عنوان الموضوع : رواية يوه يامحلا كلامه يوم يحكي عن هيامه ياخذ العقل ويجنن قلبي ذايب في غرامه - كاملة
مقدم من طرف منتديات الشامل

بسم الله الرحمن الرحيم
شخباركم ان شاءالله تكونوا بصحه وعافيه ياررب
هاذي روايتي بقلمي حبيت اطرحها لكم وان شاءالله تنال اعجابكم ورضاكم تفضلوا



البـــــــــــــــــــــــــــــــــــــــــــــــ ـــــــارت الاول
يوه يا ما احلى كلامه .. يوم يحكي عن هيامه
****
ياخذ العقل ويجنن .. قلبي ذايب في غرامه
***
يوه يا ما أحلى كلامه .. يوم يحكي عن هيامه
****
ياخذ العقل ويجنن .. قلبي ذايب في غرامه
***
ماني قد اللي يقوله .. عن هواه وعن ميوله
****
يعرف الحب وأصوله .. طيّر العقل بكلامه
***
يوه يا ما احلى كلامه .. يوم يحكي عن هيامه
****
ياخذ العقل ويجنن .. قلبي ذايب في غرامه
***
قلت : بالراحه عليّا .. وقال : منك وش عليّا
****
قلت : ما اتحمل غرامك .. قال : خليها عليّا
***
خفت بعد اللي فهمته .. من كلامه اللي سمعته
****
ألقى قلبي من فرحته .. طاح من طوله عليّا
***
يوه يا ما احلى كلامه .. يوم يحكي عن هيامه
****
ياخذ العقل ويجنن .. قلبي ذايب في غرامه
***
آه منه وش جرالي .. آه وش سوى بحالي
****
وآه من نظرة عيونه .. يوم تتمنى وصالي
***
كنت في عيونه المحبه .. قالت عيوني لقلبه
****
قالت : إني موت احبه .. وان ماغيره حلالي

شخصيات الروايه

عبدالله سالم.. الله يطول بعمره يارب اهو يكون كبير العائله صاحب شخصيه قويه الامر الناهي بلعائله قراره يمشي على الكبير والصغير و يحترمه الجميع من قوه شخصيته واسلوبه يمتلك الشركات من بعد وفاه والده سالم الله يرحمه اصبح اهو المكمل لشغله حتى اصبحت الشركات كبيره وبمساعده اخوانه تزوج من ثنتين الاولى فوزيه ..مدرسه) حنونه ذات قلب كبير صبوره وتمتلك شخصيه بتعاملها معى عيالها وتنظيمها لكل شيء وعيالها سالم وريم
والزوجه الثانيه هدى ..تمتلك صالون نساء كبير اهي موهبه بعمل الشعر والمكياج فتحت صالون اصبح صالونها من اكبر الصالونات ومشهور بمايقدم... وعيالها فهد وناصر وغلا وريتاج
ترتيب العيال بلكبير فهد ناصر سالم ريتاج ريم غلا
ساكنين في فله كبيره من طابقين بجانب الفله ثلاث فلل محاطه بحديقه كبيره ومن الخلف استراحه لتجمع افراد العائله والسهرات
الفله الاولى .. فيصل شبيه عبدالله بشخصيته ومساعد اخوة عبدالله في عمله وشركاء في كل شيء تقدروا تقولوا مكملين لبعض ولاكن لايمتلك قلب قاسي ذاء خشونه فهو الحنون الطيب الذي يلجأ اليه كل بنات العائله خاصتأ.. تزوج من فاطمه وعيالها نواف وبندر ورغد وتوفيت وعيالها صغار لايتجازون الــ 14من اعمارهم وتزوج من وفاء كانت لهم الام ربتهم وحبتهم وشافتهم مثل عيالها اهي ماتجيب عيال ترتيبهم بالكبر نواف بندر رغد
الفله الثانيه .. محمد تزوج وعاش وانجب العيال واهو بلكويت ولهم اكثر من ثلاثين سنه زوجته مريم وعيالها بترتيب ماجد اميره طلال امل (موجوده الفله بس فاضيه كل بعد اسبوع تتنظف )
الفله الثالثه ..عمي فواز ايضاء شريك في كل شيء بشركات ولاكن اكثر واحد بلعائله رومنسي متزوج من ناديه وعيالها راكان (و شهد وشوق توأم)
ريم اول ثانوي تدرس بمدرسه والدتها تدرس فيها كانت تدرسها انقلش >>الماده الي تكرها
اليوم الكهرب في كل الفلل اتقفلت اضطروا يطلعوا كلهم للحديقه
كل العائله بلحديقه
ريم كانت جالسه على المرجيحه مكانها المفضل وحاطه سماعات جوال اخوها فهد وتسمع اناشيد
شعرها طويل وكثيف واسود وغرتها طويله تغطي وجها بلكامل كانت تحب ملابسها تكون فيها صور افلام كرتون تعشق افلام الكرتون وتحب جلسات الاطفال وهمها الوحيد العب والضحك ومدينه الالعاب وتنام في حضن امها واهي جالسه ع المرجيحه ومنسجمه مع الانشوده كانت رافعه شعرها بكماشه ورديه نزلت راسها ع الخلف وطاحت مااخذتها حست فيها بس مااخذتها شوي وفهد يناديها ريوم
فيها عاده اذا احد ناداها تفتح فمها وتقول هاه
ناظرت فيه فهد .. اشفيك جالسه بلحالك
ريم.. اممم لابس احب اجلس بروحي
فهد..تعالي اجلسي ويانا
جلست وياهم وجلست جنب فهد واهي منزله راسها
عبدالله .. والرجاجيل يسولفون
,,ريم كانت تكره جلسات الرجاجيل وعيال عمهى
ريم.. بصوت واطي فهد بروح اجلس ويا ماما
فهد.. طيب خلاص روحي بس ماابيك تجلسي بروحك
ريم.. تناظر فيه ان شاءالله
فهد.. عفيه ع الشطوره
وقامت ريم ومرت من جنب المرجيحه تدور لكماشت شعرها نواف قرب منها اشفيك ع وشو تدوري
ريم.. ماتناظر فيه لاماادور على شيء
نواف.. اجل
ريم.. ايه صح ادور على قلمي
نواف..قلمك ايه انا شفته طلع قلم من جيبه تقصدي هاذى
ريم.. ايه هاذى اهو وين حصلته
نواف.. هنى مكان ماتدوري
ريم.. طيب يسلمو نواف >>
نواف.. يسلمك ريم

ريم اخذت القلم وراحت عند عماتها وبنات عمهى جالسين بقرب من الرجال بس الفاصل الي بينهم شجرتين كبار جنب بعض
ريم.. ماما حرانه
هدى.. الحين ترجع الكهربه ورفعت غرتها وشعرها وحطته بربطه لاتنزلي شعرك وشربتها مويه بارده ومسحت وجها بمويه بارده كنت قريبه من بنات عمي بس كونت قليله كلام
بعد ساعه
ترجع الكهربه وكل واحد يدخل غرفته كان فيه مواعيد الساعه 12الكل يكون نايم وكل خميس وجمعه يكون فيه طلعه برى البيت طبعا كل العائله
ريم .. دخلت غرفتها وحطت راسها ونامت
في الصباح
هدى .. فتحت غرفت ريم وتقرب منها ماما حبيبتي واهي تمسح على شعرها يلا مشان المدرسه
ريم.. واهي تغطي وجهها بلغطى مابداوم
هدى ..>>والجمله الي دايم تتكرر بكره بنتي حبيبتي تكبر وماتروح مدرسه تصير في البيت ومايكون فيه مدرسه
ريم.. ماما متى يجي بكره دايم تقولي كذا
هدى.. بيجي بس يلايلا قومي وتشيل الغطى من عليها وتمسك بيدها وتجلسها
ريم.. واهي تمسح عيونها وتشيل غرتها من وجهها وتمسح عيونها يلا ماما الحين بصحى
هدى.. يلا ادخلي الحمام>>الله يكرمكم اجمعين وانا بنتظرك تحت مشان الفطور
ريم.. طيب ماما وتقوم من فراشها
هدى.. واهي طالعه من غرفتها عفيه على الشطوره
هدى..دخلت غرفت غلا
طبعا فوزيه كان اغلب وقتها بصالون ونادر مااشوفها في البيت
هدى.. غلو حبيبتي
غلا.. صحيت وجهزت نفسها >> تعتمد على نفسها في كل شيء
هدى.يلا انزلي الفطور
وتدخل غرفت ريتاج.. >>هاذي البنت مثل الاولاد بأسلوبها وشكلها وتصرفاتاها وكل شيء شعرها مثل الاولاد قاصته وناحته من عند اذنها
هدى.. ريتاج الله يصلحك وشذا الي اشوفه انتي وحده بسم الله عليك ولا عشرين
ريتاج.. ايه ماما احب انام بذا الجو
هدى.. لاتقفلي الغرفه واخذت المفتاح بنظفها هاذي الغرفه واليوم ولا بقول لابوك
ريتاج.. واهي تجهز في شنطتها طيب طيب كل شيء بابا بابا وطلعت من الغرفه
هدى.. بأبتسامه الله يصلحك هاذى وانتي الكبيره ابيك قدوه لهم وانتي بذى الحال مااقول الى الله يهديكي ياارب
في الصاله قرب المطبخ طاوله طعام كبيره
نزلت ريم من الدرج متجهه لطاوله الطعام ع الطاوله سالم وفهد وناصر وغلا وريتاج وهدى
ريم.. السلام عليكم
الكل.. عليكم السلام
ريم.. تقرب من ابوها وتبوس يده
عبدالله.. يسلم على راسها الله يحفظك يارب
ريم.. تناظر فيه ويخليك لنا وتجلس جنب سالم
سالم.. وشذا الكشخه اليوم
ريم.. سلوم كماشتي ماحصلتها
سالم.. بأبتسامه طيب عندك غيرها كثير
ريم.. لاابي هاذيك امس كنت جالسه على المرجيحه وطاحت مني الله يخليك ابيها
سالم.. طيب انا اليوم بقول للخدامه تشوفها
ريم.. واهي تبتسم يسلمو
سالم.. يسلمك
هدى.. يلا بنات الحين الباص يمر عليكم >>كنا نروح المدرسه ونرجع بلباص بابا كان يبي يخلينا مثل غيرنا ومانحس انا حنى غير نروح ونرجع ويا السواق وماما بابا يوصلها ويرجعها
البنات.. طيب
فهد.. بابا انا الحمدلله بطلع >>فهد مخلص جامعه واهو يشتغل ويا بابا واعمامي بشركه يعتمد عليه في كل شيء يشبه لبابا في الشخصيه والاسلوب
عبدالله.. الله معاك
فهد.. واهو يقرب من عبدالله ويسلم على راسه
عبدالله.. هدى انا انتظرك برى لاتتاخري
هدى.. يلا بس احط السندويتش في شنط البنات
عبدالله.. طيب بس لاتتاخري
هدى.. ان شاءالله اذا مستعجل روح وانا بطلع ويا السواق
عبدالله.. قرب منها ع رقبتي مايوصل حبيبتي لدوامها غيري
هدى.. واهي تبتسم الله لايحرمني منك
عبدالله.. ولامنكم
ريم.. كانت تغطي عيونها
غلا.. كانت تحب هالمواقف تناظر واهي مبتسمه
ريتاج.. في يدها لعبتها المفظله دايم مشغوله فيها وتلعب كوره قدم رياضتها المفضله
ناصر وسالم .. بلجامعه كل واحد عنده سياره ومطلعها من فلوسه بابا يبي كل واحد يعتمد على نفسه بكل شيء بس ماكانوا يدرسوا بنفس الجامعه
هاذى كل صباح طبعا وقت الدوامات يختلف عن ايام الاجازات
ريم وريتاج وشهد وشوق وغلا ورغد بنفس المدرسه وياهم هدى مدرسه لغه انجليزيه
في الباص
شوق.. فيني النوم والله
شهد.. كلو منك ماخليتنا ننام
شوق.. والله مااحد ضربك على يدك وقلك اجلسي وياي
شهد.. انا غبيه دايم اصدقك
شوق.. خلاص من اليوم ورايح لاتسهري وياي
..>>دايم على ذى الحال بس من جواتهم كل وحده اطيب واحن من الثانيه بس لازم من شغلات النرفزه
رغد.. بصوت عالي شهد وشوق خلاص
ريم.. بأبتسامه
