عنوان الموضوع : قوووووووووووووووووووووووصة خيال - نكت خليجية
مقدم من طرف منتديات الشامل

بسم الله الرحمن الرحيم

بلغ حبيبك وقله باخذك منه

هذا هو الحل ومالي أي حل ثاني

اليوم شفت المنتدى نايم مافيه مواضيع تفرفش

قلت ألطش لكم هالموضوع القميل مثل كاتبه

طيب لا تقولونلي فيه كلمات مالها داعي

الموضوع طويل ومالي خلق أعدل فيه

فهود أن لقيت شيء عدله الله لا يهينك هاه

نبدا
7
7
حينما يتفتق ذهن طفل بريء ويبدأ تلمس دروب الحياهـ بأحلامه الصغيره لتحلق به نحو الأمل والسعاده نحو الحلم والمستقبل.. لم يخطر ببال هذا الطفل بأن مسالك الحياه تقوده نحو عالم بغيض محفوف بالمخاطر وملطخ بالاجرام .. لم يدرك بأن مسالك حياته الوعره قذفت به الى غياهب المجهول.. لكن سيبقى بداخله بقايا حلم من احلامه البريئه والتي لربما رمت اليه بحبل النجاة!!


تمهيد..


ختاما وقبل الخوض في دهاليز القصه وسبر أغوارها أتمنى اتباع ماهو آت للاستمتاع حتى اخر وهله:-


1- القراءه مسموحه فقط لمن تجاوزت أعمارهم الــ 18 ربيعا .. يعني اللي ماخط عنده الشنب يصرف عمره لاحتواء الماده على مشاهد تخدش الذوق العام ,,

3- لاتباع وسائل السلامه .. الرجاء ابعاد الدفايات والمشروبات الساخنه من زنجبيل وقرفه وغيره الى مسافة خمسة أمتار على الاقل,,

4- نتمنى لكم أسعد الاوقات برعاية أبو راكان لتأجير جميع أنواع الخيام والزل .. واذا خلص الفول ابو راكان غير مسئول )

هذا الموضوع بالاشتراك مع ثوب الدفه .. الان اشتري ثوب من الدفه واحصل على فردة أم حديجان مجانا,,

5- استعدادا للبدء سيتم اغلاق الاضاءه بعد عشر ثوان

الفصل الأول.. حمود وعائــــلته

نشأ حمود في عائله فقيره مكونه من أب وأم ودستة أطفال.. تقطن هذه العائله بيت شعبي في أحد حواري منفوجه العتيقة .. تربى حمود في وسط يفتقد لأبسط أنواع الحنان والترابط الأسري.. فكان أبوه أمياً ومعه بيجو بوكس موديل 78 لونه أصفر ومضلله أخضر .. يكد عليه طول الليل والنهار ومايشوفونه الا حزة العشاء نص ساعه.. يمردغه هو واخوانه بالزبيريه على أدناة الدون حتى انطبع رقم 44 على مقفاه.. وأمه كل همها كيف ترضع اخوانه البثرين.. ومن طبايع هالعايله انهم ماينفطمون الا عقب مايصف طقم الأسنان كامل (صدق من قال الأم مدرسة) .. والانتاج ماشاء الله قايم سوقه بمعدل 3 بزارين كل سنتين .. وأشقائه في قمة البثاره لدرجة ان لعبتهم المفضله من يفلق راس الثاني أول!!


أما صاحبنا حمود فقد جمع بثارة اخوانه واهمال اهله بالاضافه الى أنه وجه يقطع الرزق ويجيب الهم من شينه لدرجة أنه مسبب رعب لبزارين الحاره حتى أطلق عليه لقب النمنم << ياقدمك
.. لكن المميز في حمود بالرغم من ان وجه يقطع الرزق كان أمرد تماما .. ووجهه مافيه شعره ولو بالغلط << ياخي وش دراك انت امكنه مشقر..

ترعرع حمود بين عمامه وعيالهم .. لكنه كان منبوذا من الجميع (يعني حاقرينه ) وماطقوا له خبرا.. جرت العاده اذا راح حمود يتغدى عند عمامه يخلونه ياكل من عقبهم .. وفي احد المرات وسوس له ابليس فقال له .. وش ينقصك عنهم ليه ماتجلس قبلهم؟ ويوم شافه عمه متربع على السفره فسخ زبيريته وراح يطرد ورا حمود ويصارخ .. تعال ياقليل الحيا والمروه ..

