عنوان الموضوع : قصه/عشق يذلل المستحيل . بقلمي - قصة رائعة
مقدم من طرف منتديات الشامل

اسامي ابطال القصه هم




صالح =انا


خالد = الموسس


ح ــصه


ليلى


هـبــه




نووف


مرام


جااد


أمل


سساره



اكيد بطوله والقوه بتكون في يد البنات لان اكثر اسامي هم بنات


وان شاء الله راح تكون القصه رمنسيه مصرقعه


فيها القليل من اكشن

وراح تكون بلغه العربيه ولهجه العاميه

وابطال القصه هم من احد المنتديات

القصه اسم القصه عشق يذل المستحيل

في مكان بعيد عن كوكب الارض في احد الكواكب الجميله


و رائعه الجمال كان هناك كوكب اسمه كوكب صبابا ويجمع البنات الحسناوت


وكانو البنات يعيشون بسلام وفي حب بينهم


وكان هناك قانون يمنع الفتيات من مغادرة الكوكب ومن تغادر الكوكب لاترجع اليه ابدآ


وكان الكوكب لا يستقبل احدن من باقي المجره ومن يدخل الكوكب لايخرج منه ابدآ الا مقتول


ويمنع منعا باتا استقبال رجال في هذا الكوكب


ولكن في جز من اجزاء الكوكب كانت هناك مجموعه من البنات الحسناوت لم يقبلو هذا القانو ن


ورادو ان يتركو الكوكب ولكن لماذا لماذا يتركون الكوكب وعندهم كل مايحتاجون اليه


لكي نفهم مايدور بينهم لنجلس ونسمع مايقولون


ح ــصه : انا قولكم يابنات الحل اننا نترك ذا الكوكب




ليلى: والله انك صادقه ياقلبي انا مليت من كوكبنا




هـبــه : يابنات تعوذو من ابليس يمكن يكون الكوكب الجديد خطر علينا خلنا نجلس هنا يمكن تتغير قوانين الكوكب مع الايام








نووف: شوفو يابنات الحل ان حنا نترك الكوكب وخلهم يشبعون بكوكبهم بصراحه قوانينهم ظالمه




مرام: ياويلي والله يابنات انا مدري بس كيفكم كيفكم واللي تبونه انا معكم فيه




جااد : بس يابنات انتم متاكدين ان الكوكب الجديد مافيه شر علينا لان الروح وحده وذا راحت راحت ماترجع




أمل : اقول وش خلصتو عليه اجهز ثيابي عشان النحشه ولا خلاص




سساره : انا معاكم حتى لو بتروحون جهنم


نوف : حبيباتي بالله مطفشتو من الكوكب اللي مافيه شباب ومافيه وجيه جديده


ليلي : اي والله صادقه يانووفه الكوكب اللي مافيه شباب كانه مقبره


مرام : يابنات انا ودي اسمع كلام حلو ودي احدن يدلعني ويعشقني وهذا مو من حقي


جاد: من حق يا مرومه حبيبتي انك تنحبين وتعشقين وتحبين


هبه : طيب حنا متفقين ننحاش من الكوكب بس يابنات كيف بننحاش والحراس حوال الكوكب وشي ثاني حنا بروح كوكب الارض وقد سمعت من جدتي ان في كوكب الارض هناك شباب مثل الشياطين وانا بصراحه اخاف ان نكون سجناء عندهم


امل : ماعليك ياهبه اذا واحد من الشباب فكر يضايقك لو بحرف بكسر خشمه لعيونتس ياقلبي لاتخافين
وحنا معك
اما عن الحراس الحل عندي وانا اموله
امل :الحل يابنات ان حصه تسوي لهم عصير افوكادو وتحط في العصير عشر حبات منوم وانتم تدرون ان عصير حصه ما في مثله في كل الكوكب ومحدن يقدر يفوته


البنات والله الفكره رووعه وماتخطر ع ابليس


امل : احم احم عشان بس تعرفون منهي امول وتفكيري الحلو وش يطلع منه


نوف : طيب يابنات لو انصدنا وحنا نحاول نهرب وش الحل


ليلي : ايه صح انا خايفه وش الحل لو صادونا انا ماودي اموت او انقط في السجن لين مااخيس


مرام : ليلي حبيبتي لاتخافين وانا موجوده والبنات كلهن موجودات معنا نموت ولا يمسكون احد منا


جاد : والله يابنات انتم مع الاسف خوافات ترى خل واحده من الحارسات تفكر توقف في طريقنا بكف من يدي الحلوه بفرهم فر ترى الحارسات راحو ولا جاو كلهم بنات


البنات بصوت واحد : شنو شنو انتي اجل وش جنسك


جاد : احم اه اه انا بنت انا بنت


نوف تناظر جاد بنص عيني


جاد : يا بنات وش فيكم واقسم بالله اني بنت ترا هي زلة لسان يعني الواحد مايذب كلمه غلط ابد


ساروونه : طيب يابنات متى راح ننفذ الخطه
امل ان شاء الله اليله انا مع حصه نووف بنشتغل بالعصير


وجاد وليلي ومرام لهم مهمه توزيع العصير اما هبه لها ترتيب اغراض ولوازم النحشه من الكوكب


البنات بصوت واحد اوك اتفاقنا


وفي هذه الاثناء الى ان تجهز خطه البنات للهروب نذهب الى كوكب للارض لكي نتعرف ع ثلاث شخصيات


وهم من سوف يكون لهم دور كبير في تامين المساعده وتقديم الحياه الكريمه للبنات بعد ان يصلو الى كوكب الارض




والاشخاص هم خالد رومنسي هايم امير


وصلوح سلتوح وسبب تسميته بسلتوح لانه ماعنده شغله ولا مشغله الا اذية الناس وهو شايب متشبب


ومشعل الدرباوي


لاتحدث لكم عنهم لكي تعرفو من هم


اما خالد هذا انسان رقيق المشاعر وهو امير ولكن متواضع جدآ ومن كانت عنده حاجه واتى الى خالد بفضل من الله يقضيها له


دايمآ يقول انه لايريد ان يتزوج لان بنات الارض اصبحو يتشابهون بصفاتهم وحركاتهم وحتى بدلعهن لذلك اصبح عمره 35 ولم يتزوج


وهو هايم في عالم اخر مع قصايده الغزليه التي يكتبها


اما صالح هذااو سلتوح شايب وكما يقال ان عمره 59سنه ومع هذا لا يقدر سنه ويحاول ان يتشبب ترك اصدقاه الشياب وترزز مع الشباب


اما مشعل هذا انسان درباوي لو تفتح مخه راح تشوف تفحيط ونطلات وقومات وقوطي حمضيات وتعبيث سيارات هدفه في الحياه مع الاسف ماعنده الا هدف واحد كيف يكبر او يطول علبة حمضيات


لكي نتعرف عليهم اكثر واكثر خلونا نقترب منهم ونسمع مايدور بينهم


صالح :ياخالد متى بتترك عنك ذا الرومنسيات وتلتفت لنفسك حسستني انك قيس ابن لوح


خالد : وش دخلك فيني ياسلتوح الشايب خلك في حياتك وخلني في رومنسيتي وحياتي وثاني شي ياجاهل اسمه قيس بن ملوح يالوح


صالح : ابن ملوح ولاابن المدوخ ولا ابن لوح كلهم يرجع اصلهم الى الخشب اترك عنك الفلسفه الزايده وماودك تعطيني بعض من اشعارك الرومنسيه




خالد : ليه ياسلتوح شايب


صالح : وانا اخوك ودنا نضبط بنيه شفتها ع الوت ساب


خالد: يااخي استح ع وجهك ياسلتوح رجال مثلك رجل في دنيا ورجل في القبر وتبي تضبط بنات الناس وش خليت لنا انا مع مشعل


صالح : والله انك نذل ياسلوقي وثاني شي قلبي شباب ياخبل لا يغرك التجاعيد اللي في وجهي هذي من التفكير ماهي من السن انا توني عمري 22


خالد : لا عمرك 14 مشعل مشعل سمعت وش يقول ذا سلتوح الشايب


مشعل : اقول ياشباب ماودكم نروح للتفحيط في شارع الوفره يقلون ان الوضع هناك هستره وخبال وسمعت ان كومار ملك التفحيط طالع مع جماعته


ومعهم اسلحه يعني احلى هياط


خالد: اقول مشعل نام نام ياربي وش سويت انا في حياتي عشان اتعرف ع اصدقاء مثل هذولا واحد عايش سن مراهقه وهو منتهي صلاحيته والثاني


كانه جاي من كوكب ثاني ماكنه يفهم حكينا


صالح : اقول اترك عنك الكلام الفاضي بتعطيني قصيده ولا لا ياالله اخلص علي البنت انا من امس كاذب عليها قايل لها اني شاعر مخضرم


خالد : اقول ياسلتوح الشايب تحمل نتيجه كذذبك ع البنت ياكذاب


صالح : والله انك نذل ياسلوقي انا وريك خلني اشبك معها وتعال قلي وترجاني وتبوس يدي على شان اخليها تضبط لك صديقتها برد عليك نقلع وتبطي










خالد : لا لا تكفى بموت لو ماتضبط لي يا رجل العصر الحجري والله لو منت كبر جدي يا سلتوح كان عرفت وش اسوي فيك


صالح : وش وش هاا قول قول وش راح تسوي ورني اشوف


مشعل : اقول ياشباب تركو عنكم الكلام الفاضي وخلنا نروح الوفره التفحيط هناك هجوله وخبال يرحم لي والديكم يا الله خلنا نروح والحمضيات على حسابي قسم باالله محدن يدفع


خالد: وش رايك ياسلتوح الشايب


صالح : اقول انا منيب شايب وتراني اصغر منك يا المخيس


خالد : طيب يانونو حبيبي وش رايك نروح ولا لا


صالح : ايه خلك كذا شفت ياحلوك وياحلو كلمه حبيبي من شفتك


خالد: اخ بس لو منت كبر جدي كان اطلقت عليك وماتكفيني فيك خمسين طلقه وريحت البنات والناس والمجتمع من شرك ياسلتوح


هولاء هم الاشخاص الذين سييقدمون الدعم والمساعده للبنات عندما يصلون الى كوكب الارض


وش رايكم فيهم اكاد اجزم ان اشكالهم وصخه بس ماندري وش راح يطلع منهم


وكما يقول المثل المصري تفتح البطيخ ياتطلع حمرا ياتطلع قرعه <<<<وش دخل المثل في الموضوع مدري هع


الان نعود للبنات في كوكب صبايا ونرى ماذا فعلو لكي يهربو من الكوكب وهل سارت خطه اموله كماينبغي




وهذا ماسوف نخبركم به في الحلقه القادمه كونو قريبآ


واتمنى تعجبكم
بقلمي


صالح بن خالد

>>>>> ردود الأعضـــــــــــــــــــاء على الموضوع <<<<<
==================================

الان نعود للبنات في كوكب صبايا ونرى ماذا فعلو لكي يهربو من الكوكب


امل ونوف يعملون مع حصه في تجهيز العصير المنوم


وجاد وليلي ومرام ينتظرون ان ينتهي البنات من اعداد العصير المنوم لكي يتم توزيعه ع الحارسات


وهبه جالسه ترتب اغراض ولوازم النحشه من الكوكب خلنا نقترب من هبه ونرى ماذا تفعل


هبه : ياويل حالي ليه كذا عشاني طيوبه ومااقول شي خلوني لحالي اهئ اهئ وياكثر ملابسهم بس يا الله كل شي يهون لجل مانطلع من ذا الكوكب المعفن


