ملكنــا ما ملكنا من بيــوت كثااار
تثقّــفنا وصــرنا نكـتب ونقــرا
وخاويــنا جبال.. وأوديه.. وبـُحاار
ولازلنا بدو.. ونـمووت بالصحرا
يا مستهزي بنا..لاضقت لفّ البــار
ونــحنْ جروحنا من بنّـنا تبــرا
تشــوف الرجل فينا ماعليه غــبار
سلومه ما تباع بسوق أو تشرى
وإذا ولـْدك لفى عينه تهلّ امــطار
ويبكي من دلع وتصير له مجرى
ترا البدوي يصير لولـْده الإعصاار
يقول: البـس لباس العزّ..لا تعرى!
تراك انته رجل والرجل ما ينـهار!
وياااويييلك تـــنزّل دمعةٍ أخرى
واذا بابك قفلت بوجه منـــهو مارْ
ترا البدوي بفعل المرجـله أدرى
بيـــوته فاتحــه بالـدووم للخـطّار
بيوته "دون قفل وباب بالأحــرى"!
سرا في ليلةٍ قمــرا لــسابع جـار
وأنت "بدون كهرب" تلعن المسرى!
ولا صاااحت له العـــذرى يردّ الثّار
ياويييل المعتدي لا صاحت العذرى
يحـبّ النــوق والعــزبه ولابه عـار!
ويميّز بين ناقه "قاعــف وعشرى"
ويستبشر إذا ..منــها لـفاه حـْـوار
حلَـب..وانا غاب عنْه حوارها "أمرى"
ولا منّه فقــدهـا يعــزف الأشعــار
بنغـماتٍ حزينـة تـطــرب القــمرا
"وحبّ النوق" أحسن له من الكفّار!
يوم انك ذايــبٍ في "مـسّي وإبـرا"
سـلام الْله على البــدوان بأيّــة داار
قلــوبٍ من خـضاار وأرضهـم قـفرا
من إلي.. لا كتــب تتـنــزّل الأفـكار
قلمـْه... أجمل بنات الفكر به أسرى
من صْـحاري ظـفار وبـيـن بدو ظفار
ربى مايـنحدر لـوو ديرتـــه حــــدرا
يا مستهزي بنا..لاضقت لفّ البــار
ونــحنْ جـــروحــنا مــن بنّـنا تبــرا
بــدو غير الــبداوه مول مانخــتاااار
إلين تشوف "قيـصر يحتـضن كسـرى"
"قاعف": الناقة غير المبشّرة بمولود.
"العشرى": الناقة المبشّرة بمولود.
"الحوار" ولد الناقة عند ولادته.
"أمرى": نستطيع استخراج لبنها وولدها غير موجود
عن طريق المري..والناقة الميّت ولدها تسمى ناقة مري.
"حدرا": جنوب عمان يُقال له بلهجة بدو عمان حدرا.
لـ: كـامـل الـبـطـحري