حمود يقول في نفسه: اعنبوا ابليسك بزر تقوله ياقليل المروه! وش يدريه بالمروه يالشين مسوي انت ووجهك راعي مزاج ذاك اليوم يومنا رايحين نشتري الأضاحي قاعد تشرب شاهي حليب ومشغل نجوى كرم.. قسم بالله لو شافت وجهك كان تسوي فيه ملعب وأذونك بيبان .. اوووف قسم بالله هالعم عليه حركات مخيسه تخلي الواحد يتفلت عليه..

تدخل ابليس للمره الثانيه: ياخي هد اعصابك ترى العم والد ..

حمود: عمت عيونك انت بعد ياللوح .. الخال والد تخلخلت عظامك ..


على طاري العيد والاضحيه تذكر حمود عيد السنه الماضيه.. يوم عمه ينادي كل عيال وبنات عمه وعطاهم عيديه الا هو ..وحمود يتميلح قدامه.. ويوم ناظره نادى حمود..
حمود: سم يا احلى عم بالعالم..
العم: تبي ببسي؟!!
حمود: ايه..
العم: في البقاله هههههههههههههه


حمود صكته غلقه ولعن الساعه اللي عرف فيها هالعايله المعوقه.. وفجأه طلعله ابليس وعطاه نظره.. تذكر حمود بنت عمه حصه اللي مكتوبه له (مخطوبه) بدأ حمود يصرف لنفسه ويدور مخرج علشان يرفع معنوياته.. بس حصه بياعة شروخ بسوق الحمام.. والتفت حمود على ابليس..

ناظره ابليس وقال: بعد قول عني شي ماقلته!! ..

حمود: اعنبوا ابليسها مابقى عليها شي وتصير رجال.. ذبح وتذبح.. حمام وتصيد.. كوره وتلعب وحافيه بعد.. شنب هي عندها وانا لأ..زبيريه وتلبس.. وفوق كذا اصبع رجلها اليسار الدبي مايل ومشعر.. والحين انا مبطي عنها الظاهر انها طايحه بالمخدرات ) دخل والد حمود والابتسامه تعلو محياه.. اندس حمودٌ خلف ساقية المنزل(الساقيه هي الخزان بس لزوم الفصيح ..

الفصل الثاني.. بثـــارة حمود..


وفي عصر يوم من الأيام(خلونا نغير كله صبح ومسى ) دخل والد حمود والابتسامه تعلو محياه.. اندس حمودٌ خلف ساقية المنزل(الساقيه هي الخزان بس لزوم الفصيح ) وأراد ان ينحاش من أبيه.. فلمحه أبوه وزهمهُ.. دنق حمودٌ وكشف عن قفاه وواسى جلسته.. فقال له أبوه .. قم ياولدي العزيز وهاك أربعة اريل اشتري فيها ببسي اب سايز (عاد الببسي عندهم قمة الترف ).. وأزلطه بالعافيه أنت وأخوتك وعلم أميمتك عقب المغرب بنتمشى ونسير عند الجسر المعلق..

استغرب حمود من حديث أبيه وباغته بسؤال.. يبه أنت صاحي؟!
وبحركه اكروباتيه سدد والد حمود زبيريته لتعانق قفا ابنه حمود وكانت الضربه موفقه مما أدى الى وجود 3 عصافير يدورون فوق رأس حمود وقال له : الله يطول بعمر أبو متعب خفض البنزين وانا بصير كريم مثله ولا كان علمتك السنع يا الزلابه..
حينها ولعت برأس حمود لمبه وطارت العصافير..

خرج حمود وعائلته الى الجسر المعلق واستأنسوا ووسعوا من صدورهم وهم عائدون في البيجو الأصفر.. قرر والد حمود اكمالا لهذا اليوم السعيد بأن يشتري لهم عشاء ويأخذونه للمنزل.. فاشترى لهم أبوهم طعميات(أي حبات من الفلافل) وبيضا مسلوقاً..
وبينما هم عائدون في الطريق.. أخذ حمود يسلي نفسه بتناول طعمايه (مفردة فلافل) واستمرت تسليته حتى وصلوا الى المنزل وحمود المشفوح قضى على الفلافل والمسلوق عن بكرة أبيه..

عاد حمود مافي أمل يعترف لانه عارف انه بيتصفق ليما يدوخ.. المهم انه حلف واخوانه انواع الحلوف انهم ماذاقوه وعاد تعرفون ايام المراهقه الذمه وسيعه ..