رغد.. واهي حاطه يدها على خصرها صدق مايمشي معاكم الى العين الحمراء
الكل.. ههههههه
ريتاج .. بنات بلاه ساعدوني
شهد وشوق وريم ورغدوغلا .. ع شنوو
ريتاج .. امم الحصه الاولى عندنا استاذه الرياضيات وانا اكره هالماده والاستاذه حامل وبصراحه خاطري ماعاد تداوم
غلا.. هههههههه نقتلها مثلا
شهد.. لا ياخبله شي اخطر
ريم.. لاحرام
شوق.. خطرتلي فكره
البنات .. شنو
وصلو المدرسه وهمى مندمجين بسواليف وشلون يخلو يومهم وناسه وفله وشيطنه مشان يمر الوقت بسرعه ويرجع البيت هاذى كان همهم
دخلو المدرسه في مكان دايم يجلسو فيه سولف ويا بعض و يفطروا مع بعض هاذى مكانهم الاساسي برى الفصل
الفصل كان متوسط من ناحيه حجمه كانت ريم تحب تجلس قدام وراها رغد
ريم جنبها مشاعل اول يوم تداوم بلمدرسه كانت جديده عليها هاديه ماتسمع منها صوت غير وقت ماتجاوب لللاأستاذه
في الطابور الصباحي
طبعا ريم في المقدمه والبنات يحبو يكونوابلأخير بس مشان ريم يكونوا بثاني والثالث قريبن من ريم ورغد صف اول ثانوي الفاصل بينهم طابورواحد وشهد وشوق وغلا ثالث متوسط وريتاج ثالث ثانوي
طوال الطابور سواليف وضحك
وفي استاذه الله يذكرها بلخير استاذه امل .. مشرفه تكون قريبه منهم وتسمع سواليفهم بس تناظر فيهم وكل وحده تطالع في الثانيه وتغمزلها ويسكتو
ماكانو يحبويكونوا مخالفات ولا بيوم احد منهم امسك مشان مخالفه او تتهزء
طبعا ريم ورغد في فصل واحد
في الحصه الاولى دخلت استاذه الرياضيات ..
السلام عليكم
الطالبات عليكم السلام
أ_الكل يطلع كتاب الرياضيات ويحطه قدامه
وحده من الطالبات _ابرار ماكنا قريبين منها كثير بس كانت تضحكني
يااستاذه
أ_يالله صباح خير لايكون الحمام بس
ابرار_لا الحين مااحتاجه بس ماادري اذا بعدين
أ_طلعي كتابك وانتي ساكته اليوم انا تعبانه ماابي كلام كثير
ابرار..استاذه اشرح عنك ادرس
أ_ابرار برى الفصل
ابرار.. خلاص خلاص استاذه اشرحي انتي وبصوت واطي مابيتعب الى انتي بلعنا فيك
أ_ايوا بنات بعطيكم كم سؤال على السبوره وانتوا سجلو في دفتر الواجبات واقيمكم بدرجاات
مشاعل_اذا ممكن يا
ريم.. انا ريم
مشاعل.. ياريم ابي من عندك قلم نسيت اقلامي اليوم
ريم.. طيب بحطها على الطاوله وانا وانتي نكتب معى بعض
مشاعل.. يسلمو
ريم.. الله يسلمك طبعا يتكلموا بصوت واطي
انتهت الحصه الاولى
مشاعل .. ريم ابي دورات المياه اذا ممكن توصليني مااعرف شيء بهاذي المدرسه
ريم.. من عيوني اوصلك يس خلي الاستاذه تجي وونطلع
الحصه الثانيه .. كانت انقلش في فصل ريم ورغد في فصل شهد وشوق وغلا
شهد.. شوفي فيني شيء غلط
شوق .. ايه فيه
شهد.. شنو قولي بسرعه
شوق.. انك واقفه
الكل .. هههههههه
شهد.. غبيه خرعتيني
في فصل ريم
شوي وتدخل هدى . السلام عليكم
الكل .. عليكم السلام
ريم .. تقرب من امها ماما هاذي البنت جديده وتبي تروح الحمام وتقول اوصلها
هدى .. اش اسمها
ريم.. واهي تاشر عليها مشاعل
هدى.. مشاعل ممكن تروحي دورات المياه وتاخذي معاك ريم بس لاتتاخروا
طلعوا ريم ومشاعل
عندهم حصه توحيد
شهد.. تدق شوق برجلها
غلا.. تشوف كل شي واهي ساكته
غلا .. حاطه راسها على الطاوله وفيها النوم
في دورات المياه
مشاعل .. ريم خليكي عند الباب
ريم.. طيب بس لاتتاخري
مشاعل .. لا ماراح اتاخر دخلت يدها بجيبها وطلعت جوال وتكلم
مشاعل.. سلمان
سلمان.. هلا
مشاعل.. وش صار ويا ماما ان شاءالله طيبه
سلمان.. لاالحمدلله طيبه ومافيها شيء
مشاعل.. سلمان لاتكذب علي
سلمان.. الحين خليكي في دراستك ابيكي ترفعي راسي
مشاعل.. طيب
ريم.. سمعت المكالمه كلها
مشاعل قفلت وطلعت
ريم.. خلاص
مشاعل .. ايه خلاص خلصت يلا نرجع الفصل لانتاخر اكثر من كذا
ريم.. طيب
ورجعوا الفصل
هدى..تقرب من طاوله رغد وتحط يدها على راس رغد وماتحسسها بأي شيء
رغد.. تعدل جلستها وتناظر في منال وتأشرلها طيييب
منال .. بصوت واطي احسسن ليتها كسرت راسك
رغد.. والله انتي الي يبي راسك التكسير
هدى .. حست بصوت وتناظر في رغد
رغد.. واهي معصبه من منال تنزل راسها
منال .. (صاحبه مشاكل في الفصل دايم في الاداره هالبنت ومخالفه )
ريم ومشاعل يدخلوا ويطقوا الباب وتستأذن وتدخل
طوال الوقت وريم تفكر وتناظر في مشاعل منو سلمان وش سالفت امها ياربي ساعدني واساعد هالبنت احسها محتاجه مساعده وتناظر فيها
هدى.. حست بنتها فيها شيء



