عنوان الموضوع : ماضرب كتفه بكتفي لا لأنه نوره مطفي ،،
مقدم من طرف منتديات الشامل
التقينا مرّة صُدفة !
كنّا نمشي وسط زحمة . . .
و انضرب كتفي بكتفه !
أحلى صدفة . . . !
" آنا آسف... اعذريني ! "
و طالعتْ عينه بعيني . . .
و ابتسم... يظِهر لي لطفه . . .
كان أطالع . . . كان أشوفه . . . و اكتشف إنّي أعرفه !
" هذا أنته !! "
مستحيل . . .
إيه و الله صدفة !!
و ارتعش قلبي على شوفة حبيبه . . .
آه يا دنيا عجيبة !
بعد طول غياب . . . ها لصدفة تجيبه !
و انحرج منّي . . . و حط يدّه في جيبه . . .
و لفّ وجهه عنّي و بسرعة رهيبة !!
ما عرفني ؟؟ كيف أنكر ؟؟؟
شكلي أصلا ما تغيّر . . .
من تركني . . . و آنا نفسي . . .
بس يمكن صرت أكبر . . .
يمكن أوجاع الزمن رسمتْ على وجهي خريطة . . .
بقعة سودة ... و بقعة خضرا . . . و خط أحمر . . .
بس قلبي... ما تغيّر ...
لحظة اللي شافك اهتزّ و تحيّر !!
نفس وجهك . . . نفس عينك . . . نفس ذاك الشعر الأشقر !
و فيه خصلة شيب بيضا . . . خلّتك جذاّاااااب أكثر !!!
و ابتعد خطوة . . . . يبي يواصل طريقه
لا ! حبيبي... وين رايح ؟؟
أتوسّل لك ... دقيقة . . .
خل قلبي يسترد لحظة شهيقه . . .
مو مصدّق... يلتقي الساعة رفيقه . . .
يلتقي الساعة حبيبه . . .
يلتقي الساعة عشيقه . . .
بعد لسنين العريقة . . . .
بس ثواني . . .
و إلا عابر (( شخص ثاني ))
دار له خلّي و نساني !
طلّع إيدينه و حضنها !!
و همس بكلمة في إذنها . . .
من هي هذي؟؟؟ و آنا ويني ... ما أدري عنها ؟؟
اعتقدها اللي خطبها . . .
يا حسنها و يا أدبها ...
أحلى و أصغر و الله منّي !
يا ترى... وش قد حَبْها ؟؟
شدْ على يدْها و سحبها ...
ضحكت و شدّت لحدها ....
كِنها تدري بي أحبّه !
و أنقهرررررررر لا جات جنبه
قالتْ الجملة و هم يمشون عنّي :
" يا يبه لا تضيع منّي ! "
و ساروا .. و هْي َ تمسكه تدلّيه طريقه . .
و انصفع بأقسى حقيقة ..
ما ضرب كتفه بكتفي . . .
الا لأنه ..
نوره مطفي !
>>>>> ردود الأعضـــــــــــــــــــاء على الموضوع <<<<<
==================================
يسلموووو عالابيات الأكثر من رائع
مع خالص احترامي لك
>||<بحــــــــــ القواااااااااااافي ـــــــــــر>||<
__________________________________________________ __________
كلمات في غايه الروعه
دومتي بتميزك
__________________________________________________ __________
روعـــــــــه
عوافــــــــي
__________________________________________________ __________
قصيدة في منتهى الروووعه والاحساس
سلــمت الانامل التى نقلت لنا
هذا الطرح
لك ودي وتقديري
عذبوك بقلبي
__________________________________________________ __________
رد مع اقتباس
