-
فضفضه
عنوان الموضوع : فضفضه
مقدم من طرف منتديات الشامل
( 14 عام ) .. وأنتي ساكنه فيه ,
محرمته الضحك بين أبوه وأمه !
أصلاً بليّاك / فيه اللي مكفيه ,
عيون تخطيه .. وعيون ٍ تخمه ,
ياعاشقه كل هذا ويش أسميّه ؟
من عمره سنين : وأنتي وسط دمه ,
سنين : ينكر قلوب ويعرف وجيه
مرّته / مثل الغيوم المدلهمّه ,
عدّت ( 30 عام ) ونصفها تيه ,
يكابر .. وكل جرح ٍ ما يهمّه ,
وإذا ذكر غربته مع من حواليه
كنه يتيم ٍ .. يبي يدين ٍ تضمّه ,
لو فيه شي إشتكى من فركة يديه
كان إشتكت من يديه أطراف كمّه ,
خليه يهنا الحياه بـ / قرب غاليه ,
إن كان لك مع عزيز الملك ذمه
أكثر ما يتعبه : نظرات المشاريه
ما يحتملها , وعزالله تسمّه !
ياكم , وياكم من آحبابه حرمتيه
وعلى لسانه / كلامه ما يتمّه ,
يرفع يدينه لـ / رب ٍ ما يخليه ,
( يالله ياجال ِ الأمور المهمه ) !
يسكت ما يبغى حد ٍ يدري بـ / خافيه
وقصايده .. جايبه فيه المطمّه ,
أنا هذا الشاعر الهايم بـ / ماضيه ,
واحد .. وفي داخلي مشاكل آمه ,
ما أبغى من الشعر شهره يوم أغنيه
لو إن غيري .. يدوّر كل قمه ,
لكن أفضفض .. وتسرقني قوافيه
وجميع ما أبعثره عجزت ألمّه ,
حسبي على الشعر وإحساسه وطاريه
من وين ما أصد عنه , أروح يمّه
مشعان البراق
>>>>> ردود الأعضـــــــــــــــــــاء على الموضوع <<<<<
==================================
صح الســان الـشاعر مشعل البراق
..وبيض الله وجهك
ـولاهنت على النقل يـا مشااااهد
احترااامي لك
__________________________________________________ __________
قصيده في منتهى الروووعه
وتسلم ... أناملك ...
__________________________________________________ __________
صح لسان قايلها
قصيدة جميلةة والنقل أروع
من إحساس مانعدمه للرائع مشاهد
تحياااااتي وودي
__________________________________________________ __________
قصيده في منتهى الروووعه
وتسلم ...
__________________________________________________ __________
رااااااااااااائعه
يسسلم أحساسك
مجهودرائع مشاهديعطيك مليون عاااافية تقبل مروري
حروووووف وريهــــــــــ
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى