عنوان الموضوع : شي يقهر ويرفع الضغط ........حسبي الله حوار حر
مقدم من طرف منتديات الشامل

السلام عليكم اخواني واخواتي ,,,,,,
وصباحكم ومسائكم كله سعاده باذن الله,,

موضوعي يمكن تقولوا مكرر او منقول او او ,, بس هالمره قصه حقيقيه مع اقرب واعز واروع صديقاتي ,,(ماراح اتكلم بالفصحى ولا انمق كلامي)
وان شاءالله تفهموا علي,,

بتاريخ 5\10 يعني من تقريبا"اسبوع ونص اتصلت علي صديقتي بالليل وتبكي بشكل يقطع القلب انا من بكاها وربي توقعت احد من عايلتهم مات او صار به شي ,,يافلانه وش السالفه تكلمي ؟؟وهي بس تبكي وقفلت الخط ,,انا ماقدرت اتحمل وضليت اتصل اليييين ماردت ,,ومن ردت وهي تدعي حسبي الله ,,الله ياخذهم,,طول الوقت هذا كلامها
بالاخير قالت لي:
ابوها جلس معاهم ذاك اليوم وقال لها انو في واحد كان بيخطب وقالت له امه فلانه بنت فلان(صديقتي)وسأل عنها خواته و و و ,,وقال لامه بكل وقاحه وسخافه وتخلف:الله يستر عليها بس فلانه بنت نت ودلوعه عذر غبي وسخيف مثل وجهه
طبعن حسبي الله عليه قال ايش؟قال انه يحب لهم الخير والنصح,,راح قال لواحد من اللي يعرفهم والواحد راح لابوها وقال كذا وكذا وكذا ,,
تخيل انت اذا كنت اب و وصلك هالكلام عن بنتك والكلام انقال باستراحه وعند رجال ايش تسوي؟؟؟؟؟؟؟؟؟؟؟
يعني ياسخيف لو صدق قصدك خير ليش ماخذت ابوها على جنب وقلت له ؟والا انثبرت وسترت على بنت الناس؟(مع اني ماني شايفه السبب يستاهل)
المهم:ابوها جنت جنونه وانقلب عليها 180 درجه وحرمها النت وصار يغلط عليها بالكلام ولاحتى يناظرها لاصاروا بنفس الجلسه
,,,
مع انو اقسم بالله العظيم بنت الحلال انا اعرفها من زماااااااااان وربي ماعليها ولاغلط وحتى الماسنجر ماتدخلها الا مع وحده من صديقاتنا وربي انا شفت ايميلها وربي مافيه ولاجنس ذكر
ولاتطلع ولاتروح وخلوقه ومع انو عندهم نت بس ابوها متفتح ومسوي عليهم رقابه وكان مرررره واثق بس غصب هذي سمعة بنته,,
وبالنسبه للدلع اي دلع؟؟الشغاله ماجتهم الا من سنه..والطبخ هي اللي تطبخ,,وبعدين في رجل مايحب البنت الدلوعه؟؟وربي اهبل وتفكيره سخيف ومتحجر
,,,
يعني لو انت انقال لك فلانه بنت نت؟ايش يجي ف بالك؟
طبعن الناس المتفتحه والعاقله بتشوف انه شي طبيعي وعادي دام في رقابه بحدود
لكن اي واحد يدخل حاجات (سوري ع الكلمه)وسخه بيشوف انو كل البنات وسخات!!
بجد شي يرفع الضغط ويقهر,,الى متى هالتخلف؟؟الى متى العقليات المتحجره؟؟الى متى الكلام بالناس؟؟الى متى التعرض للشرف وتبلي الناس؟؟الى متى مراقبة الناس وحب المشاكل؟؟
الى متى الى متى؟؟؟؟؟؟؟؟؟؟؟؟؟؟
اعتذر عن بعض الكلمات بس بجد في ناس تستحقه

احترامي لكل انسان مو بهالعقليه ,, وحسبي الله على كل انسان سبب مشاكل ف بيوت من هالتخلف ..واولهم هالشخص(ماقدرت اقول هالرجل لانه مايمتلك من الرجوله ولاشي )