وكغالبية سكان منفوحه فان الحارة بيتهم الاول.. خرج حمود للحاره ومر على العيال وتكّى معهم ثمن نهض واتجه لشلة اخرى.. وهو سائر في الطريق مر من جواره كابريس تسعاوي.. وبحركة شفاحه يلتقط حمود حصاة من الشارع ويحذف بها الكابريس!
كالعاده أطلق حمود لساقيه العنان.. لكن هذه المره راعي التسعاوي ناوي حمود ناويه.. وبعد مطارده نصف ساعه أمسك راعي الكابريس حمود ودبجه دبجا مبرحا ونطله في شنطة السياره..


الفصل الثالث .. حمود والعااار !!


بعد فتره فتحت الشنطه ونزل حمود من السياره.. لقى نفسه في مكان مقطعه(مهجور) ومافيه الا راعي السياره الملثم..

حمود: وين حنا فيه؟ وش جايبنا فيذا؟!!

راعي السياره الملثم: مع انك شين ووجهك يجيب المغص لكن ابعلمك مره ثانيه شلون ماتتحرش ياالأمرد.. وعلى قولة القايل.. انت وعئت ومحدش سمى عليك..

حمود: يرحم أمك يا الملثم فكني.. دا العمر مش بعزئه.. وتوبه ماعاد أتعودها!!
كان حمود يمشي وخلفه مباشره الملثم حتى وصلوا للبرج.. بدأ حمود يصعد الدرج وخلفه الملثم.. حمود كل ماشعر بالخوف من المصير المجهول اللي ينتظره فوق توقف عن الصعود.. واذا وقف صار ظهره بحضن الملثم فيضطر يكمل بسرعه.. الى ان وصلوا فوق..

التفت حمود على الملثم وقال له: يالله وصلنا.. وش تبي الحين؟!!

الملثم: يعني تسوي نفسك ماتدري ياالأمرد.. يالله افسخ!!

حمود: تستهبل انت وهاللثمه اللي كنها حفاظة بزر.. وش اللي افسخ! كله الا الشرف يبو ..

الملثم: تذب بعد انت ووجهك.. يالله افسخ ملابسك كلها وعقب ماتفسخ فيه فانيله علاقي صفراء البسها..

رضخ حمود لأوامر الملثم تحت تهديد السلاح وخلع ملابسه كامله وقبل أن يلبس حمود الفانيله العلاقي باغت الملثم حمود بسؤال.. وش هالــ44 اللي بقفاك؟!!

قال حمود وبزعم انه يبي يخوف الملثم: انا اصلا دوده أم 44 متمثله بصورة انسان!!

الملثم: والله لو انك أسد بسوي اللي براسي بسويه..

استسلم حمود للملثم ولبس الفانيله العلاقي الصفراء ونظر للملثم نظرات ملؤها الشفقه والأسى والتوسل.. لكن الخاطف تجاهل نظرات حمود وأمر حمود بأن يفعل حركة الدوده أمامه.. وهي أن ينبطح على بطنه ثم يرفع ركبتيه ومؤخرته ثم ينبطح من جديد

قام حمود بتكرار الحركه حتى هم الملثم بأن يفعل فعلته.. وفي لحظه اجتمع البرد وشدة الخوف على حمود حتى تأثرت معدته وأطلق صاروخ كيماوي (بئر- جو)هع هع هع
محشو بالفلافل والمسلوق بوجه الملثم مما أدى الى ان تحوم كبده ويبدأ بالترجيع.. استغل حمود الفرصه وجمع مابقي له من ملابش وشرف وأطلق لساقيه العنان وانحاش..




الفصل الرابع.. بداية الضياع!!


خرج حمود من الزريبة راكضا وكان المكان مهجورا يسوده الظلام .. استمر حمودُ في الركضِ حتى سقط مغشيا عليه من التعب.. عندما اسيقظ حمود وجد نفسه محاطا بمجموعة من الشباب وأخبروه كيف وجودوه.. أخذ حمود يتذكر ماحدث له البارحه حتى أصابته الكآبه واسودت الدنيا في وجهه.. امتنع حمود عن الاكل والشرب والكلام واستمر على هذه الحاله ثلاثة أيام وهو يعيش في صراع نفسي.. هل اغتصبني؟ وهل ضاعت كرامتي؟ وهل استسلمت له؟ لكن هو هددني بسلاح! وانا دافعت عن نفسي وهربت!
انا اصلا ما أعرف لا شكله ولا حتى اسمه ماغير ريحته المخيسه اللي كنها ريحة دفايه في شقة مدرس علوم سوداني.... وبدأ حمود يصرف لنفسه ويدور لها مخارج علشان مايتحطم.. وفي نفس الوقت كان الشباب يعرضون عليه انه ينظم لهم وبيعيش مرتاح..

