عنوان الموضوع : معاند والزين تزاعلوا - نكت خليجية
مقدم من طرف منتديات الشامل

تضــاربوا وتـــزاعلــوا والسبب ما يستـــاهل كل هالجــلبة ....>> دخلنا بالفصحى احم احم
حــاول صديــقهم ان يرجــع المياه الي مجــاريها ولكـــن no way ..... تدخــلت احدى الجهــات المختصــة بالتراضي بادارة مهاري ان تفهم الموضوع ولكن كلا الطرفين اكتفى بالسكوت ولم يبد أي تقــبل للتدخل من هذه الجهــة مع ان المتدخل طرف مب هيــن وله قاعدته الجمهورية العــريضة عــرض البحــر بس شو بنسوي باللي راسهم يــابس ....
جميــل أن نلتقي بمن نحب بعد غيبة طويلة .... جميــل أن نفــهم مشــاعر الآخرين .... جميــل ان نجعــل من التسامح أساس لحيــاتنا مع النــاس ... جميـــل أن نسعى لزرع البســمة على وجـــه من نتمنى ان نراها على وجوههم .... جميــل وجميــــل ولكـــن ليــس من الجميــــل ان تكتب في موضوع وفجــأة ايي في بالك موضوع ثاني وتقطع الموضوع الأول ........>> وهذا اللي صار الحين
نرجــع للموضوع الأول وهو موضوع الـــزعل بين طرفين كانوا من أقرب الناس لبعض ولكن بسبب الظروف الاجتماعية والبيئية والصحيـــة اجبرتهم هذه الظروف على التــزاعل والابتعاد عن بعضــهم !!!!
فبالنــظر للمشكــلة وتحــليلها يعتقــد ان كلا هالطرفين مخــبول ولكــــن فاصلة لما نعــرف ان هالشخصين كانوا قريبين لبعض لدرجة ان اذا واحد منهم انفقـــد كــل الدنيا بتدور عليه ما عدا الشخص الثاني فاصلة بنعرف ان من الطبيعي انهم يتزاعلون من بعض بسبب عادي ..... كانوا مثــالا للصــداقة الحقيقية اللي الكل يدور عنها ومو محصــلنها !!!!!
أكيــد الكــل يبي يعــرف منو هالشخصيـــن وشو ســالفة مشكــلتهم اللي تاركة كل هالصدى في الساحة الفنية والمنتدية .....
هم عضـــوين حبوبين وتعارفوا على بعض من خلال هالصفحات وصاروا أقرب من انا نقول هذيل اخوان والا أصدقاء .... امتلكوا محبـــة باجي الأعضاء من خلال مواضيعهم اللي تدخل القلوب بدون اسئذان .... ما علينا من كل ها المهم الحين شو المشكــلة اللي فرقت هالعضوين ؟؟؟
المشكــلة بقولها لكم بالتفصيل عشان انتوا بنفسكم تحكمون من الغلطان ومن اللي المفروض يعتذر للثاني OK
في يوم الأربعا في الوقت ما بين الصبح للصبح في نفس اليوم ما أدري متى بالضبط بأي ساعه بس اكيد بين الساعه 12 الصبح للساعه 12 الصبح لنفس اليوم والتاريخ مو معروف للحين
المهم في هاليوم قرر معاند الجرح انه يسوي مقلب بخويه الزيــن يفرض نفسه .... فكر وفكر بالمقلب اللي يبي يسويه بس يكون مقلب يحفر في ذاكرتهم الاثنين وما ينسونه أبد ..... طــلع خويكم معاند بفكرة جهنمية وحبك المقلب حبكة مستحيل ينكشف أمره ....
لما جا الليل فرش الزين فراشه ونــام على طــول بدون تفكيــر بحبيبته ولا غيرها ....>> كان تعبان ومرهق من الدوام .... بعد ما تأكد معاند من نوم الزين وانه ما راح يقوم لو يفجرون صواريخ في بيته قرر تنفيذ المقلب والمقلب كان كالآتي :
إنه يستخدم تيلفون الزين لين ما تقطعه الاتصالات ويخليه بس استقبال ..... وطبعا الزين مكلف بمهمة وهي انه يصحي حبيبته من النوم عشان موعد الامتحان اللي لازم تدخل بوقت والا بتنحرم من تأدية الامتحان ..... أخذ معاند موبايل الرجال وقام يتصل بناس ما يعرفهم ويلعوز خلق الله وقبل لا تقطعه الاتصالات اتصل بأمه وقام يسأل عن أحوالها وأحوال الجيران وسأل عن شخص شخص حتى صاحب البقالة ما نسى يسأل عنه وقام يذكر أمه بأيام طفولته المهم انه قضى معاها أربع ساعات يكلمها ..... بعد ما صكر التيلفون قال ليش ما أتصل برفيجي سامر وأسلم عليه بس الفرحة صارت لما عرف ان التيلفون انقطع خلاص يعني ما يقدر يجري أي مكالمة !!!!!