بس ليه كل ذا الملابس هم بينحاشون ولاطالعين سياحه المهم ماابي انسى شي هذا الاستشوار وهذي علبة المكياج وهذي ملابس داخليه وبيجامات وهذا كريم مبيض الوجه


وش بعد ان شاء الله مانسيت شي اخاف ياكلوني البنات بكلامهم لا نسيت شي


كاتب القصه : هههههههههه الله يكون في عونك ياهبه وزي ماقلتي كل شي يهون في سبيل الخروج من كوكب الصبايا تبين مساعده ههه امزح اكرفي لحالك


الان نروح عند حصيصه ونووف وامل


حصه : لا لا ياقلبي يااموله حطي شويت سكر لا تكثرين بس شوي


امل : يابنت حلال شوي ولا كثير حنا هدفنا انهم ينامون


حصه : لا لا ياحبيبتي سمعتي فوق كل شي تبين بكره يقلون حصيصه عصيرها خايس


امل : طيب يا ام سمعه مدري اوبامه وانا مدري


نووف : امووله اهجدي لاتنرفزين حصيصه ترى لولا الله ثم عصير حصيصه ولا كان ماعندنا خطه عشان ننحاش من الكوكب



حصيصه : احم احم سمعتي ياماما


اموله: مالت عليك وانا مش امك انتي ووجهك ونشوف هل راح تنجح الخطه ولا لا انتي وعصيرك المخيس


كاتب القصه : هدووو لعب يابنات لازم تكونو ع قلب واحد عشان تنحاشون من الكوكب اتركو عنكم الغيره والحسد خلكم ع قلب واحد


الكاتب يشرب من عصير حصيصه : يم يم بصراحه العصير لذيذ يم يمم طبعآ العصير بدون منوم ههههه


نرجع للبنات
حصيصه : خلاص بعد مانتهينا من العصير الحين تجي مهمة التوزيع وهذي مهمة جاد و ليلي ومرام


امل ونوف: اوك


حصيصه هذا العصير ولان جاء دوركم في التوزيع ولا تخلون اي حارسه بدون ماتشرب العصير


البنات ان شاء الله


راحو البنات عند الحارسات وعطو الاولى والثانيه


جاد بغضب : مرام ياخايسه وش فيك تضحكين لا تفضحينه انتي وجهك


مرام : وش اسوي بنفسي انا اضحك ع الحارسات المخفه شربو العصير مايدرون ان فيه منوم هههههههههه


ليلى : لاحول هذي اللي ناويه تسجنن بدال مانروح كوكب الارض بنروح ابو زعبل اقول مرومه اهجدي وخلي اليوم يعدي


جاد : اذا بتضحكين ياساحره ضفي وجهك عند هبه وضحكي عندها لا تخربين علينا خطتنا ياالساحره


مرام : وهي تضحك ههههه خلاص خلاص طيب يووه اخر مره ماراح ضحك


جاد : نشوف


تم توزيع العصير ع جميع الحارسات وكلهم تسدحو نامو


يوم شافو البنات ان خطتهم نجحت تشققو ضحك وناسه


نوووف الف مبروك يابنات ياالله لان جاء وقت الهروب هبه بشري عساك جهزتي الاغراض


هبه :كل شي تمام التمام والاغراض جاهزه والى الامام الى امام


نوف : اجل توكلنا ع الله كل بنت تركب مكنستها عشان نطير الى كوكب الارض ولا تنسوون عايرو زيت والبنزين قبل الاقلاع




البنات : اوك


في الطريق الى كوكب الارض وكل وحده من البنات راكبه مكنستها والهوء يهب عليهن


ليلي : نوف ماعندك اغاني جديده ودي اسمعها ع الطريق


نووف : اللي تبينه موجود حتى لو تبين افلام عندي


ليلى ياقلبي هاتي اللي عندك


نوف : من عيوني


هبه : جاد اهجدي تركي عنك التفحيط بمكنسه لا يصير لمكنستك شي من وين لنا قطع غيار اقول اهجدي


