عنوان الموضوع : لولا البكا ما ينشرح خاطر ولاينزاح ويل
مقدم من طرف منتديات الشامل
[BACKGROUND="100 #000000"]لولا البكا ما ينشرح خاطر ولاينزاح ويل
خل الكدر يطفي سعير الليلــتين اللي خلت
.
دام العيون اليا اهملت تشفي القليل من الغليل
الله يبارك بالعيون اللي ليا ضقت اهملت
.
دمعة قهر تثبت لي ان اللي يحبوني قلـــيل
ولاضحكه بوجيه ناس لي تضايقت انكــلت
.
البارحه يوم الهموم تحط بالصدر وتشيل
والشاهد الله ماحبــست بمحجري دمع وفلت
.
الدمعه اللي ماتهز صدور ربعــــي لاتسيل!!
اكنــها مثل الجمر ولايقولون انزلت
.
اللي وهو ما فزلي وده محملني جميل
اجيه برجولي عشان اشكي له الحال ؟ اكملت
.
ماكل من شافك قوي يفــرح ليا جيته ذليل
الناس ليا من حست بضعف الشجاع استنذلت
.
بعيونهم ببقى مثل ماللهبوب من النخيل
على كثر ماضامها صفق اللواهيب اعتـــلت
.
وشلون احس ان العذاب اللي على متني ثقـــيل
وانا ادري ان اللي تصبرني على الحزن وصلت
.
معشوقتي وإن ضف صدري من ليالي الحزن ليل
ياكـــثر ماشربت معي من علقم الحزن وكلت
.
معشوقتي ما للفرح برجوعها يمي سبيل
الا مثل ما للربيع من الزهور ليا ذبلت
.
معشوقتي من عمر جيل ومدرسة مليون جيل
معشوقتي رمز السنين اللي تجلت وانجلت
.
اللي على كثر المصايب كل مافيها جميل
الناس لي كبرت تشين وذيك لي كبرت حلت
.
لامن تثــنت للهبوب تمــيّل اللي مايميل
وان مالت عقول الخفاف من الرياجيل اثقلت
.
كن الكلام بثغرها مجرى سبيل للسلسبيل
مسترسله لو ماضميت ولو ضميت استرسلت
.
تقبل على لون المسا لاجات مفتوله جديل
غصبن عن عيون النسا مايرمشن اليا قبلت
.
عشقتها لاني من اللي يعشقون المستحيل
صدقتها لانها لـ قالت القول : افعلت
.
الترفه اللي تنطح الفريّــس وتفك الدخيل
ما الرجال اللي تحملني مثل ماستحملت
.
لو كل خلق الله ملو ماتمل وماتميل
لان الرجال بهالزمن قلو هذيك استرجلت
.
يوم ان وقفتهم معي من باب مايخدم بخيل !!
هذيك ما وقفت جنبي .. هذيك هي تبهذلت
.
خانوا وهي ماخونت عالو وعيت لاتعيل
تبدلتت كل الوجوه وذيك ما تبدلت
.
لانه ليا عز الرجا ما للخليل الا الخليل
مااذكر قرت في محجري قصة عن الحزن وسلت
.
كن الذي يجري معي يجري مع الطرف الكحيل
اليا رضيت ترضى عشاني وان تزعلت زعلت
.
تدوي بخفاقي دوي لين احيت الحلم القتيل
عشق بدويه لبدوي لاجت على البذل ابذلت
.
معها عرفت اني قوي حتى وانا مافي حيل
واعدها بمية خوي كان الهموم استفحلت
.
دام الشدايد تكشف بصاحبك معدنه الاصيل
ليت السنين اللي حدتني لـ الضياع استعجلت
.
الشده اللي تثبت ان اللي يحبوني قليل
ولا ضحكه بوجيه ناس لي تضايقت انكلت
.
بنت ليا منك وقعت تشيلك من القاع شيل
ابرك من وجيه الرجال اللي ليا طحت جفلت
!
[/BACKGROUND]
>>>>> ردود الأعضـــــــــــــــــــاء على الموضوع <<<<<
==================================
أبيات جمميله
يعطيك الف عافيه
سلمتي وسلم طرحك
أرق التحايا لك.~
__________________________________________________ __________
دام الشدايد تكشف بصاحبك معدنه الأصيل
ليت السنين الي حدتني ل الضياع استعجلت
....
رائعة جدا .. لك التقيم عزيزتي 
__________________________________________________ __________
المشاركة الأصلية كتبت بواسطة عطر مجنون 
دام الشدايد تكشف بصاحبك معدنه الأصيل
ليت السنين الي حدتني ل الضياع استعجلت
....
رائعة جدا .. لك التقيم عزيزتي
|
اسعدني وجودك ياعسل اسعد الله قلبك وروحك
تحيتي وشكري وتقديري لك يالغلا
__________________________________________________ __________
المشاركة الأصلية كتبت بواسطة ارهابية حب
أبيات جمميله
يعطيك الف عافيه
سلمتي وسلم طرحك
أرق التحايا لك.~ |
منور ه ياقمر اشكرك كل الشكر على المرور الجميل
اسعد الله قلبك
تحيتي لك
__________________________________________________ __________
أسيرة
تدفق هذه الروائع
مصدرها روحك النقيه واختيارك العذب
أغلى تحياتي
المشاركة الأصلية كتبت بواسطة همسسات خججولة
أسيرة قلمي
حروف نقية
وقلم معطاء
سلم قائلها
وحفظ الله لنا ناقلها
حقا
تذوقت حلو الكلم
فشاركناك الإعجاب
لك
ولطيب عطائك كل تقدير واحترام
أرق التحايا |
الروعه مرورك الجميل اسعد الله قلبك ياعسل كل الشكر لك
رد مع اقتباس
