عنوان الموضوع : نهاية حلم
مقدم من طرف منتديات الشامل

[ نهاية حلم ]

كفّنوني و اتبعوا نعشي بـ خطواتـ[ن] هزيله
أسمع صياح و كفوف اشخاص تصفق من قهرها

ناس من حولي تصيح و ناس تصرخ قل حيله
طاح ابوي و عين أمي كادت تخون بنظرها

شفت فيها حزن فاضح شفت منظر لا مثيله
وقتها كنّت آتمنى يدفنوني في أثرها

ما يفيد النوح يمّه لكن دموعج وسيله
مرّت الايام و اضحت نفسي اتسابق قدرها

يوم أيقنت المصير لكل بني آدم رحيله
مرّت ايامي جميع و كل لحظة مع صورها

كنت احسب الموت عادي و اثر سكراته قتيله
كل ما بيّه تكفّن .. كل قطعه بي سترها

والأيادي كنت احس ابها على لحدي ثقيلة
قال اخوي بصوت خافت :- أنزلوا أختي لـ قبرها

ومن بعيد المح طيوفه صاحب القلب و خليله
آآآآخ يا منظر دموعه كم تأثّرت بـ نثرها

أسمع انفاسه مع خطوات رجلـ[ن] ما تشيله
و اعترض للناس يصرخ ليت ما جبتوا خبرها

بين هم و بين غم و بين دمعاتـ[ن] هميلة
مع صدى طفلن يطالبهم :- أبي خصلة شعرها

ما وعيت الا على صوت المنبّه و ارتمي له
و افزع آدوّر و عيني يسبق الحايط نظرها

شفت ابوي مقابل اخواني و أمّي تشتكي له
شوف بنتك ما وعت للحين .. و احنا ننتظرها

منقووول
أتمنى تعجبكم
تحياتي
bent-ALashraf

>>>>> ردود الأعضـــــــــــــــــــاء على الموضوع <<<<<
==================================

الله يعطيك العافيه اختي


يسلمووو الايادي

__________________________________________________ __________
منوووووووووووووورة في نقلك ،،، وهذا مو غريب عليك ،،،


أعجبتني كثير القصيدة خاصة في نهايتها ،،،

متألقة كعـــادتك ،،، وتقبلي تحياتي

__________________________________________________ __________


__________________________________________________ __________


__________________________________________________ __________