عنوان الموضوع : ياكيف صارت ماتحس أن الجفا يعني الممات
مقدم من طرف منتديات الشامل
صباحكم ورد اضع هذه القصيده بين ايديكم
واتمنى ان تنال على اعجابكم وترتقي لذائقتكم
((الجفا يعني الممات))
الحب قصه وصفها يجبر قوافينا تقول=أن الحقيقه سرها مدفون من تحت العباة
ياروحي الدنيا كذا لاحل بالنفس الذهول=قلبي مع اللي زينها غطى على كل البنات
مجبور لوجبت الشعر وإن كان عندك له قبول=لاوالله ألا لـ أكتبه من شان عينك يالمهاة
ثم أنزلي في وسط قلب يحضنك عرضٍ وطول=ياللي جمعتي شاعرٍ ضاعت حياته بالشتات
ضاعت حياته بالمساري درهمت به هالذلول=من حر شوقه ماقدر يرتاح حتى بالمبات
ملعون أبو هالشوق يذبح يرفض أنصاف الحلول=أن سانعت يومين صابت بالحشا شلفا الغزاة
جانا الجفا بهمومه اللي بالحشا قامت تجول=عجزت حنايا خافقي للعوق لو قلبي حصاة
لين جنابك حضرتك لاتودع الفيضه محول=أمطر علينا بالوصل قلبي من اللهفه فتات
يكفي شويته بالبطا والبعد يالترف الخجول=كيف الخجوله غيرت طبعه مثل طبع العصاة
ياكيف طاوع قلبها يحكم على الورد الذبول=ياكيف صارت ماتحس أن الجفا يعني الممات
لوكان قلبي بالمحبه راح من مزحه زعول=كان عرفت طعم الجفا ماعرضتها للقضاة
قلت أسمحي لي بالإطاله والجفا دون الوصول=عاشقك لو غاب صوتك ذي عيونه ماتبات
بقلمي,,,,عمر الهمزاني
>>>>> ردود الأعضـــــــــــــــــــاء على الموضوع <<<<<
==================================
وصح لسااااانك
قصيدة راااائعة من شاعر متمكن
عمر الهمزاني .. لاهنت
تقبل تحيااااتي ومروري
__________________________________________________ __________
صح لسااانك يا عمر واافي وشهادتي فيك مجروووحه ...،،
__________________________________________________ __________
صح لسسسسسسسانك مليار
قصيدة وافيه وجزله وعاش من جابها
لاهنت وتسلم دوووووووووووووم
__________________________________________________ __________
صح لسانك واعتلااا شانك اخوي
ابيات كتبت بـ احساس مرهف
ابيات كــ توهج النجوم تنير سماءنا
لا تحرمنا بوح قلمك المبدع
لك باقه من الزهر المعطره
مجروحه هنا تتابع بصمت
__________________________________________________ __________
الله الله عليك ياعمر الهمزاني
صح الله السانك مليووووووون
ولاهنت على القصيده الجزله
لك ودي واحترامي
عذبوك بقلبي
صح لسـآنك ياعمر
شاعر جزل وممميز بالقصائد الرائعه يالغالي
تقبل مرروي