عنوان الموضوع : ابي رايي الرجال.. قررت اطلق ارجوكم ابي رايكم - للرجال
مقدم من طرف منتديات الشامل

اسعد الله صباحكم

ماجانى نوم من يومين من هم وضيقه الله يفرجها علي والسبب زوجي حسبي الله ونعم الوكيل الله ينصرنى على من ظلمنى وجرحنى ودس برجله كرامتي
((طلبتكم تدعون لي ان الله ينصرني عليه وان الله ياخذ حقي منه تكفووووون))

المشكله بدت قبل يومين وهي انا يابنات اعانى من انحرف بالقرنيه بعيونى الثنتين والحمداللله على كل شي وعندى مواعيد بالمستشفى خالد للعيون .بالرياض المهو انا قبل ما اتزوج كنت كل 3 شهور اسافر مع ابوي
ولما تزوجت بطلت اروح وقلت بيني وبين نفسي مابي اتعب ولد الناس احسن شي اروح لمغربي مع العلم انو هم الي حولونى للعكسري والعكسري حولونى الخالد...
انا رحت المستشفى المغربي مع زوجي بعد ماتزوجت بسنه ويالله اني رحت بعد طلعت الروح وصرفولي عدسات المهم قبل تقريبا7 او8 شهور كنت اركبها بعيني الثنتين كا العاده طاحت منى حقت العين اليمين بالمغسله يعنى ضاعت ..والسبب زوجي كان يهوشنى وانا اركبها فما ركزت والي تعرف وشلون العدسه تعرف انو يبي لها تركيز بالتركيب

المهم مشت الايام والشهور وانا اقوله ابي اروح وكل مره يقول ان شاء الله ولا اروح وكل يوم احس عيونى توجعنى وماااعاد شفت شي واضح ابد بعينى اليمين حسبي الله ونعم الوكيل وصار الضغط كله على عينى اليسار تطور الانحرف بالعين اليسار لدرجه انو احس بصدع دوم ولا اشوف شي واضح ابد ابد ابد اللهم لك الحمد على كل شي ..

انا قلت لازم اروح المستشفى هذي عين مو لعبه. كلمته وقلت ابي اروح ها الاسبوع لان عينى خلاص كل مالها وتسو ,,,,الخ قالي ان شاء الله قلت له نروح بكره الصبح احسن قال ليش قلت علشان الزحمه ونخلص بسرعه. قال ليش باقي فيه فحوصات قلت اكيد مابيصرف لي العدسه الا من بعد مايكشف وابيه بعد يكشف على عينى اليسار لانو احس العدسه ماعاد صرت اشوف فيها زين .تدرون وش قال...................................... قال والله مافينى اوديك قلت ليش قال واجلس انتظر 6 ساعات وووووو ومن ها الكلام تخيلو يابنات قمت قلت لها ليش ماتبي تودينى ومن بيودينى قال اذ وديتك ها المره برجع اوديك مره ثانيه قلت اكيد لازم ادوم على الكشف قام يصرخ ويقو والله ما اقدر انا مشغول ومن ها الكلام وهو.حتى وظيفه ماعنده
انا تنرفزت وماسكه اعصابي قلت انا مو زوجتك ولي حق عليك تودينى ...قال انا اصلا ماكنت ادري انو عندك انحرف قبل الزواج .قلت طيب انا مو قلت لك من 3 يوم كلمت بعد ماتملكنا. قال ايه بس خلاص صرنا متزوجين قلت وش تقصد اوكيه الي تبي تسويه سوه انا ابوي الله يطولي بعمره ماعمره قال اه وهو يسافر معاي كل مره ولاعمره اشتكى بالعكس كان دوم يحاول يواسينى لانو عارف قد ايش ها لانحرف متعب
تخيلو ياااابنات قال ابوك ملزوم .قلت وانت مو ملزوم؟؟؟ قام يتكلم ويقول انا من تزوجتك وماخليت مستشفى من شان الحمل وعيونك مع العلم انو مره وحده الي ودانى فيها لعيونى قلت لها اول شي الاطفال مو انا الي ابيهم لحالي انا امهم وانتا ابوهم ولا لك فضل لما توديني وتجيبني انا زوجتك مو وحده بالشااارع بعدين احمد الله على العافيه لا ربي يبلاك ساعتها تتمنى انو اي هندي بالشارع يوديك
جلس يتكلم وينرفز لدرجه انو خلنى ا بكي من كل قلبي وقلت له الله لايحوجنى لك وردتتها 3 مرت انا عندى اهل ولا انا بحاجتك وحاجة ممنتك علي