طبعا هو في آخر الشهر وباجي اسبوع عن المعاشات يعني مستحيل يقدر الزين يكلم حبيبته ومستحيل يقدر يسدد الفاتورة وطبعا معاند ما عنده موبايل بعد ما نساه في الكويت يعني هي خاربة خــاربة ^_^
وما راح من بال معاند ان لازم يمسح آثار الجريمة .... قام ومسح كل الأرقام اللي اتصل لها وضغط على أي رقم موجود بجوال الزين وحطه تحت وسادة الزين عشان لما يقوم يعرف ان بنفسه ضغط على هالرقم وتم الخط معلق الين ما قطعته الاتصالات ...
رن المنبه ع الساعه 7 الصبح وفــز الزين وتذكر الوعد وعلى طول حتى قبل لا يقول أصبحنا واصبح الملك لله .... مسك الجوال وعلى طول يبي يتصل لحبيبته عشان تروح للامتحان .... والمفاجأة المريرة هي لما عرف ان تيلفونه مقطوع بس ليششششششش؟؟؟؟؟
قام وصحى معاند ..... يا معاند تكفى عطني جوالك بصحي حبيبتي لا يروح عليها الامتحان .... وبضحكة خبيثة قال معاند انت ناسي ان جوالي مو معي ..... تمنى الزين لو الأرض تنشق وتبلعه .... يعني الحين شو بيسوي وبشو بيبرر لها موقفه .... والله لو قال انه كان في العناية ما راح تسامحه ..... صارت الساعه 8 وطلع من بيته متجه للدوام وهناك أخذ جوال واحد من أصدقاءه واتصل على حبيبته .... ردت عليه وصوتها نايم .... قال لها حبيبتي وشلون الامتحان ؟؟؟ قالت له أي امتحان باجي ساعه عليه انا الحين بقوم وبروح عشان الامتحان ... قال لها : بس الحين صارت 8 ... قالت له شوووووووو ؟؟؟؟؟؟؟؟ كيف وليش وانت وعدتني تصحيني لأن امي مو في البيت ..حرام عليك تبيني أعيد سنه من حياتي وانت ظالم وقاسي وانت وانت وما مداه يبي يدافع عن موقفه الا تصكر في وجهه .... حاول يتصل عليها مرة ثانية بس ما ترد ... فهم انه خلاص ما راح ترد عليه الين ما تهدا شوي ... طلع الزين من دوامه للاتصالات يبي يفهم ليش قاطعين تيلفونه مو في وقته .... وهناك قدموله السجل وفيه الأرقام اللي اتصل بها ... وانصدم لما شاف ان معظم المكالمات كانت امس في الوقت اللي كان نايم فيه وهالأرقام ما يعرفها ومعظمها رايحة للكويت يعني ماكو غيره معاندوووه هيـــن لراويييييييييك
دخل الزين الشقة وشاف معاند وهو نايم وبدون رحمة صب عليه كوب ماي بارد وصارت ضرابة تدخلت فيه الأكواب والمزهريات والريسيفر وكل شي جداهمم .... اخرتها طرد الزين معاند من شقته وقال له مب انا اللي أرافج واحد ما يحاتيني ولا يحاتي حبيبة خويه ..... طبعا كل ها ومعاند على باله يحلم وهو مو فاهم وش السالفة ...... طلع معاند بكرامته وهو يناظر الزين ويقول له أفا تطردني عشان وحدة افا والله ما هقيتها منك بس انا تارك لك مو بس الشقة انا تارك لك المملكة بكبرها .... انجرح الزين وعرف ان اللي سواه غلط بس بعد اللي سواه معاند اكبر غلط .... وما كان المفروض يصير
طل الزين من البلكونة المطلة ع الشارع وشاف معاند وهو مروح .... صرخ عليه وقال له ترا حبيبتي فاتها الامتحان وانا رحت الاتصالات وعرفت انت شو سويت .... ما اهتم معاند ودار ظهره وركب السيارة ....

