عنوان الموضوع : تراضي شموخي
مقدم من طرف منتديات الشامل

قلت لك يـا حبيبـي طـول غيباتـك ..
تلعب بحسبة سنيني يا هوا سنينـي .. !!

وشفيـك تبعـد وتـزرع فينـي آهاتـك ..
وتحصد قصايد حزن مستوطن ٍ فينـي ..!!

طالت دروبي وأنا أركض فـي متاهاتـك ..
حتى وصلتك وأسأل خطوتـي وينـي ..؟؟

زعـلان جيتـك وقلبـي ذاق حسراتـك ..
جيتـك أبيـك إتعـذر لـي و تغرينـي ..

ماجيت أدور عذر عـادي مـن شفاتـك ..
جيتك تراضي شموخي .. مو تراضيني ..!!

وقلي وش أسبـاب غيباتـك وصداتـك ..
وأقول لك شنهو اللي ( جابني ) فينـي ..

ما جابني غير ( إنت ) وطيب نسماتـك ..
والشوق .. و اللهفه .. وضحكة عدوّيني ..

تعـال إسمـع بوسـط القلـب دقاتـك ..
وأحـلام دنيـاك .. لكـن لا تصحينـي ..

ودي أرد ما مضى لـي منـك و فاتـك ..
وأطير بك لين أضمـى .. ثـم تروينـي ..

طموحي إنـي أحقـق كـل طموحاتـك ..
حـرام تقتـل طموحـاتـي وتنهيـنـي ..

تدري حبيبي .. دموعـك وإبتساماتـك ..
ما شفت أنا مثلهم مـن شافتـك عينـي ..

يا خي إعتبرني طفل ما يسمع وصاتـك ..
وش كان ذنبي لجـل بالهـم ترمينـي ..!!

حـرام تبخـل علـى عينـي بشوفاتـك ..
لا تحسب إنها سهالـه يـوم تجفينـي ..

أنا طلبتـك حبيبـي أرجـوك و حْياتـك ..
من بعد حرب الجفا والشوق .. تلفينـي ..

وخلني أعالـج جروحـك وإنكساراتـك ..
بدموع عينـي وأضمدهـا ب شرايينـي ..

وخلني بجنبـك أخفـف مـن معاناتـك ..
وإنسـى معانـاة قلبـك فـي ميادينـي ..

( وروحـي وقولـي لعماتـك وخالاتـك ..
قولي : بيرجع وأحط إيديـه بيدينـي ) ..

وبلغهـم إنـه خيالـي فـي مـداراتـك ..
ماني بناسيـك وإنتـه منـت ناسينـي ..

وبلغهم إنـك إذا إسمـي فـي خيالاتـك ..
ماعاد به شـي فـوق الارض يغرينـي ..

وبلغهـم إنـك إذا جيـت بمسـاءاتـك ..
نورك يضـوّي دروبـي ليـن يهدينـي ..

وبلغهم إنك إلا من قلـت لـي .. هاتـك ..
أجيـك ممنـون وأشواقـي توديـنـي ..

وبلغـهـم إنــك إذا زادت حركـاتـك ..
وجا علـى بالـك تعنّينـي .. تعنّينـي ..

بس قبل هـذا بـلاش تطـول غيباتـك ..
وبلاش تلعب بحسبة جـد أبـو سنينـي ..

عشـان مـا يبلغونـك إنـي بسواتـك ..
صرت الضحيه ما بين عنـادك وبينـي ..

للشاعر مشاري الشليمي


>>>>> ردود الأعضـــــــــــــــــــاء على الموضوع <<<<<
==================================

شوق

مبدعه

ومتميزه بصدق

لا هنتي ولك تحياتي

__________________________________________________ __________
المشاركة الأصلية كتبت بواسطة غرم البهيشي
شوق

مبدعه

ومتميزه بصدق

لا هنتي ولك تحياتي

اشكر لمرورك
والتميز حضورك


__________________________________________________ __________


__________________________________________________ __________


__________________________________________________ __________