>>>>> ردود الأعضـــــــــــــــــــاء على الموضوع <<<<<
==================================

مرحبا
حبيبتي لا تنقهري ولاشئ
في ناس كتير تفكيرها هيك
وتاكدي كل واحد بيحكي هيك بيكون هو استخدامو سئ للنت
بالنسبة لصاحبيتك
انا متاكدة ابوها بس في لحظة غضب عمل هيك
واكيد بس يروق حيعرف انو غلط في حق بنتو
تقبلي مروري

__________________________________________________ __________
هو كل الي قاله انها (راعية نت ودلوعه) يعني هو قال انها تعرف شباب ؟
(دلوعه) صفه وميزه في البنت
(راعية نت ) تعتقدين انه كذب في هالشي؟؟

__________________________________________________ __________
المشاركة الأصلية كتبت بواسطة زهرة الليلك
مرحبا
حبيبتي لا تنقهري ولاشئ
في ناس كتير تفكيرها هيك
وتاكدي كل واحد بيحكي هيك بيكون هو استخدامو سئ للنت
بالنسبة لصاحبيتك
انا متاكدة ابوها بس في لحظة غضب عمل هيك
واكيد بس يروق حيعرف انو غلط في حق بنتو
تقبلي مروري


اختي زهره

انا متأكده والا ماكان شك او رفض الارتباط فيها بس لانها تدخل النت..

فعلا" هو الحين بدأ يرجع شوي معاها مثل اول بس القهر لما الاب يشك ببنته عشان ناس ماعندها ضمير,,

الف شكر على مرورك خيتو...............

__________________________________________________ __________
المشاركة الأصلية كتبت بواسطة the lord is here
هو كل الي قاله انها (راعية نت ودلوعه) يعني هو قال انها تعرف شباب ؟
(دلوعه) صفه وميزه في البنت
(راعية نت ) تعتقدين انه كذب في هالشي؟؟

قالها عند رجال كثيرين ومنهم اللي فيه خير ومنهم اللي يحب الشر واعتقد انتوا عارفين الكلام اللي ممكن يتبادل بالاستراحات ,,لازم الملح والبهار..

بعدين والله مدري عنه اذا قال؟؟

لكن راعية نت..مو سبب لرفض الارتباط

هو ماكذب فعلا" تدخل النت لكن هل برايك انو كل اللي يدخلون النت بنات مو محترمات؟؟

وين البيت اللي مافيه نت الحين؟؟

90% من السعوديه عندهم نت,,بس في ناس متفتحه وتحسن النيه
وفي ناس ينطبق عليهم المثل اللي يقول يشوف الناس بعين طبعه..

شكرا" على مرورك اخوي..بس ماقلت رايك عشان بنت النت؟؟؟؟؟؟؟؟

__________________________________________________ __________
انا رايي الشخصي في البنت الي تستخدم النت يطول جدا لكن مجمل الرأي اني اؤيده , بس بشروط (الكلام في هذي الشروط هو الي راح يطول)
وعشان ما نطلع عن الموضوع الي طرحتيه مشكوره , وهو التعليق عل الحالة الي ذكرتيها , رأيي يبقى مثل ما هو في الرد السابق

الله يعطيك العافية
اللورد

حبيبتي هذا عذر الشاب ..يبي يتراجع عن الخطبه بس ماعرف كيف!!

وصدقيني الطاهره طاهره مهما قالوا ولابد يظهر نصرها بإذن الله

وإذا قصد الشاب انه يفضحها

وربي يااختي راح يجي اليوم اللي تسمعون عن اخته او بنته

لان فيه رب مايرضى بالظلم سبحاااااااانه

لكن شنقول عن اصحاب العقليات المتحجره

وكلمة (بنت نت) توضح عقليته الدونيه

وعدم تطوره مع تطورات الحياه

وهذا سبب كافي بأن صديقتك تحمد ربها انها ماتزوجته

لانه بمعنى الكلمه ((جاااااااااهل))

واسلوب الاب شيء طبيعي لانه ردة فعله واكيد صعب عليه الامر.

ولاتتضايقين اختي لان هناك اكبر منه ياخذ حق المظلوم سبحانه ارحم الراحمين