلعك موقف من ايام الثانوي
ياحلوها من ايام
[ الا ليت الشباب يعود ] >> ماسرقتها منك هع هع
مره من المرارير في يوم من ايام الثانوي الروتينيه ( دراسه..نوم بالفصل ..استهبال مال امه داعي )
قررت انا وخويي خالد النحشه من فوق سور المدرسه
للذهاب لأقرب بوفيه وشراء الطعميه خخخخخ
المووووهيييم
خططنا وقررنا التنفيذ في حصة الرياضيات كان اسوء مدرس عندي
واكرهه حييل >> انت اصلا تحب احد
ودورنا لنا صرفه وانحشنا من الفصل وذهبنا لسور المدرسه ونقزت من فوقه وانا استنا
سيدنا خويلد ينقز وراآي
جلست دقيقه دقيقتين ثلاث اربع خس ربع ساعه
واناديه خالد وييينك
ولا يوجد رد
قلت اكيد راح الحمام ونسيني قلت خلني ادخل أطمن عليه
ونقزت من فوق السور
الا بأستاذ الرياضيات بوجهي وشكله كان يدور علينا
واكلتها السب والتعهد انا وسيدنا خاالد باقي بالحمام ههههههههههههه
بس بعدها رديتها له الوحده بعشر يا إنه جاه تصفيق ذاك اليوم
حتى ما ضروسه تخلعت
وبعدها تعلمت اني اذا فكرت انحاش ثاني مره ما اخذ
خويلد معاي
تسلم يا سلطان عالموضوع الرائع واتمنى الكل يتفاعل
تحياتي نايف الغامدي
__________________________________________________ __________
انا كثير صارت لي مواقف بس ما اتذكر
يعطيك الف عافيه
هههههههههههههههههههه
والله انا ما اتذكر اي موقف
يسلمووووووووووووا
رد مع اقتباس
