-
قصيده الشاعر عبدالله بن مرعي الظفيري
عنوان الموضوع : قصيده الشاعر عبدالله بن مرعي الظفيري
مقدم من طرف منتديات الشامل
السلام عليكم
هذي قصيده الشاعر عبدالله بن مرعي الظفيري التي القاها على لجنه شاعر المليون
الي بقى لي مع الأيام ..وفٌيته
والضيق لو ينهمر تشربه ودياني
ماهي كبيره علي والحزن غنيته
ولاهي غريبه اذا وقتي تحداني
كم جرح خذته من الاحباب..ضميته
وجروح قلبي زكاه لحب خلاني
مطعون؟عادي ,جفا الاقارب؟داويته
تعبان؟ حدي ,ردي هالحظ؟ خاواني
صدمه؟بسيطه ,هوان الحال؟مريته
مقرود؟ أدري , واذا حرمان؟عداني
مافاح هم لك والله ما تقهويته
و مامر حزن بغيري ما تبلاني
ياما وياما من الخذلان ..عديته
إلا بصاحب ..بعد العشره تناساني
ازريت لأنسى غيابه لين ناديته
والموت لامن تجاهلني وجافاني
وينه يجيني ..وكل عتاب كنيته
ياليت يدري بعد فرقاه وش جاني
من كنت طفل وانا أرجاه في بيته
شيبت..واثره على هالحال خلاني
حتى جناح العتب لرضاه ذليته
ماطرت بعده فرح من ذل جنحاني
ياقلب صبرك..ترى كل شي سويته
ماكان افضل من اللي كان بإمكاني
لو بي قوه على الهجران؟خليته
لوبي ذره من النكران؟يفداني
الجرح أرحم..اذا يرجع من أغليته
مجروح ؟ فدوه..ولكن صعب وحداني
>>>>> ردود الأعضـــــــــــــــــــاء على الموضوع <<<<<
==================================
صح لسانه
ويعطيك العافيه على هذا النقل الرائع
تحياتي
__________________________________________________ __________
تسلم يديك على النقل الطيب
وصح السان شاعر اشعطان
والله لايهينك
__________________________________________________ __________
تسلمون على المرور الي نور الصفحه
__________________________________________________ __________
__________________________________________________ __________
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى