عنوان الموضوع : ياليت قلبي عن غرامك عصمته
مقدم من طرف منتديات الشامل

رفعت كفي ماقدرت ارفع الصوت !!
لوكان في الخاطر كلام كتمته ..
لحظة وداع وكنها سكرة الموت !!
ضاع الطريق اللي من اول رسمته ..
ضاع الطريق وصرت في الدرب مبهوت!!
مدري وش اللي فاتني مااغتنمته ..
العمر مر وراح مع فايت الفوت !!
صحيح ضعت وضاع حلمٍ حلمته ..
إلا انت اللي قربك لروحي القوت!!
لو غبت يبقى وسمك اللي وسمته ..
يبقى كما نقش على الصخر منحوت !!
حفظته بشكله . ولونه . وسمته ..
مهما الفراق اوجاع والبعد ممقوت!!
اصبح مصير ومن غلاك احترمته ..
دمع النصر لو طاح من عين جالوت !!
عين العقل دمعٍ . تكنّه حشمته ..
ذخرت لك يافرحة العمر تابوت !!
فيه الغرام اللي بديته ختمته ..
يبقى الغصن لو مابقى فالغصن توت!!
تحرك انسام الذعاذيع صمته ..
سكت وانا من موادعك مكبوت!!
شيٍ جهلته وشيٍ أنته فهمته ..
حبل الرجاء من جور الأيام مفلوت !!
ياليت قلبي عن غرامك عصمته ..
ياما بنيت بيوت وبيوت وبيوت!!
واليوم كم بيتٍ بنيته هدمته ...!!


:19::19::19:

>>>>> ردود الأعضـــــــــــــــــــاء على الموضوع <<<<<
==================================

سلمت يداكـ كلمات قمة في الروعه

تـ ح ياتي

__________________________________________________ __________

يعطيك العافيه..!!

كوني بخير

__________________________________________________ __________
شكرآ لمروركم
لقد اسعدني
اتمنى ان تكون قد اعجبتكم

__________________________________________________ __________
الله قصيده رائعه ومعبره


تسلم يدك على النقله الحلوه

__________________________________________________ __________