عنوان الموضوع : يا بحر .. فيني من الحزن كثر مافيك ..
مقدم من طرف منتديات الشامل
يابحر .. فيني من الحزن .. كثر مافيك ..
من حزن .. وأوجاع .. وغياب .. وغرايب !!
لاتلومني إليا شفتني .. دايم أجيك ..
ولاشفتني دايم .. على الشط .. ذايب !!
حزني كبير .. أكبر من حدود .. شاطيك ..
وأقسى من .. جروح الزمان .. العطايب !!
وإن كان تنشدني فأنا .. مقدر أخفيك ..
دايم اظن .. ويطلع .. الظن .. خايب !!
في هالزمن .. أقرب حبايبك .. يشقيك ..
إلين تدفع في غلاه .. الضرايب !!
من بعد هذا .. يبتعد .. عنك .. ويجفيك ..
ماكنه .. بجنبك .. قضى الوقت .. طايب !!
وإلا .. الخوي اللي توقعت .. يفديك ..
يفديك عمره .. لاغدت بك .. نشايب !!
صد .. وتصدد .. مايبي .. سمع .. طاريك ..
وياما .. أنت .. دونه .. أتعبتك .. الطلايب !!
لاتقول لي .. بدري .. وتوك .. ويمديك ..
وتعال .. وأسمع باقي الهرج .. صايب !!
خلك بحالك .. وأطلب الرب .. يهديك ..
ولاتنشد اللي غاب .. وين أنت .. غايب ؟؟
وإن شفتني غايب .. عن حدود .. شاطيك ..
أعرف تراني .. تحت .. ذيك .. النصايب !!
وأعرف تراني .. دايم إن ضقت .. بآجيك ..
لأني .. أنا .. والموج .. صرنا .. حبايب !!
لكـــم تقديري وإحترامي ::
أخووكمـ (..عبـــرة طفـــل..)
>>>>> ردود الأعضـــــــــــــــــــاء على الموضوع <<<<<
==================================
صح لسانك وهلابك والله ومشكور
__________________________________________________ __________
عبرة طفل مشكور على المشاركه وحبيت اقول لشاعرها اقرء عليه السلام ولاتعليق ,,,,
__________________________________________________ __________
لأني .. أنا .. والموج .. صرنا .. حبايب !!
تسلم اخي ع النقل
وفقك ربي وسدد خطاك
__________________________________________________ __________
__________________________________________________ __________
رد مع اقتباس
