عنوان الموضوع : لا تشتكين من القهر يابنيه شعر رائع
مقدم من طرف منتديات الشامل

قراءت لإحداهن تشتكي ضيم والدها وتبكي بعد ان زوجها مسياراً فكانت هذه المتواضعه

.....


يابنت ياللي تشتكين الإسيه = والضيم والحرمان والاضطهادي
لا تشتكين من القهر يابنيه =امورنا بيدين رب العبادي
الله خلق وارسل علينا نبيه =حتى عليه يكون كل اعتمادي
حتيش لو داخلك ناراً لظيه = الصبر للمسلم عظيم الجهادي
وحزنك ولو هو زاد عندك شويه =وصارت حياتك كلبوها سوادي
تصبري والله علم بالخفيه = اللي خلق سبعن علينا شدادي
وابوك لوهو صار منه الخطيه = ما احداً درى عن مقصده والمرادي
ممكن حصل منه بعد حسن نيه = الخير مقصوده وهذا اعتقادي
قلته بكل احساس نفسي رضيه = والحق بين الناس كالنور بادي
وهاذي هي الدنيا تراها عصيه = يومين حر وثالثتها برادي
كم واحداً فيها حياته شقيه = ومن بعدها صارت حياته عيادي
بعد القهر والظلم والمكرهيه =عاد الفرح والإنس والحق عادي
روح الامل يبقى معه جاذبيه = والطير بالاغصان بالصوت شادي
حتى الزهور اليافعات النديه = ياكنها لاحلى فراشه تنادي
لا تيئسي فاليأس حطم خويه = للضحكه الحلوه يحط البعادي


اخوكم البركان


>>>>> ردود الأعضـــــــــــــــــــاء على الموضوع <<<<<
==================================

اخي البركان جميل منك هذه المتواضعه

وجميل منك انك تلامس هموم الشارع والمحاوله في علاج جراحهم

كم انت رائع اخي
جل تقدير

__________________________________________________ __________
الأخ الشاعر المبدع .. البركان الثائر

صح لسانك مليوون .. ولايسدوون

بيض الله وجهك .. ولاهنت

قصيده جزله من شاعر جزل

أختك ..نزف الكتابه .. سراب الماضي

__________________________________________________ __________
البركان



صح لسانك

ابيات رااائعه والأروع هو احساسك بهذه الفتاة

ومشاطرتك لحزنها،، فنعم الشاعر أنت..

تقبل مروري المتواضع

ولك عظيم الود والتقدير

/

/

/

قلــــــــم انثى

__________________________________________________ __________
الاخ البركاااااااااان الثأثر

قصيده في منتهى الروعه والابداع
تقبل مرررروري
شاعر وخلي سااااااااااااحر

__________________________________________________ __________
خوي البركان

قصيده رااائعه
ومعبره عن احوال المجتمع


pink**eye

اخوي البركان



بيض الله وجهك


قصيده جزله ومليانه


تقبل مروري



نمررر