عنوان الموضوع : يبست استمطرك غيمة وصال ولاانتفض رعاد
مقدم من طرف منتديات الشامل
مـــسآكم كـــآدي !!
مداخن وجع !!
بكت كل المداخن من حطب لوّ الدموع .. رماد
............... قبل مايشتعل في وجارها عود الشتاء الطافي
تركه اللي بقى من علبة اعواد الثقاب .. اعواد
............... لرعشة برد خانت ( زنجبيل الشاهي ) الدافي
وعلمٍ مرتكي في وسط صدري .. مالقى نشّاد
............... حكى : سلمى , ومال الصمت راضي , بأعدل اجحافي !
على الله ياوجع لو حان قطفي .. فاتك الميعاد
............... حصدني ليل ( سلمى ) وانزرع في وحشته .. قافي
عشقت الليل يا سلمى , قبل يكرهني المرقاد
............... هزمت الصبح بظلال النخيل .. وجندل اريافي
يبست استمطرك .. غيمة وصال ولاانتفض رعّاد
............... جفاف اتكلّل بغيم الصمود وقلت له : كافي
خذا سلمى .. حنين الشايب اللي مارُزِق باولاد
............... يشوف اطفال وتحنّ الضلوع بدمعه الوافي
هنا .. كان الامل سلمى , وسـلْ / ماها عطش فـ غماد
............... جَبَان الماء , اذا هبّ الظما .. شجّعه ميقافي !
هنا .. كانت تجي سلمى على غير الجفاء المعتاد
............... تقصّ اطوَل محاصيل الجمود .. بـ سلّة اكتافي !
هنا كنت استقر / ثياب / والبسني بها .. اعياد
............... هنا .. طال الخريف , وعافوا السيّاح مصيافي !
وقف في ساحة الذكرى / بطل / بس غدروه اوغاد
............... وله سلمى , وجرحٍ ثار برد .. ونمّل اطرافي !
كذا .. سوّاحة الشمس تغَدرْ في رحلة المعواد
............... تزيح الشمس من كرسي النهار .. وتجلس خلافي !
ماعاد الوجد ياسلمى ياسعني .. لوبغيت ازداد
............... كسر وجهي زوال غيابك .. وغنّيت لـ اسلافي
تحرّيت لـ فمان النّور .. واسفار الحنين بعاد
............... يتوه الدرب من عين الدليل / ويطلع سنافي
ازرفل باب جرح العام ماعدت اذكره بالكاد
............... واثر عيني في ثقب الباب تنظر .. وقت محرافي
تِنازِع سكرة الغرقى .. غرامٍ مله استشهاد
............... صباحٍ مرّه الباكر يقاوم عشق مجدافي !
يعيد الصبح عصفور الشجر ويرتب الصيّاد
............... يدبّ الحزن في روح القفص ويفضفض الخافي
قِدَر يرحل مع اشباه النهار اللي حقيقه : عاد
............... يبلّل غيمته .. تلويحة مغادر وطن / نافي !
واذا كان الرجاء حكمٍ مَلكَني لحظة استعباد
............... بموت بعزتي وحدي / حياه تحرّر اضعافي !
سديم الآرض !!
وين رايح ؟ .. / .. وين رايح .. ياسديم الارض ؟
وين رايح للشقا ؟ ..
لاتنكفي بالعرْض ..!
.. / .. لين دمعك يستطيل في تفاريق اللقا !
والارض ياصبرك عليها .. / .. ماتبيك ولاتبيها
اخترق ضلعك وموت .. وعاهده .. لاتموت فيها .. !
شقّقت فوقك غمام .. احتاج شربة موجعه .. !
وامطر وطاحت من يده ..
دمعه على كلّ الشقوق ..! وعيّت تبعده ..
كلّ هـ الدنيا عقوق .. والله انْ هـ الدنيا تعوق
واحوالها منّا وفينا .. !
بسّ حنّا .. ماعلينا .. / .. لو يجوع الكون .. نبقى ....
وين نبقى ؟
في البيوت مشرّدين ..
وكلّ شارع ينتصف ..؟
ياخذك بـ اثر الشوف .. عين .. !
... ولو ظميت من المواجع .. / ..
ماظما قلبك ظروف
جوع شبْع / وجوع جايع .. / ..
والمجاعه .. ماتروف !
ياااااا : آهـتـه .. خُفّي عليه ....
بيموت هو .. لاتحتريه !
بياخذ بثاره
شوّي .. شوّي .. شوّي
لين انّه يموت .. !
ويطيح من عينه وجع
لو كان في صبره ... صبور .. !
.. والنور : يبقى لو بدالك في آخره [ حفنة ظلام ] !
مادام جوّك .. ماصفالك ../ ..
قوم اندفن تحت الزحام ..!
واصرخ ... وحاول .. لاتصيح !
في صوتك الجاهر .. فحيح ..