طلع ابليس من جديد وقال: يارجال وسع صدرك وبعدين ترى محد درى الا انا وانت .. والا انت وهالوجه من بيطالع فيك اصلا..

دخل حمود الشباب وفل ابوها معهم.. أكل وشرب ووناسه وسواليف ونوم.. وعقب أسبوع جاه رئيسهم ويقاله "العمده" وجلس مع حمود وفهمه اذا يبغى يستمر معهم لازم يشاركهم شغلهم..

اسفهل حمود من هالخبر وقال للعمده: والله ودي اكون معكم على طول .. لكن ماعلمتني وش شغلكم انتم؟

العمده: حنا شغلنا أغلبه بالليل.. أنا بوصي الشباب ياخذونك معهم وانت بتتعلم منهم..


ومن بعد الساعه الثانيه فجرا خرج حمود مع ثلاثة من الشباب الى ان وصلوا واحد من أحياء الرياض الجديده.. أخذوا كم لفه بالحاره الين تطمنوا ان الوضع هادي ونشنوا على واحد من البيوت.. وفهموا حمود ان اثنين منهم بينقزون السور وبياخذون دبات الغاز وخويهم الثالث بيكون بالسياره وانت راقب الوضع واذا شفت حركه غريبه صفر ثلاث مرات..

نفذت العمليه وتمت بنجاح واسفهلوا الشباب.. استانس حمود على الفكره خصوصا وأنها توافق ميوله لكنه تساؤل في نفسه.. هذي مو سرقه؟!!

نقز ابليس كالعاده: نسينا عشة الحمام وحركة الدوده والا الظاهر انك اشتقت للملثم يا الزلابه

صرّف حمود نفسه وضيع السالفه..

طلعوا الشباب من الحاره لحاره اخرى وطبقوا الخطه بنجاح ايضا.. ومن اليوم اللي بعده طلعوا الشباب لكن هالمره صار حمود مع اللي يطبون السور ويسرقون الدبات وحمود يطبق الخطه بنجاح..

سُر العمده من حمود وبراعته مع سرعة تعلمه وقرر انه يختبره في شغله ثانيه.. نادى حمود وعطاه مسدس بس بدون رصاص وقال له: بتخرج مع اثنين من الشباب واذا شفتم أي واحد ماشي بالشارع بلحاله هددوه بالسلاح.. وان كان سعودي خذوا جواله وان كان أجنبي اسرقوا اقامته.. وان عييا اضربوه طراقين وخذوه بالقوه..

حمود: ابشر ياالعمده بس عندي سؤال.. الجوال ويجيب فلوس لكن الاقامات وش نبي فيها؟!

العمده: ههههههه ياالخبيث.. فيه باكستاني نتعامل معه في البطحاء يعرفونه أغلب الاجانب.. حنا نبيعه الاقامه بــ300 ريال واذا واحد من هالعماله انسرقت اقامته يعرف انه بيلقاها عند هالباكستاني ويشريها منه بدل مايحوس علشان يطلع جديده..


خرج حمود وبدأ بتنفيذ الخطه ورجع للعمده بالغله.. وكانت غلته أكثر من بقية الشباب مما زاد اعجاب العمده بحمود.. واستمر العمده في استخدام حمود في مجالات أصعب بتدرج ..مره في سرقة السيارات ومره في السطو على المنازل واخرى في نهب المحلات..وحمود ينفذ بنجاح..

وأصبح حمود يبتكر طرقا جديده ويؤسس لأفكار متقدمه في عالم الاجرام.. ومن ابرز ابتكارات حمود انه ادخل الحيله في السرقه كما فعل في احد المرات.. كان هو وخويه في سيارتهم وكانت امامه سياره مع سواق والشارع خالي.. صدم حمود سيارة السواق من الخلف بخفيف متعمدا.. نزل السواق من السياره ونزل حمود وخويه.. جلس حمود يسولف مع السواق ويلهيه الين صار خويه عند باب سيارة السواق.. باغت حمود السواق ببوقس في وجهه.. طاح السواق وركب حمود وخويه السيارتين وانحاشوا..

ومن أهم افكار حمود انه ادخل التقنيه الحديثه في صميم عمله الاجرامي واستخدم خدمة تحديد المواقع.. يعني كمثال في احد المرات ارسل لهم كلمة "ذهب" جاه بعد شوي الرد برساله فيها رسم كروكي لمحلات لازوردي للمجوهرات.. سهلت من الوصول للمحل ..( بس نصيحه ويقولون اسئل مجرب ولا تسال طبيب .. لحد يفكر يرسل كلمة "بنات" لانهم بيرسلون كروكي للفيصليه وابئى قابلني لو دخلت)

الفصل الخامس.. احتراف الاجرام!!

