عنوان الموضوع : الليله اللي بدايتها قصيد وطرب
مقدم من طرف منتديات الشامل

صبأإح/ مسآء ( الشعر)
*
*
*
*

الليله اللي بدايتها قصيد وطرب
تكاشف ابروقها لاحنّت ارعودها

هيهات هيهات واللي مايطول العنب
يشره على شجر ِته لو طال عنقودها

والجادل اللي تفاخر بالحسب والنسب
وشلون ماتفتخر لاعدّت اجدودها

كنت احسِب الدم ياصل دونها للركب
إلين ساقتنـي الاقـــدار لــحدودها

امهايطيه ولاتهتم فطلق شنب
لسترسلت فالحكي ياحي مارودها

من صوتها العذب تطعني بليّا سبب
وانا ا تحمّل خناجرها وبارودها

الا على طاري الطعنات لبّى الهدب
لبيه لبيه لامن سلهمت سودها

قالت عشا قلت مستعجل وقالت شبب
هي فاهمتني وانا فاهم لمقصودها

دخلت في ربعةٍ فيها ادلال ومشب
وصبّت من الدله اللي فايعٍ عودها

(لبى العرب) ياحليب الذود لبى العرب
من يوم قالت تعال وبهّلت ذودها

انا اشهد انها على ماقيل عز الطلب
واحترت مابين حِقتها ومفرودها

لاجيت اوصّف وش اوصّف ويا للعجب
الليل فجعودها والصبح فخدودها

والله ماكن فيها اعظام ولا عَصَب
عزاه لامن تثنّت وانثنى عودها

وانا انتحاري على الفطره واحب النشب
والبنت من جودها حصّلت ماجودها

لمحت فعيونها كلام كلّه عتب
سئلتها ليش لكن كان مردودها

قالت سلمنا ولكِنها سلامة عطب
والله يستر من العالم ومنقودها

ليله وعدت ولادري كيف طاح الحطب
ان باحت اسدودها ماباحت اسدودها

والله لو قيل عدها واخذ وزنك ذهب
والله ماعودها والله ماعودها

*
*
*
*


لـــ الرآئع / سسآإلم بن جخير

إن شآءالله تعجـبكم

>>>>> ردود الأعضـــــــــــــــــــاء على الموضوع <<<<<
==================================

موضوع في قمة الخيااال

طرحت فابدعت

دمتِ ودام عطائكِ

ودائما بأنتظار جديدك الشيق

لك خالص حبي وتحياتي ودي

__________________________________________________ __________
صَح لسآآن سسَالم وسلمت يَ فآآتنه على جَمآآل مَ قدمتي / لآهنتِ

__________________________________________________ __________
*




أبداعُ في الأنتقاء

وَذائقة فَذه
لكِ الوردُ كله



لآخلآ و لآعدم


__________________________________________________ __________
من صوتها العذب تطعني بليّا سبب
وانا ا تحمّل خناجرها وبارودها

الا على طاري الطعنات لبّى الهدب
لبيه لبيه لامن سلهمت سودها


مساااء اااالنووور

تسلم الايادي ع النقل الرائع لنا

تقبلي مروري


__________________________________________________ __________
آبيات رآئعه
سلمت يمناك على الطرح الجميل
بـ نتظار جديدك