لاتْروح .. من قبل الوداع
جول بشوارع خاطرك
واقرا على الدنيا السلام .... !
ثلاثينية جرح !!
حُلْم
مُتْرَهّلْ .. ينام
في دفا
حضن الحُطام
والسنه برْد .. والدنيا عتيم
والقفص ..
يكسر من ضلوعي حمام !!
ياالنهارالبهيم
هو علامه يبكي الطفل اليتيم ؟
من سنابل ؟
من حصير ؟!
أو
من جحافل همّ ..
ماتجبر كسير !
أو
من غياب
او
عذاب
او
من زهر ظامي وشاب !!
طال الزمن ماهو بخير
لا أبد
ماهو بخير
حتى العمر
جفّف يدين
يا .. السنين
اسمعك .
في مرايا مدمعك ..
ابسألك : كم سؤال يضيق في صدر الجواب ؟
حتى ولو تبكين .. عام
يضحك معك فصل الخريف !
وتسقط معك نبته
ويغيض من العمر صيف !
ماعلى الدنيا سلام
ولاعلينا ..
دارت الدنيا .. رحى
الصباح
الضحى
المساء اللي ماصحى
وان غشا القمح
حقلٍ من ضباب ..
ينفجر فيني كتاب !
من حقيقه .
وللحقيقه نبض زيف
تُظْْهر ادران النظيف
وتختفي كلمه !!
!!
.
.
وتشعلني شموع السنين
30 شمعه .
ضاق البحر
رغم النوارس .. رحابه
تعيش مختلْفه .. ومتشابهه موت
الريح صلفه .. واعمق البحر به حوت
وتطير في كل اتجاه
تملأ الدنيا ضجيج ..
تصبح على شرفة مساه
موج في حرفه مزيج
من مرح .. حدّ الكآبه
من سرعة اوقات الرتابه !
تطير
تطير
وتطير في كل الامكنه
عبر الازمنه
وترفض تعيش بـ غرابه
وفي الآخر تموت
!!
!
عَقْد طاحت نبتته واحتـرق عـود الثقـاب
وانكسر جاله على مركبٍ صمتـه شِجَـب
من غواش البعد حتى عطش وصْل الشراب
الرضى نبذة دمـوعٍ ورى شيمـة غصـب
زحمة وجيه المخايـل ورى ديجـور بـاب
كلّ برقٍ لاح وجهه كشـف حـال السُحـب
غير وجنات المطر , ضيقة ردون الضباب
في بقايا مجلسٍ جمْر , وضيوفـه حَطَـب
المكاتيب / الشوارع / مراديـف السحـاب
البنايات / المواني / ظفايـر مـن شَغَـب
زمجرة سبْت المدينه / واسابيـع العتـاب
وانتفاضة ريح صفراء / وزفـرات العِنَـب
لوتفحّ النار شمعه ! ولـو ينبـت شهـاب
عندما سال اللهب " شمعدان " اشعل نخَـب
شاخت اصوات البلابل وليل الحـبّ شـاب
ورْد متبلّل ظما , عنـد جـدْوَلْ ماشـرب
احتمالي عذبة الصـوت بغيـاب الجـواب
واحتباسة موجـة اشـواق قلـبٍ مغتـرِب
وانتهائي من بدا الليل واغتـال الصـواب
مابَطَل فيني عَجَبْ , لو عرفتك يا السبب !!
الـ عذب... فيصل بن عسكر المهلكي
للعآبرين من هنآ
آكاليل ورد
>>>>> ردود الأعضـــــــــــــــــــاء على الموضوع <<<<<
==================================
عانقت الاحرف الذهبية جدران قلوبنا
وارتوينا بعد ظمأ بأرق القطرات التى اغرقتنا بها الانامل المبدعة
دام لنا ابداعك ... ابداع الكلمة والقلم
__________________________________________________ __________
سسلمتِ أبيااات جمييله
ودي لرووحك (:
__________________________________________________ __________
ابيات جميله جدا ابدعتي في الطرح سلمت يداك ولاعدمنا جمال ابداعك تحياتي لك
__________________________________________________ __________
سلمتِ يَ آنيقــه مٌقتطَفآآت جداً جَميلــه ومُتصفح رآقـي كَ صَآآحبتـه / لآهنتِ
__________________________________________________ __________
منقول ذوٌق,
سسلمتِ لنَآ يً [ أنيقَه ]..
لآ عدمنَآ إ!
المشاركة الأصلية كتبت بواسطة عذابى بقربك 
عانقت الاحرف الذهبية جدران قلوبنا
وارتوينا بعد ظمأ بأرق القطرات التى اغرقتنا بها الانامل المبدعة
دام لنا ابداعك ... ابداع الكلمة والقلم
الإبدع يكمن بمرورك
ربي يععععآإفيككْ
منووور
مآإ آنحرممْ
لآهنت
.gif)
رد مع اقتباس