تدرج حمود في العصابه حتى أصبح الساعد الأيمن للعمده واشتهر صيته حتى وصل للزعيم الأكبر للعصابات.. وأمر العمده بان يضم حمود اليه..

انضم حمود للعصابه الاكبر والاشهر.. باشر حمود مهامه وبرع بها حتى أصبح مقربا من الزعيم ومرافقا له في أغلب عملياته.. كانت عصابة الزعيم الاوسع مجالا.. بالاضافه الى السرقه والسطو كان هناك تهريب المخدرات وتصنيع الخمور والخطف..

كالعاده خرج حمود مع الزعيم في احد المهمات وكانت عملية خطف.. كانوا يخطفون الأطفال اللي اعمارهم بين الـ5 والـ15 سنه.. بعدين يرسلون الاطفال لحرمتين حبشيات مهمتهم تغيير أشكال الأطفال وتشويههم ومافي مانع لو تسببوا لهم بعاهه حتى يستفيدون منهم في الطراره!!

أثناء العمليه تم اختطاف طفل وسيم فوقع حبه في قلب الزعيم! وقال لحمود قبل نرسله نبي نروح مشوار أنا وانت وهالاطخم!!
راحوا ثلاثتهم لمكان مهجور.. وبعد ماوصلوا تلثم الزعيم وأمر الطفل بأن يخلع ملابسه..وهنا بدأت الشكوك تساور حمود والأحداث القديمه تعاود مخيلته ..أجبر الزعيم الطفل أن يخلع ملابسه ولبسه فانيله علاقي صفراء وأمره بأن يقوم بحركة الدوده!!

هنا بلغ الشك مبلغه عند حمود فأراد ان يقطع الشك باليقين فاقترب من الزعيم وتذكر ريحة الخياس.. ريحة الدفايه في شقة مدرس العلوم السوداني .. ريحة اللي خطفه!!!


أصيب حمود بحالة من الذهول وعدم الاتزان.. تذكر حمود ماضيه الأليم وهو يعاد امامه لكن مع طفل اخر.. وكم طفل وقع في شباك هذا الوحش.. فضاقت عليه الأرض بما رحبت وبلغ امبير الغضب عند حمود للاتش.. يخطفني ويحاول اغتصابي ويدمر مستقبلي وكم فعلها مع غيري وانا اساعده!!

في هذه اللحظه شعر ابليس بخطورة الموقف وحاول أن يهدأ من روع حمود وينصحه لكن هيهات سبق السيف العذل!

فرغ حمود طلقات المسدس في رأس الزعيم بكل برود وذهب!!




الفصل السادس.. الحنين الى الماضي!!

استمر حمود في حالة عدم الاتزان لفتره وهو يعيد حساباته.. تذكر حمود أهله وأقاربه البثرين وتذكر الحاره وشعر بالحنين واشتغل عنده الجانب الخيّر حتى قرر أن يتوب ويعود الى أهله وحياته الطبيعيه..
عاد حمود الى منفوحه بعد غياب 3 سنوات وفي باله ان اهله ميتين عليه وفاقدينه لكن تفاجأ بالواقع وان اهله ماطقوا له خبر .. تحامل حمود على نفسه ونسى الاستقبال البارد وفرح برؤية اهله..وأقنعهم انه فقد الذاكره وعاش عند ناس الين رجعت له الذاكره ورجع لهم.. قرر حمود أنه يبدأ حياته من جديد بطريقه طبيعيه وبدأ يبحث عن عمل شريف لكن قبل الشغل لازم يتزوج بنت عمه..


ذهب حمود لمنزل عمه ليبحث عن حصه.. قالوا له تلقاه عند بسطتها.. وصل حمود ااسوق وكله شوق وشغف للقاء بنت عمه..

وصل حمود للسوق وهو داخل سمع صوت هواش واصوات حريم صوتهم عالي ويشوف غبرة حريم عند بسطه!! دز صوبهم يمكن يلقى له شي بالحلال ..
يوم قرب أكثر وأكثر شاف وحده تلوح بيدينها وتقول انا بنت ابو درويش.. حمود يعرف هالاسم لانه مميز والصوت مو غريب وزاد الشك عند حمود يوم شاف اصباع رجلها اليسار الدبي المايل والمشعر
قرب حمود أكثر وتأكد انها حصه.. ويشوفها مدركه بنت تحت ركبتها وتصفقها بالزبيريه وتقول ليه يابنت الكلب تدوسين على بسطتي!! ..

