عنوان الموضوع : ياساعتي لو مات نبض المواقيت .... وقت الفرح تـكفين لاتنكرينه
مقدم من طرف منتديات الشامل

ياساعتي لو مات نبض المواقيت .... وقت الفرح تـكفين لاتنكرينه
ياما من دلال التعاسه تـقهويت .... وفنجال فرحي لالفى تاخذيـنه
شخص له بين الحنايا مية بيت.... يعني له في جوف صدري مدينه
سكانها من يوم روح عفاريت .... صارت خراب ومن بَعَده حزيـنـه
ياما كتمت اشواق قلبـي وهلّيت .... دمعٍ تَـرَك صكّـات بقعا لعـيـنه
يـامـا بكيت من القهر ماتباكيت .... ودمع العزيز بعـين ربعه غـبـيـنـه
الضيم مجرم والمشاعر طواغيت .... والدمع والي والسعـاده رهـيـنـه
مليت عمري والدفاتر ومليت .... ضحكٍ يجي من دون صدقٍ وزينه
كن البـشر قدام عيني توابيت... سودٍ تنادي للنَفَـسْ قبل حينه
اوحيت لكن من همومي فلاأوحيت... عندي تساوى كل زينه وشينه
ان غنّتالحمامه على الغصن غنيت .... صوتٍ يغشّي بالشقى سامعينه
اللـيـل ياليلي تعاسه وتشتيت .... والصبح ينهش بالخفوق ويهينه

>>>>> ردود الأعضـــــــــــــــــــاء على الموضوع <<<<<
==================================

الاخ العزيز// الباكي
صباح الود سيدي
اسعدني ان اكون اول من يتأمل هذه الفاتنه الغارقه في بحور الحزن
سيدي لقد اجدت في رسم هذه اللوحه الحزينه
فلك اجمل تحيه
وتقبل مروري
اخوك ماجد البلوي

__________________________________________________ __________
صح لسانك وتسلم ايدينك الباكي
والله لا يحرمنا جديد ابداعك
اجمل تحياتي

** الحنونه **

__________________________________________________ __________


__________________________________________________ __________


__________________________________________________ __________