قام هو وطلع قمت صليت ودعيت ربي انو ينصرني غليه وياخذ حقي منهوالله يابنات انو اسوي له كل شي يتمناه حتى كلمه حلوه او بوسه ما احصلها منه
ادري طولت عليكم بس بجد محتاجه اتكلم وافضفض عن الي بخاطري يمكن اكون غلطانه بشي بدون ما احس تخيلو جانى امس وبسؤلف معاي عادي ماكنو صاير شي مع هذا كله ماطنشته جلسه اسمع وش يقول برسميه ولاخطر بباله انو انا زوجته ولازم يصالحنى وهو يعرف قد ايش انا بسيطه ممكن كلمه حلو تمسح ما بخاطري كله
والبارح باليل كلمت حماتى وطلبت منها السلم وعطتنى لما دخلت شقتى قام يهوش بصوت عالي شوي شوي كسرتي الشقه ووالله يابنات انو اشيله على مهلي بس اهو محتر منى ويبي يهاوش انا طنشت وقلت له بصوت واطي قصر صوتك الجيران يسمعون وانا جالسه امسح المروحه الاهو داخل يكلمنى كانو يكلم ولد صغير بقمة الاستهزاء وصرخ ما رديت عليه قال ليش ماتردين علي قلت الي يتكلم بحترم معاي ارد عليه المهم طال الكلام وبالاخير قال روحي لاهلك ليش انتى كذا لصقه قلت انا له انا بروح متى مابغيت وصدقنى والله ان تندم على ها الكلام كله
انا خلص قررت بيني وبين نفسي اطلق كرهته اهو الي خلنى اكره من تصرفات الطفوليه انسان عديم احساس مغرو انانى متقلب المزاج ولايتحمل مسئوليه بس قلت بعطيه فرصه اخير لابعد الصيف ما ابي اظلم نفسي وابي اهلي يفرون بزواج اختى وملحقين عللى همي
نصيحتكم يابنا ودعواتكم وارجوكم تقلون لي انا غلطت بشي


>>>>> ردود الأعضـــــــــــــــــــاء على الموضوع <<<<<
==================================

اختي الغالية اصبري وتحمليه وضعك متزوجة احسن من المطلقه


اعرف كثير مطلقات يتمنون يرجعون لازواجهم ويصبرون عليهم


لان نظرة المجتمع للمطلقه لاترحم وان شاء الله تصلح الامور


والحياة كلها مشاكل بس تحتاج لصبر وحكمة وحاولي انك

تتقربين لزوجك ولاتقصرين معه ولا تعاندينه وتوددي اليه

واسمعيه احسن الكلام والله يفرجها عليك وحزنتيني عليك

حبيتي ودعواتي لك...............:f55:

__________________________________________________ __________
مشكوره ياعمري على النصيحه وانا بعمل فيها لاخر لحظه صبر اعيش مطلقه بكرامتى واحد يهتم فينى ولا يحرحنى ولا يذلنى ولد الناس عذب الاهل ارحم من عذاب الزوج

__________________________________________________ __________
اختــي الغــــالية _ اسعـد الله اوقــاتك ووفقكـ الله

احزنتني كثيرا رسالتك وحركت فيني مشاعر الأخوة الصـادقة احسبها والله حسيبهـا

رغم بأني لم اشارك في أي موضوع ولم اعلق على اية موضوع إلا أن رسالتك

اجبرتني على التعليق بكلماتي المتواضعة لعل الله ان تهون عليك مصابك فأنــــا

لست بفيلسوف زماني ولا مفكر ولا اديب ولا كاتب ولا مؤلـف بل شخص قراء

واحب ان يشارك في الموضوع ...