تدخل حمود بخبرته الاجراميه وحذف حصاه على قزاز سياره قريبه من بسطة حصه.. تكسر القزاز والتهوا الناس بالمشكله الجديده ونسوا حصه.. هنا تدخل حمود واخذ بنت عمه وطلعوا..

حصه تصارخ: فكني عليها بنت الكلب خلني اعلمها السنع..

حمود: لاتحطين راسك براس بزر.. بعدين ماهقيتها منك عقب هالغيبه ماتحمديلي بالسلامه..

حصه: قلعتك وانا وش علي منك..

حمود: افا! انا خطيبك اللي مالك غيره.. بعدين انا قررت اتوكل على الله واملك عليك..

حصه: هااااو.. ومن قال اني ابيك! انت انحشت ولا سألت عني ومنت قد الكلمه وانا بزنس ويمن واتعامل بكلمه ..

حصه: ولو.. بزنس از بزنس ..

حمود: افا بس انا داري ان هالكلام من ورا قلبك.. ولا نسيتي هاك الايام ولعبنا بحوش الغنم ومطاردنا ورا القطاوه..

حصه بدت تخق: وانا وش يظمن لي انك مالعبت بذيلك.. انتم يا الرياجيل مالكم أمان.. تلقاك متبطح بالبحرين وسردادي مردادي..

حمود: أي بحرين واللي يخلي لي هالوجه الأشهب.. انا اخر علمي بالبحرين يوم كان خطها ترابي ..انتي بس امري وانا تحت امرك..

حصه: زين انا موافقه بس بشرط.. البسطه ماتمنعني عنها وابيك تساعدني بالبضاعه والربح فيفتي فيفتي ..

حمود: ابشري يابنت العم وانا كم حصيص عندي بس اصبري علي الين القى شغله اترزق من وراها واجيك مدرعم يابنت درويش..

الفصل السابع.. البحث عن الذات!!


بدأ حمود رحله جديده في البحث عن عمل..وأخذ يدور على المؤسسات والشركات والمتاجر حكوميه منها وخاصه.. استمر حمود على هالحاله 3 أشهر من دون أي نتيجه.. الى ان شاروا عليه أهل الخير بأن يتوجه الى مكتب العمل..

أخذ حمود اوراقه وتوجه لمكتب العمل ودخل على موظف الاستقبال وقال له.. دبروني بوظيفه انا خال أخو جدي كان خوي عند الملك سعود..

قاطعه موظف الاستقبال وقال له: والله لو ان جدك هو الوزير.. الوظايف هنا بالدور ولا فيه واسطات ابد..

حمود: طيب متى دورنا؟

الموظف: وش مؤهلاتك؟

حمود: شهادة كفاءه وخبره 3 سنوات في فك وتركيب اي باب او شباك بمختلف الأحجام..

الموظف:لا تحمس ياولدي حنا عندنا وظايف خاصة للسعوديين فقط ولكن يشترط ان يكون المتقدم حاصل على الجامعة لكن ما يمنع انك تقدم اوراقك ونشوف متى يجي دورك!

حمود: طيب وش الوظيفة؟!

الموظف: العمل في شركة كبيرة وراتب مغري..الوظيفه هي تكيّس بضاعه يعني بعد ما تعدي البضاعه من الكاشير تحطها في اكياس وتشيلها مع الزبون للسيارة والراتب 1500 متضمن كافة المميزات.. والشغل مايعيب الرجال!!

بلغ السيل الزبى عند حمود.. ومسك موظف الاستقبال من رقبته وكلمه من هنا وكلمه من هناك ارتفع صوتهم وتدخل رجال الامن.. وزاد الازعاج الى ان جاء سكرتير الوزير ومافكهم حمود الا عقب ماوعده السكرتير انه يدخل على الوزير.. وعطاه موعد بعد يومين..

بعد يومين وصل حمود لمكتب الوزير القصيبي.. دخل على السكرتير وعطاه ورقة الموعد.. قاله ابشر بس استريح شوي الين يجي دورك..

جلس حمود بغرفة الانتظار.. لفت انتباهه رجل مليان شوي ولابس ثوب وغتره وسحنته تدل على انه من أهل جده وكل شوي يبرطم وينفخ!! "اش هو هادا.. ليه التاخير.. ماتعرفوا انا مين..وين سياسة الباب المفتوح ....."وكل خمس دقايق يوقف ويسأل السكرتير عن موعده.. الين انفجر وقام يصارخ.. ليه التاخير؟ ماتعرفوا انا مين! انا الدكتور حسان رضا محمد توفيق!!