انتهى البــــــــــــــــــــــــــــــــــــــــارت .......



>>>>> ردود الأعضـــــــــــــــــــاء على الموضوع <<<<<
==================================

بجد رواية من عنوانها مبينة حلوة كتير

قرأت الجزء الاول

وبانتظار الثاني بفارغ الصبر

استمري غاليتي

__________________________________________________ __________
::

الله يعطيك العافية وموفقة بما قدمتِ اختي
.

__________________________________________________ __________
يعطيكـــــــي أأأأأأأأأأأأألـــــــــــف عـــافـــيه

__________________________________________________ __________
البـــــــــــــــــــــــــــــارت الثاني

مشاعل .... ريم
ريم..... تناظرها
مشاعل..... مو الحين فرصه ليه ماتطلعي من الفصل
ريم.. اطلع ايه صح عادي نطلع
طلعوا من الفصل وجلسوا ويا بعض
............................
شهد وشوق وريتاج وغلا
غلا.. فين ريموة
رغد.. انا سحبت علي وانا وياها بلفصل ماتبي تسحب عليكم انتو
غلا...... ليه وش عندها ريم
رغد.......متعرفه ع البنت الجديده
غلا...... نعم تعالوا بنات نشوف وش سالفتهم
ريتاج..... وقفت ع سور المدرسه من الدور الثاني وبصوت عالي بناااات تجمعوا
غلا....... نسيت سالفت ريم وطلعت تجري الدور الثاني تشوف ريتاج
شهد واهي تجري ريتاج( جنت )
..........
شوق .... ميته ضحك
رغد.... انا هنا اطلعوا شوفوها وتعوا بفطر ميته جوع وتدخل المقصف
ريتاج.... وبصوت عالي واهي مشمره ملابسها اليوم يومنا
غلا.... واهي تنزلها من السور بتفضحينا... ريتاج انزلي
البنات تجمعوا ............

شهد..... اخر زمن والله بنات الــ .. يصيروا فرجه لناس
شوق.... وانتي الصادقه الخير والبركه في ذي المسترجله
شهد.... تمسك بيد ريتاج وينزلوها من على السور ويدخلوا دورات المياه
غلا..... انتي ماتوبي واذا شافتك عمتي هدى وقالت لبابا تعرفي شنو يسوي
ريتاج..... ههههه ماكنت بسوي شيء غير بساوي اعلانات على مبارات اليوم
شهد..... ياحبيبي ليتني ادري والله ماخليتهم يجون مشان هاذى السبب السخيف وتطلع وشوق وراها
.......
غلا.. تقرب منها هاذى وانتي الك اخر سنه وتتخرجي شوفي منضرك بلمرايه يااحمد
وتطلع
ريتاج.. تناظر نفسها بلمرايا وتمسك شعرها وتطلع من دورات المياه
..................
البنات دخلوا المقصف عند رغد
رغد..... هاه وش صار وياكم
شهد...... تعرفي حركات بنت عمك
شوق.. ...الله يصلحها وبس
الكل ...... يسمع منك
ريم.ومشاعل..... بعد سواليف مطوله ماقدرت ريم توصل لقلب مشاعل وتخبرها بكل شيء بس عرفت اشياء بسيطه عن مشاعل
مشاعل .. ابوها توفي واهي صغيره اخوها سلمان كبير ومتوظف وفي الشهور الاخيره انطرد من عمله لاسباب... امها كبيره في السن) وعندها مرض في الكلى كل بعد شهر تسوي غسيل عايشين في بيت صغير مكون من غرفتين وحمام وصاله سلمان مو متزوج سخر حياته في تربيت اخته ويهتم في امه مو متزوج
ريم...... مشاعل عادي اذا زورتك البيت
مشاعل..... وبكل فرح ايه عادي حبيبتي حياك البيت بيتك
ريم........ طيب بجيك يوم الخميس
............
غلا وريتاج وشهد وشوق ورغد قربوا منهم
غلا.. ريمو فينك عني وحشتيني وتقرب منها وتبوس خدها
مشاعل... نزلت راسها
غلا... عرفينا ع الحلوة الي معاك
ريم.. تأشر على مشاعل هاذي شعوله .... وتناظر في غلاوريتاج اخواتي من ابوي
وشهد وشوق ورغد بنات عمي
البنات .. تشرفنا
مشاعل.. وانا اكثر الله يخليكم لبعض
ريم... حياكم نسولف ويا بعض
مشاعل... اخليكم ويا بعض انا برجع الفصل
ريم... الي يريحك ساويه
مشاعل.... تناظر فيهم وابتسامتها ماتفارقها ثانيه
...............
غلا...... ريوم وتمسك خدها كنت دفشه صح
ريم....... الله يسامحكم
شهد... هاذي حركات غلا
شوق... تناظر في شهد وتغمز لها
ريم... بنات اشفيكم
غلا.. واهي معصبه في غير ريتاج بذبحها هالبنت
ريم... هههههه وش سوت هالمره
غلا... تبي تساوي اعلانات على مباريات ع سور المدرسه
ريم... ههههههه وينها الحين
غلا... ماادري طلعت من دورات المياه ولاشفتها من بعد
وقضوها سواليف ........
ودخلوا الحصص ......
في نهايت الدوام البنات يرجعوا بلباص للبيت
هدى ...... تتصل على عبدالله السلام عليكم
عبدالله... .. عليكم السلام
هدى..... انتهى الدوام وطلعوا البنات الباص تمر علي ولا اتصل على فهد
عبدالله.... لاتقولي كذا مره ثانيه لو عندي اشغال الدنيا كلها اجيك
هدى...... الله يخليك لي ولايحرمني من وجودك انا بنتظرك واذا وصلت اتصل
عبدالله...... من عيوني
هدى ..... تسلم عيونك
.............
رجعوا البت كل وحده تكون بغرفتها تتحمم وتبدل ملابسها وتطلع من غرفتها
في فله عبدالله بصاله في الدور الاول
فوزيه..... جالسه على الكنفه وتطالع TV
غلا... تنزل من غرفتها وتدخل الصاله تسلم على امها وتحط راسها بحضن امها
فوزيه.. بنتي حبيبتي كيف كان دوامها اليوم
غلا... ماما
فوزيه... حياتها
غلا...... ليه ماتتقربي من ريتاج
فوزيه..... ليه اشفيها
غلا...... ماادري يعني ماتشوفي كيف شكلها وطريقت لبسها
فوزيه..... خليها على راحتها ماابي ادخل في طريقت لبسكم
غلا....... وتبوس يد امها ماما الله يخليك عشاني اهتمي برتوج شوي
فوزيه..... ليه انا مااهتم فيكم
غلا...... واهي مبتسمه لااكيد مااقصد بس اهتمي اكثر بريتاج
فوزيه.. من عيوني
غلا... تحضن امها ويتابعوا الـTVواهي حاطه راسها على امها فوزيه تمسح على شعرها
في غرفت ريم واهي واقفه على البرنده بغرفتها تناظر بلحديقه ......
نواف... واهو نازل من سيارته BMW لونها اسود
(نواف ... متوسط من حيث الطول بشرته بيضاء ورموشه كثيفه انفه سله سيف شعره اسود وكثيف وناعم لحد رقبته جسمه مثل جسم الرياضين عيونه عسليه >>ماشاء الله تبارك الله الله يحفظه
........................
ريم... بشرتها بيضاء شعرها اسود وناعم وكثيف وطويل يغطي ظهرها من غزارته عيونها عسليه شفايفها صغيره ورديه انفها طويل عندها غمازات طولها متوسط جسمها حلو ...
نواف... واهو يناظر في ريم من البرندا ويبتسم لها
ريم... لابسه بجامه ورديه قصيره لحد ركبتها واهي تفكر في مشاعل وسالفتها >>من طبعا تفكر بناس قبل ماتفكر في نفسها تحب تساعد الي قدامها تناظر في نواف من دون رده فعل
نواف... دخل الفله
بندر.. يتصل على نواف
نواف.. يناظر بلجوال ويفتح الخط هلا وغلا بلأخو القاطع
بندر...ههههه تصدق ماكنت أبي اتصل بس قلت اكيد الحين تصيح علي
نواف... ياشيخ كثر كثر
بندر... الى قول اخباركم وش مسوين
نواف.. والله انا تمام وماعلي والوالد بصحه جيده ورغوده بعد ماشفتها تو راجع من الدوام
بندر... دووم يارب ومتى تجي تكمل دراسه عندي >> بندر يدرس ماجستيرودكتوراه في بريطانيا
نواف... بكمل هالسنه واشوف عندي امتحان الشهر الجاي >>نواف يدرس ماجستير بلخبر
بندر.. الله يوفقك يارب
نواف... وياك يارب الحين ببدل ملابسي واتغدى ميت جوع وانا اخوك وبرجع اتصل عليك
بندر... طيب انتظرك.. نواف
نواف... سم
بندر ... اذا رجعت تتصل دخل سلطان ويانا
نواف...... واهو يضحك من عيوني بس الحين قفل وبعدين اكلمك
......
ويدخل غرفته ويجلس على الكرسي ويفتح الكومدينا ويطلع كماشت ريم يناظر فيها واهو مبتسم وش سر هالبكله دايم بشعرها ويخليها على الكومدينا ويدخل الحمام >>الله يكرمكم

