عنوان الموضوع : يكلمني عن جروحه وأنا من سبته مجروح
مقدم من طرف منتديات الشامل

يكلمني عن جروحه .. وأنا من سبِّته مجروح !
يسولف لي عن أحبابه وأسولف عنَّه لـ حاله ..

أحس في دمعة عيونه , وتطلع من بكاه الروح
وإذا يفرح مع غيري . . . بكى قلبي و هنَّاله ..


رسمته في قلم ناشف على قطعة خشب من لوح
و تهيألي يحاكيني !! ويبيني أرسم إظلالـه


تحرَّك طيفه الدايم . ولَعَب في حسبتي بجْموح .
يحب الخيل .. و أشعاري .. عشانه صاروا خيَّالـه




وصار بـ عيني الأجمل مع إنَّ شوي .. مملوح
ولا غيره مــلا عيني و قلبي بس يصفالــه



ذبحني قلبي الساكت ! .. متى قلبي عليه يبوح ؟؟
أحبه وماعرف إني أحبـه , و أعشق وصاله ..



كتمت وهذا من طبعي وتمنيت الغلا مفضوح
ببيِّن له و لا أقدر !! مع إنِّي جالس قباله ..




أخاف إنّه بعد مُدَّه يطير ... ومن إيديني يروح !
هو نعمه من فضل ربي ويقولوا : النعمـه زوَّالـه ..




لي قلبٍ من كثر حُبه على فراش التعب مطروح
لا هو ميت و لا عايش !! ووالله إن مـااات أشواله


و حبي من طرف واحد , غلا صادق بدون مزوح
وإذا هو طاح قداامـي نزلَّـه قلبي و شــاله .!!


شكالي وكنت له أسمع و قلبي دوم له مفتوح
يطمِّني عن أخباره و شنهي آخر أعمالـه



وإذا شفته خطا بـ حقي بدون أعذار هو مسموح
في نياته ولا يدري وطيبة قلبه همَّالـه ..


في جياته يروح الهم ويبدِّل دمعتي بـ فروح
تمنيت البشر مثله و كل من حولي أمثاله . !!


من الله حُبه في قلبي حشى مالي ترى مصلوح ,
عسى يكبــر و يذكرني ويسمِّي بـ إسمي إعيالـه



"منقول "


>>>>> ردود الأعضـــــــــــــــــــاء على الموضوع <<<<<
==================================

يشرفني ان اكون اول الناثرين على موضوعـــــــــك

سلمت يمناكي من النار قولي " ’’ آآآآآآمـــين ’’ "

مشكووووووووره يالغلا فديتك ......
روعه نقاء..
ورقة اسلوب...
تميز الى ابعد الحدووووود....

" يكلمني عن جروحه وأنا من سبته مجروح ""
يقول المثل اسأل مجرب ولا تسأل طبيب...
والله صدق .......
والله صدق.......

لكي ودي واحترامي . في هايلكس76 جايه في الخط .0
تحياتي..
اخوك / مرحوم في دنيا غريبه..


__________________________________________________ __________
تحرَّك طيفه الدايم . ولَعَب في حسبتي بجْموح .
يحب الخيل .. و أشعاري .. عشانه صاروا خيَّالـه



و

من الله حُبه في قلبي حشى مالي ترى مصلوح ,
عسى يكبــر و يذكرني ويسمِّي بـ إسمي إعيالـه


أحساس ما أدري شلون أوصفه , بس وربي حييييل أعجبتني
كـــــــــــــــــــلـــــــــــــــــــكــــــــ ذوق
تقبلي مروري....وعبير ودي لكِ


__________________________________________________ __________
هلا وغلا فيك
كلمات رائعه جداا
يعطيك العافيه على الطرح الراقي
ويسلموو على هالذوق
الله لايحرمنا منك
تحياتي لك ..


__________________________________________________ __________
شاكره لكل من مر علي صفحاتي وأثني عليها

أتمني أن يحوز قلمي البسيط دائما علي رضاكم وتفاعلكم الراقي



دمتم بود

شاااااااااااااااعريه

__________________________________________________ __________
•••
رائع انتقائك

سلم احساسك
مودتي


•••