عنوان الموضوع : لا ذكرتك جاء على بالي سؤال
مقدم من طرف منتديات الشامل



لاذكرتك جا على بالي سؤال // ممكن الأيام تجمعني معاك

ثم أغوص بوسط غابات الخيال // وأتخيل كيف هي لحظة لقاك

أترك التفكير وأقطع هالمجال // لان فكري ماقدر ياصل مداك

قمت أطالع فاليمين وفالشمال // وقمت أردد غلطتي والله هواك

قبل عيني تبخل بدمع الرجال // وهان دمعي عقب ماقلبي حواك

كنت عاقل بس جا عقبك هبال // ومن نقدني قلت ربي مأبتلاك

أدري إن الشعر في وصفك محال // بس أبى أكتب يمكن يبين حلاك


ذقت منك المر والعذب الزلال // وشفت فيك إنسان في صورة ملاك

صورت(ن) فيها تعابير الجمال // أتفكر فيك وأشكر من عطاك

منطقك معسول به غنج ودلال // والورود تغار من نفحة شذاك

وأتعسر وصف هالسود الكحال // خص لابانت بعد بسمة شفاك

والجديل اللي مع الريح إستمال // عرف شقر(ن) ماتروضها عصاك

باقي الأوصاف شي مايقال // خوفي إن الناس تسبقني تباك

كاملة ولخالقك كل الكمال // ياعسى ربي من العين يحماك

ذاب قلبي فإنتظارك يالوصال // طالت الأيام وأنا في رجاك

أبدع الأوصاف ببيوت(ن) جزال //علها تبري عذابي من عناك

التفاؤل في فؤادي لايزال // والله أنه مابغى قلبي سواك




م . ن








>>>>> ردود الأعضـــــــــــــــــــاء على الموضوع <<<<<
==================================

رووووووووووووووووووووووووووووووووووووعه سلمت يمينك

__________________________________________________ __________
أبدع الأوصاف ببيوت(ن) جزال //علها تبري عذابي من عناك
.
.
يعطيتس العافيه

__________________________________________________ __________
صح لسان قايلها وسلم بنان ناقلها

ارتقب جديدك

تحيتي

__________________________________________________ __________
قصيدة رااااااائعة و لاتحرمنا من ابداعك .

__________________________________________________ __________
قصيده في قمه الروعه الله لايحرمنا منك ولامن مشاركاتك
تسلم يدك ويد كاتبه