........






اعتذر على قصر البارت تحياتي للجميع


__________________________________________________ __________
الــــــــــــــبـــارت الثالثــــــــــــــ

ريم.... في غرفتها تتصل على سلطان
سلطان...هلا وغلا
ريم... خبرت بابا العصر مر علي
سلطان... طيب
ريم... باي .. وتقفل الخط
.........
غلا... ريوم ممكن ادخل
ريم.... غلو عادي ادخلي واهي مبتسمه
غلا... تدخل وتجلس ع الكرسي
ريم... واهي حاطه راسها على مخدتها غلو
غلا...عنونها
ريم...انا يوم الخميس بزور مشاعل في بيتها
غلا... ليه
ريم.... ماادري بس هالبنت حاسه فيها شيء
غلا... تصدقي هالبنت ماارتحت لها
ريم... واهي تقرب منها لا البنت طيوبه
غلا... واهي تبتسم انتي الطيبه والله
ريم...اكيد مابتخلي اختك تروح بروحها بيت مشاعل
غلا... ماعليك بجي وياك بس الخميس ماراح احد يكون بلبيت بابا واعمامي رايحين الرياض
ريم... نروح ويا السواق
غلا... اوك بس خبري بابا
ريم... طيب
غلا... اوك انا الحين بنام تمسي ع خير
ريم.. خليكي نامي بغرفتي
غلا... لاانتي مزعجه
ريم... اقول نامي انا بطلع بيت عمي
غلا... اوك
غلا بتنام بغرفت ريم وريم طلعت من غرفتها بتجلس بلحد يقه مكانها المفضل
,,,,,,,,,,,
في غرفت نواف ...
رغد... واهي واقفه عند باب غرفت نواف ..نواف مشغول
نواف... هلا رغوده ادخلي اشفيك لامو مشغول ولا غيره
رغد... دخلت غرفته وجلست على كرسي نواف وانتبهت لكماشت ريم
نواف... واهو واقف عند البرنده ويناظر فيها كيف دوامك اليوم
رغد... نواف
نواف...واهو يقرب منها سمي
رغد... هاذي كماشت ريوم تدور عليها
نواف... واهو مبتسم شفتها بلحديقه واخذتها ماادري لمنو تكون
رغد... خلاص انا برجعها
نواف... ويبي يضيع الموضوع بندر يسلم عليك
رغد... اومتى اتصل الله يسلمك ويسلمه
نواف... قبل اشوي
رغد... اشتقتله
نواف..بليل اتصل عليه وتحاكينه >>بنات العائله مايطلعوا جوالات الى اذا تخرجوا من الثانويه
رغد.... اوك بس لاتنسى
نواف... واهو يبتسم لاماعليك
رغد... انا بنزل بصاله اذا مابتنام انزل مشان نجلس ويا ماما
نواف... طيب
................
في الحديقه ريم جالسه على المرجيحه
ريم... فتحت دفتر مذكراتها وتكب بقلم نواف
كتبت بتفصيل اش صار معاها اليوم >>مذكرات ريم يوميا تسجل كل الاحداث الي تمر بحياتها
الى من سرق قلبي واصبح ملكه الى من خطفني الى عالمه الى من احببت وعشقت من طفولتي الى من اقف دائم على برنده غرفتي لئراه الى من اسمع صوته كل يوم الى من لم يفارقني لحظه بخيالي الى من رسمت حياتنا
اليك انت يامالك قلبي وتفكيري
كم اتمنى الا ابتعد عن ارجاء فلتنا لكي لا تكون المسافات طويله بيننا الى من اتعذب وانا انظر لعينيك
......
نواف... واهو طالع من الفله ويناظر في ريم واهي جالسه على المرجيحه يقرب منها .. ريم
ريم... حطت القلم بدفتر وقفلته .. وقفت ومرت من جنبه متجه لفلتهم
نواف... ريوم
ريم... توقف وتلف جهته وتنزل راسها واهي حاظنه الدفتر وشعرها مغطي ملامح وجهها
نواف... اشفيك اناديك ليه ماتردي علي
.....
وفاء .. واقفه ع البرنده وتناظر في نواف وريم
....
ريم... ماترد عليه
نواف...تدخلي الفله رغد بصاله اجلسي وياها
ريم... لا انا كنت ابي ارجع فلتنا
نواف... ليه مانمتي طيب
ريم.. واهي منزله راسها لا مافيني النوم
نواف... طيب الي يريحك ويحط يده على راسها ويروح من عندها
ريم... تناظر فيه حتى يطلع من الحديقه ويركب سيارته واهي واقفه مافرقته لحظه
.....
كل شيء لو زاد عن حده نقص الى حبك انته طايف بلوريد كل مااقول الشوق فارقني وخلاص ارجع اشتاق واحبك من جديد .......ياعساني طير ورموشك قفص واشعر اني بقلبك الحب الوحيد تيجي قبل النوم تحكيلي قصص واغفاء واصحى وعيني عنك ماتحيل .... روحي ترخص للي ماعندي رخص غير والله والغلا دايم يزيد لو ليالي العمر تعطيني فرص ماتركتك لحظه عن عيني بعيد ........
......
ريم.... دخلت الفله واتجهت لغرتها تجهز العصر بيمر عليها سلطان تزور خالتها
......
في بيت فواز واهمى مجتمعين بصاله بعد الغداء
شهد... واهي تحكي لأبوها للي صار معاهم بدوام
شوق... جالسه جنب شهد
فواز جالس جنب ناديه وحاط يده ع كتفها
راكان... هاذي بنت عمك اقدر اطلعها معاي عند الشباب
فواز... واهي مبتسم لاتقول كذا عن بنت عمك
راكان... واهو مبتسم لعيونك بس والله اكرها هالبنت >>راكان متعود مايخبي في قلبه شيء كل شيء بقلبه على لسانه ومتهور بأصدار القرارات بس وقت الجد جدي يعتمد عليه ابوه في الشغل اذا سافر يمتلك قلب حنون وطيب ع اخواته بس لحدود ماعنده لف ولا دوران
شهد... هههههه بس ماشافتها عمتي هدى
شوق... واهي تغمز لها مره ثانيه نجيب عمتي هدى وتشوفها
الكل ...هههههه
ناديه... الله يصلحها هالبنت
فواز ... امين واهو يناظر في ناديه
راكان... اروح انا فواز حاسب عندنا مبزر
فواز وناديه ...ههههههه
ناديه... ماتبطل حركاتك
شهد وشوق ... قالبين الوان
راكان... انا استئذن بطلع بمر سلوم ونطلع تامر على شيء يبه
فواز.. سلامتك وانتبه على نفسك
راكان.. واهو يسلم على راس ابوه ماتوصي حريص ولدك ذيب واهو يغمز
ناديه.. تناظر في ولدها واهي مبتسمه يارب انك تحفظه لي هالود
راكان.. ويخليكم لي
فواز.. امين
راكان.. اشرايك اجلس ونكملها صياح
الكل...ههههههههههه
راكان...واهو يقرب من شهد وشوق والحلوات يوصون شيء
شهد... سلامتك
راكان ,,,, يسلمكم
شوق... تطلعنا بعد المغرب
راكان... واهو يمسح على شعر شوق ... من عيوني اذا فضيت اطلعكم
شوق... واهي تنطط على الكنفه فديت اخوي
راكان ... واهو مبتسم ويطلع من الفله

..... يتصل على سالم راكان... السلام عليكم
سالم.. عليكم السلام
راكان... فينك انا بلحديقه
سالم... يلا الحين طالع
راكان... انتظرك ....اتجه لسيارته ودخل السياره وشغل المسجل وحط اغنيه بصوت الجدعاني >>راكان يعشق الجدعاني بشكل جنوني مايسمع لغيره
سالم... يسلم عليه اخذ سيارتي ولا
راكان.. لا وشدعوة وسيارتي
سالم.. واهو مبتسم يركب السياره
......
يطلعوا من الحديقه ويحصلوا سلطان ينزلوا يسلمو ع بعض
سلطان... فينكم مختفين هالسبوع
راكان... والله انا انشغلت ويا الوالد
سالم... ماعليك الجيات اكثر
سلطان... انا بمر ع ريوم خبرتك سالم
سالم... ايه قالت واهي تنتظرك وسلملي على خالتي بمر عليكم هاليومين
سلطان... حياك البيت بيتك
راكان... يلا سلام
.... ويرجع كل واحد سيارته سلطان يدخل الحديقه >>في بوابه كبيره سيارات العائله تدخل الحديقه
ريم... ماما
فوزيه... امك نايمه خلاص اذا صحيت بخبرها انتبهي على روحك
ريم.. تسلم عليها من عيوني
فوزيه.... توصلها للباب الله يحفظك
ريم... واهي طالعه ومتجه لسيارت سلطان >>ريم تلبس العبايه وتحط الطرحه ماتغطي وجهها
ريم... السلام عليكم وتجلس قدام
سلطان.. عليكم السلام
ريم... واهي تناظر فيه تصدق اشتقتلك
سلطان... واهو يناظر فيها وانتي اكثر والله
....
نواف يدخل الحديقه يشوف سلطان يطلع من سيارته ويقرب من سلطان ويسلم عليه
سلطان... واخير تقابلنا والسبب بنت خالي
نواف... واهو يناظر في ريم ويبتسم وين رايحين
سلطان... بوصلها عند خالتي
نواف ... توصلوا بسلامه
سلطان... الله يسلمك
ريم... تسمع كل كلامهم ولا تناظر فيهم
سلطان يطلع السياره اشوفك
نواف... ماوصيك ع بنت العم اهي غاليه
سلطان.. واهو يضحك
ريم...وش يقصد نواف
سلطان... يقصد انك غاليه علينا
ريم... واهي تناظر فيه لاوالله ادري
سلطان... واهو يضحك ريوم لاتسئلي كثير
ريم... تدري مااقدر اتكلم عنه الى عندك انت الوحيد الي تدري على كل شيء
سلطان... خذي راحتك
ريم...احسه يشوفني مثل اخته الصغيره
سلطان... ليه وش صار
ريم... قبل شوي كنت بلحديقه ومسك شعري مثل الاطفال
سلطان... طيب بس لاتفسري كل شيء من عندك
ريم... سلطان انت القريب منه مايحكيك عني
سلطان... انتي قلتيها المقرب لي يعني مستحيل اطلع كل شيء يقوله
ريم... تيب خلاص مابني نسولف في ذى الموضوع صارلي مشكله بدوام
سلطان... تبين نجلس عند البحر
ريم... لالا مااحب البحر خلينا بسياره مشان نمر خالتي ياني مشتاقه لها
سلطان... واهو يمسك خدها تشتاق لك العافيه
ريم... في بنت عندي بلمدرسه ابوها توفي من زمان واهي صغيره واخوها اهو الي رباها وكبرها وفاصلينه من شغله وامها تعبانه كل بعد شهر يساولها غسيل في الكلى >>ودموعها على خدها
ماادري ابي اساعدها باي طريقه بس ماادري كيف
سلطان... طيب في البدايه امسحي دموعك ماابيك تبكين ثاني شيء الموضوع مايستاهل كل هاذي الحيره الي انتي فيها
ريم... لابس ماابي احد اعرفه يكون بهاذى الحال
سلطان... تقدري تساعديها وباشياء كثيره اخوها لازم يتوظف وهاذي شغله ابوك
ريم... لاماعليك لو اخبر بابا ماراح يردلي شيء خاصه اذا احد احتاج شيء
سلطان.. شفتي قد ايش الموضوع مايستاهل عيونك الحلوة تنزل منها دموع
ريم... واهي مبتسمه تصدق اخوي فهد يقول لااطلع معاك
سلطان... وهاذى الي ببيصير
ريم... لاوالله من جدك
سلطان... انتي خلاص بيصير عمرك 18 يعني لازم تتعودي ماتشوفيني ولا حتى نواف
ريم... لا انت مثل سالم
سلطان... وانتي مثل فرح اختي بس اخوكي فهد صح كلامه ريوم
ريم... تناظر فيه
سلطان... ابيكي تعتمدي على نفسك مو كل شيء يصير لك انا اساعدك فيه ولا امك
ريم... واهي ماده بوزها مااعرف اعتمد على نفسي
سلطان... واهو يضحك بطلي دلع وتعرفي تعتمدي يلا بوصلك عند خالتك وبعد ساعتين امر اخذك
ريم... طيب
سلطان وصلها للبيت واهو طلع وريم دخلت بيتهم
فرح..>>الاخت الوحيده لسلطان والمدلله عند اخوها وامها عمرها 17سنه
فرح.. هلا وغلا ريوم
ريم... تسلم عليها اخبارك واخبار خالتي
فرح... الحمدلله كلنا تمام ماعلينا
ريم...دووم يارب دخلت وسلمت على خالتها وقضت ساعتين عندهم
.......
سلطان .. يكلم نواف
نواف... فينك الحين
سلطان... انا مشغول الحين ومايمدي امر اخذ ريوم من البيت واوصلها الفله
نواف... من عيوني ماطلبت شيء انا بوصلها اعتمد علي
سلطان... ياجعلني منحرم منكم
نواف... امين أي صح بندر يسلم عليك ويبي نكلمه كلنا بليل بتصل وادخلك ويانا الخط
سلطان... الله يسلمك ويسلمه يارب خلاص ماعليك نكلمه بليل يلا الحين بقفل
نواف... امووت انا على المشغول طيب الله معاك
سلطان... واهو يضحك ومعاك يارب وقفل
......
بعد مرور ساعتين نواف يوقف عند باب بيت سلطان ويدق الجرس
فرح... مين
نواف... انا نواف خلي ريم تطلع
فرح... طيب الحين طالعه
نواف... يدخل السياره ينتظر ريم
........
فرح... ريوم
ريم... طيب يلا بس البس العبايه
فرح... تناظر فيها زورينا مره ثانيه
ريم.. من عيوني وانتي كمان تعالي قضي عندي كم يوم انتي وخالتي وتسلم على خالتها وتبوسها بيدها يلا مع السلامه
فرح... توصلها لعند الباب
..........
ريم....تطلع وتشوف سيارت نواف تقرب من السياره
نواف... اشفيك سلطان مافيه شيء واهو يضحك انا بوصلك يلا اطلعي
ريم..... اها طيب وتجلس قدام
ريم...... ملتزمه الهدوء بس حاسه بكل شي من حولها
نواف...واهو يناظر فيها ريوم شنو تحبي تسمعي
ريم....... ماعندي شيء محدد اسمعه كل شيء حلو اسمعه
نواف......طيب ممكن اسمعك شيء وابي ردك
ريم..... واهي مستغربه من كلامه طيب
نواف.....قبل مااسمعك شيء ابي اخبرك كم ملاحظات اولا ماابيك تطلعي معى سلطان مره ثانيه
ريم.. ماترد عليه
نواف... واذا اهو صديقك المقرب انتي الحين كبيره مفروض ماتشوفيه
ريم..ومن دون شعور تنزل دمعتها ماكنت تبي تحسس نواف بأي شيء
نواف... واهو يناظر فيها ويشوف دموعها على خدها ريوم ممكن اوديك مكان
ريم...... مكان ليه حنى مو راجعين البيت
نواف...... لاابي تشوفي مكان
..............................................