جاه السكرتير وهي قافله معه ولو عليه ماخلاه يدخل على الوزير وجلس يهديه وقال له انت دورك بعد واحد بس..

خرج اللي عند الوزير ونادى السكرتير على اللي بعده.. خرج اللي بعده وجاء السكرتير ونادى.. " دحسان رضا.. دحسان رضا" ومحد رد عليه.. نادى على اللي بعده ودخل ثم خرج ودخل اللي بعده..
ومحد رد عليه.. نادى على اللي بعده ودخل ثم خرج ودخل اللي بعده.. الين قفلت مع الــ د. حسان رضا وقام يهاوش السكرتير..

السكرتير بخباثه: ياخي وينك من أول انادي دحسان رضا ومحد ردي علي؟!

الدكتور رضا: ايش ياواااااد .. دحسان بعينك ياقليل الزوق انا الدكتور حسان!!

وفي هالاثناء نادوا على حمود..

دخل على حمود على الوزير ومساه بالخير وجلس على الكنبه.. وقال تكفى ياطويل العمر انا متوسم فيك خير وقصصك اخذها من ولد الجيران واناظر بالصور وبعدين تخليها أمي سفره كل الناس فرحوا يوم صرت وزير للصحه.. واستانسوا طوال الاعمار منك وصرت وزير المياه وكلن استبشر وقال ان المويه عندنا بتصير فيها طفره وسمعنا انكم بتسوون بحر بالرياض وان راعين الوايتات من قل الشغل بيقلبون شفط صرف صحي!!بس ماشفنا شي وانا اقول معذورين طال عمرك امكن المواصير تهرب ولا امكن انتم خايفين تخلص موية البحر!! اقول امكن وكل شي جايز!!

لكن اللي ماهقيته منك طال عمرك يوم حطوك وزير عمل!! كنا نحسب الدعوه بتصير وداعا للبطاله وتوظيف للشباب وتعليهم حرفه او صنعه او مهاره.. لكن كل اللي شفناه توظيف في البقاله!يعني بتشغلنا كلنا في جيان وبنده نكيس بضاعه!!

رد معاليه: انا مابيدي شي واللي علي وعلي الدوله سويناه!! والباقي على أهل المؤسسات والشركات والنصب والتجاره!!

واستمر معاليه في التبرير وحمود فاغر فاه.. قال حمود في نفسه مالك ياولد الا تقول قصيد في طويل العمر امكن يشره علي بوظيفه ولو قهوجي!

مسك حمود جواله وارسل اسم "غازي" لواحد من ارقام الــ700 اللي ترسل لهم ويردون بشعر عن الاسم (الرساله بعشره ) وجاه الرد..

وبعد ما انتهى معاليه من الشرح.. نقز حمود للوزير وقاله تكفى ياطويل العمر اسمع مني هالقصيد وانت من رواد الشعر وابي رايك..

معالي الوزير: تفضل سمعني..

حمود وهو يقرا من الجوال ..

غازي ياللي تنحط على الجرح ويطيب ×× رايتك خضراء وعلى درب الشر ابد ماتقود
انت املنا وانت الـلي تلبي المــطاليـب ×× انت رمزنا وانت جــزء من الــنص مـفــقود
..

وبعدها مادرى حمود الا هو بحضن الدكتور حسان رضا منطولين عند باب الوزاره


الفصل الأخير.. مفترق طرق!!

خرج حمود من عند الوزير مطأطأ الرأس وانقطع عنده اخر امل بالوظيفه او الزواج بعد أن رفض من اهله ومن ابناء وطنه.. وأصيب بحالة اكتئاب شديده وانعزل عن الناس.. عاد له ابليس ليزين له أيام العصابه ووفرة المال وهيبته المفقوده..

كان حمود يرفض هذه الافكار ويقاومها بشده في البدايه ولكنه كان يقابل بالرفض أينما يذهب من الاهل والمجتمع.. حتى تمكن منه ابليس تماما وأصبح حمود ممتلئ بالحقد والكراهيه وناقم على الجميع..

جمع حمود شتات العصابه من جديد وأصبحت تحت قيادته وأطلق عليها "عصابة الدوده" وأخذ بالانتقام من الجميع.. فسرق البيجو الأصفر وسطا على ممتلكات اعمامه وحرق بسطة حصيص وانتقل الى الانتقام من المجتمع.. فاشاع الجريمه وطورها ونوعها مابين سرقه ونهب وتهريب وتشويه وخطف وقتل.. ولا زال حمود الأمرد وعصابة الدوده يعيثون في الأرض فساداً الا أن يشاء الله ...

