عنوان الموضوع : وش يحسون فيه؟؟ للنقاش
مقدم من طرف منتديات الشامل

السلام عليكم حبايبي ومبروك الف مبروك عليكم الشهر الله يجعله شهر خير وبركه للجميع


الساعه 3 مساءً ننتظر الاذان لكي نخرج ليوم طويييل كالعاده يوم الخميس روتين لاكن حلو

السوق + الحدايق +المطعم الخ..... روتين لكن جميل واحلى لا يكون بيوم الخميس بعد الصلاه مباشره


يطرق الباب احد اقاربي هلا فيصل الله يحيك تفضل تفضل وااااه يا فيصل هذا وقته هذاا وقته ؟؟

جلس فيصل وجلسنا نتبادل اطراف الحديث وياكثر سواليفه اليوم احسها ما تبي تخلص !!اا الاهل

ينتظرون داخل البيت ندى الصغيره اشوفها تجي تجس النبض ...ها رآح....لا لسا ما رآح وانا المتهم

الاول والاخير طيب قهوه شاي حلا سواليف حتى الكذب كذبنا ههههههههه اذن المغرب

الحمدلله بيمشي الحين ونرتاح يالله ضيف واكرامه واجب

فيصل يالله صلينا...!!!!! يا لطيف صلينا ورجعنا والسالفه ورى السالفه وهاتك يا ليل البعارين

حسيت حياتي واقفه عليه ههههههههههه حسيت انه ساجني وبيني وبين نفسي اقول يالله

اذان العشاء ويمشي اذن العشاء وتنفست الصعدااااء والرسايل بالهبل ع جوالي صرفه صرفه قول بروح

المستشفى قول بموت اي شي اذن العشاء وانا على نار والبيت على نااار

فيصل :يالله صلينا امرنا لله بيمشي بعد الصلاه بيركب سيارته صلينا ومشيت انا البيت لعل وعسا

يحس الجرس يدق واااه يا فيصل تفضل تفضل وراح الوقت السساعه11 الليل الحين طلبت عشا

وياليتني طلبته بعد المغرب هههههه مالكم بالعذاب الي قاسيته الساعه12 قال يالله استاذن

وانا بقلبي اقول لا يشيخ نام عندنا ومشا فيصل يالك من رجلٌ يا فيصل

بعدها تعلمت التصريف على اصوله

فعلا عاده شنيعه الزيارات الثقيله نسينا قول الرسول صلى اله عليه وسلم بارك الله فيمن زار وخفف

واكثر لا يتاذى منها الناس الي يستحون ويقدرون اذا جاهم ضيف قليل حيا ههههههه

حبايبي اسالتي با اختصار

1-ما هو افضل وقت للزياره بنظرك وكم من الوقت تستغرق زيارتك ؟؟

2-هل تعتقد انك تثقل بالزيارت احيانا ؟؟

3-اذا اتاك شخص مثل اخونا فيصل ماذا ستفعل هل ستصرفه ام تحترم حقوقه كضيف ؟؟

وسلآمتكم

>>>>> ردود الأعضـــــــــــــــــــاء على الموضوع <<<<<
==================================

1-ما هو افضل وقت للزياره بنظرك وكم من الوقت تستغرق زيارتك ؟؟
ما بين المغرب والعشاء
2-هل تعتقد انك تثقل بالزيارت احيانا ؟؟
لا
3-اذا اتاك شخص مثل اخونا فيصل ماذا ستفعل هل ستصرفه ام تحترم حقوقه كضيف ؟؟
سؤال جميل الاحترام واجب لكن لبد من مصارحة الضيف واخبارة باظروفك
وشكرا
وتقبل مروري

__________________________________________________ __________
مرحباااا أولا أحب أهنيك لاختيارك موضوع مهم كهذاا وثانيا:



ما هو افضل وقت للزياره بنظرك وكم من الوقت تستغرق زيارتك ؟؟


أعتقد انه وقت الزيارة يكون من الساع 4:00 العصر لحد 8:00 المسـآ

وكم تستغرق اذا كانت ببيت صديق او احد الاقارب أقصى حد لها ساعتين

اما زيارة مريض او زيارة عابرة تكون نصف ساعه
2-هل تعتقد انك تثقل بالزيارات احيانا ؟؟