البـــارت الخامس
في الصباح وكل صباح شيء معتاد هدى تدخل على كل وحده من البنات وتصحيها
في غرفت ريم ..دخلت الغرفه تلاقي ريم صحيت وتجهزت
هدى... وبكل استغراب وتقرب منها ريوم فيك شيء اليوم
ريم... واهي تضحك لاوش فيني
هدى... اش التغير المفاجىء خير ان شاءالله
ريم... واهي تبوس امها على خدها اذا رجعت من المدرسه بخبرك شغله صارتلي امس
هدى... طيب انا الحين بشوف اخواتك وانزلي الفطور
ريم...طيب الحين نازله
.....
في الصاله ناصر وسالم قالبينها سواليف وضحك
سالم... واهو يناظر في ناصر لايكون شارب شيء امس
ناصر... واهو يضحك اعوذبالله وشذا الافكار
سالم...ولا هاذي الحاله كل نهايت اسبوع
ناصر...ههههه
ريم... دخلت الصاله وهمى مقضينها سواليف وضحك ريم:السلام عليكم
ناصر وسالم:عليكم السلام
ريم: واهي تناظر فيهم يالله صباح خير وشذا الي اشوفه
ناصر: خلاص بكشر من اليوم ورايح
سالم:هههههه اكيد ريوم ماتقصد
ريم: بسم الله عليكم دووم يارب
سالم: وش الي مصحي ريوم غريبه ماسمعت صياح عند غرفتك
ناصر:هنا ضحك هههههه
ريم: وبكل ثقه من اليوم ورايح بتتعودوا على هاذى الوضع
سالم: اممم طيب دووم على هاذى الحال تريحي الوالده والله
ناصر: ههههههه
ريم: انا بجلس شوي بلحديقه قبل الفطور
سالم: طيب ويرجعوا يكملوا سواليف
..........
في الحديقه ريم تناظر بغرفت نواف مقفل البرنده .. لايكون نايم لحد الحين
....في فله فيصل
فيصل وفاء :بلغرفه نايمين .. صحيوا صلوا الفجر ورجعوا نامو
رغد:بغرفتها نايمه
ريم.. تفتح باب الفله وتدخل .. تتجه للمطبخ وتكلم الخدامه :فين عمي فيصل
الخدامه:نايم
ريم: طيب طيب
وبكل هدو تطلع من الدرج تبي تطلع الدور الثاني وفي اخر درجه تطلعها
نواف... يمسكها من ورى على وين
ريم:وبكل خوف يمه بسم الله الرحمن الرحيم خوفتني
نواف: شايفه منو واهو يضحك
ريم:ودموعها بعينها لاتساوي كذا مره ثانيه جد خوفتني .>>واهي حاطه يدها على قلبها
نواف:وة يافديتك توبه واهو يضحك صباح الخيرات والرضاء احلا صباح
ريم:صباح الخيرات والرضاء واحلا صباح
نواف:يعني تتعلمي الكلام الحلو مني
ريم:واهي تبتسم كل شيء منك حلو
نواف:واهو يناظر فيها ومقرب منها ماشبعت من هالوجه
فيصل ::احم احم
نواف:صباح الخير
ريم:صباح الخير
فيصل: واهو يناظر فيهم ويضحك ريوم خليكي اليوم الفطور عندنا
نواف:اهي اجت مشان تفطر
ريم:لا اقصد طيب من عيوني واهي تناظر في نواف
فيصل :>>ياشين الترقيع منكم هههه
.....
الخدامه :جهزت الفطور وخبرت فيصل
رغد.. صحيت وجهز نفسها للمدرسه ونزلت لفطور
وفاء: نايمه
على الطاوله
ريم: وجهها قالب الوان
رغد.. جالسه بلكرسي جنب ريم
نواف مقابل لريم
وفيصل بوسط الطاوله
رغد: واهي تهمس لريم وشلون انتي ونواف واهي مبتسمه
ريم: تناظر فيها يعني مافيكي تمسكي نفسك حتى نطلع الباص
رغدد:اكذب عليك اذا اقول اقدر بس يلا مشان مااتكفخ منك الله يصبرني
ريم: توقف الحمدلله انا برجع فلتنا
فيصل:مااكلتي
ريم:واهي تقرب من عمها وتبوسه على يده لاالحمدلله شبعت
واهي طالعه عطت نظره لنواف
نواف:وبدون شعور ضحك
فيصل: شفت هاذي واهو يأشر على ريم غلاتها في قلبي مثل اختك
نواف:يسلم على راسها وانا تربيتك
فيصل: الله يرضاء عليك
رغد:<<شكل فهمت الموضوع ههه
.........
في الحديقه ..
نواف:ريوم
ريم:ماترد عليه
نواف:ريوم
ريم:توقف وتناظر فيه يعني عاجبك الي صار قبل شوي