اولا :- دعـي التفكيـر في الطلاق واجعليــه آخــر الحلـــول لا اولهـــا ..

ثانيا :- حـاولي التفاهــم معه بأحسن الطرق وافضـلها واجودهــا .

ثالثا:- اختـاري الأوقات المنــاسبة في طرح له مشكلتكـ فمثلا لا يكون النقاش اثناء

عودته من الخـارج او اثناء خروجه من المنزل .. او يكون مثلا متعب او منهك او

مشغول في امر مــا او يكون منزعج من أي سبب كـان .

رابعا :- الصراخ وما ادراك ما الصراخ حاولي بقدر الإمكان إمتصاص صراخه والإبتعاد عنه

بقدر الإمكان اثناء صراخه ومهاوشته ..

خامسا:- انظري إلى اهلك الأقرب منهم على القدرة في مناقشته بقدر الإمكان ولكـن لا يناقشه

بجفاوة او بصراخ فهذ يعقد المشكلة لا يحلها حاولي التكلم مع الوالد او أي شخص قادر على

التفاهم مع زوجك في جلسه هادئة جدا ويكون صبوور معه في التكلم والمناقشة ..

سادسا:- مشكلة المستشفى لا تكرري عليه هذا الموضوع ( الموال ) حاولي ان تخلطي الأمور ببعضها

سابعا :- إن كان زوجك من متقلبي المزاج حاولي النقاش معه في حالة مزاجه يكون بين قوسين (( رااااااايق ))

ثامنا :- حاولي التقرب منه في الأمور التي يحبها منك دائما ..

تاسعا :- لا تملي ولا تيأسي من الكلام المعسول الكلام الذي تعشق الأذن سماعه فله اثر كبيرررررر

في الحياة الزوجية . ( لكـن لا يكوون في اكثر الاوقات فطبيعــة الإنسان الملل ) .

عاشرا :- اسـلم وانفــع وانجح طريقة يرونها المختصيين الاجتماعيين والمفكرين والمؤلفين في كتب الحياة

الزوجيـة هي ( النقـــاش في آخــر الليل على فــراش الزوجيــة فهذا له اثر فعــال في سمــاع المشكلة )

ولكـن في حالــة الإرتياح النفســي والهيجان العــاطفــي ..

وأخيــرا اسأل الله بفضله ومنه ان يهون عليك مصابك وان يسخر لكـي زوجك ويذهب عنك بلوتك
تقبــلي مرووووووووووري وآســـف جدا على الإطــــاله ودمتـــي بخيـــــــــــــر ...

__________________________________________________ __________
اوف من الرجال يزهقون
الله لايحدك عليه وبعدين
الحمدلله اللي سن الزواج سن الطلاق بس فعلا خليه اخر الحلول الا اذا مافيه طب
والله انا ماعندي خبرات بهالامور
علشان كذااعرضيهاعلى مختصين
الله يفرج لك ازمتك
وفيه دعاء للمتزوجين بحثت عليه علشانك<<اللهم الف بين قلوبنا واجمع ذات بينناواهدنا سبل السلام>>

__________________________________________________ __________
مرحبـــ عاشقة الخيل ــــا

لاحول ولاقوة إلا بالله

ياحبيتى ... فكرى مليون مره قبل تاخذى قرار

إذا شفتى إنك ماتقدرين تتحملين

آحل الله الطلاق رغم بغضه

عسى آن يبدلك الله بخير منه

الله يعينيك ياقلبى

ويشفيكى يارب

دمتى بصحة وعافية

دعواتكمان الله بصلح الحال ويهديه