-
نقاب+كحل+بنطلون+عباية مخصرة= لا و(( ماتبي أحد يعاكسها )) .!! للنقاش
عنوان الموضوع : نقاب+كحل+بنطلون+عباية مخصرة= لا و(( ماتبي أحد يعاكسها )) .!! للنقاش
مقدم من طرف منتديات الشامل
نقاب + كحل + بنطلون + عباية مخصرررررررة = .....
هذا الموضوع قدامكم يا ******* بنات حواء********
إشجبوا .. نددوا .. أو دافعوا عن الحق .. قولوا الصدق .. ماهي وجهة نظركم ؟
وما مدى رضاكم عما يحصل من عندنا نحن جيل المستقبل؟
من المخطيء ؟ ومن المتسبب ؟ وفي النهايه .. ما هو الحل ؟
أخواتي الكريمات .. أصبحنا نخجل مما نشاهده من تبرج وسفور و**قلة حياء** من بعض بنات حواء
ولا يختلف الوضع .. سواء مع اختها .. او اهلها .. او حتى زوجها .. او والدها و ولي امرها .. او حتى لوحدها
والله شيء زاد عن حده حتى فقدت السيطره عليه في الوقت الحالي
المنكرات في ( اللباس ) انتشرت حتى اصبحت تشاهد بشكل ( عادي ) وغير مستغرب
بل المستغرب ان نشاهد ( فتاة ) أو زوجه متسترة بالكامل؟؟؟
إي واللة والدليل كنت أنا وخالي بمجمع كبير بالرياض وشفنا وحدة ساترة نفسها ورب الكعبة مانشوف منها حتى يدها .. وكانت ردة فعلة وهو في عز شبابة قال ,,, اللة يوفقها ويستر عليها دنيا وآخرة ماغرتها المظاهر مثل غيرها وطووول ماكنا بالمجمع وهو يدعي لها .. تخيلي مايعرفك ويدعيلك ,, اللة قد إيش أخذت من الحسنات بس وهي تمشي ..!!! وتعمدت أمشي وراها أبي أشوف ردة الغير لها...
والله أن الرجال ( يخجلون ) مشاهدتها أو النظر إليها من شدة ( عفتها )
وحتى أصحاب المحلات يختصرون الكلام معها لأنها محترمة جدا في لبسها الساتر والمحتشم
هذا وبالمقااااااااااااابل الكاسيات العاريات يتدلعون ويناظرون فيها ويضحكون وغيرهم من أصحاب المحلات يضحكون على خيبتهم وهم مش دارين!!!!! ويستاهلون أكثر من كذا..
أنا عندي كم سؤال وأتمنى تردوووووووون علي يا بنات
ليييييييييييش ما تلبسين اللي تحبينة في بيت زوجك ؟؟
ليش ( تفتنيييييييين ) الرجال في الأسواق وبعدها تجين وتشتكيين وتتذمرين من أفعال هؤلاء الرجال ؟
نقاب واسع مع كحل
بنطلون مع عباية مفتوحة من الأمام ( يعني ياللي ماتشوف ناظر فيني وبلبسي)
دون خجل من الله أولا ثم من الناس ثانيا
عبايه على الكتف ومخصرة على الجسم
لييييييييييش أبي أفهم أبي أفهم !!!!!
واللة يالغالية تلقين فيها راحة ماعندي مشكلة بس وسعيها شوي .. مش كأنها فستان سهرة لا وبعد ملونة..
أقسم بالله العلي العظيم ثلاثا أن الرجال
ما يناظرون بالبنت المتسترة والمحتشمه بشكل كامل
بالعكس يصدون عنها ويفتحون الطريق لها احتراما لها ولعفتها
يا أخواتي الكريمات
بعض الأسواق فيها بلاوي بمعرفة من الأهل تخيلو الوحدة تمشي أبوها بجنبها مثل الصخر ماتهزت منة ذرة غيرة
لا ويوزع إبتسامات للي بسن بناتة @ياللة العجب ههههة@
إسمحو لي أقول ماهو رجال ولابة ذرة رجولة .. شبة رجل..
ممكن كل بنت تعطيني
رأيها ؟؟ وبكل صراحة ..
وإيش نوع عبايتها على الرأس ؟؟ ولا على الكتف ؟؟ وتقول ليش إختارت هالعباية مجبورة ولا حب للفتنة ..
