عنوان الموضوع : خيمة الشعراء وبيت القصيد
مقدم من طرف منتديات الشامل

مساكم الله بالخير أحبابنا....


لكل شخص منّا شاعر أو أكثر يعجب بقصيدهـ , ويحب أن يقرأ له , ويتابع باهتمام نبضــه وبوح مشاعرهـ
قد تكون ممن يسمع القصائد الصوتيّة , وقد تكون ممن تقرؤها مكتوبة



أيا ماكان الأمر.....سنعقد في هذه الخيمة مجلسنا العامر , ونحضر من القصيد ما يسرّ القلب والخاطــر
سواء كان مسموعا أو مقروءا ,



أحضروا شعاركم المفضلين إلى هذه الساحة , ولنستمتع برفقة القصيد كل ساعة .
لنتشارك أجمل الكلام وأبلغه , وننظر في بحور الشعر ما أعذبه...



سنستقبلكم بالحب والكرم..

رآح أإــبتدي أنـــ..ـا..
قصيدة للشاعر ذو الحس المرهف أحمد الصـآإنعٍ
قصيدة قنبلة أحسـآإس .
..
قول عادي .. بالي الليله طويل ..
شُوف لِك عذرٍ قديمٍ / وأقبِلَهـ !!

لا تحاتي ...
قلبي مِتعَوِّد يشيل :
( الجُروح ) اللي تجي له مُقبِلَهـ




" طيبتي " صارت مثل ( كف البخيل )
أيِّ شَي طايح .. تِشُوفـه ؟ تحمِلَه

و " عزِّتي " تقدر تِسَمِّيها : النخيل
لأني شامِخ .. والعواصف قاتِلَه
وعادي جداً .. إنِّي الليله ( عليل ) ..
الحزن : يحْسِبني واحد مِنْ هَلَهـ !!

ومو غريبه .. لو تِمَنِّيت الرحيل
البقاء أحيان , يعني .. البهذلَهـ !!

في غيابك .. ما لَهَا الضيقه مثيل ..!
وربِّي اللِّي .. ما يشاءه , يفعلَه


مِنْ يلاقي لـ دنيتي هذي بديل ..؟
خل يجيني أي شخص .. أبَدِّلَهـ


وعيب راسي لا بغى شي " مستحيل "
يوصله مو طيب .. غصبٍ يوصلَه

ليه راجع ؟!
ليه ذاكر ..؟
يـ الأصيل ..؟؟
إنت ضايق .. ؟!
في خطأ بالمسألَه !!


وليه تبكي مِنْ كلامي يـ الدخيل ..؟
المشاعر .. ما لَهَا بقلبك صِلَهـ ؟!



و( البلا ) .. إن حَبْ رجالٍ " ثقيل "
ينسى مِن حُوله ويسْمَع ( مُذهلَه ) !!



مِن عرفتك .. ما بقى بـ اليَد .. حيل
ولو بكيفي ..؟ [ قلبي ] محدٍ يدخلَه

ومِن عرفتِك .. حظِّي العاثر يميل ..
أعترف لِكْ إنِّي ( عاجز ) أعدِلَه !!

فاقد الإحساس / ما يعطي القليل
وإن عطيته إحساس قلبك ؟ يقتِلَه !!


إيه بـ أرحل والطريق أدري .. طويل ..
مشكلهـ " قربك " .. وبُعدِك مشكلَه ..



وإن خذاني المُوت إترك قال وقيل ..
قول هـ الجُمله .. وخطاك محلِّلَه :

[ ربِّي إلهَم أهلهـ الصَبر الجَميل
وإرحمـه يا رب وإحسِن مدخلَه ]

أإنـــتظر مشـآركـآتكم لاهنتوآ..


>>>>> ردود الأعضـــــــــــــــــــاء على الموضوع <<<<<
==================================

صبـــاح الــورد للجمــيع

موضوع رائعـــه أخوي
الله يعطيك العافيه
ّ
ّ
قصيدة للشاعـــــر
( حمد السعــيد )

