عنوان الموضوع : ما للبيوت العامره طعم يا حمود - من الشعر
مقدم من طرف منتديات الشامل

بسم الله الرحمن الرحيم



ما للبيوت العامـره طعْـم يـا حمـود


إذا خلَت في يـوم مـن حـسّ شايـب


بيبانهـا طرْمـا وجدرانـهـا سُــود


ويصفـق نوافذهـا قـويّ الهبـايـب


في كل ركن لحزنهـا اثبـات وشهـود


علـى فـراق مهَوِّنيـن الصعـايـب


النادرين أهْل الشـرف منْقـع الجـود


شيباننـا اللـي يحْسمـون الطلايـب


إخوان من طاع الولي خيـر معبـود


اللـي مكارمهـم مـن الله وهـايـب


ما يعرفون الزيف في اليُسْـر والكـود


صـدْق وبيـاض ورحمـةٍ للقرايـب


ثباتهـم فـي حـزة الضيـق مشهـود


وإيمانهـم يـزداد عنـد المصـايـب


كانوا هنا .. وكان السعَد مالـه حـدود


وكان الرضا يمـلا قلـوب الحبايـب


كانوا هنـا .. مفاخـر آبـاء وجـدود


ونـور وأمـان ووقـفـةٍ فالنـوايـب


يا حمود لوّ أبكي سنَه حزن ..واجـود


بدمـوع فقْـدٍ مـن عيونـي سكايـب


على الذي ذكْره مـعَ النـاس محمـود


الطاهر اللـي مثـل وبْـل السحايـب


أبوي .. وانت ادرى .. وَلا بالحكي فود


ما يندمل جرحي وَلا الكيـف طايـب


الوضع غير وما بـه سهـود ومهـود


مـن يـوم خلّينـاه حـدْر النصايـب


نهـار غابـت بسمتـه ذابـت كبـود


وشفنا ما عفنا فـي زمـان العجايـب


ليت المنايـا لا لفـت تطلـب الـزود


مـا تاخـذ الا الناقصيـن الـزلايـب


هرّاجة المجلـس حجـا كـل مقـرود


بيّاعـة الذمّـه بـسـوق الجـلايـب


الرَّجل فيهـم لـه عضـلات وزنـود


هيكل فحَـل والقلـب فالغـيّ ذايـب


ذليل .. لا يحـذف ولا يجمـع حيـود


نقص ٍ على الأجواد حاضـر وغايـب


يا الله يا معْطي العطـا غيـر محـدود


وإيماننا بكـمـا دخـل بـه شوايـب


إجعل مقرّ ابـوي فـي ظـل ممـدود


بجنات عـدْن أم الغصـون الرطايـب


وأحْسن عزانا فيـه يـا خيـر معبـود


لولاكـما نصبـر بـلا حـسّ شايـب

بقلم سمو أنسان..................ودمتم بالف خير

>>>>> ردود الأعضـــــــــــــــــــاء على الموضوع <<<<<
==================================

صح لسانك
يعطيك الف عافيه ياالغلا
وننتظر جديدك

__________________________________________________ __________
صح لسانك ويعطيك الف عافيه

ودي واحترامي

نايف

__________________________________________________ __________
صح لسآنك وتسلم يمينَك
قصيدتـ(ن) جزلـه
تقبل مروري ,,
رحآل الوولـه ,,


__________________________________________________ __________
صح لســـــــــــــــــــــــــانك ,,,
شاعرنا ,,واخوي الغــــــالي ,,
ســــــــــــمو’ انســــــــــــــــــــآن,,
تسلم كلــّـك ,,, طـــــــــال عمرك ,,
عـــــلى سبك,,هذهـ,القصيدة ,,,
ابياتها جزله ورائعه,المحتوى,
ننتظر جديدك بفارغ الصبر,,
تقبل مروري ومعه,,
كل التحـــــايا لك ,,
واجمل سلامي,,
دمت برعاية الله ,,

__________________________________________________ __________
المشاركة الأصلية كتبت بواسطة رحال الوله
صح لسآنك وتسلم يمينَك


قصيدتـ(ن) جزلـه
تقبل مروري ,,

رحآل الوولـه ,, ياخوي رحال الوله طلبتك طلبه
غير الكلام هذا والله إني حفضته (أمزح )

صح لسانك ولاهنت على الأبيات
حمود أثاريه له فقده على البيت
الله يعطيك العافيه


صح لسانك واعتلا شانك
قصيدة كاااااااااايفة واعجز واقام حائرا امامها
لا املك اي عبارات ارى انها تفي او ترتقي ولو لبيت واحد .
لله درك