عنوان الموضوع : ودي أعرف الألم مثلي له وجود بعالمك
مقدم من طرف منتديات الشامل
شلون أشوفك .؟
وأنا صايبني عمى .!
وشلون أحسك .؟
وأنا إحساسي بليد .!
ماعدت أطير ..
{ وصـدري } ما عاده سماء
ماتت كثير أشياء في ذاتي
ولا زالت تزيد
ما ابالغ إن قلت لك :
أنا .. ترى ما عدت أنا
كنّي احد غيري
{ ولا يشبهني } هالشخص الجديد
ما كنّي إلا عابد و زاهد
ومن بعد إيمانه { غوى }
من بعد فعل الصالحات
اليوم يفعل ما يريد .!
ضايع .. واعرف وين أنا
متعب ولا اشعر بانتماء
لا عدت انتظر الشروق
ولا عاد { يجذبني } الجديد
“رويان ” .. ويذبحني العطش
“ذبلان ” .. وتحتي نهر ماء
“اصرخ “.. وأنا كلي سكون
“ ابكي” .. وتحسبني سعيد
ذبلت زهور الفرح في عيني
و الحزن .. في قلبي نما
وأثمر وقرّب موسمه
{ أقربلي } من حبل الوريد
ما عاد ينفع لو تقول
وما ظنتي ينفع دواء
ولا عدت { قادر } ابتدي
وأعيش ثاني من جديد
أقرب مثال لحالتي :
ناراً وتجري في الدماء
وجسمي وباقي دنيتي
نشبه لـ إحساس { الجليد }
ودي أكون انت لحظه
بس لحظه
وأفهمك..!
ودي أعيش بداخلك لحظه
بس لحظه
وأعرف إحساسك ..!
وأعرف … من هو انت … ومن أنا في نظرتك
مثل غيري … مر في دنياك … وعادي يتركك
ودي أعرف … كل أمانينا حقيقه .؟!
كل ضحكه …
كل فرحه …
كل كلمه …
بداخلك … هي صدق كانت حقيقه .؟!
ودي أعرف .. كيف أفرق بين صدقك
وكيف أفهمها ملامح كذبك وزيفك ..!
ودي أعرف الألم .. مثلي .. له وجود بعالمك .؟
هي مجرد كلمه تسمعها وترددها … أو تعيش بداخلك .؟
والظلام … وش هو تفسيره … ووش معناه
وهل له وجود بدنيتك .؟
والنور … وش هو النور … اللي ينور دنيتك .؟
ودي أعرف وش كثر طيبك…
ووينها حدود دنيا قسوتك …
ودي أعرف … في الظلم … في الباطل
نفسك تمنعك .؟
أو مثل غيرك … أبد ما تمنعك ..!
ودي أكون انت لحظه
بس لحظه
ودي أفهمك..!
صرت أخاف أنساك من كثرة غيابك ..!
صرت أخاف ترجع ولا اهتم بالرجوع ..!
من كثر ما اصرخ … أنادي له سرابك
وتختفي ! … إلا أنا وسط الـجمـوع ..!
وعيون الناس تسأل وش جـرا بـك
وش حصل وش صار في حالن يروع
وما ألاقي غير صمتي في عذابك
ذقت صدمات الألـم مـن كل نـوع
والبشر حول تكرر ( وشهو صابك؟! )
وأبـتعد مابي يشـوفـون الدمـوع
هذا حالي يامـقصر في جـوابـك
صرت خايـف لا أتـعود يالقـطوع
عـلى مـر السنـين اللي مضـت
يـومـن وراه أعـــوام
أحس جرحـك الـيـن الحيـن
كنه لـيلـة الـبـارح
يهـز أعـماق وجـدانـي
يـجـول بـداخـلي ويـعـوم
يـقطعـني ويـذبحـني
وكـل هـذا وأنا سـارح
غـريـبه صـدق هالـدنـيا
ابـد مافيها شـي يــدوم
إذا كان أقـرب الأحـبـاب
يصـير الظـالـم الـجـارح
كبرنا وما بقى فينا // سِوا ذكرى
تمر أحيان وتذكرنا … ونتمنى تنسينا
ومعاني حزن … مكتوبه على باب الألم فينا
تعنينا .. تتعبنا .. وتهيج دمع ساكنا
وفرح ذابل ..
نخفيه بابتسامتنا ..
نداري .. لا حد(ن) يدري
وتفضحنا ملامحنا
كبرنا وكل مافينا تغير ..
أجسامنا …أحلامنا … أيامنا
حتى الفرح طعمه تغير
كبرنا وكل فرحه فينا تصغر
وكل حزن وخوف
في حنايا الصدر يكبر
ولا باقي سِوا ذكــرى .. بالماضي تذكرنا
يـامـا نـصحـتك // لا تعـودنـي على فـرقــاك
وهـذا أنـت غـبـت // ورجعـت تنادي خـفـاقـي
يـعـني تحـسبـني عـلى خـبرك // وبسـتـنـاك
وإلا أبـسـهـر أعــد اللـي مـضـى وبــاقــي
مانـي تـرا لـعـبه عـلى كـيفـك وتـحت أرضـاك
تـجـي وتغيـب // وبالشروق تداعـب أشـواقــي
يـامـا بـحـبـك عـطشـت // وما قـدرت أرواك
أبـيك تـرجع // وتـلـقى اللـي أنت بـي هـاقـي
وذا حـالك // تعـذبني وتـرجع للغـياب هنـاك
ولا همتك أحاسيسي // ولا همتـك أحـداقـي
صبرت // وما بقى فيني بقايا تـنتظـر لـقيـاك
تعيش الفرح بغيابك وأنا ابكي على أوراقي
أنا وش حدني أتعـب وأبقى أنتظـر و أرجــاك
ورجوعك يبدأ بدمعه // تسـيل // وعـقبها أعناقـي
مـدام الدعـوه متعـذب !! // بخـربها وأبي أنسـاك
أببـني بيـننا فـرقـا // عـساهـا تـكـون لـي واقــي
من تجمييييييعي
الشــــــــــــــــــمـــــــوخ
>>>>> ردود الأعضـــــــــــــــــــاء على الموضوع <<<<<
==================================
طرح رااائع ويعطيك العافية يااذوووق وماننحرم من جديديك
__________________________________________________ __________
طرح جمييييل
يعطيييكـ العافييهه
دمتي ودام ابداعكـ
ودي...
__________________________________________________ __________
سلم إنتقآئك .،
شكراَ على روعة مآ آمتعتينا به .،
لآعدمنآك’ .،
__________________________________________________ __________
يعطييييكم العآآآآآآآفية ع المرور...
__________________________________________________ __________
.
.
أنتقاء عذب .. سلم أحساسكك ي الاميره.,
هططول أنيقٌ .. بسَآتيِن توُليبْ تحوُفكك ..
لآخلآ ولآعدم
؛
رد مع اقتباس
