عنوان الموضوع : الجمله تنوح
مقدم من طرف منتديات الشامل

السلاام عليكم ورحمة الله وبركاته
مساءكم ريحةة مطر : )







هاجسي دام الصراحه والوضوح
واحده ..! والحال وجه السالفه

مجلس ٍ غنّى .... على شفة نبوح
عافته نفسي ..... وقلبي عايفه

قمت اميّز..! بين بوح وبين روح
ولا لقيت ...! اللي يطول النايفه

سامج الهرجه على الشينه شفوح
والسوالف .... زايفه مع تالفه

مجتمع ضايع..! ولا عنده طموح
في مجالسهم .....! عجوز موالفه

رقّصوها.... قبّلوا وجه ٍ كلوح
من نسمها ...! كل روح مخالفه

يشربون الدم.. من وجه الجروح
وفي جبين الليل .... عين ٍ حالفه

يكتبون الذنب ..! والجمله تنوح
والدفاتر ......! في ظهور ٍ نازفه

رحت عنهم والصدر يطبخ يفوح
وجادت حْروفي..! بذيك الطايفه

قمت ادوّر للمشوره والنصوح
ولا لمحت ....! الاّ عيون ٍ ذارفه




للشاعر: صالح بن عمار

>>>>> ردود الأعضـــــــــــــــــــاء على الموضوع <<<<<
==================================

وعليــكم السسلاآآم ورحمة الله

اهلابك الجادل

ابياات بقمة الرووعه
صح الله لسان شاعرها
وسلمت ذائقتك الجميله
دمتي ودام نبض احساسكِ العذب ..~

__________________________________________________ __________
~

كلمات رائعة و معناها واقعي و منطقي
احسنتي الإنتقاء غاليتي


تحيتي ~~


~

__________________________________________________ __________
روعة الحرف
والانتقاء المميز
صح كلك اتي الجادل
وصح لسان الشاعر
قصيده ذات بعد اجتماعي
تقبلي مروري
ودمتي


__________________________________________________ __________
ابياات رووعه وصح لساان شاعرها وتسلم يمينك يااذووق


__________________________________________________ __________
إسمحِ لي ابدي إعجابي بقلمك
وتميزك وأسلوبك الراقي
وتألقك


-



منورين يالغوالي .. الله لا يحرمني : )