عنوان الموضوع : جرح الثمان سنين ...!! شعر رائع
مقدم من طرف منتديات الشامل





على الموعد .. بلهفة جيت لا مانع و لا تأخيـر
لفيت من العصر هايم .. مع ان الموعد المغـرب

وجتني بس مدري ليه شعرت الجيّة هذي غيـر
وهي تقرب من عيوني شعرت ان الممات اقـرب

وقلت: (الله يهوّنها) عسى في جيّتك لـي خيـر
انا من شفتك أقبلتـي وانـا خايـف ومستغـرب

على كثر الحكي مـدري كأنّـه خانهـا التعبيـر
وقالت لي جمـل وأشيـاء لا تكتـب ولا تعـرب

هدت فجأة تطالعني وأنا فـي حاجـة التفسيـر
لجل نحكي بهدوء اكثر سألت: الحلوة وش تشـرب

فصاحت بي انا احبك ولك فـي هالحشـا تقديـر
وتدري ان المثل فينـا وفـي احساسنـا يُضـرب

صحيح انك (وفي) وانك (بري) من تهمة التقصير
ولكن ذي عوايدهـم مـن ايـام وزمـن يثـرب

تكون البنت لابن العم و (رغبات الكبار) تصيـر
وتدري الاقربون اولى .. مع انك للخفـوق أقـرب

وتدري للقـدر كلمـة.. لعـادات الأهـل تأثيـر
لذا (أرجوك) تتركني وانـا مـن دنيتـك باهـرب

شعرت بحكيها كنّه قصـاص وامـر بالتعزيـر
شعرت الدنيا ضاقت بي من المشرق ليا المغـرب

مشت خلّت وراها طفل ما يـدرك وش التدبيـر
يحسب ان الغرام أشعار شاعر واغنيـة مطـرب

ضحكت وماقدرت اني ألاقـي لضحكتـي تبريـر
من اللي بوقتنا مرّه ضحك مـن لدغـة العقـرب

رفضت أستوعب اللي صار ولا استسلمت للتغيير
ثمان سنين اجي نفس المكـان بساعـة المغـرب

ورغم ان الثمان سنين جـرح وكلّفتنـي كثيـر
أنا لليوم أجي وأدعي.. تجي يارب .. تجي يـارب





>>>>> ردود الأعضـــــــــــــــــــاء على الموضوع <<<<<
==================================

رفضت أستوعب اللي صار ولا استسلمت للتغيير
ثمان سنين اجي نفس المكـان بساعـة المغـرب


اعانك الله على بلواك هكذا حال المحبين
فيا ليت الاقراب يدركون هذا ويغلون التحجير فهي عاده قديمه لن تخلف من وراء ها سواء عذاب الابناء

ابيات جميله فيها عشق وغرام وفيها رساله واضحه اتمنا ان تصل لمن بقي على سجيته

__________________________________________________ __________
صح لسانك وبيض الله وجهك
لك كل الحب والتقدير



على كثر الحكي مـدري كأنّـه خانهـا التعبيـر
وقالت لي جمـل وأشيـاء لا تكتـب ولا تعـرب

__________________________________________________ __________
ص ــــــــــــــح لسانك

__________________________________________________ __________
بقـآيـآ حب
صــح اللســآنك مليـون
ينطيك العــآفيــه
ودي وآحتــرآمــي
تحيــآتي

تكون البنت لابن العم و (رغبات الكبار) تصيـر
وتدري الاقربون اولى .. مع انك للخفـوق أقـرب

__________________________________________________ __________
صح لسانك وبيض الله وجهك