عنوان الموضوع : دخيلك افهم حبيبي مراح اعيد هالكلمه..’
مقدم من طرف منتديات الشامل



أشكك في غرآمه دوم / أنشف ريقه ودمه
تعذّب قلبه أوهآمي وأنا ظنوني تعذّبنــــــي


مُحآل اليوم يمر بدون زعل ,, لآ يمكن أتمَّه
غصب أخلق مشاكل له وأجننه ويجننــــــي


أجي وأحوس له جوه وأزيد بهمه وغمه
وإذا هو اشتكى , أبكي وأقول إنك مآ تفهمني


يحآول يبتسم لكن يقول الآآآآهـ من همه
يقول أرجوكِ أبي أفهم وش المطلوب بس مني


عطيتِك قلبي و روحي , وأحبك وأعشقك جمه
ولآ غيرك أبد إنسآن يبعثرني ويلملمني


تشوف العين ومهما تشوف مكانك بآقي بالقمه
وحيدة دآخل فؤآدي ومنك الشك متعبني


دخيلك افهمي حبي مآ رآح أعيد هالكلمه
ترى صبري وصل حده ومآبه شي يجبرني


بأن أتحمل جنونك وأشوفك منتي مهتمه
بأني أنبسط و أفرح , وقربك مو مريحني


خفوقي يعشقك وأنتي خفوقك مآ نظر يمه
ذبحني شكك وخوفك , ترى طبعك مآ يعجبني


دخيلك وش به مقصِّر أبي تقولين وأتمه
حلفت ألفين مآ أخونك وقلبك مو مصدقني


صرخت وقلت : بعض جنون , مثل مآ تشتهي سمه
ولكن قلبي متأكد وأحس أنك مآ تعشقني


ويوم ان هلَّت دموعي بدى يمسحهن بكمه
وقآل ألحين أبي أسأل وأبي قلبك يجاوبني


أخذ رآسي إلى قلبه وقآل أبي بهالضمه
تسمِّع دقة الخفاق ومآ تلقاه علمني


وقمت أسمع أنا أحبك وهو مآ قالها بفمه
وعينه تحكي الإحسآس أكلمها وتكلمني



ورحت أبكي على صدره وقآل ألحين بالذمَّه :
لو إني مآ أعشقك شللي على هبآلِك يصبرني ؟؟


>>>>> ردود الأعضـــــــــــــــــــاء على الموضوع <<<<<
==================================

بصراحه كلمات في قمة الروعه + مسلية + مشوقه = قصيدة رائعه

ومن جد استمتعت في قرأتها

ابسألك انتي اللي كتبتيها؟؟؟؟؟؟؟؟؟؟؟

تقبلي مروري

محبك حمودي الظهران

__________________________________________________ __________
صح لسانك وعلا شانك

كلمات رائعه جدا ..

تحياتي لك


__________________________________________________ __________
الله يسلمكم يارب
منورين بمروركم الجميل
لكم شكري وودي
دمتم في حفظ المولى ورعايته

__________________________________________________ __________
صح لسانك وعلا شانك
كلمات رائعه واحساس ارووع
تقبلي مروري

__________________________________________________ __________
تحية محملة بباقة ورد جورية ,,,

أهديك أياها (( أختي دلوعة بأحساسي ))


كلمات رقيقة راقية ,,,

تحمل معها رقة الأحساس والمشاعر ,,,,

راقني ما قرأت هنا ,,,

ننتظر جديدك بكل الشوق والود ,,,

تقبلي مروري المتواضع ,,,

أختك جوريا ,,,


لو إني مآ أعشقك شللي على هبآلِك يصبرني ؟؟
هههههههههههههههههههههههه ختامها مسك والله رووعة هالابيات تسلم ايدينج بجد حيـــــــــــــــــــــــــــــل
استمتعت بقرائتها يعطيج الف عااافية حيييل اختياارج حلو