جاد : لاحول لايكون انتي اللي شاريه مكنستي بفلوسك هذي ياماما من فلوسي من حلالي افحط فيها احرقها كيفي


هبه : كيفك بس اذا صار لمكنستك شي لاتجين تبكين لي وتقولين ركبوني معكم ماراح اركبك معي لو تموتين


جاد : اتفلي بوجهي اذا جيتك وطلبتك ياطقاقه


هبه : انا طقاقه ياخايسه ماعليه هين خلنا ننزل لارض ونشوف منهو طقاقه


الكاتب : ههههههههههه وضعهم صعب والنفسيه زفت الله يكون في عونهم نرجع لمشعل وخالد وصلوح


بعد مانتهى التفحيط في شارع الوفره اقترح الشاعر الامير خالد انهم يروحون البر


لان كما هو معروف ان البر معشوق الشباب في فصل الشتاء


ذلك ذهبو الى البر واشعلو نار والريحه القهوه منتشره في كل مكان وكان خالد يلقي عليهم بعض اشعاره الرومنسيه وكان صالح يردد من خلفه مايقول اما مشعل فكان في عالم ثاني


كان يشاهد مقاطع التفحيط والهجوله موجوده على جواله


وهم ع هذا الحال اذ سلتوح شايب يصرخ


صالح: ياويلنا من الله جاء غضب الله جاء غضب الله علينا كله منك ياصاحب الشعر الغزلي كله منك ياسلوقي


خالد : سلامات ياسلتوح الشايب وش السالفه


سلتوح : وش السالفه هااا وش السالفه شوف السماء والنجوم اللي جايه مسرعه علينا وكانها حجاره من نار جايه تضربك ياعفريت


خالد :وهو مرتبك مشعل تشوف اللي نشوفه


مشعل : وش


خالد : نار اللي جايه من السماء


مشعل : يا بن حلال هذي يمكن عيال طالقين نار برشاش تركو عنكم الخوف يازلايب اقسم با الله انكم خوافين وش خليتو الدجاج بس اقول كلن يطس فيكم عند امه دامك خوافين


صالح : يناظر في خالد : خالد وش تتوقع نار هذي


خالد والله ياسلتوح الشايب مدري خلنا نتتظر نزولها وبعدها نكتشف وش هي


في اعتقادكم ماذا تكون هذهي الحجاره وهل يصل بنات الى كوكب الارض بسلام اما سيقابلهم تفتيش في الطريق من المخلوقات الفضائيه


هذا ما سوف نعرفه في الجزء القادم


بقلمي


صالح بن خالد



__________________________________________________ __________
قصة من وحي الخيال لم استنتج منها فائدة بالنسبة لي
علعموم الله يعطيك العافيه بمجرد المحاولة والقادم من القصص باذن الله يعود بالفائدة

__________________________________________________ __________
القصه مابعد تكتمل وانا يااخي ماابحث عن الفائده ابدآ عندما اكتب القصص انا ابحث عن ابتسامة من يقرأ

اسعدني مرورك

__________________________________________________ __________
^_^
انتظر التكمله

ربي يسعدك ويوسع صدرك

__________________________________________________ __________
قصة خيالية
أبدعت في حبكتها
ننتظر التكملة

يعطيك العافيه

كلما تقدمت بالسرد
زاد التشويق
ولكن ملاحظة بسيطة
لو زدت باأسلوب التشويق
وجعلت معلوماتهم تظهر مع تقدم الأحداث كان افضل
مثل أنهم ليسوا من كوكب الأرض
ومهنهم المحددة المحببه لهم
وهكذا
ننتظر التكملة

يعطيك العافيه