أنا ما راح أذبحها اللي تكون لابسة على الكتف بس أبي أتناقش معاها وهي بكيفها رضت ولا مارضت ..
وأتمنى أن أسمع اراااائكم وأشووووووووووف تفاعل حتى يرتقي هالموضوع للتميز بإذن اللة...
م
ن
ق
و
ل
>>>>> ردود الأعضـــــــــــــــــــاء على الموضوع <<<<<
==================================
السلام عليكم ورحمة الله وبركاته
أولا جزااااااااااااك الله ألف خير يا إختي
أنا عبايتي إسلاميه ع الراس مسكره مع جوارب ومداسيس الحمد لله انا مو مجبوره أنا إخترت هذا الطريق لأنه بكل صراحه لقيت فيه الراحه وأتحدى أي شاب يتجرا وينا ظرني والله إنهم إذا شافون يفسحون لي الطريق كأني ملكه.. يظنون بعض البنات إنه ما أحد يلبس هذي العبايه إلا العجايز أقول لهم غلطتوا بالرأي أنا مو متزوجه حتى لسى صغيييييره وأفتخر إني ألبس هالعبات ..
الله هداني وأتمنى الله يهدي باقي بنات المسلمين...
مشكوووووووووره مره ثانيه إختي الله يكثر من أمثالك
__________________________________________________ __________
العبايه مومقياس اذا كانت البنت محترمه او لا..يعني فيه يلبسون الكتف بس محترمات ..
وفيهم مومحترمات والعبايه على الراس نفس الشي للمحترمه والغير محترمه لاني بصراحه
شفت قدام عيوني بنتين بمجمع لابسين على الراس ويلاحقون واحد ويغازلونه!!!!
وهذا مو اعتراض على العبايه المحتشمه..بس لايغرك الشكل الخارجي.
عن نفسي انا البس كل الثنتين وماالبس الكتف عشان اغري الرجال لا بس ارتاح
لها في اماكن مثلا ابي امشي او زيارة للاقارب وغيرها...
هذا رأيي باختصار والا براسي كلاااام كثير ........
مشكوره
__________________________________________________ __________
اميرة بصمتي
بصرااحه موضوع في غاااية الاهميه
واقــــول لاخواااتي
..... ما على القلب تظهره الجوااارح ....
كـــــل الــــوـــد
__________________________________________________ __________
عبايتي على الراس
شوفي وانا اختك ياليت الدعوى نقاب وكحل الحين صاروا لثام ونص الخشم طالع ويقالي ماسكته علشان مايبين وجهها فكي الثمه اصرف والمكياج مكبوب كب كانها مهرج ولا حاطه دقيق والادهى انه العطر مالي عبايتها ابد تقل رايحه لزواج وحسافه انها بنت ناس اللي تسوي كذا هاذي انسانه
1: تافهه
2: مالها كرامه
3: ماتربت
4: ماعندها ثقه بنفسهاولا وشوله هالزينه
5:فيها نقص من كل ناحيه
__________________________________________________ __________
الصراحه انا البس عبايه على الكتف بس واسعه والبس الحجاب الاسلامي وماتعجبني العبايه الضيقه ابدا والله يهدي الجميع بس وين الاهل وهم لهم الدور الاكبر يعني اذا الاب او الاخ شاف بنته او اخته عبايتهاتلفت النظر ليش يسكت واذا احد انتقد يقولون الموضه
تقبلي مروري
انا لبس العباتين يعني حسب المكان اللي بروح له
بس مو كل بنت تلبس عباية راس لازم تكون محترمه
يمكن لابستها لان مو بكيفها اهلها جابرينها وهي من تحت لتحت
بس الغلط مو كله تتحمله البنت ليش مانحمل الرجال بهد مسؤلية النظر
وقد جاء نهي صريح من القران بغض البصر ثم ترتفع الينا اصابع الاتهام
باننا نحن السبب والله سبحانه جعل المراه موضع فتنه ليختبر الرجل
ان غض بصره ام لا انا مثلا لو طلت بعباية الراس من قال ان محد يناظر
الا الرجال لو يمر يمهم قطو اسود يناظرونه
اسفه على الاطاله
تحياتي
الاميره ساره
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى