عنوان الموضوع : بطل العالم في صد الدله - نكت جديدة
مقدم من طرف منتديات الشامل

مساء النعناع...وفي حالة اللي ما يحب النعناع سااااااده مهوب لازم....
ههههههههه لا امزح

لا تلوموني يا الربع العدوانية اللي انا فيها عقدة من الماضي.....سآتيكم منها بقبس لاحقاً...والا اقول لكم ......الحين,,,,,
تدرون يا قصراي ان لقبي في العائلة من يوم اني في اولى متوسط والى الآن..(بطل العالم في رمي الدلة) ....عائلة تجيب التكة...ما يسامحون احد ولا يسلكون لاحد....مسوين لي فيها الاذكياء

بداية السالفة يا غوالي..<<على فكرة كنت احسب هالكلمة سب اول.....كانت في عيد فطرن غير موفق...رحنا نتعيد عند عمي الكبير...ووقف عمي الصغير يصب القهوة...فنظر ابي الي نظرة متوحشة بعيونن طايرة وحواجبن متعكفة...كان مفادها...قم صب عن عمك يا الرخمة.... رغم ان عمري كان ثلاثطعش...يعني في اولى متوسط....بس ناس مفترية...فهمتها على الطاير وقمت وقلت بكل جراءة والمجلس ملياااان...خلي عنك حبيبي...<<جالكسي جواهر.... لا قلت هاتها عنك ياعمي انا باصب..والنذل ما كذب خبر..حطها وقال اجل اباطلع عندي مكالمة ضرورية
...واجيك انا يا بعد كبدي واشقل الدلة واقرب لم عيال عمي الكبار....ولم اكن منتبهاً من البزة والمرجلة الزايدة لحرارة يد الدلة...فلما وصلت عندهم حرتني مرررة ...ولم استطع الاحتمال...فصفقت بوالديها بما حوت في الارض ...فارتاع الجميع...فهل تعتقدون ان احداً سمى علي لو كذب؟؟؟ لا وربي...بل كان يطرق مسامعي كلمات من(وجع,,,هباال,,,عمى...وش جاه ذا؟؟؟.......)....كنت اهز يدي في حركة تنم عن اني متألم...ومعقد حواجبي يعني تراني مسكين...بس للاسف...ما حولك احد....لم اعد اسمع سوى طنين اذني...وبدأت اشعر بالحرارة وعرقت رقبتي....وطبلها عاد بزرن ما ادري منهو ولده اساساً...ولا وش جابه لعيدنا...شكله ولد اخو مرت عمي....حينما قال(شوفوا..حمر وجهه!)....
مدري هوني اجلده والا وش اسوي بالضبط؟؟
انا من قوة القمطة...قعدت اناظره وابتسم....ما ابغى عيوني تروح لاحد ثاني...اخاف اصيح وانا الرجال الحركة....اخيراً...انقذ ابوي الموقف...وناداني....تعال اعلمك...رح للسيارة...شف ان كان تحت المرتبة تقويم جبه اباشوف وش تاريخ اليوم افرنجي ....يعني تصريفه ما لها سنع الصراحة بس يلله...
طلعت وانا شوي وانشل....ويوم جيت حول السيارة لقيت عمي متكي على الشنطة ويستملح ....فتحت الباب فالتفت بسرعة..وش جابك؟؟ ...رديت وانا ودي اطحنه.. سيارتنا!!! عاد كنت بزر وش فيكم؟؟ فلم يزد على ان قال ...يقلع ابو المبزرة...
المهم تكيت في السيارة الين جاء ابوي...وقال وش فيك انت الحين؟؟....الغلطان اللي يسحب المبزرة معه!!!........يااصبر ايوب...
ما لكم بالطويلة ياشباب...من عقبها طبعا معد قبلت عليهم...لا في عيد ولا غيره..قلت كودهم ينسون.....وابوي كل عيد يشب علي...ويستخدم ابشع الالفاظ<<رقيق فديت خشمي انا....
آخر شي قلت يلله...خلني اروح وش وراي...بعدين السالفة مر عليها ست سنين...وانا كبرت وجملني شارباي....>>شارباي هذا مهوب واحد هندي...يعني شنبي ....وزاد طولي يمكن نص متر...بعدين اكيد محد متذكر الموضوع الا انا...الصافع ينسى والمصفوع ما ينسى...المشكلة انت اللي صافع بام الدلة....يلله مش مشكلة...
واروح واشتري الكنادر وغترة دنهل يعني كنت متفائل بهالعيد...خصوصا اني كنت شاري جوال جديد وفرحان اولردي....(كان الكلام هذا على ايام جوال المملكة ...واروح ابشر ابوي اني باروح معه هالسنة...وينبسط الله يطول لي عمره....وكان من جملة ما قال(تمن علي انت ووجهك؟؟ توك تصير رجال مع الرجاجيل ؟اطول مني بس العقل عاد من ربي!!) طيب وش ذنبي اني على خوالي!!
اييييه جاء العيد ان شاء الله ورحنا.. وانا اللي استلم المجلس يوم دخلنا السلااااااام عليكم....
والتفت الجميع في محاولة يائسة لتحديد هوية هالاطخم....وبائت محاولاتهم بالفشل ...وانا اللي اجلس بصدر المجلس وانا مرتاااح ومبسوط على الاخر....اثري كنت مكبرالموضوع...هذاهم وش حليلهم...شوي وبدأت الابتسامات...يمكن عجبتهم....شوي ويتطاقون على الدلة....كلن يبغى هو اللي يصب لي.......يا حليلهم...دول ناس طيبين أوي....فلما انتخبوا احدهم...جاء ووجهه يتهلل....ياهلا والله ومرحبا....بطل العالم؟؟..... انا قلت شكله مشبه مسيكين....لا يالحبيب انا ولد عمكم...انا كريزي...
فما كان منه الا ان هوب علي كأنه بيطيح الدلة علي!! .....والمشكلة كان فاااق كشرته..يضحك....انا طبعا كردة فعل طبيعية..ارتعت ومديت يديني بصد الدلة..<<كييييف اصدها....
وفجأة تجمعوا ربعه علي ...لا ما يمديك يا محمد ما تصف جنبه...هذا بطل العالم في رمي الدلة......ايييه ..حس ..ارتعتاااا..احسن ...والله ما نسى يوم تصفق الدلة بغيت تحرمنا العرس!! ....عاد الي ذلك الشعور طنت اذني وعرقت رقبتي..فقال ولد شكله فالمتوسط الحين...شوفوا وجهه حممممممر!!!