.. بعنــوان مجنــون زعــلاتــك ..
ّ
ّ

تزعل واراضيك واتلذذ بتزعيلك

تبي الصراحه انا مجنون زعلاتك


لاقمت تبعد وانا اقرب وادنيلك

وامسك طرف غترتي وامش دمعاتك


وتبدي تعاتب وانا كل انتبااهي لك

ما اسمعك شتقول انا عيني على شفاتك


وتعيد حجيك وتفرك حيل منديلك

وتخالطت صادق حروفك بوناتك


واحاول ارضيك ومدري منين ابديلك

واحتار واذكرك في بعض زلاتك


واسمعك ماكتبته بك واغنيلك

طاروقك اللي تحبه واكسر سكاتك


واستسمحك واعذرك واسمعك واشكيلك

واتلهف لبسمتك ورد ضحكاتك


يسرقني الوقت ولا يمديني احجيلك

كلام اللي تحفظته لشوفاتك


وقت الوعد فات وعيوني تراعيلك

وقفيت واشغلت القلب بلتفاتك


عيني على خطوتك والقلب يدعيلك

الله يحفظك من الحاسد وشماتك


تزعل واراضيك واتلذذ بتزعيلك

تبي الصراحه انا اعشق كل حالاتك

ّ
ّ

__________________________________________________ __________
السلام عليكم ورحمة الله وبركاته



تشكر ياصاحب الموضوع عليه فهو بمثابة حفظ القصايد التي تستوقفنا



وبالنسبه لي فأنا رجعي واحب كل ماهو قديم بمعنى الكلمه



وهنا اقولها بالفم المليان ان الشاعر الذي يستوقفني قصيده هو:


الشيخ الفارس الشاعر / راكان بن حثلين " رحمه الله "


والذي رغم انه من عهد قديم الا ان شعره لازال يفرض نفسه الى وقتنا الحاضر



وهذي احد قصائده:




ياخليف انا قلبـي همومـة تعوقـة .. عـزي لقلـب ٍ مولـع جــاه مـاجـاه
قلـبـي كـمـا طـيـر ٍ تتـلـه سبـوقـة .. يبي العشاء ومجـوَد الطيـر خـلاه
وجدي علـى ربـع دبشهـا تسوقـة .. وجدي عليهم والحق الويل ويلاه
لاقالـوا الصمـان نـاضـت بـروقـة .. مـن هجـر ناتـي بالمدلـل وترعـاه
بجمـع ضريـر ماضـيـات طـروقـة .. دايـم طـروقـة مــن قـديـم مـخـلاه
نهـاج جـزلات الجماهـي غبـوقـة .. كـم شيـخ قــوم بالمـلاقـاة نـاطـاه
هـواشـم شـبـل الضـرايـا تعـوقـة .. لازم كبـيـر الـقـوم تـكـثـر نـعـايـاه
وقصيرنا الناموس يمشي بسوقة .. على الكرامـة ليـن تقفـي رعايـاه
نشيل حمله من عـلاوي وسوقـة .. ومن بيننا يقلط على موخر الشاه



وسلامتكم


__________________________________________________ __________
يعطيك العافيه عالموضوع الرائع

واللي مايعرف اسم الشاعر وش يسوي

هذه قصيدة بعنوان بس أحلم للشاعر الأمير : بدر بن عبدالمحسن
// صحيح اني انسىالحوادث والملامح و الاسامي..
لما أكتب عن غرامي .. شعر ابعد ما يكون عن مجرد
جرح دامي ..
يمكن أقرب للجنـــــــــون...
من تفاصيل الحكاية..الاساوروالمرايه..
عندي همــــــوم القصيده غامضه صعبه عنيده..
وانت عاشق للوضــــوح ..
ودك بسري ابوح..و انا اخر همي بــوحي
اعبر الشارع ... في الرصيف الثانيقهوه
فيها اربع طاولات ..وحده اجلس فيها وحدي ..وحده للي بيجي بعدي .. وحدهلأغلى حرف عندي..أما اخر وحده دايم للي فات..
من هموم وذكريات ..زحمة لكن كل منفي القهوه ربعي
كلهم دمي و دمعي ليه ما تجلس مكاني
وهذا شوفي وهذا سمعياطلب اقلام ودفاتر ..وحاول اكتب عن شعور ..لاهو ظلما و لا هو نور ..
قلب مابينالسطور .. وانا اكتب اغنيه مثل الرسايل كنت اكذب .. و الخيال العذب كذب ..
كنتلازم اخفي سري و ما اقول
ان هالمره قصيدي هو خيالات الحقــول تطرد اسراب الطيورعن حقيقه عن شعور ....
ما هو في ذهب السنابل .. انما تحت الجذور ..
كســـــروا العشـــاق بابي ...
قطعوا لحمي ثيابي.. وخلعوا الادراج ..
طاحت مزهرياتي الجميله شققوا جفني كتابي وسألوا
وين الجديله
ودمعةالعين الكحيله مالقوا في بيتي الا .. وما لقوا في صدري الا .. وما لقوا في قلبي الا ..
امنياتي المستحيله ..
و اني احـــلم بـــس احلــــم // ..

__________________________________________________ __________


__________________________________________________ __________