نواف:واهو يضحك طيب هاذى عمك وفطرتي ويانا ماصار شيء
ريم:لاوبعد تضحك
نواف:واهو يقرب منها اول مره اشوفك وانتي معصبه
ريم:واهي منزله راسها
نواف:مسك خدها يبي يرفع وجهها
عبدالله :نواف ريوم
ريم:وبكل خوف هاه
نواف:فاطس ضحك صباح الرضاء لعمي عبدالله
عبدالله:واهو مبتسم ريوم اشفيك ينادوا عليك الفطور
ريم:واهي تناظر في نواف أي صح نواف تو اجاء مشان يفطر ويانا
نواف:واهو يقرب منها ماراح اكون مثلك عادي نفطر مره ثانيه دامني بجلس بقربك ويمر من جنبها ويتجه للفله
ريم:واهي تناظر فيه
نواف:بصوت عالي ريوم يلا الفطور
ريم:تدخل الفله
على طاوله الطعام
عبدالله في مقدمه الطاوله على يمينه فهد وجنبه ناصر بعدين سالم بعدين نواف
وعلى يساره فوزيه وغلا وريتاج وهدى وريم
نواف مقابل لريم :
ناصر:الله حيه ولد العم جعله دوم تفطر ويانا
عبدالله:خلاص يكون كل خميس الفطور عندنا
سالم:هاذي اول القرارات
الكل :ههههههههه
نواف:يافديتك ياعمي انت وقرارات
ريم:وبصوت واطي قوي عين كمان
هدى>>حست في شيء صاير بين ريم ونواف
غلا:بابا يدك على جيبكم المصروف
الكل:هههههههههه
ريم: ماسكه نفسها من نظرات ابوها وامها قالبه الوان
عبدالله:من عيوني كم غلا عندي
غلا:باسته على راسه الله لايحرمني منك
البنات اتجهوا للحديقه ينتظروا الباص
سالم:واهو يقرب من نواف واخيرا
نواف:واهو يضحك لاوالله طايحين فيني طقطقه عقبال عندك والله
سالم:ليتها بس تأشر لي واصير عند بابهم
نواف:هههههههههههههههه يطلع منك
سالم:اهو انت شفت شيء
نواف:يلا لانطول بسواليف على الدوامات
""""
(الشباب راحوا الدوام ومعاهم الرجاجيل والبنات وهدى بلمدرسه وفوزيه بصالون )
::::
في المدرسه
رغـد:ايوا ريوم اكثر من كذا امسك نفسي مقدر
ريم:مافي شي شنو اقول
غلا:رغوده اليوم نواف فطر ويانا واي اخوك يهبل
ريم:واهي معصبه لاوالله
رغد:هههههه ريوم ونواف خير ان شاء الله
غلا:الله يعينا اجل
ريم:واهي مبتسمه وتركتهم واتجهت للفصل
.................................................. .......................
مشاعل :شافتها وقفت سلمت عليها
ريم:اخبارك اليوم وكيف امك
مشاعل:الحمدلله كلنا تمام وانتي اخبارك اليوم
ريم:دووم يارب انا تمام
مشاعل: خبرتي ابوك على جيتك عندي بلبيت
ريم:لاماعليك بابا بيوافق واكدلك نهايت الدوام
مشاعل:والفرحه باينه على جهها طيب
........
رغد وغلا وشهد وشوق مقضينها سواليف بقرب من الفصل
شهد: يعني الموضوع فاتني
شوق: كلو منك خليتينى نسهر وضاع علينا اكبر حدث بلعائله
هنا البنات ضحكوا :هههههههههههههه
رغد: ماادري ماما ماتعرف بهاذى الموضوع ماادري اش تكون رده فعلها
شوق:الله يعينهم
غلا : واهي تناظر رغد وليه تفكري في بعدين خلينا في اليوم
رغد: واهي تبتسم طيب
.............
في الشركه نواف :يتصل على سلطان :السلام عليكم
سلطان:واهو نايم عليكم السلام
نواف:بعد نايم اصحى الساعه 9
سلطان:لااليوم مو رايح الدوام
نواف:سلامات لايكون تعبان
سلطان:لاوالله بس الوالده امس تعبت وصلتها المستشفى ومارجعت البيت الى بعد صلاه الفجر
نواف:سلامتها ماتشوف شر ليه ماخبرتني
سلطان:والله انشغلت وماعرفت شسوي غير اني اوصلها انا الله يسلمك ماتقصر
نواف:سلاماتها والله بعد الدوام بجيكم
سلطان:حياك البيت بيتك
نواف:تسلم يلا انا بدوام بقفل الله معاك
سلطان:الله معاك
.................................................. ....................