>>>>> ردود الأعضـــــــــــــــــــاء على الموضوع <<<<<
==================================

ههههههههههههههههههههههههههه

حلوه بطل العالم في رمي الدله


عجبتني > شرحك سرى

لاتخاف مو لوحدك أنا متعديك راميها أكثر من مرّه

ههههههههههههههههههه

__________________________________________________ __________
ههههههههههههههههههههههههههههههههههههههههههههههه
هههههههههههههههههههههههههههههههههههههههههههه
هههههههههههههههههههههههههههههههههههههههههههههههههه هههههههههههههههه
هههههههههههههههههههههههههههههههههههههههههههههههههه ههههه

مشاء الله والحين أنت كم عمرك بعد السالفه هههههههههههههههههههههههههه

من جد فشله ههههههههههههههههههههههههههه

لو أنا بمكانك والله ماأحضر إلين يصير معي بزر ههههههههههههههههههههه

عشان مره وحده مايعرفونن

__________________________________________________ __________
ههههههههههههههههههههههههههآآآي

يآحليله يووصف من قلبه .. شكل القهوة أنكبت على خشمه

خخخخخخخخخخخخخخ

مشكووور أخوووي .. منووور قسم النكت وربي
لآعدمنآك تسلم يمنآك
تمرمر قبووولي ^_^

__________________________________________________ __________
ههههههههههههههههههههههه مشكوووووووووووووووووووووووور

__________________________________________________ __________
هههههههههههههههههههههههههه موتني ضحك

حلوه سيارتنا اخوي انت كريزي

مقاطي

ههههههههههههههههههههههههههه
حلووووووه
يسلمووووووووووووووووووووووو