عنوان الموضوع : يامعذبتني ليه..!!
مقدم من طرف منتديات الشامل

السلام عليكم ورحمة الله وبركاته..

أسعد الله صباحكم ومساءكم بكل خير..

قصيدة للشاعر ياسر التويجري سمعتها لعدة مرات وأعجبت بها ، وقلت في نفسي أكتبها

لكم هنا بحكم أنني أحفظها وكوني معجب بها ، فأتمنى أن تحوز على إعجابكم

وذائقتكم الشعريه ، فإليكم

القصيده..


يامعذبتنـي ليـه هـذا الجفـا ليـه
وأنت ِ تضمين الثـرى مـن ضلالـي

وش ذا الغـرور الله يحمـيك تواليـه
ومن وين جاء لـك هالكبـر والتعالـي

تعـالـي أنت دام كـــلً بمـاضـيـه
الحـب ماهـو بـس حقـي لحـالـي

لا تذبحينـي بالعتـب والمشـاريـه
والله مابيـدي ســوى رأس مـالـي

معزتـك وإلقاء القصيـد وطـواريـه
والضيـف لاجـاء والحطـب والدلالـي

وعن حلفي اللي قلـت طيـر يعشيـه
كفـه ليـا بـرده علـيـه الليـالـي

يعنى ثلاث أشيـاء أملـك مـن التيـه
لسانـي وقلبـي وطنـخـه عقـالـي

أدعيك في كل إسمٍ يسمونـك فيه
ياأم الحسـن وعـز التـرف والدلالـي

عودي لقلـبً صـار ماعـاد يمديــه
يرقـع الـلـي فات يـاهـملالــي

وإذا إن قلبـك ودهإ نـي أنـا أدعيـه
بأسلـوب أفضـل يرتقـى للمعـالـي

ممكـن أحـاول أتحـضـر وأنـاديـه
وأقـول لــه إذا تحـسـن مقـالـي

يا جمـرة الوجـد المسمـى وطاريـه
وياعقد مبأحجـار البحـر واللآلـئ

ليا ظهر بـدرك مـع الليـل أسريـه
وليـا إختفـى ماعـاد صبحي مثالي

أساور الشكـ الطبيعـي وأنـاجيـه
وأرقى على رجوم الغـلا فـي خيالـي

أفارقك فـي ليـه وألقـاك فـي ليـه
وأحياناً أحسـك ماأنـت داخـل مجالـي

أحياناً أحسك شئ وأثرين طاويـه
وأقاسمكـ والـقـى حـلالـك حلالي

أقتل خيالـك وأتحـسـف وأبكيه
وأرثيك وأتركـ من عيوني قبالي

وأزعل وأخونك واذبح القلـب أسيقيـه
وازعـل علـى نفسـي وأدور بدالـي

متـضـاربً بـيـن الغلا والمتايـيـه
ضايق وأحس إن الزمن ماصفى لـي

وإذا تركتينـي اقـول اللـي أبغـيـه
بقـول لـك انــك سبـايـب هبـالـي

خلـي فــؤادك لا يكـثـر تغلـيـه
يسرع يجيني قبـل أشـد الرحالـي

الخاطـر اللـي ماتـوسـع مـفاليـه
ماهو بمتحمـل عـل كـل حـالـي

لا تحسبـيـني من عروقي أغـذـيـه
طبعي جنوبـي وإن غدى أصلـي شمالـي

طرح الكريـم اللـي وسـاع مذاريـه
مـا ينتـهـض إلا يشـيـل الثقـالـي

من عرض عصمان الشوارب تواليه
اللـيـ ليا غـارت تــدكـ الجـبـالـي

وأنا مـن فروخ الصناديـد ياهيـه
عـمـام وإلا ليا انجـذبـت لـخـوالـي

أبسـط نداءاتي ليـا قالـوا البـيـه
وأصغـر ألقابـي طويـل السبـالـي

مغرور فعـلاً وأعتـرف لـك ومافيـه
عيبـي إني أفخـر وأفتخـر فـي أفعالـي

لـو قلت لـك ياهـيـه ردي بلبـيـه
ولو طـال بالـك شـر بيطـول بالـي

كـذا نحـل المشكلـة والمشـاريـه
وأضمن لكـ انــك تـراديـن الـزلالـى


>>>>> ردود الأعضـــــــــــــــــــاء على الموضوع <<<<<
==================================

قصيده رائعه..كروعتك..

ابياتها في قمة الجمال..

ليس بغريب..

فالموضوع سطرته أيادي..

المبدعــ..

صوني قلبكـ

دمت بــ خ ـــــــــــــير..

__________________________________________________ __________
يعطيك العافيه على الطرح القيم

في انتظار ابداعك القادم

تحياتي لك

بيتك هنا

__________________________________________________ __________
المشاركة الأصلية كتبت بواسطة ســـارونه
قصيده رائعه..كروعتك..

ابياتها في قمة الجمال..

ليس بغريب..

فالموضوع سطرته أيادي..

المبدعــ..

صوني قلبكـ

دمت بــ خ ـــــــــــــير..

عوافي أختي سارونه على الرد الجميل والمرور الأجمل..

الإبداع أنتِ أحد صناعه..

دمت ولاهنت..


__________________________________________________ __________
المشاركة الأصلية كتبت بواسطة بيتك هنا
يعطيك العافيه على الطرح القيم

في انتظار ابداعك القادم

تحياتي لك

بيتك هنا

الله يعافيكـ وبالخير دوم يجازيكـ..

شاكر لكـ مروركـ العطر..

دمت بود..


__________________________________________________ __________
مشكوره اختي


على منقولك الجميل


ويعطيك ربي العافيه


نمررر