عنوان الموضوع : ما يحس القلب من كثر الالم
مقدم من طرف منتديات الشامل
ودِّي أموت .. اليوم ... وأعيش باكر
وأشوف مِنهو .. بعد موتي فقدني ..!
ومِنهو حَمَلني لِين .. ذِيك .. " المقابر "
وأشكر أنا .. كِل من كَرَمني ودِفنِّي
شِخصٍ تعنَّى لي .. مع إنَّه .. - مسافر
وشخصٍ قِريبٍ .. وآنا مَيِّت طعنِّي !!
وشخصٍ يمثِّل دمعِتَه .. ما هو قادر !
وشخصٍ تِطيح دموعه كِل ما ذكرني
ومِنهو مِن أهلي فـ العَزا كان حاضر ؟
ومِنهو دعى لي في " صلاته " ورحمني
ومِنهو بنى [ بإسمي ] سبيل ومنابر
ومِنهو . . . يفز قلبه .. إلا مِن لمحني
ومِنهو عشاني : طول الأيام ساهر ..!
ومِنهو ثلاث أيام .. راح وتركني ..؟
ومِنهو يرتِّب .. - غرفتي .. / والدفاتر
وإن شاف ( صوره ) لي مات وحضنِّي
عايش وميِّت بين .. ماضي و حاضر
والصبر [ مفتاح الفرج ] ضاع منِّي
قل وش تبي وتتركني يا حزني آمر
مسكين فرحي / تصدِّق إنَّ وحشني !!
ما تغيَّر شي . . . لكن ! صار " فاضي " هـ المكان .
يعني إنتَ شفت قلبي ؟ طحت مِنْ عيني و / عينه
[ كان ] لك قلبي - مدينه ولاحظ إني قلت : كان !
يعني إنتَ الحين واحد :: خارج حدود [ المدينه ] ::
ليه مستغرب كلامي ؟؟ وليه أعطيك الأمان ؟؟
وليه تَكْذِب في كلامك ! العذر وينك و وينه ؟
ما ألومك .. كان " قلبك " ثارت أمواجه و / خان
الخطا منَّي , لأني . . . : صرت في بحرك ( سفينه )
والسؤال اللَّي كتمته ..؟ وما نِطَق فيه اللسان
{ كيف إيدك إطعنتني وآنا أحْسِبْهَا أمينه ..؟ }
ماني أوَّل من يحب ..... . ومنتَ آخر شخص . ..... خان !
المحبه في زمانك ؟ بحرها ^ من غير مينه ^
جاي تسأل عن مكانك !! هو { بقى فيني مكان ؟ }
الله يرحمها المشاعر . . . اللي كانت لك رهينه .
قلت لك قلبي [ مدينه ] فيها لك :: حشمه وشان ::
لكن إنتَ الحين – أغرب .. شخص ! في هذي المدينه
قول عادي .. بالي الليله طويل ..
شُوف لِك عذرٍ قديمٍ / وأقبِلَهـ !!
لا تحاتي ...
قلبي مِتعَوِّد يشيل :
( الجُروح ) اللي تجي له مُقبِلَهـ
" طيبتي " صارت مثل ( كف البخيل )
أيِّ شَي طايح .. تِشُوفـه ؟ تحمِلَهـ
و " عزِّتي " تقدر تِسَمِّيها : النخيل
لأني شامِخ .. والعواصف قاتِلَهـ
وعادي جداً .. إنِّي الليله ( عليل ) ..
الحزن : يحْسِبني واحد مِنْ هَلَهـ !!
ومو غريبه .. لو تِمَنِّيت الرحيل
البقاء أحيان , يعني .. البهذلَهـ !!
في غيابك .. ما لَهَا الضيقه مثيل ..!
