قصآئدهـ ،
" ياصاحبي عذرآ "
ياصاحبي عذرا و عذرا .. ولا باس
لاتلومني لامن قطعت العلاقه
مشكلتي اني فلمواقيف حساس
واحد نفسي .. من دروب الحماقه
ناس لها قلبي على الجمر دواس
وناسن ليا اقفت .. ماعليها شفاقه
المرجله بيت مواثيقه .. حساس
اطنابه الوقفه وحسن اللباقه
كم موقف ياقف على قطع الانفاس
ويفرج .. وربك لانوى الخير ساقه
الكبد كنها للمشاريه محماس
يلهب بها فعل الردي .. باحتراقه
قلبي كليب .. وهم الايام جساس
رمح الليالي غايصن في شقاقه
خذها وانا ابن معرب في العرب راس
كل الغنايم .. كسب ماهي سراقه
هذي مواقفنا اجداد .. ودراس
حفية مواطين لعين الرفاقه
رجل لااهدى شفت درع وقرطاس
ورجل لااهدى .. ساق خيرة نياقه
ياصاحبي ياالرجل والفعل مقياس
رجل بحق ورجل .. جنس البطاقه
لاتشتكي همك ولاترمي .. الياس
الا على من يحتمل للوساقه
لو الاسامي قدمت ناس عن ناس
العز والنوماس .. تبغى لياقه
شف الحلوق من المشاريه يباس
عييت لاالقى .. لسراير اطباقه
اغطي عيوب الخوي .. واقلب الطاس
ويجرح ولا ابين له اني ابفاقه
لو الفرح بلابتسامات ينقاس
كان ابتسمنا للحزن .. واختناقه
من راح واخلى له من القلب مجلاس
فرقاه عيد .. وسهل الله مساقه
الا ابتليت .. بواحد فاقد احساس
ترا ابرك الساعات ساعة فراقه
دام الجليس بنظرة الناس مقياس
اختر رفيقك .. دام للعزم طاقه
اما تخاوي خوة ترفع الراس
ولا بلاش .. من العنا والصداقه
" انسآني بلمره "
صاحبك لامد ليمينك .. يمينه
تعرف انه مدها من طيب ذاتك
الرفاقه .. تنقسم بينك وبينه
بين سلم مستواك ومفرداتك
ماقتل جرح الخفوق الا .. ونينه
بين حسنات الظنون وسيئاتك
نظرة العاقل .. على العاده فطينه
قل من ترافق واعلمك بصفاتك
في خضم الامنيات المستبينه
انت .. من يعطي حجم لاميناتك
كل حلم تعشقه لاتستهينه
يعتلي شانه .. بكثر محاولاتك
والمنبه كل مااوقظني رنينه
قلت ياقلب العنا الا.. صلاتك
الحياه ايام والدنيا .. غبينه
من ثواني مولدك حتى مماتك
ينسرق حلم البني آدم شوف عينه
واه ياحظ من الايام .. فاتك
صاحبي مادام نفسك مستعينه
بالله وذكره .. ترا هذي نجاتك
لاتخاف العمر وتداري سنينه
للفرح والحزن .. بصمه في حياتك
ابتسم حتى لو ان .. لحظه حزينه
لحظتك هذي جزء من ذكرياتك
رد مع اقتباس