أمم لـآ

3-اذا اتاك شخص مثل اخونا فيصل ماذا ستفعل هل ستصرفه ام تحترم حقوقه كضيف ؟؟

أأممم إذآ كنت بموقفك مثلا بسوي نفسي أنو حد ناداني وبقله آسفه وأخبره بالظروووف


أأوو .. هههههههههههههههههه ,,أسكت وأستتحملهه

بس الأفضل أن تعتذر عشن يعرف بالمرآت الياية أنه يحترم وقتك ويعرف أصول الزيااارةة





عوآآفي عالموضوع النايس

__________________________________________________ __________
الله يعطيك العافيه
اخوي
صحيح الزائر لم يتصل وربما كان فقط مرور
وطاب له المقام عندك
برغم وقته مناسب عصرموتالي لليل
وانت لازمت عليه وجلس مسكين
مايدري بحالك
واحمد الله هذا فضل
من الله عليك ان يرد على شربك واكلك
ضيف
كم ابواب مشرعه تنتظرزئر لااكرمه
ولاحتفا به فالكرم من صفات المؤمن
وهومن صفات الانبياء
وقدوتنا نبي الله ابرهيم وقصته مع ضيوفه
ماقال ماخذوموعد
بروح امشي الاهل
الاكرام وجب عليك بمجرد دخول ضيفك
وانت شكلك جالس على جمرخخخخ
و عبست وتكدرخاطرك
بسبب ضيف
نفسي اعرف من اي القبايل انت
خخخخ
غريبه انزعجت لهذي الدرجه
بالذات لم يكن الامرمهم كل المسائله
لليله تسوق ونزهة ممكن تتعوض
وليس امرمهم مثل مستشفى او غيره
من الاموارالمهمه
البعض تصل بهم الاهميه ماتصل
ولاكن للضيف حق واجب
واخذموعد او تصال
اكثراهتمام في تلك الامورالنساء
بحكم طرق استقبالهم وما يتضمن
من طرق الضيافه والتقديم
والكن المجتمع تعقد وتعقدة معه الحياه
وبسبب ذلك فقدناالكثيرمن الالفه والاجر
ولاتعتقد اني ثقيل ظل
بالعكس مستحيل ازوار احد دون موعد مسبق
برغم اني زئر خفيف اكثرمما تتصور
ولااحب التكلف
او التطويل والمكوث برغم طبعي يسبب
لي كثيرمن الحرج
ودئما اصدقائي افضل
ان ياتؤن لي وليس العكس
اما حكيت الحديث الي ذكرته
مدري انت متاكد من صحته
تاكد من ذلك
كل الشكراخوي
والله يكثرضيوفك
ويكثرخيرك
والتماشي ممدي عليها خخخخ
كل التحيه لك والله لايجعلنا من ضيوفك
خخخ امزح
مرمن هنا
البااااااااااااااااااااااااااااااااااااز


__________________________________________________ __________
الحمد لله على نعمة الصحه والعافيه والفراغ
والي ما نحصله الوقت هذا نحصله الوقت الثاني
بالنسبه لأفضل وقت للزياره ما بين المغرب والعشاء
نصلي العشا عندهم ونمشي
لكن الحمد لله انه ممن نستقبل أكثر ممن نزور
وإذا كنا على موعد وجانا ضيف زي كذا أخذناه
معنا للإستراحه ولا نأجل الزياره لوقت ثاني
وياكثر ما أجلنا زياراتنا
متعودين على هذي الأمور

بارك الله فيك ,,

__________________________________________________ __________
بالنسبه للقصه صاحب البيت دامه متضرر لهالدرجة ليش ما يكون صريح مع قريبه أريح له
بحكم ان قريبه احتمال اليوم الوحيد الي فاضي فيه يوم الخميس اجازة الاسبوع

اما بشكل عام أشوف أفضل أوقات الزيارة هي بعد العصر وبين العشائين

يعطيك العافيه

1-ما هو افضل وقت للزياره بنظرك وكم من الوقت تستغرق زيارتك ؟؟
الافضل في نظري انك تتصل قبل الحضور
2-هل تعتقد انك تثقل بالزيارت احيانا ؟؟
صحيح والأنسان يمر بضروف ما وده بأحد يجيه
3-اذا اتاك شخص مثل اخونا فيصل ماذا ستفعل هل ستصرفه ام تحترم حقوقه كضيف ؟؟
الصراحه راحه هو اكيد عزيز علي بقوله بهدؤ ودي اقلطك بس الأهل جاهزين وعندهم مشوار لاكن اول ما اجي بدق عليك يا تجي عندي ولا اي مكان ومتأكد بيصير شي عادي ومبسوط ويكفي اني اتصلت عليه عشان يعرف انه في بالي

الاكن فيه ناس ما يصدق تقول سير وان جاك بعد العشاء الله يعينك حده منتصف الليل خخخخخخخ

هذا على حسب تفكيره ومستواه
طريقة التصريف وش رايك نطلع للقهوه والا نروح نتعشى عاد اكيد ميت جوع بطلع رح اقرب مطعم ثم قل للاسف ما جبت فلوس


مشكور واسف ع الزياده