وربِّي اللِّي .. ما يشاءه , يفعلَهـ
مِنْ يلاقي لـ دنيتي هذي بديل ..؟
خل يجيني أي شخص .. أبَدِّلَهــ
قصتي قِصَه مُفيـده وقِلتْ : أكتبْهَا بسطور
ويا عسى مِن كانْ يقرى مِنَّهَا .. ياخِذ عِبَر
مغفره وذنوب , والساعه بلا تُوبَـه تدور
السنه صَارتْ سَريعه حِيلْ , وأحْسِبْهَا شهر
عِذتْ أنا مِنْ شَرْ خَناسٍ يوسْوسْ بالصدور
وما بكيت إلا لوجــه اللــه في ليلة قدر
زين طيِّب .. دام تِدري إنَّ لِكْ رَبٌ غفور
ليه ما صَلِّيتْ لَجله وما رفعت إيدك شكر!؟
وقبل تِسأل عَنْ حياتي وكِيف وجهي شَع نور
خلْ كلامي لِكْ وصيَّه وخلْ بعد عِندكْ خبر
ما نالْ في الدنيا أحَدْ يا سَائلي غير (الصبور)
والدليل إنِّي صِبرتْ .. وكانت أيامــي تمر
لا تقول: الحَلْ إنِّكْ تِلقَى لِكْ,عاشِقْ غَيور
إنْ حَبِّتِكْ عِينه ترى .. ما حَبِّتِكْ عِين الدهر !!
إللي شفته في وصالك مو شويّه ..~
كيف أصبر وآنا في وصلك أعاني ..}
جيت لك شآيل خفوقي بين إيديّه ..~
مآبغيت إلا من أيآمك ..~ ثوآني ..}
مآهقيت الدنيآ في قربك رديّه ..~
وقلبك إللي لو طلبته مآعطآني ..}
البُقى مآباقي في ..~ قلبي بقيّه ..!
مدري منّك طعنتي أو من زمآني ..}
لاتْرجآني وأعدّي لك ..~ خطيّه ..
وكل مآ أزعل ، تسمّعني أغآني ..}
(( أعطِني حُريّتي ..~ أطلِق يَدَيّه ..!
أنّني أعطَيْتُ )) لكنّك ..~ أنآني ..}
بس تبي تآخذ ولآ ترد " آلعطيّه " ..~ !
وغيرك أعطا / بس منّك مآخذآني ..}
مآ أبي منّك ..! عطورآت وهديّه ..~
كنت أبي قلبك يبآدلني ..~ حنآني ..}
مايحس [ القلب ] من كثر | الألَم
راحت الراحه . . . وعلى اللـه العَوَض .
إنت [ المدينه ] في عيون الغريّب . .
ولما أشوفك فرحتي مالها حدود !
من يعلّم { طيبتي } :: درب الندَم ::
دام صارت " نيتي البيضه " ~ مرَض !
إيييه [ ضايق ] من غيابك ومات فيني الإحتمال ..
بس تأكَّد هذا حظي .. وهذا في دنياي فالي ..!
مايحس [ القلب ] من كثر | الألَم
راحت الراحه . . . وعلى اللـه العَوَض
وحيده وكلهم حولي
>>>>> ردود الأعضـــــــــــــــــــاء على الموضوع <<<<<
==================================
بارك الله فيك
__________________________________________________ __________
وحيده وكلهم حولي
اختياااااااار مميز
تسلم يمينك
رووووووووووووووعه
كلماااااات في غااااااية الجماااااال
الله يعطيك العاااافية
ولا تحرميني من جديدك المميز
وتقبلي مروري المتواااااضعجااااري التقيم
__________________________________________________ __________
كلمات في قمة الروعه والجمال
انتقاء مميز لاامس احساسي كثير
تسلم الايادي على الطرح المميز
لا تحرميني جديدك يامبدعة
تقبلي تحياتي وشكري
جـــــــــــيفارا
__________________________________________________ __________
يسلم ربي هالانامل وهالطرح الراقي ..
لاعدمتك ..تقبلي مروري ..
تحياااتي لك
__________________________________________________ __________
كلمات بمنتهى الذوق
يعافيكـ ربي ع هيكـ طرح راقي برقي حضوركـ
الذي عطر ارجاء تعب قلبي
ننتظر جديدكـ
كانت هنا ومضت
كلوسهـ **
><
كلمات رااائعه
راقت لي كثيراا
سلم لنا إحساسك
الراائع
ربي يعافيك
" ودي "
><
رد مع اقتباس
