عنوان الموضوع : أرحل بصمت بدون توديع وازعاج كلام جميل
مقدم من طرف منتديات الشامل

ارحل بصمت بدون توديع وازعـاج=مـا دامهـا فرقـا بـلاش نتواجـه
مافيـه داعـي للمذلـه والاحـراج=والموقف اللي ما لنـا فيـه حاجـه
حتى ولـو انـي لشوفتـك محتـاج=قلبي هذاك اليوم واعـرف خراجـه
لو الهوى ينهد له عشـرة ابـراج=وتذبل غصونـه ويتكـدر مزاجـه
تبقى الكرامه فوق راسي لهـا تـاج=وش عاد ابي بالراس لا طاح تاجـه
غـادر بليـلً خرمسـي مظلـمً داج=قبل الفجر نـوره يحيـن انبلاجـه
وخل الجروح تبات في وسط الادراج=جرح المشاعر مثل خدش الزجاجـه
خبر فراقك ما يبـي لـه ريبرتـاج=ويوم الرحيل الجـو ثايـر عجاجـه
ما اقدر اوقف معك اسوي له اخراج=ولو ينعمل في فلـم يكثـر رواجـه
ولا احب اشوف غزيلً كان مغنـاج=بالثوب الاسود يوم عقّـد حجاجـه
يفداه من ينساق مـع كـل هـراج=ومع كلمة الماشي يبيـن ابتهاجـه
غروً حشيـم وفالدكاكيـن مـا داج=ولا ضيع اصله مع دروب السماجـه
سحر الطبيعه ما خلط معـه مكيـاج=وطبع الحيا في سيرتـه وانتهاجـه
فرقاه ضربه دمرت سـوق الانتـاج=ومن عقب حلو العد نشرب هماجـه
يا صاحبي والحرف ينشج لك انشاج=والشوق من زوده تحطـم سراجـه
من دون دمع العين حطيت مـزلاج=والقلب يرسل لك شديـد احتجاجـه
زجيت به مكتوف في وجه الامـواج=ومع غيرك من الناس صعب اندماجه
من بعدكم وشلون ابا القى له علاج=وانته وانا نعرف طريقـة علاجـه
تمت وعند مدبـر الكـون مخـراج=اللي ليـا ضاقـت وسـاعً فجاجـه


>>>>> ردود الأعضـــــــــــــــــــاء على الموضوع <<<<<
==================================

تبقى الكرامه فوق راسي لها تاج

وش عاد ابي بالراس لاطاح تاااجه



والله والفين نعم يابن الاجلواد وصح لسانك

ياجزل المعاني انت بحر لاجفت بحور الشعر

والله مدري وش اقول ولا اروع ولا اجمل من كذا





اللــــــــــــه يعطيك العـــــــافيه





تقبل مروري المتواضع ياذيب الفيافي




تحياتي لك والله لايهينك

__________________________________________________ __________
يوم عن يوم يزيد اعجابي بقلمك اخوي ساري
بجد الكلمات تعجز انها توفي حقك
والصمت ابلغ
وما عندي غير
صح لسانك ولاهنت ساري

__________________________________________________ __________
صح لسانك أخوي ولا هنت

وخوش كلام والله

__________________________________________________ __________
ساري....

صباح الورد...سيدي...


قمه الابداع والتميز والعطاء ما ابدعت اناملك الرائعه بروعتك أخي


اشكرك على ما خطت يداك لا فظ فوك ولا عدمناك !!!


يا سيدي...

ورود الجوري لك...

__________________________________________________ __________
كلمه فراق ماهي سهله 000 لكن اصعب كلمه هي كلمه الوداع




وصح السانك



والى الامام

تـوصـي شـي

شكرا على المرور والتعليق

والله لايحرمني منكم ومن تواصلكم

تـحـيـاتـي

ســـــاري