هع هع هع هع هع هع هع

كيييييييييييييف القوووووووووصه

مشكووووووووووووووووورين على المرور وآسف على الإطالة

وعافاكم والشر ماجاكم

أخوكم غلاكم للرد يستناكم

الحلو المتكبر

>>>>> ردود الأعضـــــــــــــــــــاء على الموضوع <<<<<
==================================

هههههههههههههههههههههههههههههههههههه

ههههههههههههههههههههههههههههههه

ياحليـله حـمــود وربـــي أنـــه فــله ( اكشــن )

حولـــت عيـــــــــــــوني ياأخـــوي وأنـــا أقرا

يعطـيــــــك ألــف عافيــــه وربـــي روووووووووووعـــه

يسـلــموووووووووووو لاعــدمـنـــــــــاك

تقبـــل تحيـــاتي / ريــــــــــ ** ــــــــــوم

__________________________________________________ __________
ههههههههههههههههههههههههههههههههههههههههههههه ههههه هههههههههههههههههههههههههههههههههههههههههه


والله روووووووعه هالقووووووووووووووصه ينعن ام الاخترااعاات اجل بالاخير طلع سياااااااااااااااره

<<<--- تسذوووووووووووووووووب ماقرى الا اول سطرين

خخخخخخخخخخخخخخخخخخخخخخخخخخخخخخخخخخخ

بس لي عوووده مرتن ونووبتن ثااااااااااانيه

وابي افصفصه فستقه


وتقبل مرررورري

اخووويك

سلطااااااااان

__________________________________________________ __________
ياااااااااااااااااااطووووووووووووووووووووووول ه
طوييييييييييييييييييييييييييييييييييييييييييي ييييي ييييييييييييييييييييييييييييييييييييييييييييي ييييي ييييييييييييييييييييييييييييييييييييييييييييي ييييي ييييييييييييييييييييييييييييييييييييييييييييي ييييي ييييييييييييييييييييييييييييييييييييييييييييي ييييي ييييييييييييييييييييييييييييييييييييييييييييي ييييي ييل
بس شكله روعه >>>> انصحك المره الثانيه تختصره
احس انك تقولي ذلحين ليش كاتبه وهي ما قرت الا اول حرف
بس اللقافه تمشي بعرقي ودمي ورجلي
ومشكور اخوي










اختك
غرام الروح

__________________________________________________ __________
المشاركة الأصلية كتبت بواسطة ريــ ** ــامــي
هههههههههههههههههههههههههههههههههههه

ههههههههههههههههههههههههههههههه

دووووووووووم نهي يوووووووم

ياحليـله حـمــود وربـــي أنـــه فــله ( اكشــن )

حولـــت عيـــــــــــــوني ياأخـــوي وأنـــا أقرا

سلامة عيونتس بس ماقلتي ليش؟؟

يعطـيــــــك ألــف عافيــــه وربـــي روووووووووووعـــه

الله يعافيتس

يسـلــموووووووووووو لاعــدمـنـــــــــاك

تقبـــل تحيـــاتي / ريــــــــــ ** ــــــــــوم

لاهنتي ومشكوووووووورة على المرور

وعافاتس والشر ماجاتس

__________________________________________________ __________
المشاركة الأصلية كتبت بواسطة سـلطان السـ ـ ـ ـعودية
هههههههههههههههههههههههههههههههههههههههههههههههههه هههههههههههههههههههههههههههههههههههههههههه

دوووووووووم نهي يوووووووووم

والله روووووووعه هالقووووووووووووووصه ينعن ام الاخترااعاات اجل بالاخير طلع سياااااااااااااااره

ياخي لعبت علي أدووور وين السيارة

<<<--- تسذوووووووووووووووووب ماقرى الا اول سطرين

خخخخخخخخخخخخخخخخخخخخخخخخخخخخخخخخخخخ

بس لي عوووده مرتن ونووبتن ثااااااااااانيه

يالله عاد لاتطول علينا

وابي افصفصه فستقه

بس كثر السكر بالشاهي لأني أحبه حالي بزيادة


وتقبل مرررورري

اخووويك

أبعرف وش معناها

سلطااااااااان

مشكوووووووووووووووووووووور أخوي سليطين

وعافاك والشر ماجاك

بصراحه انا ماقريته بس حبيت ارد وحفظت الصفحة لأني مستعجله اقراها اذا فضيت ولي عوده ورد ان شاء الله


مشكور ياحلو متكبر عالفرفشة الحلوة