أقول انا بسير أتعشى وبرجع اكمل لكم اوكي لا تروحون مكان .......

عــــــــــــــــــــــــدنــــــــــــــــــــــا

استمر هالحــال ربع ساعة وكل واحد معند في الثاني ..... ما تم احد ما تدخل في السالفة والكل يحاول يراضي في الطرفين هذا يقول انه غلط علي والثاني يقول هذا مد يده علي .... بس في النهاية راح الشيطان من راسهم بعد ما كسروا خاطره ورجعـــوا حبايب من نفسهم بدون تدخل حد

وهاي الصورة توضح كيف رجعــوا لبعض مو بس حبايب الا أكثر من جــذيه واللي ع اليسار الملقوف غلا الشوق




وهذي هي القصـــة .....>> كاتبتها في البريك بعد المذاكرة وادعــولي أتوفق في امتحاناتي ^_^

والله يديــم المحبـــة بين معاند الجرح والزيــــن ......... والله لا يجيب اليوم اللي يزعلون فيه من بعض

ترا الموضوع للضحك لا أكثـــــــر ^_^

تحيــــاتي
مهرة الامارات

>>>>> ردود الأعضـــــــــــــــــــاء على الموضوع <<<<<
==================================

الله لا يجيب الزعل
بس فى الحقيقه معاند ما يسوى كذا حتى فى القصص الخياليه
تقبلى مرورى

__________________________________________________ __________
يسلمو مهره الامارات
على الموضوع اللي وضحتي فيه
ان الزين ومعاند لا يمكن يزعلون مع بعض
طبعا انا ومعاند اكثر من الاخوان
والله لا يجيب الزعل مثل ما قالت الحنونه

مهره الامارات راح نثبت انا ومعاند ما راح يجي اليوم اللي يزعلنا فيه احد منكم وخاصه كل اللي في قسم الصرقعه
كلهم اخواننا

تقبلي تحياتي مهرة الامارات وربي يوفقك في دراستك


__________________________________________________ __________
ههههههههههههههههه

كوووووووووووووووووووول


مهره الامارات انتظرى مفاجاتج منى


كووووووووووووووووول

__________________________________________________ __________
يسلموا مهره الامارات

وربي اني احاول ارد على المواضيع واقراء بسرعه

__________________________________________________ __________
اللــــــه يســلمكم ومشكـــورين ع المـــرور

الحنـــونة .......>> في القصص الخيالية كل شي يصير ^_^

الزين .........>> هذا هو الهدف من القصة وطبعا امنياتي

موضي ......>> مرحبابج ونورتي الصفحة حتى لو برد سريع

قلب قطر .......>> الله يستر

ههههههههههههههههههه

يا عيني على الصوره هههههههههههههههه

يسلمو مهره

والله لا يجيب الزعل بيني وبينك <<<< يغني هع هع هع