عنوان الموضوع : روايه من الواقع .. قصة بنتين.. لاتفوتكم من الواقع
مقدم من طرف منتديات الشامل

احم احم

انا طبعا جديده بهالمنتدى بس داخله بقوه بهالروايه اللي كتبتها

طبعا القصه اللي برويها واقعيه وعايشتها .. قصة بنتين .. اتمنى تعجبكم

وبرضوو اتمنى اشوف منكم اقبال عليها وبعد ودي اشوف ردات فعلكم بعد كل بارت

وبكووون شااااكره يالغالين

نبدأ

بسم الله الرحمن الرحيم
,,,,,,,,,,,,,,,,,
حكايتي راح تكون في مجتمع خليجي وبالذات سعودي منها الحقيقة وبعض من جوانبها الصغيرة ضرب من الخيال فقط بقصد أني لاأريد تجريد الحقيقه تماما ولكن البعض من الأحداث المفاجئة والقوية التي ستصادفكم لاشك باني جلبتها لكم من واقع مجتمعنا المحافظ ولكن قد لآيعترف بهآ الكثيرون لأنه لآيحكى بهآ روايتي بهآ شيء من الجراءة والقوه وبهآ مآيميزهآ عما سبقها من الروايات التي نشرت بالانترنت خصوصا ونشرت بالمكتبات عامة باختصار
" مآسأحكيه سيكون مختلفا وحقيقيا "
^.^
.................................................. ........................
(1)
صحت غاده وهي ماله من نفسها مالها خلق تصحى بس دوامها بالجامعه لازم تقوم لفت على جمبها الثاني بالسرير وهي تحاول ماتسمع امها وهي فوق راسها تصحيها هي واختها مرام تحاول تتذكر اليوم وشو عشان تعرف اذا يميدها تسحب عالمحاضره الاولى ولالا بس رجعت قعدت عالسرير وتعدلت وتسندت ع ظهر السرير وهي معبسه
غاده: اووووف علينا قرامر اول محاضره من جد مايمديني اسحب >.<
مرام: احمدي ربك عالاقل دوامك 8 مو من 6 لازم اكون بالطابور بالمدرسه مرتزه!!
غاده اقول تكفييين وش تفرق يعني نسيتي ان جامعتي بعليشه!! يعني يالله يمديني اقوم من 6 اتجهز اطلع 7 وان شاااا الله اوصل هناك 8 يلا وش الفرق بالله
الام: وبعدين يعني لازم انادي ابوكم كل يوم عشان تتحركون
مرام: خلاااص هذني قمت ,,
ترجع غاده تتلحف بسريرها من جديد وتدخل راسها بين الوسايد اللي تحب تخليها كثيره بالسرير واكيد ماتستغني عن دبها الاحمر الكبير بالسرير وهي حاضنته مسكت جوالها ودقت على ريما اعز صديقاتها
ريما: ألووووؤ
غاده: ههههههههههههههههه هلا
ريما : وش تضحكين عليه؟؟
غاده على صوتك هههه صباح الفل
ريما : صباح النور طيب وخري يلا بنام
غاده: !! هاه قومي لألفعك الحين الساعه 6 وعشر متى يمديك تجهزين نسيتي ان اليوم سبت يعني قرامر يعني لعن خير لو تاخرتي ولا سحبتي؟
ريما: يووووووه امس ماسكرت الجوال الا الساعه 3 بصييح ابي انااااام
غاده: خلك تستاهلين انا من 12 نايمه
ريما : ماشالله عليييييك هاجدين عنك اشووف
غاده: لاياعمري بس عشان عندهم دوامات هم بعد ولا والله ماتفك
ريما: ههههههههههههههههه انا اللي عندي معطلين ادعي يتوظفون ونفتك شوي
غاده : آمييييييين يلا يالدبا قومي عشان انتي عارفه ربع ساعه خلصت المفروض متلحلحه من 6 ساعه نتجهز وساعه نمسك خط
ريما: ومن قالك اني ماقمت انا الحين طلعت لبسي وجهزت شنطتي بروح الحمام اغسل وجهي
غاده: ووووجع يالدبااا انا مابعد تحركت شوفو المجرمه ماسكه معي سوالف من هنا وتجهز روحها من هناك
ريما: هههههههههههههههههههههههههههههههههههه
غاده : انقلعي يلا بروح اغسل وجهي
ريما : يلا يلا بسرعه ولا بروح عنك
غاده: مايمديك
ريما : وليه؟
غاده : نسيتي ان كتابك القرامر معي
ريما: شف الملعونه
غاده : ومنكم نستفيد هههههههههههههه
يلا عاد امي قامت تصرخ بروح اجهز
ريما: يلا باي
سكرت ريما وكانت قبال المرايه حقتها قامت تلف شوي تستعرض بجسمها اللي كان ولا اجسام عارضات الازياء بس جننها شي بشكلها شوشتها اللي مو عارفه وش تسوي فيها للجامعه !!!
جت الساعه 7 بالضبط وغاده سيارتها توها موقفه عند بيت ريما وكالعاده كل يوم تروح لبيت ريما وتطلع معها للجامعه والضهر ترجع معها برضو وسواقها ياخذها من بيت ريما نزلت من سيارتها ولقت سيارة ريما مقفوله قالت بنفسها اكيد ماجهزت ام شوشه للحين راحت ودقت الجرس وفتحت لها الباب الشغاله
رقت لغرفتها وهي عارفه ان بيت ريما عايلتهم صغيره ومالها الا اخو واحد اكبر منها بثلاث سنين والباقين متزوجين بعكس غاده اللي كانت عايلتها كبيره رقت غاده بكل وثوق لغرفة ريما ودخلت عليها فجأه وروعتها
غاده: بووووه
ريما : يمممه وقتك انتي الحين
غاده: ههههههههه وشو قلت بوو صدق انك بزر أي شي ترتاعين منه؟
ريما: بلاك ماتدرين تو شفت صرصور بالحمااااام وحلفت ماادخله الى ان يتعقم تعقيييم كامل كل شي الا الصراصير
غاده: من جد الله يعينك ياعمري طيب وش استخدمتي أي حمام؟
ريما: حمام رائد بعد من حمامه
غاده: يؤ يؤ دخلتي غرفته وهو نايم؟؟؟؟؟؟ عز الله فقع لك وجهك
ريما: لااااا هههههههههه بالعكس والله ماتدرين حمد ربه اني دخلت يقول عنده محاضره مبكره اليوم بالعاده كل محاضراته الظهر قال زين قومتيني ولا راحت علي
غاده: اهاااا اجل احمدي ربك صادفتي هاليوم
ريما: هههههه من جد
رسمت ريما شفتها بالروج الفوشي وعادت عليه بالملمع ولبست نظارتها الشمسيه ولفت على على غاده اللي كانت نص منسدحه عالسرير وتقلب بمجله
ريما: يلا ؟؟
سكرت غاده المجله وكانها تقول اخيرا بنطلع
غاده بابتسامه عريضه : يلا
سبقت غاده ريما بالدرج وحتى للباب وحتى لباب الشارع
كانت لابسه النظاره الشمسيه وغطت وجهها بالطرحه وطلعت وشكلها مستعجله من مشيتها ومسكتها لشنطتها وبكل وثوق تفتح باب اللكزس وبما ان سيارة السواق لكزس كحلي وسيارة رائد لكزس اسود غاده متغطيه ومالاحضت الفرق حتى لقت الباب مفتوح !! ركبت!!! والتفتت على ريما اللي كنها تاخرت شوي؟؟ وتناظر باللي المفروض يكون السواق!!! استغربت انه لابس شماغ؟؟ تذكر ان حده ثوب وطاقيه من متى الشماغ والعقال وهالتكشخ والعطور؟؟؟ وتلتفت جمبها وتستغرب كان السياره غير؟
الا مررررررره غييييييييييييييييييير
كانها تسمع احد كاتم ضحكته ؟؟ فتحت طرحتها شوي تناظر بالمرايه وو!!!!!
نزل وقتها المرايه عن عيونه شوي وطالعها وهو رافع حاجب ويدق باصبعه على الدركسون !!!!
وريما عن الباب واقفه مبلممممممممه
هنا غاده استوعبت انها ركبت مع رائد!!! رائد اللي من يومها طفله كل ماراحت بيتهم يتعمد هو يتخانق معها ويروعها عشان يقعد يضحك عليها كانت تكرهه للامانه من تصرفاه اللي ماتواطنها ودايم ريما تقهرها بانها تقول باخطبك له وتنقهر غاده وتعصب مررره ماكانت تطيقه
نزلت غاده بسرعه وركبت السياره الثانيه ولما سكرت الباب عليها بالسياره صرخت بقوه من الفشله وحطت راسها بين رجلينها ركبت ريما على طول وهي ميييته ضحك بعد ماجت من اخوها اللي قالها كلمتين ومشى بسيارته
ريما: ههههههههههههههههههههههههههههههههههههههههههه
غاده: لالالالالااااااااااااا تكفين قولي اني بحلم لالالا بصييييييح يلعن ام الاحراااااااااج
ريما: هههههههههههههههههههههههههههههههههههههههههههههههههه ه
اجل لو تسمعين هههههههههههه وش قال ههههههههههههههههههههههه
لفت غاده بسرعه ووخرت يدينها عن وجهها وقالت: وش يقول؟؟
ريما : هههههههههههههههههههههههه اول شي ماتطقيني والله مالي شغل
غاده: يلا عاد وش قال؟؟
ريما: يقول كل ذا مااستوعبت انها راكبه سياره غلط
صرخت غاده ورجعت حطت راسها بين رجلينها: لاااااااااااااااااااا والله اني مادرييييييت يحسبني استهبل ومتعنيه لالالالا خلاااص بصييييح
ريما: ههههههههههههههههههههههههههه غويييد انتي تعرفين رائد يحب يرفع ضغطك من عمر الدنيا
غاده: لالالالا مستحيييييييل يحسبني ميته عليه هو ووجهه لاااااااا
ريما: لاتخافين يدري انك ماتطيقينه مثل ماهو يحب يستفزك
وبعدين أي احراج انتي بعد من جدك انتي؟؟؟ نسيتي يوم يبوسني اخوك يحسبني بنت خالتك؟؟
غاده: اقوووول اسكتي كنتي بسادس ابتدائي وكان هو عمره 26 سنه ولايذكر حتى ويحسبك بنت خالتي مادرى عنك الا بعد بكره من يومها
ريما: ولو باسني انتي رائد ماباسك
غاده: ووووع هذا الناقص بعد فكينا من سيرته يرحم امك لاعت كبدي
ريما : لاعاد باللهي باللهي ماتغير عليك اقولك صار يلعب حديد وعضل جسمه
غاده: وش دخلني بامه انا عمره ماعضل جعل عضلاته الفش قولي آمين
ريما: هههههههههههههههه
يقطع ضحك ريما رنة جوالها ابتسمت ورجعت النظاره الشمسيه على عيونها وتسندت وحطت رجل على رجل وردت بصوت كله نعومه الوووو
لفت غاده على الآيبود حقها وشغلته وركبت السماعات
وصلو الجامعه وعالوقت بالضبط وررركض عالمحاضره لايكون دخلت قبلهم ويوصلون وهم يلهثون من التعب وهان عليهم تعبهم يوم درو انهم اوصلو قبل الاستاذه كانت لعينه وماترحم بالتاخير والغياب
بعد المحاضره التقو البنات واجتمعت الشله وضحك وآخر سوالف الماسنجر والمنتديات ومن اللي سحبو به ومن اللي لعبو به و و و كلام البنات اللي ماينتهي
دق جوال غاده نغمة انت عندي حاجه غير لحسين الجسمي
دقتها ابتسامه واتسأذنت يقالك بتروح تشتري مويه من الكافتيريا
وهي تقوم ردت الوو
: هلااا بعمري
غاده: هههه اهلييين
وهنا وحده من البنات تنادي غاده غدووو جيبي لي معاك مويه بليييز
: مين هذي؟؟
غاده: وانت وش دخلك؟


>>>>> ردود الأعضـــــــــــــــــــاء على الموضوع <<<<<
==================================

: هههههه اووف كل ذا غيره خلاص بس كنت بقولك قولي لها محد يدلعك غيري
رجعت لغاده لهجتها المستحيه : لاوالله
: أي والله
تدرين
غاده : وشو
: اشتقت لك
غاده : امممم؟؟
: وشفيييك وربي اشتقت لك
غاده : عبداللااااااااااااه
عبدالله: عيييون عبدالله
غاده : خلاص عاااااد
عبدالله : اااه بس انتي وهالكلمه تعذبني احبها منك امووت فيها منك
احس اني مقدر ارفض لك طلب وقتها
غاده: يعني الحين انت ماترفض لي طلب؟
عبدالله : افااا انت آمري واجيبلك كامري ترقص سامري
ضحكت غاده ضحكه عاليه لدرجة كل اللي بالكافتيريا التفتو؟؟
واستوعبت غاده الموقف دايم تنسى نفسها اخذت المويه وطلعت بسرعه
عبدالله: هههههه فديت الضحكه وراعيتها
غاده: اسكت بس انسى نفسي معاك تفشلت الكل التفت علي
عبدالله: ياحضهم
غاده : ليه؟
عبدالله: لانهم يناظرونك وانا منطق هنا بين جدران الكلاس
غاده ضحكت بصوت واطي وفهمت تلميحته: مااافي لاتحاول
عبدالله: غدووووووو
غاده : عيونهااااا
عبدالله : من جدي ابيك ابي اشوفك حتى صورتك حارمتني ترسلينها لي
غاده: اهم شي انك شفتها مو لازم تكون عندك
عبدالله يلا جت لما بسكر
وسكرت بسرعه طبعا لا لما ولا غيرها جا بس مابغت تدخل بنقاش ماله نهايه ولا له حل ويمكن تنتهي بطقاق وزعل
عبدالله كان يحب غاده من كل قلبه وغاده بعد تموت فيه بس ماكانت مجتمعاتهم وطبقيات مجتمعهم تسمح لهم بالارتباط وغاده انسانه عاطفيه لابعد درجه ورومنسيه بقووه عشان كذا قررت تبقي عالعلاقه لحد مايكتب الله لهم فراق اما بزواج احدهم او بموت احدهم عبدالله كان دايم يقول لغاده قولي آمين ياجعلك حلالي هذي كلمته دااااايم مع انه عارف انه مستحيل تكون غاده من نصيبه كانو يعيشون احلى لحضات الحب متناسين الفراق اللي بيضطرون له بيوم من الايام يعزون بعض بان كل شي قسمه ونصيب وان اغلب الاحباب بهالمجتمع هم ضحايا عادات وتقاليد غاده كانت مستوعبه موضوع العادات والتقاليد بمجتمعها وتحترمها لانها تدري لو اخذت عبدالله انهم ماينفعون لبعض ومصيرهم الطلاق بسبب الطبقيه بمجتمعينهم المختلفين تمام الاختلاف وانها بتنبذ من مجتمعها لو اخذته
رجعت غاده وهي سرحانه ولما تقول هيييييه وين وصلتي التفتت غاده : هاه
مدري ههههههههههههه خوذي مويتك
لما: يسلموووووو ياعسل
غاده : الله يسلمك
وتبدا المحاضره الثانيه حضروها البنات واول ماخلصت كان عالظهر وطبعا كلا ع بيته
غاده وريما طلعو بس ويييين طبعا كالعاده لازم يروحون مول يتغدون فيه
هالمره قررو يروحون صحاري امبسطت غاده لان مرره كان ودها بسينبون عشقها الابدي
شوي وتسمع رنة جوالها .. عبدالله..
وترد : الووو
عبدالله : هلا بهالصوت
غاده : هلا
عبدالله: خلصتي دوام؟
غاده : أي
عبدالله : صدق بنات
غاده : ليييييه
عبدالله: دوامكم دلع مو دوام من 8 لـ 11 ونص وبعد 24 ساعه متذمره
انا وش اقول اجل اللي من 6 الى 3 العصر؟
وياااحبي لي مااقول شي
غاده: هههههههههههههه حرام علييييييييك احنا بس عشان اول مستوى معطينا وجه لاحقين عالكرف قول ماشالله بس
عبدالله: ماشا الله ماشالله .. الا صح وين رايحه بيتك ولابيت ريما ؟
غاده: مول
عبدالله: مول؟؟؟
غاده: مول
عبدالله : وش هالمول اللي بعز الضهر؟؟؟
غاده: يوووه ياعبدالله بقعد كل يوم اقولك احنا دايم نتغدى بعد الدوام بالمول
عبدالله : يعني مايوصل للبيت المطاعم؟
غاده وهي تلعب بخصلة من شعرها الاسود الطويل: الا بس تغيير جو
عبدالله : مافيه روحو البيت وانا اطلب لكم الحين وعلى حسابي ماله داعي مول
غاده : لامشكور ياقلبي انا ابي اغير جو انكتمت من البيت
عبدالله: يلعن ام جوك انتي يقلع بليسك وش هالدلع ذا كله اااخ بس لو اخذك والله لاطلع حرتي واحبسك بالبيت اول سنه من زواجنا وبس اقابلك بهالسنه لااطلع ولا ادخل
غاده: ايييه كلام بكره اذا تزوجنا تسحب علي من ثاني يوم مع وحده ثانيه
عبدالله : غاااااده وش هالكلام غاده لاتزعليني منك والله كلامك يزعل انتي تدرين وش غاده بالنسبه لعبدالله؟ انتي حياته يالدبااا دنيته وروحه و
غاده : عبداللااااااه .. وربي حتى انا احبك خلاص والله ماعاد اقولها
عبدالله : ياروحه انتي مقدر ازعل عليك
ريما: خلصونا وصلنا
عبدالله: عطي هاللملقوفه كف
غاده: ههههههههههههههههههههههه
ريما: وش يحش فيني عبيد
عبدالله عبيد بعينك يالزرافه
غاده تزيد ضحكتها: هههههههههههههههههههههههههههههههه
ريما كانت طويله طولها 170سم وعبدالله قد شافهم بمول ومن يومها يقولها يالزرافه يحب يحارشها وهي تعرف ترفع ضغطه
ريما : اماااااااانه تقولين لي وش يقولك الغول
عبدالله غوول ياكلك يالزرافه قولي آمين
عبدالله كان طويييييييييييييل وعرييييييييييض طوله يمكن 185سم
هنا غاده ماتت من الضحك قامت ريما وسحبت الجوال منها وقالت:عندك كلام قولي اياه تراني افهم لغة الغيلان
عبدالله: .....................................
ريما:.......................................
عبدالله: ......................................
ريما.........................................
(كله كلام تشفير عبدالله ياخذ راحته بالتنتيف مع ريما وريما بعد وبالنهايه يطلعون من معركتهم متعادلين)
غاده : ووجعه انتي وياه استحو على وجيهكم وتسحب الجوال من ريما
غاده : وش هالكلام ياريما
ريما: بلاك ماسمعتي وش يقول
غاده: وش قلت
عبدالله: لا حبيبي ماعليك كلام انتي ارفع منه !!
غاده : خييير لالا مابي الحين تقول وش قلتلها
عبدالله : هههههههههههههههههه غدوو عاااااد والله كلام ماينقال لك حبيبتي ولا بيوم ان شا الله تسمعينها اشكال خويتك بس يسمعونه
غاده: ؟؟؟
ريما: اكيد يحش فيني هين يالغول ان مازوجت غاده راااائد مااكون ريما
هذا الوتر الحساااس حق عبدالله كان دايم يحس ان فيه شي بين رائد وغاده وكان يكره هالسيره الا هالسيره يسوي أي شي بس مايصير هالكلام
عبدالله هنا تغير 180 درجه عصصصصصصب وش تقول رويييم ياغاده وربي مايردني الا خويها واخرب بيتها هي وياه لو سوت اللي براسها
غاده: وش فيك عبدالله تمزح تستهبل وربي مافيه شي من هالكلام انت عارف اني اكرهه ومااواطنه
عبدالله: لاوالله ووش هالكلام اللي تو اسمعه
غاده: عبدالله وش فيك الحين من كل اللي قالته هذا اللي رفع ضغطك؟؟
ريما: لا مااستهبل واللي اليوم صار وش معناته الا ان رائد يحبك ياغاده؟؟
عبدالله هنا وصلت معااااااااااه
عبدالله قام يصرخ ويقول كلام مو واضح من زود الصراخ
عبدالله غيرته قاتله وكان على قد مايموت بغاده بيكرهها ويسود عيشتها لو يحس بخيانه
غاده تبي تهديه مو عارفه: عبدالله اهدى الله يخليك وانا افهمك
والتفتت على ريما وعطتها ذيك النظره اللي سكتتها غصب كانها زودتها شوي
ونزلت غاده من السياره وعيونها مليانه دموع تبي تروح الحمامات بالمول غاده كانت تحبه بس تخااااف منه ومن صراخه ماتحبه لما يعصب تكره نفسها وتخاااف مرره
عبدالله كان مايحب هالشي فيها يبيها تحبه ماتخاف منه لكنه مررره عصبي
عبدالله: غاده وش الكلام اللي تقوله ريما وش اللي صار اليوم الصبح؟؟
غاده: هد اعصابك طيب ولا اسكر الخط ترى مااعرف اتكلم كذا
عبدالله: لاتزيدينها ياغاده تكلمي
غاده: اليوم الصبح رحت لبيتها و .. (شهقت من الصياح)
عبدالله بنبره قويه: غاده ليه تبكين؟؟ وش اللي صار وش سوى؟؟
غاده : انا .. انا .. ماسوى شي بس انت
عبدالله: وش فيني انا؟
غاده : لاتصررررررخ
عبدالله:..........
غاده:(تشاهق بهدوء)
عبدالله:خلاص ياغاده بليز هدي وقولي لي وش اللي صار مع هالـ ..
غاده: انت اول هدي مااعرف اكلمك كذا
بعد سكووت لحضات
غاده: انا رحت لريما الصبح وكانت لسه ماتجهزت نزلت من السياره ودخلت ورقيت فوق عندها لما جينا بنطلع انا ركبت سيارة رائد بالغلط وربي بس هذا اللي صار
عبدالله ويحاول يكتم عصبيته: وكان هو بالسياره صح؟
غاده: ايه بس والله نزلت بسرعه انا ماصار شي
عبدالله : وانتي ماتشوفين عميا راكبه سيارة الرجال؟؟ ولا متعمده حركاتك وتتميلحين!!!
غاده هنا انهبلت من كلام عبدالله وقامت تنزل دموعها من جديد بس هالمره بصمت
عبدالله: الووو
غاده: ... نعم!! ..وش قلت؟؟ من جدك انت؟
عبدالله: وش اللي من جدي لهدرجه عاجبك؟؟ راكبه سيارته بعد انتي..
غاده : بسسسسسسسسس ولاكلمه بعد خلاص اسكت مابي اسمع تجريح بعد
باااااااااي ياعبدالله


............................
نهاية البارت الاول

angel4:

أرآآآآئكم..؟؟


__________________________________________________ __________
مشكور ...........

__________________________________________________ __________
مشكور على اختيارك ساحه
تعب لي انزال قصتك هنا

نتمنى منك المزيد


فروحــهـ

__________________________________________________ __________
يسلمو
يلا حبيبتي لا تتاخرين بالبارتات بليز
لان اعصابي بسرعه تحترق

__________________________________________________ __________
الروايه رائعه بس جيبي الباقي
بسرعه تكفين

يسلمو حبيبتي يلا البارت الثاني ها عمري